福來居(牛記)海鮮飯店

Open Now

Now Closed

離開工作的地方數月, 對一眾兄弟, 至今依依. 三年來, 一直大呼小叫, 要meet & greet 在牛記搞, 可惜只聞樓梯聲響, 個個話有興趣, 多次搣&唧卻都在別的地方. 昨夜也, 終於成事, 精彩. 教本山人心有戚戚的, 是視為兄長之人, 因其妻不適, 未克出席. 自別去以後, 好像和他疏遠了很多. 上次見面, 本山人簡直想起老婆最愛的顧城《遠和近》: 你/ 一會兒看我/ 一會兒看雲/ 我覺得/ 你看我時很遠/ 看我時很近. 當然這是一首情詩, 可是那感覺多麼相似. 本山人可能表面灑脫, 終究乃牽拖之人. 焉有東坡“人生到處知何似，應似飛鴻踏雪泥. 泥上偶然留指爪，鴻飛哪復計東西”之慷慨哉. 念及此間, 復想起當初來牛記, 又是另一兄長介紹, 今天同樣疏遠不少. 是我變了嗎? 當然, 其他兄弟終於在我走後搞返劑牛記搣&唧, 雖然另有兩人甩底, 亦絕對值得高興. 十二成人一小妹妹, 點了: 豉椒boy聖子到豉椒炒蜆清蒸/ 蒜蓉粉絲象拔蚌白焯海中蝦白焯花螺陳皮蒸班腩椒鹽賴尿蝦腐乳椒絲通菜薑荵霸王別雞椒鹽骨椒鹽鮮魷先來送的例湯, 是日冬瓜也, 清甜夠味. 牛記的例湯不見得驚天動地,

(26/1)（十二）　　早於數年前與家人於牛記晚飯，對它印象深刻，除了餐牌欠奉外，還有那出色的雞菜餚。　　今天約了友人晚餐，原想與9527一同來，惟恐他的出身會被人揭穿，那我便烹調意粉晚餐後便外出。霸王雞（半隻）是必然選擇，雞的肥瘦適中，皮不過厚，肉質鬆軟而有味，雞肉蘸上汁料，與薑葱一起吃，美味。當我吃至此時，想起9527需要獨自在家中令我覺得慚愧。轉眼間，鵝件配大腸而上，鹵水汁很濃厚，有人說不宜吃太多鹵水汁，對我來說可置之不理，鹵水汁滲透鵝肉上，肉身不韌，另外的大腸，爽滑美味，不錯。　　其後的蟶子而上，大隻鮮嫩的蟶子，肉質鮮甜而爽，底部的粉絲吸收了蟶子的鮮味，是萬不能錯過。再次想起他獨留家中，良心的責備下我惟有先行，買一些他喜歡的魚片粥、中式甜品回家，他還笑著說：「有粥，有甜品，好呀！」

記得上次跟一眾老友嚟，吃得不亦樂乎。之後阿哥又帶埋成家去食，但嗰次偏偏冇我份，慘...今次要補番數先得...跟太太坐响路邊撑枱腳(因為人太多，裡面已經坐滿晒)，別有一番風味...先來蝦醬芥蘭煲。蝦醬味濃，鹹香足，極惹味，件頭又夠大，可惜可能芥蘭已近水尾唔當造，食落有渣，失色...本想蒸條深海泥鯭，但因太夜已經賣晒>.< ，阿姐極力推介食西鰽，就聽佢講。食落果然不俗--- 肉雖略嫌"散"，但夠魚味，肉地亦夠滑，滿足...豉椒炒蟶子皇係極品--- 肉爽、甜、滑。加入豉椒炒後惹味到不得了，太座大讚。小弟亦覺得係食過咁多舖頭嘅出品當中最出色嘅...每人計落都係百五蚊，值la...

