糖沁甜品 (Closed)

Was on my way home when I discovered this dessert shop. Decided to order takeaway for the mango sago dessert with taro balls (楊枝金露加芋圆）surprisingly nicely balanced sweetness and chewiness in the taro balls. You can tell the dessert is made with heart. Highly recommend! 好有heart同埋超值嘅楊枝金露，唔錯唔錯幾好味～

飯後想找甜品吃，一行六人到這台灣小店，甜品有意外驚喜，味道適中，桃膠，紫米，芋圓都用心制作。老闆娘又好好人，甜品交交流，食得開心滋味滿足。 推介給喜歡吃糖水的朋友們

2個人分別試左柱候排骨飯同埋台式滷肉飯，份量夠晒好抵食，$45有飯+椰汁糕+湯，湯同白飯仲係可以refill添架，2個飯都幾好食，個人比較鍾意柱候排骨嘅味道，只係略嫌味道稍濃，紫菜蛋花湯清清地，椰汁糕超正! 老闆娘最後仲請我地食薑汁小丸子，誠意滿分，台灣老闆娘好親切，好有人情味嘅小店，大家都幫襯下佢地啦

食完飯見到附近開左間新既糖水舖，主打低糖健康的甜品。入到去發現仲有飯食，好似好吸引咁，我地叫左個榴連飄香同埋一個北海道牛乳布丁桃膠芋圓。個芋圓好吸引，咩都有啲，個底係涼粉，個牛乳布丁好香滑應該都係自家製，仲有牛奶同椰汁做底，好yummy, 啲芋圓都係自製，數量一啲都唔少，好彈牙有咬口。榴槤飄香似榴槤西米，但好多榴槤肉，夾雜碎冰，食完透心涼。最後意猶未盡，叫多左個蜂密綜合芋圓仙草冰，好多配料好有台灣風味，不過掛住食唔記得影相。

專登放工去買既糖水點知好伏基本上係menu上面芋圓係好多款糖水都有既野但係竟然食落去係未熟既個心直頭係硬既我叫左碗桃膠白玉相思芋圓啲白玉係一陣粉味涼粉都好難食38蚊買碗咁既野真係不會回頭個心係未熟既街市涼粉仲有我個人覺得最奇怪既火龍果芋圓入面啲籽，食落啪啪聲好古怪唔知食左啲乜

中秋節吃完雞煲，到附近吃糖水才回家。先來一碗黑珍珠西米芋圓，色彩繽紛很吸睛自家做無加色素純人手搓的火龍果芋圓及南瓜芋圓很特別，加入火龍果及南瓜造的比一般的芋圓口感更煙韌。有點像吃橡皮糖的感覺，當中以南瓜芋圓味道較濃。有白玉，涼粉，西米及黑珍珠。愛健康的我很喜歡，這個是低糖，小甜。吃掉整碗都不怕肥了。妹妹則選份量更豐富的北海道牛乳布丁桃膠芋圓。有紅豆、桃膠、芋圓及滑滑牛乳布丁，由腍到軟再到煙韌的口感都有齊。自家製紅豆起沙很腍而且豆香很重，加上南瓜芋圓則更有咬口。這款甜品可能因加入滑牛乳布丁的關係相對黑珍珠西米芋圓較甜。表妹則選榴槤飄香，啖啖榴槤份量很多配上西米，很香又有口感椰汁西米又沒有搶到榴槤的風頭，配搭得宜。

養生糖水店.主打低糖養生糖水，食糖水都食得健康啲-1️⃣椰汁紫米露 $25 +湯圓6粒 $24⭐️⭐️⭐️紫米露size 偏細，甜度適中、湯圓係花生味，應該係自己包的😱因爲每粒都有啲凹凹凸凸，不過發現有粒入面仲係生粉的，未完全熟哂😂/2️⃣黑珍珠西米芋圓 $36 + 桃膠$8⭐️⭐️⭐️配料滿滿的🤤😂4色芋圓、西米、黑珍珠、桃膠，冇乜甜味，冇點落糖水，靠花奶令到有啲甜味-環境：6/10服務：7/10好味指數：6/10回頭率：6.5/10-

