粥如意

Open Now

Now Closed

今日興起想食粥，一向幫襯開安定（麥記對面）個間，想試新野，記行遠少少去友愛街市入邊買，因為見openrice 評分都唔差但我諗係我唔好彩 我中伏買左兩碗粥，一齋腸$92粥好大碗，我外賣自取拎到我呢返到去滿懷期待啦，第一啖，ok正常，但得六塊雞件，仲件件都好「精緻」添😅及兄粥-味都係正常野，但粒肉丸變左，「叔」既😡料都好少唯一好既係腸粉，醬分開上，唔會淋哂都夠滑既粥記大碗抵食囉，求飽肚ok啦我係味要專一d呢？li期試其他野都中哂伏既

放假走到屯門，行過已全面翻新的友愛街市，外觀吸引內裡衛生，設有空調系統；進駐的商店類型不少，同時有不少食店，於是順道於這裡用膳，突然牛脷酥癮起，所以揀左食「粥如意」-三餸湯飯 $53點選魚腩、滑雞及鮮蝦，配一款蔬菜魚腩質地唔夠緊實，感覺唔算好新鮮，魚香欠奉；滑雞反而有驚喜，嫩滑有雞味；蝦仁爽口，鮮味一般；湯夠熱帶輕微鹹味凍奶茶+$8, 茶香很淡，奶香正常美味指數：6/10-牛脷酥 $11夠大個，但毫無熱度甜度適中，沒有鹹香；也沒有脆感，內裡沒有鬆軟綿密感，非常失望美味指數：2/10

呢排個天涼涼地，求其去屋企附近搵一間粥品店試下，就發現左呢間小店，首先價錢方面大約40-50蚊左右都係普通街市價錢，叫左一碗及弟粥同埋一碟叉燒腸，份量都十份足夠，味道亦都好好，粥品既口感同火喉都好好，黎緊天氣開始轉涼，我會再幫襯呢間小店

尼一間粥店，唔單止有賣唔同款式的粥、腸粉和油器，午市仲有賣埋飯和粉麵，有很多選擇。我今次叫了艇仔粥，材料好足，有好多🦑🦑魷魚。另外，仲有值得推薦的是🦐🦐蝦米腸，好香噴噴

黃沙豬潤粥$30豬潤大大舊，未試過食呢個質地既豬潤，平時食開個d口感係好粉，完全唔爽口，呢間就完全相反，好爽口，粥底又夠棉滑👍🏻帶子鮑片滑雞粥$46帶子同鮑片好清甜，份量又多😽雞肉質地鮮嫩 冇雪味鮑片瑤柱肉丸粥$46鮑片一樣大塊 香甜 易咬，唔韌，瑤柱鮮甜，仲有肉丸，肉丸彈牙蝦米炸兩腸$18真係好大碟腸粉，平時食個d最多得2行，呢到3行，仲要每舊都好大舊🫣腸粉唔厚，較薄身，係我鍾意既厚度🤣同埋d蝦米好多 好香，加埋甜醬同花生醬食 一流家鄉炒米$15炒得唔油，乾濕度適中，係我鍾意既質感😻店員仲比左2包辣椒油我mix埋米粉一齊食🫶🏻好香😽煎堆$10大大舊真係好抵食，仲幫手剪開4舊，方便夾黎食🥰味道香脆，甜度適中3碗粥一樣有花生、蔥花，檯面仲有d胡椒粉、醬油、花生醬、甜醬等可以加😆overall好抵食 ，粥又大碗，勁多街坊係到食🤣仲有豆漿送添㗎

