禾璽牛肉海鮮火鍋

Open Now

Now Closed

新开业的一家餐厅，环境干净，食材新鲜，老板娘也很热情。新推出的套餐性价比很高，4个人才600多。餐厅的小凉菜、脆皮鸡、牛肉、凯里酸汤鱼、番茄螃蟹汤底都很不错，强烈推荐

現在個個人都注重健康，就算係打邊爐，都盡量揀啲貴精不貴多的選擇，所以我哋都寧願去這些火鍋店，都唔會去任食火鍋的地方，因為這裏二人套餐是有招牌脆皮雞及牛肉吊龍，坐又坐得舒服。吊龍非常新鮮，筋同肉嘅分布剛剛好，真是15秒就已經可以食得，非常滿足。這裏的脆皮雞一定要試，烚完之後，雞皮10分脆口，非常彈牙，同一般火鍋雞很不同，這個印象深刻。牛肉丸完全沒有臊味，非常彈牙，內裏更有牛油滲出來， 10分高質。高山荀心脆卜卜，可以解除油膩的感覺。最特別的是套餐竟然是用油炸鬼，我們都是第一次試，原來用油炸鬼是好食過港式響鈴10分多，因為油炸鬼比較挺身，就算浸落湯度超過10秒都係脆卜卜同埋比較硬，相比起響鈴一浸落去已經一坺好似腐皮咁，這裏的油條真是很驚喜。

同fd 夜晚搵地方食嘢，見到呢間火鍋地鋪，就諗住以試伏心態入去試下，點知又幾好食啲嘢，平價得黎又唔失水準，佢地好似係啱啱開，餐牌得3個餐，2人同4人餐兩款，所以直接揀左4人餐食，再叫啲酒水飲下咁，咁本身見佢698$真係幾平，點知可以咁多嘢食，哈哈，加埋飲酒都夠晒飽，埋單都係1000除返開4個，係真係幾平，比起去身2到咁食應該都人頭4-500以上，推一推比大家過嚟支持下佢地新開平價火鍋，同埋佢地有房可以book 下次多人啲再黎試過，今次試伏經驗良好，期待下次黎尖沙咀再食😚😚

今日 經過尖沙咀 見到新開嘅火鍋餐廳有優惠套餐$698 嘗試一下 本身不抱期待卻有意外驚喜 當中有涼拌青瓜 油條 小酥肉 作前菜小食 可以在等待時間先進食 而且食物並不油膩 湯底是酸中帶微辣主食當中的烏江魚 肉質嫩滑 出色 另外 海鮮拼盤 有蠔 蝦 蜆 魷魚等的配搭 價廉物美 食到鮮味 肉質彈牙牛肉有胸口油和吊龍的選擇 色澤分明 油花分布亦充分 店員亦有提及所需烹煮時間 非常貼心 不能不提 羊肉 羊味充分 另外帶有軟骨 食落爽口 雞肉選擇亦有內臟和肉之分 味道調味不錯飲品亦包含在內 只可惜酒精飲品需另外收費如果經過尖沙咀會再食希望質素可以維持

見之前酒吧執左，呢個位竟然開返間新嘢，就同朋友一齊入左去試下，原來仲係試業階段，咁見肚餓就叫左兩個4人餐食，有牛湯同埋魚湯，魚湯堅正，飲品有酒有檸茶，食物都新鮮又好食，最加分係海鮮，好似係時令，有蠔有海蝦、鮑魚、墨魚仔等等，牛肉又真係唔錯，等佢正式開業再黎食多次😆

中秋節一家人打邊爐，與其買貴餸又要洗菜洗碗，出街食反而仲平靚正。最近呢間新開嘅火鍋店有好抵食嘅二人餐、四人餐，價錢實惠之餘用料都好靚！🔹四人招牌牛骨清湯超值套餐$698🔹二人招牌牛骨清湯超值套餐$398佢哋嘅招牌牛骨清湯味道清甜，配菜配肉都正。吊龍肉味濃郁又有啲咬口。牛丸彈牙多汁都唔錯。四人餐仲會有埋牛小排同牛胸肉🤩。牛小排又嫩又香。牛胸肉口感爽脆，一啲都唔油膩。佢哋嘅脆皮雞同雞雜都好有驚喜。雞肉淥10秒就起得，肉質又嫩又彈牙。雞雜有提燈、雞子、雞腎，三款都係唔腥同埋易入口嘅內臟。加埋蔬菜拼盤、筍尖、豆腐、油條、小酥肉、黑糖糍粑真係飽到上心口😣。刺身嘅種類都好豐富。