皇城餐廳小廚 (Closed)

呢排嘅午餐枕住同公司同事一齊去公司附近呢間叫做"皇城餐廳小廚"食午飯, 依間餐廳勝在日日嘅午餐款式A-H都唔同, 梗有一款啱我心水, 與此同時仲有例湯天天供應, 今日嘅例湯就係合掌瓜煲豬肉！而今日我就揀咗G餐 "泰式香茅無骨豬扒煎蛋" 啲豬扒軟硬算適中個太陽蛋厾爆咗就仲有啲蛋汁可以撈飯, 加埋凍飲兩蚊一杯凍檸茶, 盛惠$45蚊大元。呢間餐廳味道唔算太濃, 而份量算適中, 對於我ed咁高大威猛嘅型男嚟講, 已經好飽肚, 有啲茶餐廳嘅凍檸茶, 沖出來d茶味好苦澀, 而呢間餐廳對我嚟講啲茶味同甜度就好適中啲檸檬又唔太酸, 所以都好啱我口味！