紅樹林餐廳 (Closed)

我同老公今次諗住睇戲前食板長，點知板長門口已經起碼企咗三十幾四十人，我地又買哂戲飛所以唔等得，咁唯有轉食呢間紅樹林啦，橫掂未食過嘛。老公叫咗個「雜菌汁扒西冷」$6X，個侍應問幾成熟，老公話5成得喇；我就叫咗個「紐西蘭蒜蓉肉眼」$6X，個侍應問幾成熟，我話5成得喇；另外我再叫多一個「芝士焗西蘭花」$2X，食多啲蔬菜有益嘛！餐湯：羅宋湯好香而且濃郁，微酸又微辣，又帶有甜味，甜味應該來自牛腩同紅蘿蔔。餐包及牛油：軟餐包微暖，一般質素，“返叮”貨色；牛油香濃，用嚟查落呢舊餐包度，晒咗！雜菌汁扒西冷：佢哋用嘅係“組合牛排”！所以十成熟哂，仲食到“鬆肉粉”味，個汁另上嘅，但搵唔到雜菌。紐西蘭蒜蓉肉眼：依然係“組合牛排”，亦係十成熟哂，一樣有“鬆肉粉”味，個汁另上嘅，竟然同我老公個汁係一樣味道嘅，奇怪！個意粉烚過咗頭，無過冷河就落鑊炒，所以好淋又好油。芝士焗西蘭花：淨係用咗“水牛奶芝士”嚟焗，因為“水牛奶芝士”係無味嘅，啲西蘭花又係無味嘅，所以咩味都無囉，個廚師點解唔用“車打芝士”呢？我係想食「芝士焗西蘭花」，唔係想食「西蘭花拉芝士」喎；仲有兩大舊薯蓉，佔咗一半分量，所以個菜應該改名叫「西蘭花拉芝士

11-4-2009行到腳軟又有點口渴, 離開元朗前0黎到西鐵站上蓋的商場, 求其撞入呢間港式西餐廳飲杯0野. 見佢係椰林閣開出來, 已有「唔慌好0野」的感覺, 但諗住飲杯0野0者, 唔使死0卦, 點知:揀了「青蘋果柚子梳打」($18), 0黎的係一杯 Sprite + 綠色糖漿 + 椰果 + 柚子屑「混合物」, 攪勻後只飲到「有汽」及好甜好甜的柚子糖漿味, 難飲! 朋友的係「青蘋果菠蘿冰茶」(都係 $18), 比我0個杯少甜, 亦嗒到點蘋果茶味, 不過仍然 far from 好飲.環境叫做幾好坐, 不過飲品一無是處, 店員們態度亦麻麻0地, 真箇嗚呼哀哉!後會無期!

大年初二睇完戲下午來了這裏食LUNCH,三個人叫了兩個SET LUNCH,一個西冷牛扒跟薯菜,一個焗龍俐柳跟飯,一個羅未湯,一個忌廉湯,餐飽熱辣辣好大個配牛油食好好味,軟淋淋的,忌廉湯都幾好味,不過唔太夠熱,都有少少料的,主菜西冷牛扒配薯菜,不算大碟,薯菜只有一些薯條及紅蘿蔔,西冷都好淋的,不過不算好好味,一般.焗龍俐柳飯,味道OK,是炒飯底,龍俐柳冇咩味,好似唔太入味咁.不過價錢就好抵食的,餐茶叫了一杯熱檸茶及熱檸水,一般.

對椰林閣 / 紅樹林的不滿日積月累，今天迫不得已光顧了這間紅樹林後，不滿情緒被推至極點！話說早餐時份，整個商場只有這間食店在營業。一進去，沒有人在門口帶位，於是我們自己找位置坐下，轉個頭便被職員「請」了去另一個位置。也算了。侍應百叫不應，也算了，總算叫了早餐…… 五分鐘後，多士來了，凍的。整間餐廳的客人都在呼侍應，因為大家都實在等到發毛。再十分鐘後，西式早餐終於出現，兩條香腸呈乾枯狀，兩隻煎蛋又是凍的，連我認為最難有任何差池的漢堡豬柳也是我畢生以來吃過最難吃的……就算吃完了，想盡快離開這個地方，也不容易，因為，要結賬嘛…… 那是另一番等待~

