皇后餃子

Open Now

Now Closed

諗住富亨冇咩野好食，樣樣都食過哂。咁啱見到有新menu，3款炒烏冬，諗住未食過，都可以試下。本來抱住試伏心態，點知都吾算太伏，35蚊都算係咁。 味道方面，咸左啲。可能我平時食得清淡，第一啖已經咸，應該係用冇調過味嘅一般咸豉油去炒。同埋有啲油，不過都明白烏冬係要多油少先吾痴住。好彩落左好多椰菜，可以中和返少少咸，雞絲都吾算少。不過對我黎講實在咸左啲，下次未必會再食，可能會揀返xo醬。建議啲豉油可以調下味，或者落少啲，因為食完個底仲有好多汁。

今日試咗個古法肉燥雞翼拌台式麵，失望至極，豬肉好肥，而且個醬汁好少完全唔夠撈成個麵，令到成個味道好淡，要返去自己加料，而且個醬汁嘅味道係甜嘅，顏色係橙色，同幅圖既賣相完全差好遠，唔係我預期嘅味道。而且成盒麵裏面得兩隻雞翼，雞翼嘅調味唔夠，剩係得表皮個炸皮有味，雞翼入邊啲肉唔係好夠入味， 雞翼應該唔係好新鮮，咬開入面有好多黑色瘀血。個麵就中規中矩，粗麵黎，個麵煮得夠係好熱。整體而言，真係不可一不可再。

🎈#cathlife_yum 皇后餃子⛳️🚨學生價$20有套餐🚨🌸人手包餃、即叫即煎🥟🌸 🌸多款餃子選擇🌸════════════════════💨餃子餡靚，大粒，煎得脆，才算好食。這間皇后餃子在大埔、天水圍、粉嶺、灣仔、牛頭角也有分店。出品絕對推介！經過的話，買幾隻做下午茶，好抵食。現場看著店員包餃子🥟，店員衛生意識都幾高，會帶帽、手套、圍裙先包餃子꧁••••••••••••••••••••••••••••••꧂🔥極主觀個人推介🔥🎲 鮮肉椰菜餃 ʕ$15/4隻ʔ🎲XO醬蘿蔔糕ʕ$20ʔ🔸鮮肉椰菜餃($̆̈1̆̈5̆̈/̆̈4̆̈隻)̆̈💥煎得金黃香脆😋☻︎熱辣辣即叫即煎，餃子皮夠薄，容易煎得好脆，店員好細心，煎好的餃子放在盒內不會用蓋蓋住，防止焗冧餃子💥餡料豐富🤤☻︎除了豬肉椰菜，還有木耳，口感倍增💥大大粒餃子🤩☻︎性價比高，食夠$30都真係飽🔸XO醬蘿蔔糕(̆̈$̆̈2̆̈0̆̈)̆̈💥煎得焦脆😋☻︎即煎即炒粒粒蘿蔔糕，好香之餘邊好脆💥超多XO醬☻︎一份大約有10粒，撈左好夠XO，仲食到乾瑤柱，蝦乾🔸紅油抄手(̆̈$̆̈2̆̈5̆̈/̆̈8̆̈粒)̆̈💥辣油香☻︎紅油抄手最主要是辣油，想食又吾食到套辣的話，可要求小辣，變相老抽生抽會加多左💥餡料包滿☻︎蝦肉把雲吞塞得滿

今次買咗胡麻雞絲撈麵同幾種小食。撈麵可以揀辣同唔辣，迎合到唔同人嘅需要。辣味個個人都有唔同感覺，就唔係度詳細啦。原味嘅撈麵就係有恰當份量嘅胡麻醬，不過麵質食落少許乾身，青瓜絲唔會有太濃烈嘅生青瓜味，反正令人感覺好清爽，適當咁中和咗微膩嘅胡麻醬撈麵。而且口感有清脆嘅青瓜絲，涼涼地嘅雞絲，同既幼且韌嘅麵條，絕對係夏天降溫必食好西之選!小食方面椒鹽口味嘅炸魚蛋同炸燒賣略鹹，但如果係中意食偏濃味嘅朋友就啱啱好。雞翼就可以見到有啲乾同燶身，不過餃子就非常之香口，餃子買咗粟米同韭菜豬肉味，前者食落好似花姿餅，啱曬大人同小朋友，後者就好香濃韭菜味，唔會一味多肉少菜，健康又清新，配埋個秘製醬汁絕對有驚喜！

諗住有新産品買黎做宵夜試下。以往去食炒腸粉係焦脆乾身，點知呢碗野係成碗油，仲要無味，煎得完全唔脆，富亨果然係美食沙漠仲要成廿蚊得細細碗，去隔黎ok買碗腸粉好食過佢

食品越來越差，又份量少，態度麻麻，不再值得去食，價錢貴不值。下午和家人去食，叫了一份餃子🥟8件、叫了一碗餃子麵，再叫一碗狗仔粉，兩罐汔水，已沒有盤取食物，員工覺得我阻住佢個位置，碗狗仔粉又少，$25真唔低食。呢個價可加多十元叫車仔麵多餸又多面，食得夠飽，個時來吃午餐的。不會再來

