祥勝茶餐廳

Open Now

Now Closed

今日出城，去左大坑食個lunch先叫左個咖哩石斑飯同埋豬扒炒公仔麵。黎左個炒公仔麵先，一上枱已經勁香炒公仔麵香味，一聞已知夠鑊氣食落都真係唔錯，公仔麵夠晒彈牙，而且唔會好油，豬扒都好多塊啊，啖啖肉，又唔鞋。而石斑飯嘅咖哩汁都可以，都有啲辣架，岩晒我鍾意食辣野不過如果可以再多啲汁就更好。石斑份量足夠，而且炸得夠脆，食落感覺外脆內軟，肉質都幾滑呢！兩碟份量都大碟架，食到好飽地道茶餐廳，雖然坐得迫左啲，但味道搭夠，有下次

幾乎每次黎都會食四寶湯麵(又叫百搭麵 阿姐話餐牌上嘅四寶同百搭係一樣😆)四寶包括：煎蛋 豬扒 腸仔 午餐肉配上公仔麵係我嘅最愛當然如果你想轉其他粉麵都可以我覺得如果有隻太陽蛋會更好大坑都有其他茶餐廳但呢間感覺會麻甩d但食物選擇嘅自由度都大d基本上你喺餐牌見到嘅材料同咩汁都可以自由配搭想加加減減亦可以仲試過有一次可能佢地就黎收鋪送左碗例湯俾我佢地嘅例湯都有老火湯嘅感覺更重要係食到人情味近年大坑好多餐廳都做長希望呢間茶餐廳可以繼續支持落去💪🏻

祥勝係大坑開左好耐，雖然環境一般，但豬扒好好食，有時我都會幫襯下，特別係tea time, 同朋友叫左西多，炸魚麵包，炸魚即叫即炸西多都OK,炸魚好食，熱辣辣，即叫即炸，雖然大坑好多野食，多選擇，但呢d舊鋪小店值得支持，而且都算抵食，推介~

今日去開大坑, 打算隨意歇腳稍息, 故幫襯本地有歷史的小店, 豈料是受氣的開端。首先進入內堂時, 夥計們只是處理外賣, 我示意「一人」時未有理會我, 而同時有其他食客企正門口通道, 佢地又唔會分流, 之後大家膊頭撞膊頭入左去。之後, 叫左個雞扒麵, 一望, 嘩, d油多到呢.....又黃又「益益地」.....最令人討厭的是他們的服務態度。 當時夥計A替我落單, 之後有另一位食客搭檯再落單, 最後就有個夥計同時將我地兩個人既order寫落同一張單上。 我們向其中一個夥計表示大家只係搭檯而非相識, 佢都冇幫手分番開單。到呢位食客離開時, 佢俾完錢, 再到我埋單時, 其中一個夥計問我「你地唔係同一張單咩？」, 我示意大家唔相識, 佢竟然好大聲眾目下話「你地坐埋一張檯架喎。食完埋單俾錢就話唔識架？」我回應「坐同一張檯就會識架喇？我地完全冇傾過計，而且之前已經叫你分番單。」 呢個夥計竟然依然反駁「你地坐埋一張檯呀嘛。」我完全唔明白佢再三講呢番無謂既說話為d乜。最後, 盛惠HKD$41

星期天天氣很好，陰天沒有下雨，是最好出外閒逛的日子。由北角飲完茶，往銅鑼灣方向慢行，到達大坑。果然運動是容易快消耗能量，又到了補充體力的時候了。 午後的大坑人不多，食肆的客人都給人一種懶洋洋的感覺。去咗祥勝茶餐廳飲吓下午茶。 固名思義的街坊檔，一入去已有不少街坊一路飲茶一路同伙記們閒聊，氣氛非常和諧。亦有一些小情侶慕名而來的。 看看餐牌，叫了孖寶雞翼，共有6隻脹卜卜的雞翼，咬落酥脆入味，食唔停口。四寶方包，上枱知道原來是午餐肉、香腸、蛋和豬扒，牛油方包。外觀真麻麻，較特別是豬扒雖不美觀，但原來外脆肉軟，味道剛好。凍檸檬茶，茶味夠，非常消暑清涼。

5:45到達大坑，路邊攤檔都收晒。想要又快又實惠的飯，相信祥勝係其中一個選擇。一到就點咗個祥勝百搭飯，加杯熱奶茶，貪佢快手同唔阻人收工。好快我碟鋪咗太陽蛋喺頂嘅百搭飯就喺我面前出現。太陽蛋係我特別要求，可以豬扒點蛋汁或者蛋汁撈飯。百搭飯有一塊豬扒、一塊午餐肉、一條腸仔、一條菜、一隻蛋，淋上鼓油汁，感覺像豐富牌學生餐。我好鍾意豬扒煎得啱啱好，唔會乾到硬，之後切條上，方便我食用。只可惜俾我食到少量梳打粉。整體嚟講，質量都唔錯，一定會ENCORE試埋其他食物。

大坑傳統茶餐廳！全年無休！！位於大坑中央位置，好易找到這店。每日都有老熟客，附近居民同遊客過來試試。待應親切，全部都係老街坊！！！！各式各樣的茶餐廳食品，有生煎肉餅飯同薑葱豬扒飯都好出名！！仲有炒飯丶炒粉麵丶多士等。。。。。😁😁😁好多款式！涼瓜火腩飯好有鑊氣👍🏻👍🏻👍🏻好多涼瓜同火腩！落咗D辣椒去炒D餸，令到D汁都直D辣味！一次過食唒D飯😂😂😂值得下次再來試其他食物😋😋

