禮記自助蒸氣鍋 (Closed)

近年崇尚健康飲食，所以蒸氣海鮮鍋就啱哂我！！上星期去左九龍灣Mega Box shopping,順道就去左尚悦道嘅禮記，佢地地方寬敞，海鮮種類繁多且新鮮，有海蝦，肉質爽口彈牙;BB蚌亦好爽口，好有頭，另外，各款丸類，肉類，多不勝數，必定可以滿足喂食的您，值得推介

中同聚舊，老遠由新界西去到九龍灣，為的是聞名已久的蒸氣鍋!好多菜、肉、海鮮等，仲有是日精選多寶魚一條，飲品任飲，一路蒸熟上面的食物，鍋下係一路煲成粥，蒸夠食到勁飽，最後仲落埋蠔仔落煲粥度，又正又飽到不行!

是晚星期五係九龍灣睇完戲後，即興想食火鍋，男友帶我由MCL行左十分鐘左右，黎到工廠區嘅禮記自助蒸氣鍋。睇招牌「禮記」原來日間做工廠食堂，夜間做打邊爐同蒸氣鍋。上幾級樓梯見門口一堆人等緊，以為要排好耐，不過原來人地係等入座，唔夠十分鐘我地就有得坐。入內見店面都好大，擺左十幾張圓枱，自助bar款式都好多，亦尚算衛生，牛、豬、魚、菜、菇類、丸類、飲品等，火鍋應有嘅食物算齊全，仲可以自己調較醬汁。我地係卡位坐下來，侍應就端上兩碟海鮮，份量按人數分配，一碟有4隻蝦同8粒蜆，另一碟就半條魚，呢個份量對我地黎講好足夠，唔夠可以加錢叫，枱上墊紙好貼心，列出所有食物要蒸嘅時間，唔怕蒸得唔夠熟，隨後係自助bar掃食物，食得好滿足，加上食火鍋必不可缺嘅肥牛係幾好食，以百零蚊黎講，係好抵食，絕對推介!!!至於食物新唔新鮮，我認為係咁，平時打邊爐食物如果唔夠新鮮，仲可以由湯底打救，但蒸氣鍋就純粹蒸出食物嘅味道，唔新鮮一食就食得出，而我地食左兩小時，都一致覺得食物係夠新鮮，起碼無異味，又係個句，以百零蚊黎講，係好抵食，絕對推介!!!

出面好多都係丸，海鮮要等30分鐘先有人入來，海鮮品質一般，種類少，要我等30分鐘去食品質一般的海鮮，飲品不凍。如果三個人食又沒指引如蒸幾多分鐘，我認為比起海港差得遠

好耐冇去九龍灣，今天行完 MegaBox ， 唔知食乜好，甚頭痛。 後來朋友見到雜誌介紹呢間位於工廠大廈的蒸氣鍋，打電話book 位又有位; 所以一致贊成去試！(因為我哋心口有個勇字)地方唔太擠迫，餐枱紙仲話你知蒸每款食物所需的時間攞食物的bar 枱和飲品都有好多款式，但原來有些海鮮如蝦/蜆/多寶魚會直接送到枱上（不是自取，而是配給）。起初大家都把食材擺得好整齊來蒸但之後就亂咁嚟，蒸熟就算其實蒸氣鍋真係冇技術可言，最主要睇食材新唔新鮮和抵唔抵食。今次食到的食材都算多和新鮮，$118/位（冇加一），限時2小時，都算ok!

120元任飲任吃那裡找會再去吃推介鯇魚腩蝦和雞也好好吃下次會再去建議大家不要點醬油吃海鮮和肉時才可吃得出原味蔬菜可點佢另外－蝶的好似檻醬好吃冇味精 醬油太多味精 飲料選擇也很多 推介大家去吃

Mega Box 一到假日就水洩不通，想揾個地方食野都好困難。上網查一下附近有無其他晚膳的地方，我就揾左“禮記自助蒸火鍋”晚膳。 佢地價錢相當經濟，成人$118,小童及長者$75，真係勁超值。餐廳地方相當寬落、坐得非常舒適、佢地有自助蒸氣鍋同自助火鍋兩款給客人選擇，而我地就揀左自助火鍋。雞件…………相當新鮮，肉嫩，雞味濃。豬肚…………無雜味，爽口彈牙。豬潤…………好粉，幾好食。另外，其他鍋料亦相當齊全，各類丸食，豬牛相當齊全。甜品燉奶都幾好食，牛奶好滑，蛋味好濃。