糖沁甜品聽個名會覺得係一間甜品糖水餐廳 但其實仲有其他主食 由店主們親自打理 雖然都係一d簡單既台式麵食同飯食 但私房菜感覺十足 餐廳都好乾淨企理雞翼撈麵套餐 $35由於朋友加班岩岩收工 飯都未食就俾我拉左去食甜品 所以岩岩好黎間鋪頭有賣主食 朋友就點左滷水雞翼套餐 雞翼滷得好入味 撈麵就係印尼撈麵 份量岩岩好 唔多唔少 仲可以食多個糖水榴槤飄香 $36估唔到店主甘足料 落左好多榴槤肉 中意食榴槤既朋友一定會好中意 而糖水底係椰汁西椰露 店主既糖水都係低糖 甜度岩岩好蜂蜜綜合芋圓仙草凍 $36好多配料有薏米 小丸子 紅豆 仙草 芋圓 珍珠 甜品都係岩岩好 值得一提既係 店主自創既火龍果芋圓 好吸引下整體得分 (4/5)

今日去開大角咀見到呢間門口放咗個台灣鹵肉飯既牌搞到勁想食，同時又可以食埋甜品所以就試下。等左一陣鹵肉飯餐就到，成個擺盤都同日式便當好似，份量都比預期多，鹵肉整得好淋同埋仲會有少少漿住口，好濃味同送飯一流，好出色既一個飯，跟餐仲有椰汁糕同埋紫菜蛋花湯，真係幾抵食既。我地仲叫咗薑汁湯丸加芋圓同埋綜合芋圓仙草凍，芋圓都係大大粒同好煙韌，仲有一個好少見既火龍果芋圓，好特別同埋啖啖火龍果味好得意。薑汁湯圓唔會太辣同埋湯圓亦都有流沙既效果添! 綜合芋圓好大碗同埋有好多粒，超抵食亦都唔會太甜，下次再試其他先！

今晚食完飯決定同朋友食埋個甜品先番屋企。因為要行去奧運站搭地鐵，我地就沿途留意有啲咩甜品舖啱食，比我地見到呢間白雪雪既甜品舖，寫住低糖，咁健康當然要入去啦。入到去兩位姨姨熱情招呼，介紹餐牌唔同種類既糖水。我叫左蜂蜜綜合芋圓仙草凍（$36），加左$8要埋北海道牛乳布丁。下面係沙冰，上面就有好多款芋圓，好似火龍果芋圓，好特別，但口感就比較韌，好有咬口，如果再煮腍啲就好。布丁就無得頂，好滑好有奶味。朋友就叫左紅棗桂圓雲耳伴桃膠（$28）。用一個好靚既白色碗上，打卡一流！入面雲耳多到滿瀉。我試左少少，味道明顯比我果個甜，甜味係來自紅棗、桂圓同蜂蜜既自然甜，感覺天然！我地8點幾食完走，已經全場滿座，果然好生意！原來呢度仲有得食正餐，價錢都係$45，認真抵食！

🐱🐶糖沁甜品(大角咀).正所謂「食得台灣嘢，都幾難中伏既」😺.今日口痕痕經過位於📍大角咀櫸樹街58號呢一間行健康路線、主打低糖既「糖沁甜品」。去到先發現，原來佢仲有飯食㗎。 💛🤤所有嘢一間鋪頭搞掂哂，方便至極❗😺.🍱肉操金瓜米粉套餐🍱（$45）呢排要做健康人士當然夜晚唔會食飯啦，俾我發現有減肥之選嘅米粉😍，令我當場忍唔住叫咗成個套餐。🤤（仲有紫菜湯➕椰汁糕）.肉躁未上枱已經聞到好香🤤🤤🤤食落去唔太油，再配埋米粉，成個組合非常恰當。🧡紫菜湯味道唔算好濃，所以啱我呢啲減肥人士啦。🤗椰汁糕🥥食落口椰汁味同甜味尚算平均，所以食落口都仲有椰汁嘅香味😋.🍧🥛北海道牛乳布甸桃膠芋圓🍮🍧（$40）呢一個簡直係要重點推介！知唔知點解？🤔因為呢一個落足料！完全想像唔到佢咁多料😍😍😍先講佢個芋圓咬口唔錯， 芋圓每隻顏色❤🧡💛咬口都唔同，認真盞鬼😛😛桃膠亦都唔失色， 滑溜似果凍、香味好濃😝🍮牛乳布甸🥛奶味好重，食完落口仲有香味留喺個口度😋😋😋仲有發現涼粉、薏米。.所以平嘢一定有好嘢係真架🤩🤩， 只要睇住我嘅IG，你就會發現好多驚喜😎.總結 7.8/10番啅指數：⭐⭐⭐.