【2007年2月16日】Book了六點半，我去到的時候同檯的已吃完了椒鹽豆腐，無緣一試。1。湯也喝了一半。味道清清地，不錯。2。每檯也會叫一碟的雞，我無食。3。龍蝦，啖啖肉。4。蒜蓉蒸扇貝，蒜蓉份量剛剛好，不會掩了鮮味。5。炒蜆，辣得不錯，濃味。6。芥蘭煲，勁大條芥蘭。沒有太多調味。7。煎釀三寶，約10件。大大件，無特別。8。開邊蒸蝦，鮮甜。不太愛蝦的我也吃了幾件。9。豉油皇炒麵，麻麻，較油。翻兜不夠熱。食物：海鮮做得好，足秤，但小菜非常非常普通。製法屬於味淡，食落覺得舒服的味道。要海鮮的話要早，手快有手慢無。吃到九點已經聽到夥計說大小聖子也售罄了。全店無Menu，客人隨口叫，夥計答你有無。結果會發現所有食客要的東西也差不多，因為大家也不知要甚麼好。環境：舊式店舖，有點邋遢，個人不太喜歡。未知是否年廿九人特別多，所以人來人往，頭暈。店內非常細，只有六七檯左右，但街外卻擺滿檯椅。其間出街參考街上食客吃甚麼，據粗略估計，街上食客伸延足有十個舖位。服務：一個字亂! 夥計做到踢晒腳，兼無禮貌。落單入單追單埋單，全人手做兼用紙寫，勁無效率。後來加小菜，夥計露出一個嫌煩的樣子，還要說「要等好耐架窩

看過大家的食評，同太太去撐檯腳點了，豉椒蟶子皇4隻，蒸扇貝4隻，椒鹽瀨尿蝦皇兩隻，乾牛河一碟食物樣樣都係水準之上，奉送的例湯也令人食指大動，生果更不是普通貨色，蟶子皇更是極品中的極品由於沒有菜牌，所以都預o左唔平，但原來真係會令我E D打工仔嚇一跳，Anyway真係好回味，想再回味就要儲下錢了

不作深度行也不知,原來在太子邊陲的福來居牛記,規模原來是那麼大.店外一廂廂生猛海鮮,包羅萬有.除海鮮作主力之外,其潮式鹵水菜式,也是受到大多食客推崇.難怪前後幾個大小舖位,去到黃金時間全場爆滿.兩個人就座一張大檯,此店其中一個特式,就是沒有餐牌,完全自由式.未點菜,店員已經奉上二人份量的老火湯,蘿蔔雞腳豬肉煲埋一起,想唔甜都幾難.友人還帶支古越龍山桂花酒來乾杯.味道幾甜.兩口子點四味菜,應該夠吃.鹵水鵝片拼大腸,鵝片嫩滑不鞋口,沉厚芳香的鹵水很入味,大腸肥美甘香,出乎意料地好.霸王雞用上肥雞,雞味濃郁,肉質嫩滑如脂.兩下家禽之後,其後的椒鹽鮮魷粉漿不厚,金黃香脆的外層,包著的魷魚很爽口.可話係近年吃過最有水準的椒鹽鮮魷.聖子皇$8兩,一人要兩隻清蒸,個人覺得清蒸始終比豉椒好.因為能吃得出聖子本身的鮮甜.聖子王一早斬件蒸,肉質甜且爽.很新鮮.例牌奉送生果盤,人人有份永不落空.埋單$280,相信$8兩的聖子,已佔去一大部份,兩個人始終吃得不多,下次多些人的話,可以蒸條魚,來個班腩.但願住在附近的友人,早日能重出江湖.多月來的問題終於解決,這餐之後,Don,t look back in an

跟好友們食飯聚舊，老友食神建議去呢度，登時叫聲好...呢亭街坊地痞小館就係小弟嘅摯愛...老友發辦叫餸，完全唔使大家操心，放心之極...冇餐牌，更可以隨心所欲咁叫餸...老友响門口睇完個海鮮陣後，馬上開波...先嚟冬瓜豬骨例湯，味偏鹹，但勝在夠老火，先下一城...再嚟霸王雞，新鮮雞，唔太肥，皮爽，肉夠實，有走地雞feel，醮葱蓉而食，再食一啖飯，不羨仙...蠔餅，煎得唔太油，蠔仔唔夠大隻，味道尚可，但比九龍城順記還差一截...蒸扇貝，蒜落得唔夠多，粉絲先至係極品；扇貝夠新鮮大隻，絕冇食擦膠feel，不俗不俗...西芹炒班片，班片油泡下仍爽口彈牙，新鮮到極，吃得不亦樂乎；西芹大大條，青綠爽口，成晚呢味最精彩..咕嚕肉，色水黯啞，一睇就知big wok，食落口皮唔脆口，肉好似冇醃過咁，不知所謂...壓軸嘅芥蘭炒臘味，芥蘭嗦嗦聲，臘味水準普通..抵食好食..

