禮記自助蒸氣鍋 (Closed)

這個價錢，食到咁既質素食物，算不錯。但提醒大家，如果想個粥底夠清，夠甜就盡量不要加太多不同種類的肉類放上面蒸。因為我底上次就係同朋友咩都放係面蒸，又雞肉，又牛肉，又海鮮，又蔬菜，搞到最後食個粥底時，味道有點奇怪，不似純海鮮粥。但如果你唔介意呢個情況，又或者都唔會食個粥底，都可以照蒸任何食物既👍🏻

好味抵食, 又有煎野, 醬都唔少, 130蚊2小時, 其實都唔會趕人走, 真係平靚正既選擇, 人數又唔算多, 唔會趕人走, 姐姐都好熱心教你煎野食, 好好呀觀塘區, 九龍灣平二之選

今日同一大班朋友去食蒸氣火鍋，因為之前未試過都覺得幾新奇，蒸氣火鍋較為健康。因為係用蒸氣去蒸熟啲食物，但味道就要靠漿料去搭救。仲蒸氣火鍋個仔係有粥，當你食到最後嘅時候就可以食啲粥，啲粥就會吸晒之前所有食物嘅鮮味。食物嘅種類都有好多種，仲係自助任食所以唔會怕唔夠飽。佢除咗蒸氣火鍋之外，佢仲有一般嘅火鍋同鐵板燒，但鐵板燒就要排隊輪候。每人都係131蚊，佢嘢食都算新鮮，飲品任飲，所以真係幾低。

天氣凍定熱都係咁鍾意打邊爐，朋友介紹下今次健康少少，試下蒸氣鍋。港紙一百頭食到蒸氣鍋好平，但要試下個味道先知抵唔抵食，地鐵行去mega box 方向就去到，都算易搵，地方都算闊大，光亮清潔，任食肉有豬牛魚、鵝腸等等，菜蔬有栗米、翠肉瓜、菜、南瓜、茄子，款式都算多同埋新鮮，間唔中仲有小食例如炸軟骨、或者糖水可以自己拎，飲品都係包埋。所以性價比係高既，平得黎食得健康d少d油，仍然加上打邊爐大量蒜、蔥、辣椒，都好好味，但建議3人以上用中間d爐，火力較大，快煮快食到，2人卡位既爐比較慢。

話說約朋友係九龍灣食飯，真心唔知有咩好食，天氣涼，更加想烚下烚下。傳統酒樓嘅火鍋又貴又唔係特別抵，朋友搵到呢間，就食下。要有鍋蒸鍋，粥底又要好味，呢間真心有驚喜！我地係平日夜晚去，仲要6點半已經開始食，都有幾枱人。（影相避開人啦當然）我地當然揀一個近攞食物嘅一張枱，我地6個餓到一個點。有教你蒸咩要幾多分鐘，一目了然。（雖然我地無睇，大概知道同睇食物顏色）多嘢揀，呢啲料全部任攞，菜類肉類丸類乜都有。無論對蒸鍋定火鍋，都係多選擇。有一個位可以強推一下，有個鐵板燒位，客人可以自己燒嘢食。我地係勁玩呢個位，牛肉包金菇是非常正（自創分狂加）。職員推介鯇魚（應該係），放啲豆豉上去蒸，真係好好味！放係碟上，係唔想啲豆鼓跌左落去粥度。海鮮係好正！一人一隻鮑魚，一人食到幾隻中蝦，仲有一堆蜆，質素係唔差！佢呢個粥底唔係講笑，一人一定有兩碗，而且係鮮甜。佢個鍋係有「翻滾」，下面有噴水出黎，唔會痴底。飲品選擇算係多。一人140元唔駛，享受快樂時光，食物質素不錯，蒸鍋鐵板都得，環境舒服，強力推介（身上有陣邊爐味都係出到街先發現）。

以食粥底既價錢黎講 呢間餐廳既價錢便宜 只需$118便可以任食兩個鐘然而 海鮮不多 只有瀨尿蝦及鯇魚特別既地方係客人可以到外面既自助餐區拿不同既食物 如鷄翼 牛肉 豬肉 自己到另一旁燒不過令人失望係個粥 比較清淡(個人要加豉油)但係以價錢黎講 值得試一次!!!!