< 撈啦撈啦！一次幾個願望 >招牌撈麵(跟熱飲) $29 評分: 6/10 此食評專俾🤓: #撈控 一一一一一一一一一一一一一一 早餐就有得食既肥仔麵😂腸仔，午餐肉，吉列豬扒，火腿🙂份量幾多😂豬扒唔會乾身👍🏻個麵係撈豉油😺但如果係營多既汁就好啦😂會更加香喔 一一一一一一一一一一一一一一 服務: 4/5 環境: 3/5 餐廳: 祥勝茶餐廳 地址: 大坑京街24號 交通: 🚊港鐵天后站 B出口

祥勝茶餐廳，早餐每款$29送咖啡或茶，凍飲加$2，外賣鮮奶加$2。早餐選擇多，有餐肉煎雙蛋火腿通粉，招牌撈麵，四寳湯麺，鮮牛肉通粉和回鍋肉麵都係我的至愛。有時工作辛苦，星期日都會吃得過份D！今天來到吃早餐，還碰到韓國及日本年青遊客來光顧。想必然有旅遊雜誌吹捧大坑港式茶餐廳啦。不過我自己都認為，港式奶茶真係同西式茶冇得比，呢度用黑白牛花奶，同埋絲襪奶茶，一般小型茶餐廳跟本不會落本做這個的，祥勝的確做得好！

這茶餐廳無論外觀或感覺都十分"麻甩"，頗有那些年中學時期去某些茶餐廳買飯盒的味道。本想吃常餐，但餐牌居然沒有！早餐時間已過，著實慌寸大亂，不知道應吃什麼，誤打誤撞點了餐廳名物豬扒麵，連落單侍應都表示識食😂不一會豬扒麵登場，豬扒很大的一塊，厚切，最貼心是豬扒已切開一條條方便食客進食！豬扒粘上薄粉微煎，肉質鬆化，比平時吃到的豬扒好吃！朋友點了餐肉麵，有1.5塊餐肉，相比下同樣價錢豬扒麵比較抵食。$28不包括餐飲，有點貴但可以接受。

嚟到大坑點可以唔食祥勝嘅百撘飯，不得番個名好似好求其，但真係好好味。佢有大大塊豬扒、餐肉、一條香腸同埋太陽蛋。飯嘅份量好多，塊豬扒唔油膩，好容易咬。加多杯凍檸茶都只係$41。所以一個人食又係天后銅鑼灣嘅一定要嚟食祥勝。

小店店員好親民即使附近2間食館逢一休息佢地會好忙好忙店員們都冇乜黑面情況專業抵讚，比個佢地是日點餐： 招牌豬扒飯 + 例湯足料，好多附近既開工大佬都幫襯 豬扒鬆化，唔乾夠juicy冇落鬆肉粉, 夠天然味道啱啱好，唔太鹹飯就有啲軟，唔係粒粒嗰種碟頭飯算係男人的浪漫嗎？！例湯 - 係菜乾紅蘿蔔，味道正常, 同樣冇乜味精，好潤口~~    番食指數：＊＊＊

原本為佢🐷而黎。結果佢真係如想像般好味！ 😁佢表面有薄薄粉漿，所以咬落去有少少脆。肉質鬆軟得黎又有彈性。重點是冇雪肉和怪味。不過，最令我意外的是。。。。啲飯都好好味，軟硬適中。平時飯量極少，呢日食清！！仲落單時忘記扣底。。😅😅 $39，包熱飲或湯。食到好味嘅嘢，真係又底又開心😊

黎大坑, 西餐廳就食得多啦...所以今日我就自已一個膽粗粗黎試吓呢間全店滿座既茶餐廳。由外至內黎講呢間堅係一間典型既麻甩茶餐廳。何出此言? ... 咁就由我個位開始講, 因為我一個人, 阿叔開咗張小台子俾我, 於是我被安排坐咗係間茶餐廳隔離間空鋪門口, 即係坐係街邊...不過阿叔都幾好人, 見我好似冇試過佢地啲嘢, 佢好好咁介紹咗佢地既招牌特餐祥勝百搭飯俾我，仲同我講我得一個人, 呢個飯夠晒唔好再叫, 如果唔係就食唔晒既啦, 當我見到個飯, 就知佢冇呃我...好大碗//////HKD 39 (包一杯熱奶茶)但係我個碗係阿叔叫我要另外叫"加洋蔥", 所以個價錢唔係$39, 但唔記得咗實價, 應該係四十幾蚊講吓呢個飯: 內外都係一個十足既麻甩飯, 不過勝在材料十足, 而且夠晒份量, 阿叔都冇介詔錯, 加咗洋蔥真係好好味, 食落爽口又啖啖肉...但由於個飯個份量太十足, 最後都真係食唔晒...好彩有乖乖聽阿叔講冇再叫其他嘢食..嘻嘻

走至京街，見到祥勝茶餐餐，走了進去，嘆個下午茶。炸雞髀餐配飲品$27，炸雞髀雖然邪惡，卻是不少人共同的童年回憶。祥勝的炸雞髀大小得宜，色澤則稱不上金黃色脆也。咬一口，雞髀肉略帶鹹香，食味未算十分出色。肉質吃起來有點乾韌，未夠嫩滑，中規中矩之作也。跟餐，要了一杯熱檸水。入口，有點苦澀。