章魚燒大師 (Go Go Mall)

Open Now

Now Closed

今次係第二次嚟買章魚燒，呢間章魚燒小店好似本來係虹橋果邊嘅，之後就搬左嚟呢個舊式商場嘅一樓，呢層好似特登翻新做新式嘅 food court 區，有D似西九龍中心頂樓果個咁，仲改咗個名做gogo mall 點解咁唔就腳都特登嚟食佢嘅章魚燒呢，因為真係好大粒同埋好多餡料，上次揀咗飛魚子，佢會係入盒之後上邊淋滿哂起碼兩大匙嘅飛魚子，凍冰冰脆卜卜嘅飛魚子再配埋新鮮熱辣整好嘅章魚燒，入邊個皮仲係有少少流質唔係乾哂嘅，係幸福嘅感覺~~今次就揀咗wasabi 味，上邊有應該係佢地自己磨嘅山葵，第一次一口食哂真係好攻鼻好刺激XDXD 唔受得嘅最好就分開幾啖慢慢食喇haha 不過中間嘅章魚大細同整體都冇退步，希望佢可以keep 住啦~30蚊6粒就唔算特別平，不過呢個質素係值得嘅!

出色小丸子！🐙每次見住佢地係咁整，無停手，真心覺得良心小店唔易做！🥺每次去到即叫即整，睇住佢足料大章魚，大大羹蝦子，大大夾木魚，成個盒都係料，送到你手仲熱辣辣出哂煙，真係好正！😍😍😍雖然每次都等好耐，地點仲要有少少山旮旯，但我都會繼續支持佢地幫襯佢地，因為真係好抵食又好食又高質。皮脆同薄，有少少煙韌，大大粒！佢有時仲要有限定味道，上次食左明太子味，仲有蜜糖芥末味，真係好特別好好食！但唔係成日有限定味😌真係睇你好唔好彩！呢間小丸子真係好出色，每次都好滿足！重點一啲都唔貴！🥳

飛魚籽三郎 $38 6粒超級抵食，即製的章魚小丸子，章魚大大粒，醬汁同配料一啲都唔孤寒！！超級爆多飛魚籽！！食完好想再食！！！佢口感比較淋身，咬落去爆漿，要小心燙口，調味都唔錯！只係等得比較耐，佢話五至十分鐘，但其實十五分鐘都未有😂😂😂但好食抵食有時間咪等下囉！

美食廣場有好多小食店選擇，可以舒舒服服掃街，坐低慢慢食，燈光明亮，環境舒適。飛魚子三郎(四粒) $30外脆內軟，每粒章魚燒裏面有兩小粒章魚，上面鋪滿超多飛魚子，粒粒微脆，入口澎湃，旁邊鋪左許多木魚絲，配上蛋黃醬，味道豐富，未食過咁足料，性價比高，不能錯過。紫薯栗子餅 $10好少炸薯餅是紫薯同栗子的配搭，立即要叫一個試下先，即叫即炸熱辣辣，紫薯蓉微甜，口感幼滑又軟綿，裏面夾雜着粒粒栗子，可惜的是沒有栗子味。

章魚燒大師喺屯門其實好出名！佢原本係井財街商場！但係近排整間店都搬咗去Gogo mall，每次去購店嘅時候都要排晒隊！！！佢仲有好多口味！試過原味，明太子！要講一講！明太子章魚燒非常出色！從此之後就冇食過原味啦因為真係好好食！

看電影前先吃少許東西戲院附近有一個商場叫GoGoMall，電梯一上整層是美食廣場，有數十間餐廳令我花多眼亂😳由於我不是很肚餓，最後選了平時要排半小時隊的（章魚燒大師）〰️疫情關係顧客也變少了，只需等不夠十分鐘就可用餐了👍🏻🍴食物🍴烏冬+4粒原味章魚燒$38（送飲品）：先喝一啖烏冬湯，味道較淡，烏冬也不算滑很普通不過主角章魚燒好好味，外皮不會淋而且有少少脆不錯！章魚也很大顆，溫度是熱辣辣的，整體不錯👍🏻🔹環境🔹開放式好處可以看到烹調的整過過程，眼見衞生，而且主要外賣為主。🔸服務🔸不知是否人不多，店員服務也特別好🤣（5❤️為滿）食物：❤️❤️❤️❤️服務：❤️❤️❤️❤️環境：❤️❤️❤️

屯門難得有專賣章魚燒的小食店，特意去買一份試一試。章魚燒口感較軟，但章魚料夠大，最少夠塞牙縫，咬落有料。本來有大蔥口味想試但每日限售幾份，所以沒嘗到有點可惜。一份6粒叫價$38，以小食而言(不當正餐分量計)個人覺得味道和分量，值得這個價錢。有機會再試其他口味!

