皇城餐廳小廚 (Closed)

返工期間, 突然收到個客 whatsapp 話有緊要事搵我傾傾.我同個客講, lunch 過後時段馬上覆佢.於是去咗皇城.去皇城只有一個原因, 貪佢 lunch 兩點后無咩人夠靜, 方便同個客傾私密.點咗個咖哩牛筋腩飯, 凍0茶.邊食邊同個客傾密計.有圖有真相, 咖哩牛筋腩飯單睇外相已經唔多開胃, 咖哩汁質感太濃郁, 味道過咸過重.另外, 牛腩同牛筋完全碎令令! 搵件似牛腩牛筋嘅物體都無!我去皇城, 定去咗竹篙灣檢疫中心?繼土瓜灣落山道聯發(已執)之后, 皇城又係負能量餐廳, 收銀不停話個外賣仔, 又話佢送外賣之前要咩咩咩.... 我一直同個客傾計, 無留心個收銀嘈咩q.....皇城點解無咩客真相大白.再加上冷氣唔多夠, 無下次嚕!

呢度都幾多選擇，小菜，焗野，炒野，鍋，食開質素都唔錯ga.好耐冇食過炒野，第一時間諗起呢度，整個雪菜肉絲炆米先。米粉炒得好乾身好爽口，調味啱啱好，熱辣辣，賣相同味道都冇得輸。 本來諗住openrice落定單先，去到有得拎，但其實落到去先買外賣係有九折，呢盒野先$41, 抵呀！

"邊款餐賣哂呀?" 已成為落皇城基本第一問.依家 Lunch Time 去皇城, 餐牌上永遠有一兩款選擇賣哂! 有時甚至三~四款.當然, 賣哂嘅選擇, 又永遠係最正嘅選擇.所以變成..... 經常落去, 想食嘅餐就經常話賣哂, 無哂!攪到相當無引!今次點咗個太極鴛鴦炒飯同魚香茄子飯.太極鴛鴦炒飯白汁底下嘅飯有一半竟然係硬飯蕉! 一舊舊! 唔通以為用白汁鋪面就唔知? 結果係要放棄一半!至於魚香茄子飯, 經驗所知, 用嘅咸魚經常都係低質素品質, 皇城亦不負眾望, 咸魚食落好似樹皮.係"皇城"入面食"樹皮", 你話諷刺唔諷刺?魚香茄子, 色過深茨汁過多, 一上枱已知中伏.攪到由一向經常幫襯嘅飯堂, 變成漸漸疏遠.

每逢「一支公」，沒有飯腳的時候，lunch 就會選擇這間餐廳，一來便宜，二來份量足夠，最重要就是用膳完後，餐廳職員不會吹你走，不會顯得尷尷尬尬，周身不自在。餐廳是一般的茶餐廳裝修，但比一般餐廳多「卡位」，適合自己一個。餐廳每天都有9個特餐選擇，今天我選了福建炒飯，價錢43蚊，送一杯熱飲。飯的配料非常多，味道也是美味，這個價錢可以吃得飽又美味，又可以坐得耐，茶餐廳來說算是不錯的。

當天吃了一個咖喱牛脷飯套餐加飲品，價錢合理，牛脷的觸感軟腍適中，咖喱的味道濃淡得宜，味道十分美味。比那些大型連鎖餐廳更美味，價錢亦比大型連鎖餐廳便宜。上菜時間亦十分合理。

其實幫襯皇城係叫外賣多，堂食比較少，今日出去煲煙，就順便去皇城幫襯吓.Set Lunch 淨翻星洲炒米同太極鴛鴦炒飯，唉.....姐姐問我要唔要餐湯，我問餐湯係咩，佢話：咪又係果D瓜瓜菜菜！咁嘅答案好熟口面喎，我即刻幻想緊哩個答案由秋生哥配音，我係麥兜！星洲炒米份量不少，食唔哂，米粉比較幼細，係我中意嘅口感，配料亦不少，味道唔會太辣，油份唔太多，滿意！好多時食鴛鴦炒飯，蕃茄芡果邊比較酸，係我唔太中意嘅味道，但皇城煮嘅鴛鴦炒飯，蕃茄芡比較淡，容易入口得多.可惜嘅係，相對地，連白汁果邊都淡味，但總括黎講係唔錯嘅！不滿意係凍0茶，一望個杯已經唔中意，份量太少喲！

呢排嘅午餐枕住同公司同事一齊去公司附近呢間叫做"皇城餐廳小廚"食午飯, 依間餐廳勝在日日嘅午餐款式A-H都唔同, 梗有一款啱我心水, 與此同時仲有例湯天天供應, 今日嘅例湯就係合掌瓜煲豬肉！而今日我就揀咗G餐 "泰式香茅無骨豬扒煎蛋" 啲豬扒軟硬算適中個太陽蛋厾爆咗就仲有啲蛋汁可以撈飯, 加埋凍飲兩蚊一杯凍檸茶, 盛惠$45蚊大元。呢間餐廳味道唔算太濃, 而份量算適中, 對於我ed咁高大威猛嘅型男嚟講, 已經好飽肚, 有啲茶餐廳嘅凍檸茶, 沖出來d茶味好苦澀, 而呢間餐廳對我嚟講啲茶味同甜度就好適中啲檸檬又唔太酸, 所以都好啱我口味！