今晚去左禮記食蒸鍋，加粥底，姐姐話有賴尿蝦或鮑魚送，問我地要邊隻，最後我地要左瀨尿蝦，因覺得鮮味啲，另外，我地又可以試吓自己煎豬，雞扒，雞翼，讓青椒，茄子，都幾過隱，個粥底我地加左南瓜落去一齊煲粥，蒸到尾段，姐姐幫我地攞開個蒸架後，啲粥一大鍋，好正，啲粥好鮮甜，我地共5人去食，每人食到2碗幾，我仲差唔多食3碗，飽到頂心口，另外，汽水，包裝飲品都係任飲，都係118全包價，免加一。整體都唔錯，會再試。

從沒有想像到蒸氣火鍋可以如此。將家常豉汁排骨、燒賣、芝士腸放上去蒸，仲有要自己攞薄牛扒，雞翼去煎，感覺好似一個全無廚藝、對飲食毫無要求既人，係屋企打開雪櫃有咩煎咩，有咩蒸咩咁。呢間食肆對飲食全無要求，全無sense! 希望我呢一生這是最後一次🙏🏻🙏🏻🙏🏻如果有人只想用蒸氣鍋去食野，佢地可以黎試，但如果對食物質素有些少要求的話，請不要浪費金錢，自己買番屋企蒸啦在我心目中，蒸煮係用黎放係啲新鮮食材上，想食到食物本身既鮮味上而用，而不是將啲junk food放上去蒸。人有蒸鍋，佢地又蒸鍋，學到型但學活片唔到神髄。唔該安守本份做番茶餐廳吧⋯⋯唔明點解會有傳媒選左呢度做2017必食推介，難道別有用心🤷🏻‍♀️

見到個名叫蒸氣鍋，就好奇試下，點知好似蒸點心咁，無咩野食，又唔知啲野食蒸幾耐先食得，張牌淨係寫左海鮮蒸的時間，但大部分 counter 攞到的野食都唔知蒸幾耐。蒸完啲野食仲好難食，早知揀火鍋好過。

今次又係同友人既每月一聚，今次揀佐禮記，因為見評語大致上都唔差，都抱住一試無仿既心態去食。。係德福商場行過去大約10分鐘左右，有條樓梯行上去既。上到去位置都幾大，但可能平日既關係，晚上食客唔多，唔知係咪因爲咁，冷氣開唔夠，搞到食既同時都幾熱下，講真打邊爐係好熱，仲要蒸氣火鍋，冷氣唔夠真係好大敗筆，呢個算係今餐晚飯唯一令我不滿既地方。講番野食方面，一坐低侍應姐姐走黎問我地要普通打邊爐定蒸氣火鍋，咁我地一心都係想上蒸氣火鍋，咁緊係唔揀打邊爐形式啦，接著侍應姐姐又問我地加唔加一窩粥底，我地心諗冇咩所謂啦，就決定加埋。野食係自助形式既，都幾多款選擇，仲有個小形燒烤位，可以將雞翼牛扒擺上去燒，至於我地唔想咁熱氣就決定蒸😆😆😆飲品都好多選擇丫，紙包罐裝什至韓式飲品都有。其實食佐兩round都飽飽地，決定食粥，叫侍應姐姐幫手打開個蓋，哇！好多粥丫，我地就出去拎佐少少配料同蔥花去煲，可能之前已經索佐好多精華，個粥底偏咸，但味道ok既。最後食飽飽地埋單，哇，127蚊一個人？講真咁既價錢食蒸氣火鍋真係好抵。下次有機會會再食多次😋😋