27-sep-08 8:00am 昨晚訓得好, 今日7am 已醒來, 本已實行幾年健康早餐的我忽發其想來個太興滑蛋厚多士早餐, 於是比平日早了半小時出門口. 誰不知到了這個新元朗中心, 原來 2/F太興是不做早市的!!! 太過份了.!! 由於這個商場可提供早餐的餐廳不多, 只有退而求其次選擇了這個紅樹林..還是第一次到來, 可能時間尚早, 只有兩三枱客. 我被安排入坐4人卡位, 比較舒服. 餐牌都是 A , B, C 餐, 吃不到太興的, 又見有一個"扒類早餐" , 包括: 吉列魚柳 /豬扒 /雞扒...+ "嫩滑炒蛋"+茄豆薯蓉+ 餐包 .這個配搭已好耐無吃過了, 就試一下.客不多都不知為何要等上10 分鐘才有飲品...熱奶茶: 3/4: 杯滿, 奶多茶少兼欠茶香.....算...加$ 2 轉了多士: 不夠熱又不夠脆, ...都算...又等10分鐘, 那個早餐來了. 哈, 所謂"滑蛋"完全是老蛋! 又乾又鞋口, 救命..薯蓉應是開粉貨色, 不用多講. 最恐怖算是那個雜果, 一些罐頭的加了萍果, 淋淋黃黃, 不知已放了多久, 半口後已不敢吃下去. 唯一吃得完是那件即炸的魚柳,

星期六晚來了這裏食晚飯,原來這裏是椰林閣集團的,我們分別叫了三個晚餐一齊食,餐湯我飲羅未湯都幾多料幾好味呀,但不夠熱,餐飽都好大個好軟但也是不夠熱,我們叫了一個肉眼扒跟飯七成熟都好淋呀,好味,飯是炒飯底跟黑椒汁,唔辣的,一個帶子雞扒跟意粉,茄料,雞扒份量也很多,味道都幾好,還有一個是三文魚炸蝦天婦羅跟薯菜,薯條較淋,其它味道都幾好,這裏的餐份量都幾大,價錢也合理,跟一杯餐茶.

今日朝早諗住同樂樂去大雞大食早餐，點知哎呀．．．佢開12點鐘（星期日），佢腰又痛... 都係唔好周圍去，明知紅樹林係差（初開業幫襯過兩次，一肚火），但係心諗，我都係入去食個早餐姐，．．．煎隻蛋都唔會難食得去邊啦，於是搏一搏，實在唔想拖住個男朋友四圍走啦。行入去，冇人招呼，自己搵完位，有人送上ｍｅｎｕ，但係冇水比我地，要我地事後開聲要．．．（服務分扣一）落完ｏｒｄｅｒ後，餐具送上黎，污糟！！！好似冇乜點洗（衛生扣一）我地要左兩份差唔多既早餐，我：豬扒炒蛋，茄汁豆薯容，好立克樂：雞扒炒蛋，茄汁豆薯容（著餅冇貨．．．九點幾就冇貨？服務扣一），奶茶先黎上兩舊餐包，微暖，牛油刀只比一把（仲要好污糟，上一手ｄ牛油仲痴０係度，衛生扣一），我覺得要等佢用完我先可以「茶」麵包，好唔方便．．．（服務分，倒扣一），因為我唔係一次過茶哂，我係一邊ｍｅｅｔ麵包一路茶牛油。我份早餐送黎：成份早餐都－－－係－－－凍－－－冰－－－冰！！！！點解會係凍？？？？？？！！！炒蛋：好老，散哂，份量超少，一隻蛋都冇豬扒：好咸，好大陣雪藏味！！茄汁焗豆薯蓉：ｄ豆加埋冇十粒．．．薯蓉凍，同埋鞋口到死，．．．生果：有幾粒罐頭生果送比

因為趕住睇戲，就來個 early dinner，朋友要豬手 + 薯菜，我就要南瓜雜菌意粉。先上湯及餐包，ok 正常。之後豬手一來，嘩，好大隻，很肥美，薯菜是炸薯條，熱熱的幾好味。我個意粉就淡了點，又不夠熱，不過意粉就好大碟 (不過南瓜雜菌不夠多)，我只勉強吃了一半。再上餐飲，埋單都很快手， 坐得都舒服，overall 都幾好。