同兩個美國朋友去食dinner...蠔餅—D 蠔仔好新鮮，又大粒，感覺好滿足！蒜蓉粉絲蒸大聖子—每隻都有成隻手掌咁大，好爽口彈牙，呢個食法完全可以食出聖子ge鮮味！霸王雞半隻—唔錯，有雞味！椒鹽瀨尿蝦—必食！超正又大隻, 椒鹽好惹味,蝦質地非常新鮮彈牙！食過番尋味！清炒豆苗—豆苗好新鮮有口感，炒得又唔會好"num"！清蒸掩仔蟹—第一次食，好多膏，唔好睇佢細細隻，好多肉！兩個美國朋友讚口不絕，仲連食三晚！

13/10(五) 8pm為躁狂窩心阿姨預祝牛一,早已訂座及預留斑肉;一行8人約8時到達,環境是典型的地踎,鄰桌的街坊還在猜枚,市井味濃厚!此外,此店吊詭之處是沒餐牌供應,純粹天馬行空!8人點了西蘭花炒斑片$282,$12兩,霸王雞$80半隻,椒鹽白飯魚$48,椒鹽骨$48,蒜蓉蒸蝦$192,$12兩,蠔餅$38,涼瓜田雞煲$54,金銀蛋莧菜$48,椒絲通菜炒牛肉$48.先送上例湯一大湯碗,合掌瓜煲豬骨--煲得頗夠火喉,而且沒落味精,味道清甜.西蘭花炒斑片--斑肉約斤半重,份量絕對有睇頭,肉質極之鮮嫩滑溜,西蘭花爽脆,味道濃稠得宜,果然非同凡響!霸王雞--用上湯略略浸過,雞肉嫩滑,鮮味足,唯雞皮略肥.椒鹽白飯魚--炸至乾身惹味,白飯魚體型肥肥飽滿,魚味猶在,甚具水準!椒鹽骨--實情可說是椒鹽豬扒,炸至挺乾身惹味,內裏肉質仍難得地保持嫩滑,且肉汁豐盈!蒜蓉蒸蝦--味道中規中矩,蝦隻屬中型大,蝦身談不上十分彈牙但仍具鮮味,大配角粉絲卻未有上場!蠔餅--蔥段墊底索去蠔餅的油膩,高明做法!而且蠔餅脆度頗高,蠔仔飽滿且無沙!涼瓜田雞煲--自己不好涼瓜,亦嚐了件田雞,質地鮮而彈牙金銀蛋莧菜--食味尚

大蝦兩味(豉油王蝦頭﹐上湯蝦碌):$17/兩, 11兩for four large fresh prawn. tasty. but quite expensive

爸爸媽咪過黎太子揾我食飯,我開心到不得了,就帶佢地黎福來居試下(其實我自己都未試過架).點了:陳皮蒸斑腩球$120~好香陳皮味,d魚肉又好滑,好爽,正.清蒸鮑魚3隻$165~彈牙唔韌,好香鮑魚味,每隻都有成3寸大,算不錯啦.薑蔥雞半隻$80~好嫩滑,雞味好重,老闆仲走過黎不斷講:走地雞黎架,好好味架!有d搞笑,不過真係好食.腐乳炒通菜~味道一般,咸左少少.星洲炒米~味道剛好,唔會太辣,係d料少左d,得幾條青椒,洋蔥絲及叉燒絲.一家人都食得好開心,而且爸媽都讚"掂",仲要係我比錢,仲開心...

