福雅軒海鮮酒家 (Closed)

寶琳站是港鐵將軍澳線的終站，附近有不少公私型屋苑，而毗鄰港鐵站的新都城商場，是附近居民解決日常起居生活的主要地方之一。在周未時候，不少附近居民，以致從區外坐港鐵而來的消費者，都紛紛在此搵食。由於商場內的中式酒樓有限，所以大多大排長龍，動輒等一百幾十張枱，絕對是等閒事。想一邊飲茶，一邊聚會，但又想快，咁可以點做呢？就是找一家相對無咁多人等的樓樓去幫襯吧！這次到了福雅軒，估計是商場內二線酒樓，但當其他地方實在太多人等位之時，反而為這裡增加商機。在午時時段，有孖寶優惠，這次點了雪菜肉絲米和咕嚕肉，合共才138元，在這個中產區 （估計不少住宅都是在中環一帶上班？！），取價尚算合理，味道亦不錯。再加上其他點心，開開心心又可以一邊吃，一邊聚一聚！

因為價格便宜，食過幾次乳豬餐，第一次喜出望外，乳豬皮脆肉香。第二次帶朋友一起吃，大失所望，好像第二個廚師做咁。今次是但幫襯吓，意外驚喜。乳豬燒得恰到好處，皮很香脆，肉也不太肥，很好。除了乳豬，還有蒸扇貝，大大塊，扇貝肉爽，雖然有些油重，但汁來伴飯，好正👍。其他菜色就很一般。食過牛腩煲，腩肉有啲韌，炒彩就OK，白飯唔算硬。價錢OK，不過上次前菜每碟收三十元，今次每碟收十元。即係上次😧！還有糖水送，主要係紅豆沙同喳咋。整體質素不一，真係睇彩數。

住將軍澳區的人應該都深深體會到假日在商場人山人海的苦況。特別係星期日想去飲餐茶真係難過登天。小弟平時星期六日都會同屋企人去飲茶，等位都等左大半個鐘，更惶論諗住抵食。不過位於新都城三期有一間開左業好多年的茶樓反而無咩人去，星期日下午茶唔洗等太耐就有位。今日就同大家去試一試！入座後馬上睇睇有咩食，店家在星期日都提供多款特價點心，認真難得！黎到茶樓緊係要試一試佢地既燒味質素。明爐燒鴨湯瀨相當抵食，只要$15.8。起初都認為咁平應該無好野，點知一食落口先知大件事！燒鴨食入口，鴨皮脆卜卜，不似其他茶樓的特價燒味會鴨皮又凍又油淋淋。鴨脾位置鮮嫩多汁，香味四溢。瀨粉比較普通，但這價錢在其他茶樓相信只能吃到凍冰冰的叉燒粉。再來是沙薑鮮雞腳，沙薑很入味，相信花了不少時間烹調。雞腳炆得夠林，口感佳。炸雲吞水準就比較一般。外皮是夠香脆。但三隻顏色深淺有別，可能有部份是番炸過，味道一般。另外函料比較細隻，勝在價錢平，只要$11.8。咸水角係我最喜愛的點心之一，坊間好多咸水角都整到個外皮太薄，函料又太咸。這家店的咸水角就岩晒我心水，外皮香脆厚身，咬下去口感十足，脆而不韌。另外外皮甜味，配合豬肉函料，正好起了中和

呢間酒家真係不知所謂，我地全家中伏咗两次。兩次都係節日。佢地D主任經理態度好差。D食物有問題就諸多借口。誇張到可以指鹿為馬!死不應錯。以後到唔會再去!!Forever bad list,呢間酒家唔出名價錢雖然吸引不過如果你大時過節或想擺酒嘅話你最好諗清楚先!唔想掃興嘅铦我會忠告你最好唔好揀呢間