觀塘好去處)禮記自助蒸氣鍋☆ (ˊ● ω ●ˋ) 我同同事們想就是想試試這間的蒸氣鍋！ 我們8：30後入席，因為我們每人95元一位，免加一（*'∀`*）♡  其實都幾多掂，又底食(●’ω`●）海鮮類都幾新鮮！   其實都幾特別好像蒸籠甘，不過海鮮既鮮味，完完全全係食到，基本上不用醬油，由期海蝦真係好甜,雖然很多海鮮也是限量供應！地址九龍灣常悦道13號瑞興中心1樓電話3188 0244

第一次食蒸氣鍋，感覺唔錯，地方企理，至少感覺係乾淨。自助食品區分開肉類同蔬菜，肉類有一般肥牛、雞件、亦有排骨同大腸等呢啲適合蒸煮既食物。海鮮都有啲鱔、鯇魚片、蠔仔等生蝦就另外比錢買。蔬菜就有豆腐、豆卜、南瓜、竽頭等等每枱送一兜蜆。少入廚既朋友唔駛擔心唔識蒸，佢張餐紙上有教每種食材要蒸幾耐。可能因為蒸煮，覺得蔬菜類比肉類更好食。我地將啲肉舖係南瓜竽頭上面，等佢吸收下肉味更好食。最後蒸埋啲蜆同埋估唔到果一碗米水就煮到咁大鍋粥，個粥底吸收左食材精華，加上用蒸氣鍋煮足個幾鐘，粥綿得黎相當鮮甜。雖然飽但都堅持食左三大碗，屋企人都相當滿意，下次會再黎。

睇網上資料話呢度有任食海鮮蒸氣鍋其實我都未試過蒸氣鍋，118位，以價論價好難平得過佢啦可惜嘅係任食海鮮已不復再，以前有咩聖子，龍蝦有得限量拎都冇埋，入座後冇耐送上一碟蜆，原來食完就冇，想再要就加錢買多碟啦。另外仲有魚蝦蟹都可另外購買。任食配料方面質素還ok嘅，冷門少見嘅如牛心頂都有，勝瓜同粟米蒸完都幾好食。另外仲有蠔仔可以任食，都算係海鮮嘅。讚賞位係飲品都ok多款。不過如果冇左免費海鮮，對我嚟講真係冇下次了。

同老人家食飯，想近近地搵間岩老人家又岩我地啲後生仔既野食，就搵到呢間禮記蒸氣粥底鍋試下。每位118，無茶芥及其家額外收費。出面有野食自助吧，有十幾款丸量，幾款肉類，幾款內臟，同埋小量魚肉同蠔仔。菜類就好多唔使講啦。我地個晚九點先入座，由於已經好夜喇，所以我地一行人都食得好清，主要以菜同海鮮為主。肉同丸就無乜點食。最最最覺得好食既係蒸魚同金針菇，同埋燒賣。蒸魚好滑好滑，一定要試！另外我地嗌左碟明蝦係額外收錢既，28蚊一碟六隻到啦。我地食到九成半飽先記起下面有粥底食，心諗應該個粥底份量好少姐，因為一開始見到個呀姐擺左幾粒米落啲水度。點知一拎走個蒸盤，見到煲粥勁多勁多，我地四個最後係食唔晒架。今晚由於我地食得勁清，並且係海鮮為主，個粥勁鮮甜呀！我見到隔隔枱係咁蒸肉食，後尾佢地啲粥係黃色架，因為啲肉既油滴晒落去😰

約齐同事周一放工去隔離街打边爐，因有同事試食過，話不錯。 一心抱左即管試下跟去。前身係茶樓，坐位好迫。現在改了環境，地方闊落。 坐近食物區，見菜魚肉都新鮮。 ８人送兩碟蜆。 因為是高速蒸氣鍋，打边爐，咩都好快熟，放好多餸入去都唔怕。喜歡食魚及菜，呢度有魚片，魚腩及鱔。鱔仲好肥厚。 同事見無蘿蔔供應，廚師聽見即切一條比我地呢枱，好細心。 百多元有飲有食，同事冬天聚會好地方。