穗興

Open Now

Now Closed

Family trip. Stayed nearby and had a quick meal in the afternoon. We’re worried about the language problem because only I speak a little Cantonese, but the two waitresses were very patient and helpful. The lady with grey hair made us at home. The ‘original sauce beef rice’ was delicious as I fancy a sweeter taste. The ‘Loeng fan bing’ was not so sweet but my mom liked it. The ‘chau min’ took a bit longer but it was worthwhile.

【沙田區】【穗興】其實我真係冇咩想講，呢排為咗屋企嘅事奔波勞碌，而且我本身就唔係一個能幹嘅人。人哋做一個鐘就搞得掂嘅嘢，可能我搞成半日甚至全日都未必搞得掂。加上我本身冇預咁快要處理呢啲嘢，仲有讀書嗰邊嘅事要跟，所以都幾「救命」吓。我雖然成日講明自己係冇朋友，但係我呢邊出事，其實都有啲朋友諗辦法幫我，都令到我覺得件事誠然唔係差到咁差嘅。而呢個 foodie 帳户反而遇到最大衝擊，因為我真係唔想再食嘢，或者花好多錢去食好嘢，大家有眼睇，冇好嘢嗰啲會少咗 like 喎。唔知大家仲記唔記得我住沙田，話雖如此，沙田好多地方其實我都係未去過嘅。咁就不如趁我冇乜胃口而又要食平嘢嘅情況下，去啲比較特別啲嘅地方食嘢，咁喺件嘢食未必咁吸引嘅情況之下，唯有靠個地段嚟令到成篇嘢變得特別咗。今日要講嘅呢間餐廳叫「穗興」，喺沙田穗禾苑，對於好多人嚟講，呢個地方可能好熟悉好正常，甚至古巨基、梁詠琪好似都住過，但係我就真係未去過。一場嚟到真係為咗食啲嘢就走，見到呢間茶記喺一樓，好似冇乜人咁，就入咗去。我叫咗個「皇牌特餐」，主食「沙嗲牛肉米粉」正正常常，「奄烈」係夾火腿，隻蛋整得有啲老，反而件「牛油多士」合理好多，杯「

今天又是難得一個月一次和同事外出吃午餐，由於火炭工廠區內真的沒有一間餐廳的食物特別美味，所以今次我們專程乘搭的士來到穗禾苑，品嚐這間同事推薦的茶餐廳雖然這是一間茶餐廳，但是同事卻覺得米線的味道最為出色，於是我便點了一份韭菜水餃和鮮蝦雲吞豬骨湯米線可惜的是，這份米線有兩個致命缺點，分別是兩餸米線索價 $50一碗，以及需要等待 20分鐘！No.1【韭菜水餃和鮮蝦雲吞豬骨湯米線】$50雖然我點的的豬骨湯米線，可惜米線的配料 ~ 肉鬆竟然是辣的，導致整碗米線由豬骨清湯，演變成香辣湯底....幸好米線的質感軟綿綿之餘，同時亦充滿彈性，口感微微煙韌彈牙，而鮮蝦雲吞則鮮甜可口，蝦味濃郁，最後的韭菜水餃亦充滿著濃濃的韭菜氣息，咸咸的，香香的，其味無窮，珍饈美味No.2【凍檸檬茶】$2這間餐廳唯一值得一讚的地方，就是凍飲雖然要額外加$2，但是卻非常大杯，而檸茶的味道亦一點也不苦澀，最適合在炎炎夏日解渴了價錢方面，韭菜水餃和鮮蝦雲吞豬骨湯米線 $50，凍檸檬茶加 $2，餐廳不用加一服務費，總共 $52總結來說，雖然米線整體的味道並不算太差，可惜價錢一點也不便宜之餘，路程以及食物等待時間都太長了，最後我只有