真係唔係講笑幫襯左皇城已經一段時間，試過佢地既奶油豬好夠脆,多油午餐日日唔同款平時幫襯午餐包餐湯，餐飲啲湯係唔錯架，只係有時肥左啲，飲完成口油但睇得出足料煲，最緊要唔係味精水食物就尚算可以接受，但始終覺得啲野食未到火候個人認為食炒粉面好明顯獲氣唔夠讚一讚佢地既服務態度都幾好，打電話去叫外賣唔會未食先受氣除左送外賣果啲員工 「怨氣十足」咁耐以黎我自己覺得最差就係杯野飲，杯凍檸茶真係一直都無改善令我失望個人覺得好難飲，苦，澀，無冰簡單啲講茶無茶味，檸檬無檸檬味無冰就無得講，可能外賣較多行得黎就無哂啲冰不過仲有啲雞扒食2次，2次都食到啲臭雪味，真係好似臭雞味咁真係怕怕無叫第3次,真係要諗諗計啦！另外讚下皇城既焗飯,焗意粉 都好正，落Rosemary唔手軟，足料足味

成為飯堂原因好簡單，只因每日反工都必會經過佢門口。其實叫佢外賣比較多，今次為咗影相，就親身落去幫襯吓。首先餐廳第一個感覺係好光猛，第二就係營光綠色嘅坐位，望上去好舒服，連制服都係營光綠色。由於2點后幫襯午餐會平幾蚊，所以攪到遲d先放飯，好彩公司唔多理，而且少人d，唔洗同人迫。食過幾次焗飯，佢地味道偏濃少少，味道都算唔錯，而佢地d阿姐推介嘅例湯，講真，只係一般。最后有一點直得一讚，叫外賣留地址電話，佢地會有記錄，下次叫外賣唔洗再留地址，講電話號碼就okay。

對面百滷薈又唔開檔，已經幾次專登行過黎想幫襯，火都黎！是鬼但走過黎皇城食個快餐就返公司，搞到我行到老遠！內籠格局亂糟糟，一塌糊塗的感覺，檯櫈擺放密質質而雜亂無章！卡位勁細，好迫好窄坐得非常唔舒服，比小童坐架？燈光陰暗，衛生亦要改善一下，環境都幾難頂。冷氣吹正頭頂，呼呼聲，好凍呀！撇開環境不提，menu 真係包羅萬有、珍饈百味！種類繁多，多到嚇親我，而且仲好吸引添！不幸地我只會上班時間係附近出沒，最多黎幫襯 lunch，睇黎都無緣試到那麼多菜色了。味精湯，飲左兩啖就 Bye Bye，飲唔出係咩湯，無得留低。咖哩牛腩飯，忘記要炒底添，求其撈汁照食。仰咖哩汁上面淋上辣椒油那麼有趣？幫我加辣嗎？真體貼。味道正常港式茶餐廳風格，外購咖哩贍大同小異，合格既。牛腩炆得軟軟腍腍，醃味香濃，沾上微辣帶香咖哩汁，飯粒軟硬適中，不濕不爛，滿意架喎，難得。大大啖飯，大大舊牛腩，淋上大量咖哩汁，正呀！鳳爪排骨飯，蒸餸跟白飯，普通蒸鳳爪排骨家常味道，唔難食。排骨味道陰沉，質感過腍略散，鳳爪蒸到發脹濕淋淋，怪怪的。瑞士汁炒豬扒河，即食瑞士汁不是自家調吧，感覺唔有靈魂且欠缺鮮味，死實甜淋淋滷水汁一般啦。河粉炒得不錯，

行過見呢間餐廳新開就去試下，諗住是但填飽肚子就算，點知一試上癮今次叫左個招牌咕嚕肉，同炒菜心（無諗過咁好食，無影到相)咕嚕肉整得好入味，小小酸好開胃，肉又唔會太硬，伴菜的生果仲要好新鮮好好味，我最鍾意食桃。另外炒菜心完全唔油，同我係其他茶餐廳食ge好唔同，唔會黃曬，又唔會乾曾曾！兩道菜都好有住家風味！正！！以後可以成日黎食！因為太好食，我一個人都食曬兩道菜！哈哈！可能係因為咕嚕肉酸酸的，開胃！另一樣令我好鍾意ge係店內職員服務好好，同其他餐廳好唔同，起碼唔會粗聲粗氣，食完又唔會趕客，仲好有禮貌咁幫我落單，叫唔該就即刻黎幫我，估唔到呢間茶餐廳俾我咁大的驚喜，下次要試埋其他招牌！！

紅磡黎講，又拆又重建嘅底下，越黎越少食早餐嘅餐廳，大部分都係下午先開門，又或者好難食，又起碼唔洗成日都係老麥，大家樂，最近呢條街多左呢間餐廳，都冇去試下，今日就去試下，大家可以去試下佢個奶油豬，第一個感覺，絕對好食過翠華，起碼真係脆卜卜，而佢個通粉都算足料，大家如果想食的話俾個建議大家，最好早餐時間去食，因為越夜越貴，唔抵，因為好食，所以食哂先記得影相

新開不久的大型茶餐廳(這條街內, 算好大型了), 十一時後沒有早餐, 只好食與早餐完全相同的"特餐", 價錢貴了百份之三十五(十元).五香肉丁麵, 麵煮得剛好, 不太淋, 又彈牙, 五香肉丁瘦多過肥, 滿意, 辣度也適中.奄列厚多士, 奄列煎得太乾, 太熟, 厚多士只有半件, 如圖, 烘得不足, 求其了事, 白白的面, 塗上牛肉, 唔好味, 唔滿意啦...奶茶, 茶味和奶味皆可, 但不夠熱, 致命傷, 無得原諒!