有日行過見到哩間有出蒸氣鍋五層海鮮拎左張單張book左晚試。因為望落好抵哩個餐for 4人我地六人去所以加左少少嘢，當然其他加野無咁平，粥底都係要加，不過可能哩間唔似集團式果啲冇招呼，而係事事都招呼好好幫你落幫你蒸，幫埋分埋加上第一次食蒸汽鍋都唔知落咩先，佢就幫哂你，十分好。而味道真係唔洗落醬油都好夠鮮，唔似唔新鮮時間夠得岩岩好。可惜係佢個蟹飯因為冇蟹冇得食，叫左個蒸雞都好夠滑同好香雞味。最最最最後就係個粥底留有海鮮甜味，好棉，原先以為食海鮮會唔夠飽，不過食埋個粥岩岩好6個人飽飽都唔洗一千蚊抵抵抵

難得今日唔洗番工，陪兩老飲早茶，順便試下佢地成日話好抵食嘅酒樓盅頭飯！（體驗下佢地嘅退休生活）鳳爪排骨飯都係9.8咋？！熱辣辣試台，是真的嗎？！仲有20.8兩款點心？！又真係幾抵食啊！緊拉糕仲要好大個，三個人，最後食唔晒聽兩位慳家人士講，平日仲平，有機會平日嚟嘆下一盅兩味先得！

中秋前一星期，我們一家人已經約定一齊食中秋飯，我們選擇了新都城這間餐廳，因為佢比較人小，不用等位，價錢便宜。以下是今次點的菜色：這條魚很新鮮。值得點選。這菜色只售$48，是特價菜色其中一款，因為想選一些菜頂，所以選擇了這個，不過本人覺得不太好吃，因為送來時已經唔熱，我有些反感。這個真是很好吃，是那麼多菜里最好吃的，他是套餐其中的一菜。這個乳豬係很抵，不過真係很肥，肥得全家人都覺得唔知點食。這個菜色不過不失，不過都係唔熱、又肥，酒樓比的醬汁又唔多，要改善。但這餐飯都算抵食，所以應該會再去，人不多，傾計一流。

星期日有時間走去酒樓嘆下茶～食下點心～商場入面雖然有好幾間茶樓，但間間都勁多人等位最後最快有位係e間，就入咗去試～見到有個雞蛋蝦米腸粉，幾特別，一般酒樓無～就叫咗個試下另外重叫咗墨魚餅，蝦餃同鳳爪野食等咗15分鐘左右先到～墨魚餅同腸粉都好大碟～！墨魚餅夠彈牙同厚身～而腸粉入面包咗一層蛋漿，加入蔥花同蝦米～幾特別～以上兩款都比較淡口～需要點多少少醬汁～不過清清地感覺健康d～而蝦餃同鳳爪味道適中～蝦餃夠新鮮～夠彈牙，肥豬肉不多而鳳爪如果再淋身少少會更好，不過唔會太咸～算ok~

晚上去了福雅軒海鮮酒家食晚飯，慶祝父親節。我在中午已經訂定抬及点定冬瓜盅，因為冬瓜盅數量有限，所以要訂定。冬瓜盅是中型的，大約夠六至八個人飲用。冬瓜盅材料足及味道濃，內有金華火腿粒，蝦仁，冬菇粒，菜粒等等……另外值得推介的是片皮鴨(現惠價98/隻)皮脆肉汁鮮，一点也沒有腥味。其實這間片皮鴨有兩食的，一是切片，二是炒。我們當然選擇兩食(兩食另加45) ，落單時職員問我們要那種炒法(一是涼瓜炒鴨肉，二是茄子炒鴨肉)因為怕涼瓜苦，所以最後揀了茄子炒鴨肉。茄子炒鴨肉，出奇的配合，一点也不腥。鴨肉大大件不老，茄子炒得剛剛好，不會一夾就散。最後還有糖水送(紅豆沙及綠豆沙) 糖水足料，紅豆沙帶陳皮的香，不苦不甘。綠豆沙併海帶，清甜降火。

