Video
Read full review
2007-10-26
677 views
飲食男女唔介紹都幾難搵到o黎呢度，不過o黎過一次就冇難度，其實係從西貢入，見到北潭涌路牌個迴旅處直入剛剛好兩km 路程，望住右手面就搵到招牌，去到再call 梁先生上o黎開門接人。地方唔算好大，大概可容納四十人左右，企理乾淨，有瓦遮頭，望海景，建議4 點右左去最好，一來可以欣賞下個海景，二來時間會較為充裕，因為燒烤時間祇係到晚上11 點，老闆要等你地happy 完先可以清場，第二朝一早又要去市場入貨，不過老闆幾好人，我地第一次去唔知時間，玩到11:30 老闆都仲笑笑口叫我地慢慢燒。食物方面以人頭計，不包飲品，汽水6 蚊罐，啤酒12 蚊罐，價錢尚算合理，四．五歲小朋友免費，最少5 個人起計，5 個人以下收開爐費50 元尚算合理，一般燒烤每位$98，海鮮餐\ $168，注意：並非任燒任食，而係老闆供應一個5 人份量燒烤餐\，不過絕對唔駛擔心唔夠食，燒到咁上下，老闆會預定保鮮袋你「打包」，以小弟兩男三女計，都係食到一半多Ｄ。基本上食物種類同款式由老闆決定，客人祇可以唔要揀某種肉類，其實海鮮餐\祇係多左三樣野，一，鹽焗海鱸魚，唔駛燒，老闆焗埋俾你食，魚同鹽中間有香草同檸檬一齊焗，條魚足12 吋
地方唔算好大，大概可容納四十人左右，企理乾淨，有瓦遮頭，望海景，建議4 點右左去最好，一來可以欣賞下個海景，二來時間會較為充裕，因為燒烤時間祇係到晚上11 點，老闆要等你地happy 完先可以清場，第二朝一早又要去市場入貨，不過老闆幾好人，我地第一次去唔知時間，玩到11:30 老闆都仲笑笑口叫我地慢慢燒。
食物方面以人頭計，不包飲品，汽水6 蚊罐，啤酒12 蚊罐，價錢尚算合理，四．五歲小朋友免費，最少5 個人起計，5 個人以下收開爐費50 元尚算合理，一般燒烤每位$98，海鮮餐\ $168，注意：並非任燒任食，而係老闆供應一個5 人份量燒烤餐\，不過絕對唔駛擔心唔夠食，燒到咁上下，老闆會預定保鮮袋你「打包」，以小弟兩男三女計，都係食到一半多Ｄ。
基本上食物種類同款式由老闆決定，客人祇可以唔要揀某種肉類，其實海鮮餐\祇係多左三樣野，一，鹽焗海鱸魚，唔駛燒，老闆焗埋俾你食，魚同鹽中間有香草同檸檬一齊焗，條魚足12 吋長，非常嫩滑鮮味，仲正過EI CID 幾舊水一條既鹽焗魚；二，扇背細細隻（每位一隻），食得出係新鮮貨，仲準備埋牛油同蒜蓉牛油一齊燒，想唔好食都幾難，最後係十吋長有多既大蝦（每位一隻），蝦身吋幾厚，咁大隻蝦當然冇可能係游水貨色，不過蝦頭爆晒膏，惹味非常，食一隻都飽左三成，一般街市都賣三、四十蚊隻，一個海鮮餐\多60 蚊，真係幾抵食，唯一美中不足係冇挑蝦腸，咁大隻蝦條腸當然多沙，食得冇咁過癮。
燒烤餐\另外每位有：牛扒一塊（手掌連指咁大）金沙骨一條（半包375ml 飲品咁大，淨肉，冇骨，食到呢度大家都投晒降），可樂雞中翼一串三隻，雞全翼一隻，雞軟骨一串，雞尾腸一串，烟肉包車厘茄一串三舊，燈籠椒一串，牛丸魚蛋一串，翠肉瓜一串，螺肉一串，法式麵飽幾件（有蒜蓉牛油），老闆聲明每次菜單並非原全一樣，想玩豪Ｄ可以燒隻乳豬都係三、四舊水，包埋調味，另外俾多個爐你燒，相信會幾好玩。
成十三樣咁大堆頭既食物，最正係烟肉車厘茄串，一咬開Ｄ茄汁“必“晒出黎，味道好正，其他味道都ok，不過學老闆梁先生話：食物必需用心烹調先會好味。呢點可以從食物整齊清潔，望落去已經好企理，加上咁大地方都保持得咁乾淨，特別係個洗手間已經落足心機洗乾淨，冇異味，可見得真係花左唔少心機。
Post
