Video
Telephone
22153898
Opening Hours
Today
11:30 - 22:00
Mon - Tue
11:30 - 22:00
Wed
Closed
Thu - Sun
11:30 - 22:00
Above information is for reference only. Please check details with the restaurant.
間唔中都會食下呢間小菜 **部分圖片進食期間影嘅所以比實際份量少 大部份套餐60至88 包埋例湯或自家製涼茶， 全部少味精唔油真材實料份量又ok。 每星期餐牌都唔同有時有啲新菜式， 今日老闆娘推薦1。魚翅頭姬松茸燉鴨湯 $98材料好足有成6碗湯同埋四分一隻鴨， 飲得出冇味精同埋好香陳皮味。2。 香草豬仔骨配薯格 $78有6條豬仔骨肉好滑味道剛剛好唔會太鹹 ，薯格好脆。3。 薑蔥蒸龍躉仔 $138 比想像中大條新鮮，蒸到啱啱好魚肉好滑，同埋佢哋個豉油係自己調冇味精, 原汁原味。餐牌有普通黃花魚倉魚馬友等等就 78至884。濃蝦湯浸娃娃菜 $108 大量新鮮蕃茄再加埋蝦同埋蜆肉非常香濃， 呢個菜每次都必叫， 連個湯都要打包返屋企煮烏冬。另外早幾日預訂咗上湯龍蝦， 啖啖肉連殼都𡁻埋， 我敢講比好多大酒樓都煮得好食 😆😆佢哋自家製涼茶都好出色， 今日飲咗咸柑桔青檸水。。 我覺得呢間嘅出品無論價錢用料都好合理， 而且做街坊生意老闆娘同夥記都好有禮貌。
continue reading
好耐冇食呢間啊，試吓佢啲新嘢先😂柱侯蔥爆薯寶牛筋腩是一道很有特色的家常小炒。Q彈的牛筋腩，配上蔥香味十足的薯仔，口感豐富又有嚼勁。分量很足，價錢也很平民，是一道很實在的滿足感受。香辣豉椒炒蜆則是另一道很簡單但出色的下飯菜式。鮮嫩的蜆肉和爽脆的豉椒,混合在一起非常協調,微微的辣味剛好提升了整個菜式的層次。這道菜看似簡單,但用料新鮮,煮法也恰到好處,展現了廚房的功夫。在街坊小店也能吃到如此美味的蜆肉,實在是很難得。重點係佢嘅份量多之餘，真係一粒沙都冇💯每個餸都包飯同埋包飲品，十分滿足無論是熟悉的牛筋腩還是鮮嫩的蜆肉,這兩道菜都各有特色，價格也親民，是值得一試的選擇。
continue reading
係荃灣返工食到悶。走到上荃景圍睇下有咩食。見openrice d 相有花膠米線好似幾ok wor. 點知坐低先知d 相係upload錯咗嚟呢間店荃景圍呢間係食小炒，無花膠米架。既然嚟咗，就試下啦。好驚訝係鋪仔細細lunch竟然有30幾個選擇。連椒鹽九肚魚都有就試下你咩料。竟然仲好食過酒樓嗰d. 即刻拉中隊叫一班同事嚟再試（人多可以試多d嘛）。 total叫咗8碟，樣樣有水準。午餐有小炒有飯重有杯野飲都係5-80蚊左右。重想點。一定會有下次
continue reading
今年新年都幾多餐廳關門，等咗幾日食咗咁多快餐，好想食啲住家味打咗電話問定有開門，寒風下走過嚟荃灣中心堂食抖抖最喜歡小店夠細，聽住廚房啲拋鑊聲，再噴晒熱送到面前，好溫馨嘅童年感蜜椒薯仔炒豬爽肉全部食材走過油，香口又吸汁，爽脆又嫩滑有汁相當惹味，特別係薯仔粒真係不得了薑蔥霸王雞滿滿薑蔥鋪喺面，見到我哋有小朋友，主動豉油另上好貼心呀～雞好嫩滑小朋友勁鍾意，食咗超過半碗飯餐飲勁有heart，一人一支話梅青檸蜜，真係支支都有粒話梅㗎～埋單不過係$123，簡簡單單先係最令人回味
continue reading
如果大家鍾意飲湯，極度推薦呢間小店比大家😍一定要book mark‼️‼️養生花膠雲南姬松茸肉排湯 $43清潤印度椰子皇花膠圓肉肉排湯 $43⭐️⭐️兩款都極度推薦⭐️⭐️小店真係勁啱我口味🫠乜都想打極度推薦🙈但其實又唔係話非常特別，賣點只係「簡單」，係完全係住家飯嘅味道，零味精🤤味道真係同自己係屋企煲嘅一樣🤣椰子湯味道比較清甜，姬松茸湯比較濃味啲😋唔講唔知，原來姬松茸好多好處，補腦、排毒、益腎等，好啱sem尾就死嘅我😇兩款湯入面都有幾塊花膠，$43晚飯真係幾抵😚建議大家都叫飯，其次係米線，兩樣都可以撈湯食，配麻油味出前一丁感覺好似好怪🤣但如果大家係每餐都一定要食肉嘅話就建議嗌小食，因為湯料只有細粒嘅排骨，唔算太多肉今日去食香炸日本鯖魚做緊特價，$20咁抵緊係要試下，之後再叫埋雞翼$18/3隻😚兩者炸得啱啱好，外面好脆，但入面依然保持到軟嫩既口感老闆仲好好人請我地食紅豆仙草🤣超好人！是次發現成為去大窩口碌保齡球嘅必食餐廳🎳簡單味道 荃灣荃景圍86號荃灣中心一期商場地下C15號舖
continue reading