宜家啲街巿唔止買餸咁簡單，仲可搵到好多隱世美食。今日同男朋友去開友愛邨時發現友愛街巿內一間粥店，經濟實惠兼好味，令我地都食得好滋味。開方式的設計，地方唔算大，有幾張長枱和四張長枱。全店以淺綠色為主，感覺和諧舒服。每枱都有齊多款醬料、調味料、用具和餐牌，都幾齊備。餐牌共三份，分別有傳統即熱粥、瓜菜肉類粥、健康粥、粉麵餐、三文治餐、招牌生滾粥、即蒸布拉腸粉、小食和飲品，選擇不少。我點一碗南瓜魚腩粥 ($40)，超大碗，用料十足。粥底綿滑，加咗大量南瓜煲成，變成南瓜蓉跟粥混合，啖啖都有南瓜的甜美，好味！魚腩共有四至五件，肉質鮮味嫩滑，魚皮滑嘟嘟，好新鮮，正！仲加了不少薑絲，食落一啲腥味都無。男朋友要四餸湯飯（$51+8），在二十多款餸料中揀咗魚頭、魚鮫、滑雞和魚腩，每款餸都有兩至四件，再配碗大白飯，份量十足，抵！湯底是紅青蘿蔔，註明自家煲，好清甜，少油少鹽，家的感覺。魚頭都幾大個，鮮甜滑溜；魚鮫是最滑的部份；而魚腩就啖啖肉，加埋嫩滑的雞件，大滿足！仲叫咗兩款即蒸布拉腸粉，鮮蝦腸和叉燒腸（$20）外表令爉爉，滑嘟嘟。每卷捲着兩隻爽彈的鮮蝦或不少肥美的叉燒絲，簡單淋啲豉油已不錯，若果外皮薄身一啲

粥如意 (屯門)屯門屯門鄉事會路2A號 H.A.N.D.S地下友愛街市25-26號舖今次入到屯門搵食，你很多屯門人也會去的友愛街市，這裏經過裝修後非常之新穎，而且裏面聚集了很多小店，今次找來一間食粥的小店，一嘗它的鮮味。帶子鮑片滑雞粥$46粥煲得非常之軟綿綿，入口即化，不會太杰也不會太水。非常之足料，裏面有大大粒帶子，亦有很多吧片，而且雞肉非常之多，整體而言雞肉嫩滑、帶子煮得剛剛好，鮑片鹹香，整個粥的鮮味出晒來。沒有想過在街市內竟然可以找到一間如此足料的粥店！果真是臥虎藏龍。細炸兩$13食粥一定要配炸兩，這個炸兩脆卜卜，跟新鮮炸出來的沒有分別，配上各種配料，放入粥內更加是吸收了粥的鮮味。油菜$20油菜非常大碟，而且翠綠新鮮，一碟油菜其實夠兩三個人吃。豆漿$7食粥食炸兩配豆漿，這個是必然之選，而且豆漿鮮甜。

突然間好想食粥，上網睇下附近有無粥店，發現原來友愛街市內有間粥店，就去搵食！帶子鮑片滑雞粥 $46上面舖了大大片鮑片，滑雞件食落真係好嫩滑，帶子新鮮大粒，粥底非常之綿滑同濃稠，而且份量好足好大碗鮮魚腩粥 $35 + 黃沙豬潤 $8鮮魚腩大大舊，又滑又唔多骨，而且只有大骨沒有細骨，豬潤非常新鮮爽滑，好厚好大件，好回味，下次必點炸兩腸 $15一上枱嚇親，份量好足有3大條，而且油炸鬼好大條好厚實，炸得唔太油膩，腸粉好滑厚厚咁包住油炸鬼，所以好飽肚，枱面上有甜醬，花生醬及豉油自己鍾意落幾多都得郊外油菜 $20菜心新鮮爽甜，又係好大碟而家好食既粥店越來越少，支持小店用心經營，而且店員十分親切友善，抵讚

好耐無黎愛定商場啦，雖然佢而加叫HANDS，但呢個名真係好唔慣。去左街市買餸，見有間新粥舖開左，仲有啱啱出爐嘅油炸鬼同牛脷蘇，好香啊～午餐就食呢度啦。除左粥外，小店都有幾多其他野食，午餐仲有炒粉麵飯添，見唔少街坊都叫左揚州炒飯，好大碟呀。叫飯嘅話送熱飲，叫粥就有優惠價換飲品，優惠時段叫油器送豆漿（杯裝）。豬潤肉片粥諗緊食咩粥個陣，店員話豬潤新鮮返貨，咁就黎個豬潤肉片啦，粥底綿滑，豬潤爽口鮮味，肉片嫩滑，大大碗足料又好味。油炸鬼食粥要配油炸鬼，新鮮出爐香脆唔油膩，如果可以剪細多少少就好，咁長浸落粥吸唔透嘛。鹹肉粽店員狂推薦自家粽，全部新鮮即日包㗎喎，條咁熱情就叫一隻啦，反正今日端午都無食粽。隻粽真係好綿呀，包著綠豆蓉同肥豬肉粒，肥肉好甘香，入口即化，仲有原隻鹹蛋黃，漏油㗎。嘩！係好出色喎，無推介錯。食左好多澱粉質真係好飽呀，滿足滿足～題外話～順便讚下收銀小哥，街坊入黎問咩都有求必應，好似唔識用安心，唔識裝釘卡，買外賣盒，醬汁分開裝等，態度好又耐心，哈哈，好難得㗎。