以前要到冬天先會食火鍋，時至今日，火鍋，蒸氣鍋店林立，真係一年四季都可以嘆到火鍋。上星期去左九龍灣總公司開會，有同事就介紹我去常悅道嘅”禮記”自助蒸氣鍋，嘆下D海鲜。 價錢相當超值成人$118,小童及長者$75，真係平到您唔信餐廳相當寬落、坐得非常舒適、一D都唔逼佢地有自助蒸氣鍋同自助火鍋兩款給客人選擇，而我地就鍾意蒸氣鍋，每枱仲奉送海鮮一客，包括 海中蝦……蝦肉晶瑩通透，相當新鮮，爽口彈牙。 石貝……好大隻，唔會有沙，肉質鮮味。 蜆……蒸熟後，蜆蓋打開，蜆肉鮮甜無比。 另外，其他鍋料亦相當齊全，各類丸食，豬牛羊相當齊全，特別係鯇魚腩，非常新鮮，鲜甜無比。呢餐食得相當滿足，價錢實惠，所以值得推介俾各位一試。

以哩個價，哩間野食蒸氣火鍋都係好抵食，不過一分錢一分貨，選擇係冇咁多，有蝦有蜆有多寶魚，不過佢係計人頭配給，但其實都好夠食。有多款飲品任拎，有任拎魚，蠔果啲，多數都係丸類，有好多菇菜揀，其中嘅粟米真係估唔到佢咁甜咁好食仲有佢個粥底鍋，18蚊真係要加，真係上面蒸完啲海鮮，底下啲粥真係鮮味到不得了食到最後會後悔點解唔留返個肚食啲粥。

上星期去左九龍灣Mega Box shopping,有朋友就介紹我去常悅道嘅“禮記”自助蒸氣鍋晚膳。價錢相當超值，成人$118/小童及長者$75,真係仲平過旺角餐廳地方相當寬敞，坐得非常舒服，佢地有自助蒸氣鍋同自助火鍋兩款给客人選擇，而我地就揀左最健康嘅自助蒸氣鍋。每枱都奉送海鮮併盤一客，包括:海中蝦……蝦肉晶瑩通透，相當新鮮，爽口彈牙。石貝……好大隻，無沙，相當肥美。蜆…………亦好鮮味，蒸熟後，蜆蓋打開，鲜味撲鼻，蜆肉非常鮮甜。另外，其他鍋料亦相當齊全，各類丸食，豬牛鱼相當齊全，確實抵食不過略嫌甜品太少，只有一款牛奶燉蛋，不過又幾好食，牛奶好滑，蛋味好濃，有水準餐廳價錢非常大眾化，但質量卻唔差，且好有水準，所以值得推介俾大家。

看見新假期在youtube的推介，一直都想試，但有見其他食評指要經常出入搶海鮮，放工來到夜晚七點多可能已經沒東西吃，所以一直都沒有來試。剛好家裡有事請半天假，所以就特意來試一試，結果有喜出望外的驚喜！首先要讚的是服務，可能是晚沒有太多人，所以侍應都好勤奮地幫客人清理枱面垃圾和空盤子，沒有因價錢而沒有服務，基本上任食火鍋甚至是放題等都不會有這種服務，十分值得稱讚。第二就是食物質素，雖則一定沒有什麼貴價食材，但食物枱和醬料位都尚算清潔，海鮮由之前搶奪方式變成每位客人都有四款海鮮食用，每樣兩隻，是值回票價而不再繁忙。重點是湯底！！！提供蒸汽的只是白開水，但在吃飽後開水已經變成濃湯，真的是媲美拉麵店的湯，基乎全部喝光！所有食材均是沒有醃製過的生料，自然喝得放心，不過建議大家不要吃有雞皮的雞件，因為油太多不健康。另外就是飲品有cream soda n cocacola！任食火鍋竟然有可樂！任飲的飲品好像沒有啤酒，但藍妹嘉士伯都只是20元三罐，比七仔ok便宜，可惜同行只有一人，肚皮沒有放酒的位置。最後就是不是重點的店面，雖然和一般任食火鍋差不多，但光猛和有點design的燈飾令人舒服。店鋪位置有點