難得到訪屯門，跟隨有位為食的小朋友四圍覓食，結果想食個間章魚小丸子已結業了，於是覓到Go Go mall，發現了章魚燒大師就決定一試。叫了一盒6粒的飛魚子章魚燒，等待了10分鐘左右就有得食啦。飛魚子量超多，老闆一點都不吝嗇啊～ 把一大撮飛魚子往口裡塞好正！且飛魚子是甜甜的。到章魚丸子了，一盒6粒的小丸子粒粒都有點體型，漿跟餡比例算恰當，不會是整粒都是丸子漿。雖一是章魚小丸子不夠熱，吃時只是偏暖...若果可以是熱騰騰地呈上相信會更好食。

Lunch唔係話好肚餓，諗住食個章魚燒！過下口癮就夠😆之前呢間喺虹橋嗰邊都有試過，嗰陣仲要排隊買！而家搬咗嚟新墟呢邊方便好多👍🏻6粒大大粒好飽滿👍🏻話就話係小食，不過其實食完都好飽😂今次叫嘅係原味🤤分量十足💕

屯門雅都商場新開咗food court 一段時間，有次經過咁啱餓餓哋，走上去行下，決定食呢個章魚燒大師，午餐都幾抵食，唔洗$60,有烏冬、章魚燒同炸蠔再加汽水👏當然對淨烏冬就唔會有期望啦，但係難得烏冬都唔係cheap烏冬（你懂的😏）炸蠔係即叫即炸，脆口，呢個價錢真係好抵食👍小丸子無咩特別，可能貨過屯門虹橋好出名個個，所以對呢個章魚丸有一定期望... 所以有少少失望，但呢個價錢，確實交足功課👍加油小店❤️

呢度既小丸子非常足料👍🏼今次叫左個雜錦小丸子有12粒😋原味，明太子，Wasabi同埋蟹子❗️個人覺得Wasabi最出色👍🏼佢個味唔會太攻鼻加埋沙律醬好正😋明太子同蟹子個份量都幾多❗️值得一試

原來，以前紅橋的章魚燒大師在新開的GoGo Mall也找到！想起章魚燒就不禁食指大動。見到有個試四種口味，$68的選擇，不用想，即叫。好似挑戰十八件雞塊有四種醬一樣，十二粒章魚燒有四種味道，有原味，明太子味，蟹子味和wasabi味。而且可見店主一點也不吝嗇醬料，好好味！個人取向的第一位是wasabi味，好惹味，配章魚燒出奇地夾！ 第二位是蟹子味，好多，真係好多，可以撈其味食，好滿足。第三位是明太子味，本以為明太子會是我的最愛，但是竟然不夠味，不夠咸，有點失望。最後是原味，可以食慣，沒有新意。但其實要讚個章魚燒本身，粉漿不厚，好輕食，但章魚無偷工減料，正！

畫圖一事，終於完結，今天中午可以好好GoGo Mall覓食一番，其中一站是在屯門有名的章魚燒大師。章魚燒大師由紅橋搬到GoGo Mall，方便很多，從前去紅橋感覺有些遙遠。搬到GoGo Mall後章魚燒大燒亦有新氣象，從前只專賣章魚燒，現在新增各類小食，炸蝦，炸蠔，湯烏冬，溫泉玉子及多款薯餅，挺吸引的。不過我要留肚子吃吃的店，所以只吃六粒明太子四郎。章魚燒即時製作，故一拿上手時新鮮熱辣。圓滾滾的章魚燒撒上橘紅的明太子，份外誘人。明太子四郎味帶鹹鮮，外脆內綿密，八爪魚足足佔章魚燒三份之一，吃完大滿足。

每次泥雅都商場都係食薩利亞或者譚仔😂依家終於多咗好多選擇啦！GOGO Mall 大約有20間掃街小食店，部份店舖外有座位，咁章魚燒大王就冇既，不過就可以喺出邊望住師傅整👍😻章魚燒即叫即整，師傅都密密做！等左10分鐘可能人都比較多，蟹子集中晒係左邊同柴魚片係哂角位，唔緊要！最緊要章魚燒好味！口感我都幾驚喜，外酥內軟，淋滿各式各樣的醬汁，我好唔鍾意個d成粒小丸子全部都係菜！呢間你見住佢整係真係每一粒都有一粒幾有份量嘅章魚🐙😻

🔻章魚燒大師屯門雅都商場裝修成GoGoMall🌱入面好似Food Court咁有好多小店為食嘅小編試食左幾間 等我慢慢出post介紹😆.章魚燒新鮮製作 仲有好多口味😀😀有明太子、Wasabi、大葱、蟹籽，今次揀左大葱🤓.等左10分鐘左右終於買到🙆🏻‍♀️一打開個盒 就會見到有海量大葱舖係面😯翻開仲見到好多木魚絲👍🏻醬汁依舊有沙律醬同燒汁 配埋大葱好夾😋食落好清新 無咁滯🌱另外章魚大大粒 只是個人喜歡再脆身D嘅章魚燒😌