皇城餐廳小廚 (Closed)

其實幫襯皇城係叫外賣多，堂食比較少，今日出去煲煙，就順便去皇城幫襯吓.Set Lunch 淨翻星洲炒米同太極鴛鴦炒飯，唉.....姐姐問我要唔要餐湯，我問餐湯係咩，佢話：咪又係果D瓜瓜菜菜！咁嘅答案好熟口面喎，我即刻幻想緊哩個答案由秋生哥配音，我係麥兜！星洲炒米份量不少，食唔哂，米粉比較幼細，係我中意嘅口感，配料亦不少，味道唔會太辣，油份唔太多，滿意！好多時食鴛鴦炒飯，蕃茄芡果邊比較酸，係我唔太中意嘅味道，但皇城煮嘅鴛鴦炒飯，蕃茄芡比較淡，容易入口得多.可惜嘅係，相對地，連白汁果邊都淡味，但總括黎講係唔錯嘅！不滿意係凍0茶，一望個杯已經唔中意，份量太少喲！