網上威力真係大，質素差過一般酒樓竟然成村人排隊，相信好多都係同我一樣，見到海鮮任食慕名而來！去到你就會好失望！***海鮮根本不是任食，係限量配給制，例如象拔蚌係每人一隻，有人嚟你張檯分俾你！其他食物質素不高，而且少。蔬菜更可說係極差！好似街市賣剩d菜葉咁！而食客就......得罪講句：盡顯香港人嘅醜陋，某d不是不斷refill嘅食物一拎出嚟，基本一分鐘內搶完好處係唔洗加一

朋友介紹,即刻九秒九咁衝去試工廠區放工後人流係少d不過估唔到7點上到去要等位環境都幾光猛下,等左一陣已經可以入去啦安排坐係面房入面,一黎就介紹有冇野食,好似食自助餐咁,要自己出去夾野食(不是畫紙的)朋友早2日上去食話係冇限時,點知到我個陣，限時2小時,講真如果要食蒸氣煱2個鐘係唔夠時間食的,唔知我係唔係有先見之明,選擇左打邊爐,坐底左以為海鮮都係任拎任食,點知原來係要叫“咪”再排隊拎,但重點係,每次只派20幾份,派完即止!成餐飯,我淨係拎過3分之一既龍蝦(因為咁岩見到就派,所以排定等左一陣先有)好失望Lo可能坐係房關系,每次叫完咪想出去,未出到去前面已經有20幾個人派緊隊!因為大家都大概知道邊個時間會派,未叫咪前已經派晒隊,差不多每20分鐘都叫咪一次蜆可以隨便拎不過因為好多沙,所以係拎左一次,就冇再拎.坐VIP 房,係冇人服侍的,差D以為自己食緊計碟壽司,HAHA價錢真係抵ge

7/4/2016晏晝行過見有新嘢,即時致電訂位當晚去食,聽阿姐講只係新開咗3日;訂咗6:30pm,由於公司喺附近,6:20pm就到咗,喺門口排咗一陣隊等帶位就可以入座,被安排坐於窗口位,算係較近食物檯啦!當時都未知除咗坐喺中間較出嘅位置外,原來呢個都算係個好位嚟,直至阿姐忽然叫咪話有海鮮攞,即使衝出去排先知係個優勢;當晚喺我地用餐嘅兩個鐘內阿姐一共叫咗5次咪,我地就分別拎到 :-18:39 – 蝦(每位一隻,排多次就可攞多隻), 19:04 – 蟹(每位2-3隻蟹腳), 19:20 – 蝦(每位一隻), 19:43 – 象拔蚌(每位一隻), 20:06 – 龍蝦(每位一件), 臨走時仲見佢準備出元貝,但明知已經夠鐘,即使攞咗都冇時間蒸,所以冇排; 海鮮質素比想像好,蝦大隻夾口,蟹雖然細件但都幾鮮甜,象拔蚌同龍蝦都達到預期味道,不過要提一提嘅係,呢啲比較矜貴嘅食材係唔夠分俾全場嘅人,手快有手慢冇,見有啲真係排咗好耐,排到先知已經派晒架!其他生料款式就冇出面咁多選擇,但鍾意佢蜆類都分咗3款(我唔識分,但應該唔係同一樣嘢嚟,有3個size,當中有樣好似係花甲),魚又有好多好多款(好多人攞嚟蒸

訂左枱7點半，7點3已到，等安排入座時，伙記講左句“你依個時間黎乜都無得食架喇……”。7點幾食晚餐都唔係好晏啫，果刻我已覺得唔妥，但都到左就坐低食啦。我地去前都無打算食到好多海鮮，丸，粟米，菇等其他打邊爐食物肯定係主食，點都要老嫩食飽先。點知食左一轉粟米再出去攞時佢話“未必有架”，我估佢唔想補食物補得咁快……我地清楚海鮮要排隊攞的，問左伙記幾點有，佢話7點8，見只差10分鐘就去排定先，點知到7點8佢就話8點！好，繼續排。終於到8點，佢竟然話8點半！咁攪法咪分分鐘一晚得兩個時間有海鮮出！其實你不如直接同我講無海鮮吧…如果無海鮮嘅話，單單普通任食邊爐佢選擇又唔夠人多，位置又唔近地鐵站，我諗唔到咩原因要去依度食囉…（可能係飲品任飲吧！）