素悅軒

Open Now

Now Closed

純素車仔麵專門店 街坊小店 煮得用心 人情味十足素悅軒距離荃灣地鐵站不遠 環境很乾淨 氣氛充滿香港地道風味車仔麵配料有純素也有蛋奶素選擇 基本款可選3種配料 湯底有清湯,喇沙,麻辣汁選擇蘿蔔、豆卜和炸薯片，沙嗲汁有幾塊素肉片 湯底有點辣味,味道充滿家既味 完全無味精脆薯片好食,新鮮即炸,另有例湯係全素既,好滋潤清心消費$80荃灣兆和街25號海晴軒15號舖

之前聽fd講過呢間素食店。居然車仔麵有特別湯底，同埋有d特別未聽過既餸，己想黎試不過就唔啱時間，終於揾到機會啦。見d commt 話呢間肉骨茶同喇沙湯底出名，今次我就試左肉骨茶，叫左以下既餸。其實overall 味道幾好，份量個人黎講覺得都唔細。蘿蔔：都幾甜，但係有少少渣。牛蒡扒：好得意，第一次聽，食落感覺似素扎肉，幾好味。冬菇：都幾好味。環境：唯一唔好係鋪位細，得兩張枱迫少少。而且環境係後巷仔差少少，不過鋪入面都有冷氣。

好耐無黎素悅軒呢頭，咁岩今日黎到，黎食下麵先見到外面坐滿曬人，以為無位諗住調頭走，但廚房姨姨好nice叫我入去坐入到去同樓面戴眼鏡個個姐姐對左眼，但佢扮睇我唔到，之後又無比例湯寫完揀餸紙之後比左佢，唔知係咪佢無交比廚房，好耐都無野食，反而係廚房姨姨同男仔見到我好耐無野食先主動問我落左單未 ，仲問我要唔要例湯原來佢地無收到我張揀餸紙，之後要再寫過再寫過之後好快有得食味道ok不過比樓面姐姐咁對待之後有啲谷氣好彩廚房姨姨同男仔有禮貌，如果唔係真係嬲到爆，差啲想比服務一星，好彩廚房姨姨同男仔中和返

𝒩𝑜𝑜𝒹𝓁𝑒 𝒮𝒽𝑜𝓅 𝒾𝓃 𝒯𝓈𝓊𝑒𝓃 𝒲𝒶𝓃呢間係一間金黃既荃灣素食小店💛，位於兆和街一條唔起眼既小巷入面，都係朋友帶路先識黎。店面唔大，見到牆上痴左海量既愛心飯盒既資料💕幫助有需要既人。佢既𝓂𝑒𝓃𝓊好簡單，揀三樣餸、面底同湯底就搞掂。湯底除左有沙嗲、麻辣、牛腩，仲有好少見既肉骨茶。今次叫左外賣，自動分左湯。三餸揀左2個炸薯片同一個牛蒡菇扒，米粉同喇沙湯底，埋單$48。炸薯片特登用錫紙包住，保持熱度，所以番到屋企仲係熱既。佢既炸薯片炸到金黃色，上面加左椒鹽，外表熱辣辣脆卜卜，而入面既薯仔都唔算薄身，有薯仔口感得黎又有薯片果種脆度，勁有驚喜🥰（雖然我影得勁唔吸引😌）好彩朋友提我叫兩份🤣🤣🤣牛蒡菇扒似用豆同牛蒡整成，口感好實淨，唔似食緊素，喇沙湯底配好吸味既米粉就非常夾，成餐食得好惹味滿足😚😋，絕對係荃灣既平民良品。📍  素悅軒荃灣兆和街25號海晴軒15號舖