近年不少老屋邨翻新，並革新了邨內的熟食街市，不論裝修、環境及衞生都改善了不少。今日途經友愛邨，幾鍾意呢間「粥如意」個名，見耐耐地冇食粥，所以就咁樣坐低咗食番碗粥先。年青男店員推介豬膶、腸粉、咸肉糉都話正，最後我㸃了「豬膶肉片粥」（$38），一碟炸兩（$15）。發現有奶茶咖啡供應，於是加多杯熱奶茶（跟粥或腸粉加$7）。「豬膶肉片粥」粥底綿滑有米香，一路食都不會越食越變水，膶肉夠厚肉鮮滑，「炸兩」製作需時，因為是即叫後即蒸即包，腸粉皮滑而油炸鬼香脆，最重要係醬油可以自由任加，特別滋味。店員表示很多食材都是新鮮貨，而且來自同一街市。糭子是老闆娘親手足料包製；另外有特價時段買油器送凍荳槳。街坊們都推介咸肉糉好味，最後我也忍不住，堂食完再要外賣了兩隻「咸肉糉」（$20/隻），加埋煎堆（$10）店員還多送我一杯豆漿呢。返到屋企，連貓貓都想食埋一份添。目睹店員與街市、商場鄰店都十分熟稔，偶爾閒聊說笑，有婆婆天天來吃健康南瓜粥，也有主婦天天來喝咖啡吹水，感覺充滿溫情，或許這就是舊區獨有平民街坊的人情風味吧。

粥如意 (屯門)屯門屯門鄉事會路2A號 H.A.N.D.S地下友愛街市25-26號舖端午節就到，都想食下鹹肉糭，咁就要去屋企附近嘅企理街市搵吓隱世好嘢食。豆漿細樽$8清甜。鹹肉糭$20臨近端午節點都要下糭，糭嘅話係比較鍾意傳統嘅鹹肉糭，味道好足，唔洗再落鼓油或者砂糖，饀料好足味道好夠。炸兩腸$15炸兩少有好好食，因為腸粉皮好容易令油炸鬼變淋。但係呢度嘅油炸鬼相當鬆脆，而腸粉皮又非常嫩滑，兩者都係極佳狀態，口感非常好。鮑片腸$20呢度嘅腸粉真係好嫩滑，有米香味，鮑片帶有海鮮嘅鮮味同鹹味，鍾意清淡嘅朋友可以毋須鼓油都已經相當好味。叉燒腸$20叉燒肉質口感豐富，味道濃郁，同呢度嘅腸粉皮好夾。呢度嘅叉燒腸叉燒唔係切成片狀，而係切成條狀，比較容易咀嚼，腸粉始終係嫩口嘢，饀料較易咀嚼係會更加夾，加分！皮蛋鹹蛋肉片粥$38皮蛋透心，鹹香濃郁，粥底老火，綿綿嘅感覺，下火又暖身，肉片鮮嫩唔UN。豬心豬潤粥$38呢度嘅粥底非常夠火喉，好綿好滑，味道相當濃郁，豬心豬潤好爽口，食材嘅味道完全滲入粥底，所以即使唔係每口粥都有足料嘅餸，淨食粥都已經好夠味！

星期六去開友愛買嘢，見呢間新開，賣相又幾好咁，所以順便買外賣返屋企食。當日叫咗炸兩、炒麵、鮮牛肉粥同埋咸/皮蛋瘦肉粥加豬紅，點知返到屋企打開啲食物，除咗炒麵之外，所有嘢都係執錯哂，變咗瘦肉粥、牛肉腸同埋皮蛋瘦肉粥但冇豬紅。雖然有責任離開餐廳之前檢查一次，但作為客人冇理由要承受呢個責任太多，問題係佢哋員工真係太求其，如果話人多就可以接受員工做錯野嘅話，咁做老闆都好大責任，所以以後唔使旨意我再幫襯呢間野買外賣