25/6(六)一家人一行6人黎呢到食飯,同細佬慶祝bday一共叫左8樣送例湯-係佛掌瓜煲金銀花湯,清甜,正蒜茸粉絲蒸扇貝x6隻-扇貝好大隻好鮮甜陳皮蒸斑腩球-d魚腩好肥美,d魚肉唔會太熟,不過我唔太like d陳皮味炒蜆-d蜆味道0岩0岩好,唔會過咸,鮮甜無沙薑蔥炒肉蟹-無食椒鹽魷魚-炸粉唔會過厚,炸得脆口,魷魚爽口彈牙,好正京都骨-d肉切得好厚,但一d都唔紉,送飯最0岩霸王雞半隻-熟左少少,不過加埋d蔥味道唔錯金銀蛋炒莧菜-咁多肉,呢碟菜變得好搶手,d菜尚算嫩綠生果盤有西瓜,蜜瓜,木瓜,全部都好甜overall海鮮新鮮,小菜亦有水準,不過略微貴左小小,應該有下次既

看了OPENRICE多年,今日才第一次寫食評,純因不吐不快...昨晚与太太慕名而來,叫了下列食品:豉椒炒蟶子4隻豉油皇大蝦4隻生炒骨豉油皇炒麵豉油皇大蝦先上,蝦肉新鮮,蝦頭亦有膏,無奈豉油味不入蝦身,缺乏豉油皇大蝦應有的鹹香,跟著到豉椒炒蟶子,有沙兼不夠熱,基本上亦是汁還汁,蟶子還蟶子,浪費大好材料.生炒骨色与味均淡,最可惡的竟未全熟...最後催了兩次,等了近20分鐘豉油皇炒麵才上檯,麵炒得乾身亦入味,無奈肚裡已有氣,食而不知其味,隨即匆匆埋單,盛惠$416,以廚房的工夫而言,完全不值...最好吃的,竟是送的西瓜,起碼夠凍夠甜.下次食這類海鮮小炒,我會去土瓜灣的新三興,那裡有我吃過最好的豉油皇大蝦.

一行二人, 今晚第一次去食牛記, 雖然地方麻麻, 但野食就好正呀!我地一共叫左4個菜:1- 蒜茸粉絲蒸扇貝X 4隻勁大粒, 超大粒, 又新鮮, 火口剛剛好, 鮮味十足, 可惜太粗。2- 椒鹽瀨尿蝦X 2隻呢個超正又大隻, d椒鹽又好味, 蝦質非常新鮮彈牙。3- 菠蘿咕嚕肉顏色略為淺色, 但仍有咕嚕味, 肉質鮮嫩, 略為小汁。4- 上湯浸莧菜一般小炒, 略為"鞋"口。共食了$330元, 已一般海鮮餐來計算,已算平價。

上次食完之後﹐覺得這裡值得推介﹐所以今次一行12人來擦番餐。其實福來居係主鋪﹐對面既牛記就係副鋪。環境地茂﹐減一分﹐但幸好之前訂左位﹐留o左個冷氣位俾我o地﹐所以加翻一分。牛記出名低食﹐所以點菜都無問價錢。點o左﹕-霸王雞一隻-大蝦兩味(豉油王蝦頭﹐上湯蝦碌加煎米粉底)-老虎班兩味(炒球﹐紅燒尾)-蒜蓉粉絲扇貝-椒鹽白飯魚-炸大腸-薑粒蛋白炒飯-金銀蛋“彥”菜先來霸王雞。味道跟上次一樣﹐可惜肉質好“鞋”。有點失望。幸好照牌大蝦依然有水準。一定要叫。老虎班肉質彈牙﹐絕唔起渣。非常美味。扇貝勁大隻。唔錯。粉絲用幼一點可能更好。白飯魚大條又炸得脆﹐但就食唔倒椒鹽。應該叫炸白飯魚較貼切。薑粒蛋白炒飯清清地﹐幾特別。埋單$2000有找。食飽飽。抵到爛。隔離抬叫左煎壕餅同豉油皇炒麵﹐好似幾吸引。。。