紅磡雞蛋仔

Open Now

Now Closed

【40年嘅班戟老字號店舖wow!!😝】/////香港老字號店舖嘅老闆通常都比較親民有善〰️而呢間由老闆同侄兒打理嘅紅磡雞蛋仔都唔例外😝小店即叫即整雞蛋仔 格仔餅同班戟 内外都做到鬆軟足料 係紅磡街坊名物😚👉🏻沙律淨芒果($19)呢幾年香港物價上漲左好多🤑芒果班戟都由8年前嘅$12升到$19 不過依然好抵食(⁎⁍̴̛ᴗ⁍̴̛⁎) 班戟暖暖地 口感鬆軟帶煙韌 包住甜甜嘅沙律醬 芒果多到食嗰陣跌左幾粒出嚟😂沙律醬配芒果可以中和到芒果有少少酸嘅味道😝————-📍紅磡雞蛋仔 (紅磡)紅磡大沽街寶利閣2號舖

果然無試錯呀呢個隱世平庸班戟店！舖面好細好簡陋 但難得係懷舊嘅小店💕一企係度望住menu已經被問想食咩 猶豫之際已經有熟客叫咗份格仔餅 仲同老細吹水話自己特登食飯前黎食番份😎估唔到男人老狗都有呢種餐前甜品嘅浪漫haha 不愧係紅磡老字號！Ps 原來煎餅嘅係叔叔嗰侄 難得後生地傳承叔父嘅生意 為咗拜師戒粗口戒煙 好誠心咁做好每個步驟 用心對待每個客 延續呢40年嘅老字號💞。。。🦔👉蛋白肉鬆鹹班戟 $12 (右)究竟究竟點解點解可以咁抵食到咁高質嘅野🥺唔好睇佢係咁易一份班戟皮包住啲肉鬆餡 食落真係比我想像中好食好多！！！落完柯單老細已經拎份煎好嘅皮塗啲花生醬煉奶 再撻肉鬆 以為會係凍咗唔好食嘅pancake 點知厚得黎好鬆軟 幾有彈性 摺埋絕對唔會有裂縫😆肉鬆+花生醬+皮以為會好乾身 點知食落口感又唔錯 咁多樣配料加埋每樣都好出色好有份量🤩紙袋雖細 點知咬落好似無底深淵 肉鬆勁多！仲要係好食嗰隻唔會過鹹口渴 食完成個pancake真係內心個胃都勁滿足🥰。。。🦔👉奶油甜班戟 $9 (左)

📍紅磡街坊名物‼️• 爆多肉鬆鹹班戟🥞-- 紅磡雞蛋仔😋💓·Follow @pigfoodiexhk for more food!🐷#pigfoodiexhk_紅磡#pigfoodiexhk_港式=======================自從搬咗屋之後就多咗落紅磡、黃埔嗰頭🤣早排終於有機會嚟呢間好出名嘅小店🤩------------------------------⭐️蛋白肉鬆鹹班戟 $12班戟好大塊，口感軟熟，食落仲係暖粒粒～面頭搽咗花生醬同牛油，之後再放上海量嘅肉鬆，食落鹹甜交錯超好味‼️🥰而且肉鬆係有少少脆口，口感好豐富！食完一份都已經好飽肚🤪有機會再試埋佢哋嘅芒果pancake先😻------------------------------賣相：3.5/5味道：4.5/5性價比：4.5/5回頭度：4/5------------------------------店舖資料名稱：紅磡雞蛋仔地址：紅磡大沽街寶利閣2號舖前往方法：黃埔站B出口