見成日咁多人排隊生意咗幾樣野。見佢叫皇后餃子，又見係手工餃，所以第一次叫咗餃子食，芝士粟米餃，非常麻麻。狗仔粉份量又少。第二次叫咗酸辣粉，一般般，得個辣。第三次見佢有手撕雞撈麵好似好吸引咁所以試多一次，今次冇中伏，試了兩次味道還是不錯的。第四次，見佢推薦既手撕雞冷麵都唔錯，今期佢又出新野，台灣滷肉撈麵，份量夠，但非常普通，同手撕雞撈麵差好遠，冇咩味，同台灣滷肉撈麵差遠了，以後都唔敢試咁多次呢間野。

這幾年，富亨也開了不少食店，先有麵包店，再有唐記，今年初又開了一間皇后餃子。之前都想試下，但初開的時候人很多;之後3，4月時又裝修了一排，所以一直也未有機會試。今日路過，見人唔多，就試一試煎餃，幾款餃子中，有本牛喜歡而又較少有的芫茜餃，就買了4隻。等的時候，見到皇后餃子，不止賣餃子，還有冷盤，串燒，魚蛋，粽，炒麵等等小食賣。餃子即點即煎，要近10分鐘才有。餃子很飽滿，皮算是薄，且煙韌，邊位煎得脆口，咬開，餃子心是熱的，芫茜多得掉出來，不過整隻餃子除了芫茜，還是芫茜，肉很少，味道就是單純的芫茜味，比較淡，如果多下一點糖和豉油，味道會更豐富且可以減少芫茜的草青澀味。隨餃子附送辣汁，辣汁內有粒粒蒜蓉，很香但頗辣。

開業初期，見到咁多人排隊，心諗係咪真係咁好食。今日晚餐時間經過見到唔洗排隊就試下啦，叫左一個火鴨絲碗仔翅同生菜魚肉。點知就係惡夢的開始⋯首先，無人排隊買兩樣野都要等10分鐘，重點係，佢地有咁多個人，接到單唔係第一時間整，而係係度吹水，唔到有下一個客人買野佢地都唔郁手。之後番到屋企，一打開個碗仔翅，食左一啖，唔好叫碗仔翅，叫碗仔湯啦，d料勁少，仲要勁稀，成碗野都無乜味。另一碗生菜魚肉，簡直可以直入垃圾桶！菜得5條，魚肉就成粒魚蛋咁大粒，重點又黎啦⋯⋯⋯⋯一食落去，入面係一pat粉，個魚肉係唔熟既！今日得10度，天寒地凍，我無特登落番去換，最後我放入微波爐自己叮番熟泥食呢間野係世紀級難食，而且仲要唔熟完全可以bad list ，大家千其唔好試

今日凍凍地就去左買餃子試下，見晚晩都咁多人排隊，又係人手包嘅餃子，所以就買黎試下揀左芝士玉米煎餃，等嘅時間比較耐，不過即叫即煎都算ok la會有個細盒仔裝醬汁先咬一啖冇醬汁嘅試下，粟米肉餃咁，幾好味，但就唔太試到有芝士味，同埋其實冇想像中熱跟住再試下沾醬食，覺得好味好多，d醬仲有d喺喺度，不過係咩黎就唔知，但有醬好味太多，之後啖啖都沾好多，好味$15有4隻仲平過 唐x$15/3隻熱都唔熱下嘅煎餃但覺得咁多人排隊可能都係新開+有特價+村入面選擇唔多，雖然好味但未至於到夜晚都有好多人排隊

富亨本身冇咩野食難得見到間新開既餃子店諗住試下, 點都唔會差過太子果邊既心諗見到佢地張落單紙好似好多野食咁, 其實好多野都冇得食, 例如腸粉類同小食類果D大家去買之前真係諗定幾樣想食既野, 因為好多野都冇!尋日早上想買早餐,於事去左幫襯, 買埋屋企人果份即炒河粉 (睇住佢張兜炒定既河粉倒落個鐵板度兜幾兜)"痴飯" ( 我好耐冇食過, 記得細個食果陣咸同飯既比例至少都1比1, 佢地既痴飯好明顯係工埸過黎唔係自己整, 入面條油炸鬼絲,幾粒肉鬆幾粒炸菜, 真係想講粗口, 仲夠膽賣20蚊+豆漿)煎耶菜餃 (我冇食到, 屋企人話正常普普通通)蒸9菜餃(好L難食, 勁臭, 我本身係接受到9菜陣味, 但佢果陣味似係擺左好耐既臭味)蒸莚茜餃(又苦又酸)買到番屋企果陣又發覺佢漏單比少款餃子比我(因為佢全部裝哂落同一個兜度根本分唔到佢有冇比漏), 搞到我咁凍既天氣下要跑兩轉住富亨既人以後食番大家樂同唐記算啦