今日假期，所以瞓晏少少先起身，差不多成十點多先起身，本來諗住唔食早餐，因為驚陣間食午飯又冇胃口，但又肚餓，所以就諗住脆脆地食少少野就算。又黎到呢間餐廳，但今次見到一個叫蒜蓉豬仔包，好似幾吸引，又可以輕食，都幾好，所以叫左呢個，同埋一杯凍檸檬茶。等了一會，蒜蓉包上枱，一陣陣的蒜容香味撲鼻而來，一碟有四件，面頭啲蒜蓉都算多，加埋牛油既香味，令人垂涎慾滴。立即急不及待拎起一塊黎食。豬仔包好脆，好香口，啲蒜蓉都好香，食落令人不自覺地一口一口的食下去，真係好好食，好快地俾我一口氣食晒4件蒜蓉豬仔包，配埋杯凍檸檬茶真係雙得益彰。我覺得佢整得仲好食過好多集團式經營的茶餐廳，今日終於俾我發掘好野食，下次又可以多一個選擇！

11:30am, 阿仔係附近上完堂,就近近地去穗興食個早餐+lunch先.呢度個餐牌好似一本書仔咁, 項目繁多, 配搭又多樣化, 阿仔對住個餐牌發左呆, 需要我在旁伴讀, 佢先決定到叫咩. 但結果都係叫埋d香腸、火腿、公仔麵, 呢d出街先可以食到的解禁食物：我叫呢個, 係咪比佢更有營養呢, 有蛋又菜, 又有牛肉, 麵底係米線.老婆叫左公司三文治. 佢好鍾意. 有時見人討論到, 一份正式的公治係唔應該有午餐肉、又提到應該要有沙律醬等等. 其實不用太考究啦, 各施各法吧, 好吃便是了.食完早餐, 便已經搭入lunch供應時間. 雖然老婆已經獨食一碟公治, 但都仲要叫多碗米線, 真的是戰鬥力驚人. 在場不少街坊同一時間叫小鍋米線, 等候時間比其他快餐耐. 大大碗, 價錢又便宜. 熱天必叫凍檸茶.以下就係阿仔睇到發呆的餐牌:

今日星期六，好晏先起身，起身時已經十二點幾，肚仔有啲餓，早餐已經冇得食，唯有落街食飯醫肚，當然又黎到我經常來的餐廳，睇下餐牌，都係點算我覺得最有水準的豉椒排骨炒麵，見今日熱熱地，叫個凍檸茶飲下先！碟豉椒排骨炒麵一上枱，熱氣騰騰，一食爭啲熱親咀咀，都係要吹一吹先！炒麵炸得好脆口，啲汁又多，排骨份量不少，排骨都仲幾多肉食添！豉椒炒得好香，比起其它炒河炒飯，炒麵呢度係比較有水準，次次食午飯都心思思叫呢個食，所以都忍唔住要寫一寫食評讚一讚先得！凍檸茶都幾夠茶味，檸檬都好夠！下次都要試下其它先得！

今日起身好肚餓，拿拿淋洗面刷牙去食早餐，我成日都會來這間茶餐廳，貪佢比同屋苑的茶餐廳好坐，同食物質素都比較好。卡位算寛敞唔窄，侍應都好好照呼，只係得一樣唔好，就係呢個餐廳營業時間只是去到４點，冇晚市的，如果有晚市就多好了。平時下午都見好多地盤工人，街坊都好喜歡來食午飯，都蠻多人的。好多時都坐滿座，今日好彩食早餐，可能我早起，唔算太多人。咁就可以輕輕鬆鬆坐耐少少都得！平時食來食去都係早晨套餐有點厭，今日就清清地叫份蛋治同熱檸水算了。第一次叫蛋治，原來個份量都幾夠，蛋治唔算話特別厚，但都算多蛋，目測啲蛋都幾滑，食落方包夠新鮮，夠軟熟，蛋真係好滑，咁多蛋好有口感，食件蛋治都有覺得好飽肚既感覺，加埋杯熱檸水清一清口腔，新一天就咁又有一個好既開始！