本來是到這裡吃小菜的，去到酒樓門口，看到有火鍋的介紹，霎眼看到什麼$108，晚上8:30後$88，於是入內由原來的小菜改為吃火鍋。當時酒樓客人不多，大量吉枱任坐，我們被安排到火鍋專區，電視機旁的四人枱坐下，這時店員奉上調味架及整樽豉油讓我們混醬。與此同時，我開始找湯底，發現什麼沙嗲湯﹑清湯﹑芫茜皮蛋湯等通通要收費，仔細看看，原來剛才的$108﹑$88也是湯底價錢，這裡沒有任食火鍋的。既然已坐下，茶也開了，天氣又有點涼，索性將錯就錯繼續火鍋好了。選了鴛鴦湯底($48)~清湯及沙嗲，當然要點美國肥牛($28)，以及安格斯牛肉($88)，由於最近少吃菜，所以點了唐生菜($28)，老公點了豬粉腸($58)，最後豪一豪佢點了波士頓龍蝦($108)。湯底來到，其實本身對湯底沒有抱任何期望，不過全晚只有清湯一邊滾，沙嗲一池死水的狀態都差不多吃完時才稍有起色，基本上我是浸熟啲牛肉，而不是烚熟的。講回火鍋料，肥牛得4大片，牛肉粒雖多，但兩者的色水瘀紅，不討好，猶幸牛味尚濃。唐生菜看上去不算太新鮮，顏色不夠嫩綠，有些部位發黃﹑呈啡，味道正常。粉腸沒吃，老公稱一般。至於遲來的龍蝦，尺寸不大，亦不多肉，肉質當

今日到寶琳飲茶, 以為寶琳人口密集, 酒樓選擇會較多, 但發覺只有五六間酒樓.....真的好少!而且大部分是連鎖酒樓經營, 最後選擇一間名字稍為陌生的"福雅軒"10:45到達以為會人生人海.....點知不用等位....正!室內地方大及裝修新, 可惜被安排坐於加水及收集碗碟的地方.....十分嘈雜!! 11點前下單有點心孖寶, 即是一款貴點心加一款平點心.....只有五分鐘便到11點....隨便點了4款.....蝦餃+牛肉球 及燒賣+馬拉糕....不用$30有2款, 價格都可以點心紙寫明即叫即蒸.....所以點心等候時間需時.....大約15分鐘左右終於送上蝦餃點了4個點心：蝦餃， 燒賣，牛肉不是十分出色的點心～　味道不過不失馬拉糕-老公話不及格，因馬拉糕發得唔好，唔夠鬆軟睇下裹面就知道最後加了燒皇子鴿$24第一感覺是"嘩!來自非洲埃塞俄比亞的乳鴿"又瘦又干.....只有一點點肉 環境幾好，服務一般，味道麻麻，試一次都可以

那天是我爸爸的生日前夕, 我選擇了福雅軒酒家來慶祝我爸爸的生日, 而且大家都那麼巧合一起下班, 我們相約在新都等待, 在酒家的門口已經是有好大的海報推介夏日的推介食品有冬瓜盅及片皮鴨,我們由帶位小姐入座後, 馬上準備點餐, 因為大家都好著急又肚餓, 菜都好快上了, 不過今次我特別一些講了服務先, 服務真是覺得有點待慢, 我們一邊食飯, 一邊流著汗水,因為不覺有開空調, 問個侍應開大d冷氣, 她又好敷衍了事話中央冷氣冇得調較, 那麼我們都沒有再追問下去, 過了十五分鐘, 突然覺得好涼快而且頭頂上更有陣陣冷氣吹下來, 你們都可是侍應們的服務有幾敷衍我們, 如果再沒有開冷氣, 下次免費都晤來, 不想焗死 是日推介是冬瓜盅及片皮鴨, 兩者我都好喜歡食, 但一定二選其一, 否則另一款要收正價, 最後我們都是選擇了片皮鴨爽脆海蜇(小食)$48---麻香味一般,勝在灑上面的白芝麻份量多,芝麻味香, 不過我嫌份量少了一些, 不過食落都好爽口京式片皮鴨(一食)$68---那是今晚的主角, 我們選擇了一食的片皮鴨, 因為我們都食不消, 片皮鴨是今天的特價推介菜式, 所以不會在客人面前片鴨片, 不過我都好

要求女侍應取bb 椅，要等等。但等了又等。只見她行來行去，有時間都無去取。再問她是否無bb椅，得到答覆係無禮貌的對待。＂等等啦，我都唔得閒＂如果我見到她真的一直忙著，我會原諒，但事實她不當一回事。還用那種語氣、態度。以後一定不再到此，反正選擇多的是。