穗興

Open Now

Now Closed

今日起身好肚餓，拿拿淋洗面刷牙去食早餐，我成日都會來這間茶餐廳，貪佢比同屋苑的茶餐廳好坐，同食物質素都比較好。卡位算寛敞唔窄，侍應都好好照呼，只係得一樣唔好，就係呢個餐廳營業時間只是去到４點，冇晚市的，如果有晚市就多好了。平時下午都見好多地盤工人，街坊都好喜歡來食午飯，都蠻多人的。好多時都坐滿座，今日好彩食早餐，可能我早起，唔算太多人。咁就可以輕輕鬆鬆坐耐少少都得！平時食來食去都係早晨套餐有點厭，今日就清清地叫份蛋治同熱檸水算了。第一次叫蛋治，原來個份量都幾夠，蛋治唔算話特別厚，但都算多蛋，目測啲蛋都幾滑，食落方包夠新鮮，夠軟熟，蛋真係好滑，咁多蛋好有口感，食件蛋治都有覺得好飽肚既感覺，加埋杯熱檸水清一清口腔，新一天就咁又有一個好既開始！