睇到唔少好評黎試下，選左碗核桃白玉芋圓 $36好同意呢間小店價錢公道份量好足，不過芋圓真係普通，特別係紅色（據說係火龍果味但食唔出），中間仍係好硬，最中心有點粉，應該未煮熟. 而白玉係手搓湯圓，應該在水中煮太耐，外層有點水泡散左. 當中煮得剛好係紅豆，粉腍而粒粒分明唔會起沙煮爛. 落左淡奶，甜度ok. 芋圓味道唔出. 好住家式甜品，個人覺得呢碗仍有大量進步空間. 或者叫其他糖水無需太高技術含量會更好芋圓都係去番附近另一間專門芋圓糖水店有水準保證d

一直都覺得食甜品好肥好唔健康，但呢間新開張既甜品店主打健康路線，全部甜品都係低糖架，呢度仲特別少少，有埋主食飯同米粉食添店鋪以簡約為主，座位唔算多紫米露就一直都係我既至愛，今次仲加埋芒果新鮮芒果好鮮甜，仲有7大粒，面層仲有d椰奶，食落都會太甜，岩哂我口味呢碗就好有台灣風味，上面有薏米、小丸子、紅荳、芋圓同仙草芋圓全部餐廳親自製作，由火龍果整成既芋圓都係第一次見，食落好鬼煙in要消暑又點可以少得一杯鮮榨既果汁呢

同屋企人食完晚飯後，口乾乾的關係就搵到呢間小店糖水。佢個門口都算光猛，入面裝修都OK。餐牌種類選擇唔少，傳統養生系列、美容養顏燉品系列、榴槤系列、新鮮果汁系列、涼粉系列、雜果系列等等.近排桃膠成為養生hot item，甘就一於試下手，叫左紅棗雪耳伴桃膠。裝桃膠個兜幾decent 同吸睛，成個南瓜既shape。望落桃膠份量好充足，成碗都係，雪耳都淋，糖水都不算太甜，整體算不錯！食完自我感覺骨膠原提升😂!另外家人也點了楊枝金露，呢個楊枝金露正正常常，奶感比較重，芒果唔酸，西柚都冇苦澀味！而芒果椰汁西米露，芒果份量又係好多，大大舊～挑剔一下就西米可以再打散多一點。最後壓軸叫左蜂蜜綜合芋圓仙草凍，本身對呢個芋圓仙草凍充滿期待，去過台灣既一定是必食既甜品！呢度既芋圓有少少驚喜的有火龍果整成既芋圓，可能佢係用火龍果汁做芋圓，而冇放果肉入去，個味唔算好出～其餘兩種芋圓都okay~紅豆就煲得綿密既。總括黎講街坊小店，主要價錢算好親民，也是不錯啦！

夏日炎炎特別容易令人無咩胃口🤢呢d時候小編就會搵間糖水或甜品店醫下肚🍧剛好路經 就比佢門外既四色手工芋圓吸引左 所以決定入去試一試😯.呢間糖水鋪除左糖水之外🍨原來仲有正餐可以食🍱.🍚台灣鹵肉飯套餐🐷（$45）鹵肉肥瘦均稱 而且唔係出面常見既肉碎粒係細細塊甘 食落去比較有口感🐽加上醬汁鹹淡度適中 味道相當不錯😋套餐伴以清甜解膩既紫菜蛋花湯同椰汁糕🥥比四十零蚊就食到呢種質素同呢個份量🧐真係相當滿足 性價比極高🙉.店鋪以無添加人工色素既手工芋圓作招徠🙆🏻‍♀甘緊係要試下佢地既芋圓啦.🌈七彩繽紛芋圓仙草凍（$36）🥛北海道牛奶布丁桃膠芋圓（$40）.糖水賣相唔錯 色彩繽紛 而且相當足料😍而芋圓同平時糖水鋪食開既芋圓真係有好大分別呢到既芋圓係比較厚實同有咬口 食落煙煙韌韌😋而且糖水甜度適中 食落唔會覺得係人工化既甜味🤹🏻‍♀️比較低糖同健康💪🏻.總括黎講 呢間小店既食物質素頗高💁🏻‍♀鹹甜濃淡適中 食落都好健康 好有「家」既感覺🏠而且全部都大大碗 cp值極高 經過可以一試👍🏻.人均消費：$60推介指數：👅👅👅👅👅👅👅👅（8/10）Encore 指數：🤙🏻🤙🏻🤙🏻🤙🏻🤙🏻🤙🏻🤙🏻🤙🏻（8/10）