嚟到紅磡見到紅磡雞蛋仔即刻要食返個先 😋😋 之前一直都食開芒果班戟 😋 芒果班戟 固之然係舖頭嘅招牌食物 好味 就個個人都知啦😛😛-我今次轉下新口味 😎😎食呢度的 格仔餅 加 肉鬆同樣都係咁好味 😋👍🏻👍🏻 -🧇 格仔餅 加 肉鬆 $19 格仔餅即叫即做即搽餡料所以叫完都要等一陣先有得拎格仔餅外脆內軟 充滿蛋香味道非常飽滿的外皮 外皮的味道純粹 唔會同餡料搶味 更能突顯肉鬆味🤤🤤裏面餡料豐富🤩有牛油煉奶花生醬再加上香脆嘅肉鬆肉鬆份量非常大方 我一啖都食肉鬆嘅味道 鹹鹹甜甜 刺激味蕾🤤🤤🤤 -🍽🍴總結 🍽🍴上網一睇 原來紅磡雞蛋仔開業近40年係紅磡區的老字號 🥸☺️憑外脆內軟的雞蛋仔 打出名堂今次食格仔餅 同樣都好食😚

大學回憶又返嚟😇次次行到呢個位都好香，除咗佢招牌嘅雞蛋仔，我就最鍾意食佢嘅pancake😆今次又買咗個pancake嚟止止癮🤣我叫咗個沙律雜果香蕉班戟 ($12)🍌見叔叔好快就整好咗，香蕉喺底，雜果喺面🤣都好足料吓！佢哋嘅沙律醬唔係一味酸，有少少鹹鹹哋，反而同啲配料同pancake幾襯😋塊pancake唔係好有空氣感，但係超級軟熟😚而且包得好企理，唔會食到隻手污糟哂！覺得呢個價錢當食個飯後甜點都好適合👍🏻

戴咗口罩咁耐，都好少喺街買小食。今次食完lunch仲口痕，就嚟買個雞蛋仔食吓。雖然知道小店更出名嘅係班戟同其他口味嘅格仔餅/雞蛋仔，第一次食都係買最經典嘅原味雞蛋仔（$14）～即叫即整，拎上手暖笠笠😆😆外脆內軟，好快就食完。不過鍾意食厚實口感嘅話，可以叫返格仔餅/班戟🧇

紅磡 超過40年歷史🤟🏻雞蛋仔 無法抗拒🤩地點：黃埔站B出口，步行約4分鐘今次為你地介紹係有40年歷史😝非常老字號嘅紅磡雞蛋仔🤓人頭湧湧😍特色小食😗陪伴香港人嘅成長👊🏻其實鋪頭就唔係好大😎大約100尺😚但係價錢非常貼地😁對於食物係非常講究😙用心製作🥰真係可以一試😆等候嘅時間唔係好長🤩但係見到人來人往😍肉鬆雞蛋仔今次叫咗一個比較特別嘅雞蛋仔👍🏻非常有濃烈嘅蛋味👊🏻入邊亦都佈滿咗好多唔同嘅肉鬆🥳非常獨特😋分量十足😛值得一試☺️老闆工作非常認真😆當中應該係一個熟悉嘅街坊😂行過左👍🏻見到老闆咁多人🥳佢就問使唔使幫手🤝 $20.1個鐘😆應該就係講笑😆證明老闆同街坊之間嘅關係比較好😙有興趣嘅朋友可以試吓🥳地點：紅磡大沽街寶利閣2號舖名稱：紅磡雞蛋仔好去評分🎖(5個👍🏻為最好）- 環境：👍🏻👍🏻👍🏻👍🏻- 服務：👍🏻👍🏻👍🏻👍🏻👍🏻- 價錢：👍🏻👍🏻👍🏻👍🏻👍🏻- 推介：👍🏻👍🏻👍🏻👍🏻———————————————————————————🏆試食/合作：WhatsApp or DM 查詢👍🏻 合作：hkgoodwest2021@gmail.com/WhatsApp 98693397 - OpenRic

呢問開左幾廿年嘅小店係紅磡都好出名，次次去都總有人等緊買。食物方面分別有雞蛋仔🥚格仔餅🧇班戟🥞重要全部都係十零廿十蚊有交易，好抵食🉑近呢2次去已經見唔到伯伯了🥺依家呢個好似伯伯個姪。不過佢2個一樣落手兇狠😱我買左個蛋白肉鬆班戟🥞($12)同樣重手灑上巨量肉鬆🥄加埋厚搽生花醬🥜同牛油🥜一個充滿餡啲鹹班戟就出現左係我手上🥳班戟食落小小甜，因為只用蛋白造，所以係無咁香蛋味，但配合左花生醬🥜牛油🧈同牛鬆個味又好夾，唯一係食到得翻1/3果時，除下1/3個班可戟痴住左張紙，好辛苦先食晒成舊😂，其實啲肉鬆真係好多，因為我一路食一路跌🤣推薦？🟡🟡🟡🟡🟡必食！平靚正！