要同老劉去新元朗中心轉乘西鐵，所以今個午飯就要係新元中嘅紅樹林(即椰林閣)解決。我要咗個㗎喱雞扒餐，老劉就要咗個牛扒意粉餐。㗎喱汁都可以，但係雞扒就唔好食嗱。重有全個餐係凍嘅，除咗個餐湯同餐飽外。而老劉話佢嗰餐就還可以啦！嗰啲年青貌美同俊俏嘅待應們嘅反應就慢咗好多拍啦！

睇戲前o黎食早餐, 一向都唔抱太大期望, 只因新元朗中心冇其他食早餐o既選擇早餐的多士食o左一口, 有一陣怪怪的臭味.....於是冇再食..... 點解方包都可以有問題????跟住o黎o既早餐反而ok, 有進步喎!廿零蚊就有相中咁大塊牛扒, 仲有炒蛋幾滑,仲有薯蓉同一兜仔的什果沙律,不過個沙律好唔新新鮮囉, 霉霉地咁.....呢餐都算ok o既~

從未試過食野食得咁火滾！！成肚氣！！！比錢食野仲要睇部長！！ａｎｄ侍應既面色！！！！服務態度極度有問題！！！！！永久black list呢間野！！！我唔會再去！！！今朝早諗著可以搵個地方食早餐係可以坐得舒服d同埋耐d啦….點知…入到去冇人帶位…,呢點都算na, 我同我男朋友搵位坐la~坐左晌度咁耐,水都冇杯…,要嗌waitress比兩杯水先至比…點知我地想叫野食既時候舉左好耐手都冇人理…..,明明間餐廳入面d侍應好似好優閒(間餐廳早上既人流極少)…都扮睇你唔到…..,佢地連行多步都唔想呀！！乜野叫優質既顧客服務態度你識唔識呀！！！？好na…揮手叫人幫我地落單啦….,點知我同我男朋友見著個部長渣著張紙(鋪晌臺度果張紙)極之唔好老脾咁好似人地渣著支西班牙旗晌度大大力”fik”…..”fik”到張紙就黎爛…,你唔想做既就出聲！！！都唔明點解你會做到副部長以你咁既態度！！！到落單既時候, 個副部長操乒咁行過黎……,態度極惡劣…..語氣…眼神...極惡劣…..!!全部侍應同埋副部長,部長都黑面神…..!!仲要加一服務費….你有冇服務比到d客先！！！？早知係咁…我去買個包食都冇咁嬲呀！！！！晨早流

同朋友去到食飯, 除左叫set外, 仲叫左個東南亞小食拚盆, 見到就一肚氣, 冇左個洋蔥圈外,更有燶到死的串燒, 串燒剩係得雞, d雞翼係一種好混亂的味道, 總知就係差.

上次因為睇戲所以去左呢度食哇d野真係好好好難食係直頭難食到食唔落d咖哩好似開左水咁冇味入面d薯仔仲係未煮熟嫁囉..杯檸茶就更加唔使提~~點解連檸茶都可以咁難飲?

好好好好好好難食....唔係冇味就係怪味.....最離譜係連野飲都可以冇味...檬茶冇茶味....凍華田好似冇落過華田粉咁.....而個到d服務質數奇差....

今日同朋友偶然之下去到新元朗中心,諗住求其搵間餐廳食lunch,見到喱間野咁多人食就諗入去.我要左個焗芝士火腿雞扒飯,我朋友就叫左個帶子意粉.我地點菜等左成半個鍾d野食先黎,我已經好火la.點知食完之後仲火!!!點解可以咁難食ga!!!個帶子意粉勁淡,可以話係無味!!焗芝士火腿雞扒飯仲衰過大快活個焗豬扒飯!!!勁難食!!!!杯凍華田又勁淡!!!大佬!!!你連華田都唔識沖,有無搞錯呀!!!落多少少粉都唔洗死丫!!!最後舉手叫埋單,d侍應全部扮睇唔到,差唔多成5分鐘先有人過黎!!!喱間野都唔知點解可以咁多人食!!!!