搬左來紅磡冇耐，發現有一間老字號既雞蛋仔，成日有好多人排隊，行過都聞到好香咁，所以有一日終於癮唔住買左個原味雞蛋仔試下，又要明天先減肥啦.... 滿心期待都等左十幾分鐘，終於有得食，點知.....其實紅磡人係咪未食過好食既雞蛋仔？至少唔難食都好啊... 紅磡雞蛋仔... 一啲蛋香都冇，又唔脆身，好食緊啲麵粉咁🙄🙄🙄🙄🙄 食左兩舊已經掉左佢！食難食既野而要肥兩磅係超唔值.... 究竟啲人排什麼.... 完全唔明白！！！跟住有一次經過，竟然見到店員定老闆係整pancake果度面前剪指甲，全部飛曬落食材同工具上，真係超嘔心！夠曬經典味啊！大家食多啲啦！

陣陣香氣傳入我的鼻，天氣凍凍地要食返啲熱野補充能量🤗加上雙拼口味都只係$19，所以我哋又忍唔住買了#小胖遊紅磡🐠 #小胖黃埔🐠—————————————————小編十分推薦嗌雙拼，除咗可以貪心試唔同味，雙拼一定係即叫即整，保證夠熱辣辣(有時原味會整定)♨️.🔹朱古力抹茶鴛鴦雞蛋仔雞蛋味香濃，外脆內軟，中間好軟雞蛋糕口感🍫朱古力味個邊竟然有半融朱古力粒，朱古力控表示好Kai♥️抹茶唔係剩係得嗰綠色，而係真係有淡淡抹茶甘香，如果可以再濃郁啲就更好🍵.🔹原味朱古力鴛鴦格仔餅🧇蛋香撲鼻，最重要格仔餅表面好脆，入面超蓬鬆綿密蛋糕口感比較推薦原味格仔餅，因為花生醬、煉奶同砂糖已經好夠味，再配朱古力就相對偏甜🐠心中係非一般嘅格仔餅—————————————————🧜🏻口水度：🌕🌕🌕🌕🌗🤑CP值💰：🌕🌕🌕🌕🌕🧚🏻打卡值：🌕🌕🌕🌑🌑🥰舒適度：🌕🌕🌗🌑🌑👅再食指數：🌕🌕🌕🌕🌕.♟Overall♟呢間店舖絕對係CP值超高🆙 雖然價錢$20都唔使，但係雞蛋仔同格仔餅嘅質素絕對可以媲美其他賣成$30-$40嘅舖頭，甚至比佢哋更加好食😆

之前食過粉果佬，最出名係食燒賣。今次食紅磡雞蛋仔最出名都唔係食雞蛋仔，而係食班戟。呢到嘅班戟全部都係十零廿蚊一個，都真係幾平。 ————————————————🥞 蛋白肉鬆班戟, $12（2.5/5）班戟查上牛油同埋花生醬，再加上大量嘅肉鬆，就係咁簡單。班戟係本身整定嘅，食落微暖，口感軟身，有淡淡嘅甜味，再配合肉鬆同花生醬，又咸又香。不過班戟只係用左蛋白嚟整，少左蛋嘅香味，而肉鬆會令到成個班戟較乾，如果冇嘢飲食落會較吃力。————————————————

係紅磡覓食途中搵到呢個懷舊嘅寶藏實在太令人興奮喇！Lunch飛奔去伯伯嘅小店，一點去到好好彩條龍唔係好長，每人order左沙律浄芒果班戟同蛋白肉鬆鹹班戟各一，又share左朱古力原味鴛鴦雞蛋仔。每款食物都即叫即做，睇住伯伯用佢雙巧手熟練咁整班戟，再毫不吝嗇咁係厚厚嘅班戟上加勁多花生醬同塞到就滿瀉嘅芒果肉同肉鬆，未食已經先興奮！兩款班戟都真材實料，班戟厚身有牛油味，蛋白肉鬆鹹班戟真係學生嘅恩物，滿瀉嘅肉鬆食一半已經開始飽，都係$12咋！今時今日仲可以堅持到呢個價錢堅係良心小店！沙律浄芒果班戟好refreshing，芒果大大粒仲好甜，真係冇得輸！伯伯對於自己嘅朱古力原味鴛鴦雞蛋仔信心十足，一整好就問我地同排緊隊嘅客係咪好靚，仲話咁靚嘅雞蛋仔去邊度搵🤣食落去果然勁脆超有口感，個人認為原味比朱古力味出色。以懷舊小食代替正餐大成功！下次一人一件班戟加share雞蛋仔已經夠晒，一人兩件班戟再加雞蛋仔實在太誇張，食到我地下午茶都仲食緊🤣

老字號雞蛋仔店～街坊店日日開好受小朋友歡迎～日日放學時間都排長龍～店主都會預先整好多班戟、雞蛋仔～但有時銷量太好等吓都在所難免～因為料足價錢親民～雞蛋仔、格仔餅、班戟都係街坊至愛～之前食過雞蛋仔有蛋香～今次試下班戟先～不過個人唔喜愛食鹹嘅班戟～肉鬆、榨菜之類加落去～好似唔係嗰回事～所以揀咗最傳統嘅芒果班戟沙律醬係鹹嘅查喺塊甜嘅班戟上面～再加一堆大大粒嘅新鮮芒果～班戟暖嘅芒果凍嘅口感幾特別～仲啖啖都食到芒果

今時今日買雞蛋仔格仔餅，無返$20都好難買到。經過紅磡，就會心思思諗起呢一間紅磡雞蛋仔！價錢親民，抗通脹😆😆😆本身去到想食雞蛋仔，但係見到格仔餅又忍唔住。佢哋格仔餅有牛油煉奶花生醬，仲有最緊要嘅砂糖！叫咗之後等大概5分鐘，因為佢哋係即刻整！拎上手係熱辣辣，好耐冇呢一種感覺，入面餡料均勻，唔會一啖有醬一啖冇醬！出面好多格仔餅已經冇再落砂糖，如果要懷舊既格仔餅，真係淨係諗到呢一間🤪咁嘅價錢真係冇咩好批評！

40年老字號多款唔同雞蛋仔、班戟🥞、格仔餅🧇充滿香港人情味✨#小胖遊紅磡🐠—————————————————🔹芒果🥭班戟🥞 $19即叫即做嘅pancake熱辣辣🔥再包入滿滿芒果🥭同煉奶，見到已經好開心！🥞帶蛋香唔會好甜，質感軟熟，而且有一定厚度(係食空氣)芒果粒多到一個點😍大部分都好甜，食極都仲有好多🥭帶少少酸甜中和煉奶嘅甜膩👌🏽.老闆👨🏻‍🍳對自己嘅岀品好有信心，仲講笑咁話:「好唔好食？唔好食就保退貨😤平！靚！正！」.💡 Default係配沙律醬，不過友人推薦改配煉奶更好食，所以我哋揀咗煉奶🥛果然真的好好味😋👉🏻如果大家唔中意沙律醬，可以同老闆講話轉👨🏻‍🍳—————————————————🧜🏻‍♂️口水度：🌕🌕🌕🌕🌗🤑CP值💰：🌕🌕🌕🌕🌕🧚🏻‍♀️打卡值：🌕🌕🌕🌑🌑🥰舒適度：🌕🌕🌗🌑🌑👅再食指數：🌕🌕🌕🌕🌕.♟Overall♟好滿足！特別係放工好肚餓去食，食完真係元氣滿滿！真係平到一個點🥰芒果勁多🥭自己買材料整都唔只$19啦！絕對係良心價！🧡仲好想試埋雞蛋仔同格仔餅🤗下次一定會再食！