坐落在荃灣兆和街，一間在後巷靜靜地開著的車仔麵店，彷彿像一個小毒毒，沒有太多人發現它的存在。但事實上，它一點也不毒：恆常性的長者派飯活動，令它在區內有一定知名度。而它的另一個賣點，就是素食車仔麵。甫坐下來，店舖姐姐有禮地擦乾淨桌面，又遞上一碗素湯，照湯內的材料來看，應該是茶樹菇和百合湯。聞說這間店舖有名的問喇沙湯底，故點了油麵配喇沙，加上素叉燒、牛腩、鹵水蛋和炸薯仔🥔。有曰素肉不能跟真正的肉比較，因為大家的食物成份和組織不同。但其實素叉燒和素牛腩的味道也不差，它們主要成份是蛋奶素，相比真牛腩和叉燒，少了一份油膩，卻有一陣陣豆香味；鹵水雞蛋🥚正正常常；最美味的是炸薯仔🥔，新鮮即炸，再灑水蒜份，不但脆卜卜，還非常鹹香；喇沙湯底則不夠香味，有少許失色。除車仔麵外，這間素食店也會提供飯食，為食客提供麵食以外的另一選擇。

I’d seen a lot of positive reviews before turning up at this cute noodle joint. Expect a small eatery with two tables inside and another couple outside. Simple food: you choose your broth base, type of noodles, toppings, level of heat if that applies. Served within minutes the efficient and friendly service, as well as the yummy noodles really make up for the small space! Will go again!

今年新年,被武漢肺炎同777正苦攪到冇過年氣氛,家人亦唔返嚟,我上次幫趁呢喥時(食評係20年11月15日刊登 https://www.openrice.com/zh/hongkong/review/yeah-%E5%A4%9A%E9%81%B8%E6%93%87%E5%98%85%E7%B4%A0%E8%BB%8A%E4%BB%94%E9%BA%B5-e3866383),見有素盆菜,咁我哋就訂啦,我喺9-2-2021(Tue)打嚟訂,由於只有3個人食,所以訂夠4人食嘅迷你盆菜就可以,呢喥盆菜有分兩種,一種係貴啲嘅傳統盆菜,一種係平啲嘅素盆菜.我揀咗$680.00嘅傳統盆菜,因為貪佢有蒟蒻做嘅鮑魚同蝦,有益啲同對痛風人士都好啲.我約咗今日(12-2-2021 Fri)大年初一同老公嚟攞,店員千叮萬囑,叫我哋開細火,到出煙至拎走錫紙食而原來呢個都唔細,幾重吓,返到屋企鎊,成8磅重呢.芋頭魚同湯另上,不過…芋頭魚冇五柳汁蘸,點算?最後我哋都係乾哽.而素盆菜重有一隻栩栩如生嘅”雞”仔,好吸睛,蒸熱食得.材料有燒鵝,呢個一食,就記得舊件boxing day喺如庫豐生有機食堂食過嘅一樣(嗰個食評:

素悅軒有得揀食車仔麵同三餸飯。佢嘅菜單有標明純素同蛋奶素。車仔麵份量超多，而且餸菜、湯底嘅選擇多，就算日日食都唔會悶。三餸湯麵 ($45)蘿蔔+紫菜+沙嗲牛肉 河粉 (牛腩汁)蘿蔔+響鈴+時菜 油麵 (牛腩汁)鹵水大腸+紫菜+炸薯片 油麵 (牛腩汁)蘿蔔清甜、夠淋，河粉吸哂湯汁嘅味道，而且份量好多，食極都仲有。沙嗲牛肉係用冬菇腳做，沙嗲汁好香濃，少辣。鹵水大腸係用麵筋做，口感煙韌。炸薯片係另上，用炸漿包住薯仔薄片，出面再撒上淮鹽，感覺似天婦羅，幾好食。

某日因突發事情，氣沖沖趕到荃灣去！事情辦妥已屆晚飯時段，於是順道在荃灣找吃的！之前爆發的怒氣已緩和，但碰巧遇上一頓簡而精的素食，徹底將身心鎮靜下來，亦為浪費了星期天補送喜悅！「素悅軒」是一家平民小店，我們圍繞大廈走一圈，也找不到其蹤影，直至致電求救問路，才發現到置身於小巷的入口！記得「素悅軒」室內的用餐空間頗為狹小，故當時我們瞄了一眼，便決定到店外的座位！一手拿起桌上預先放著的點餐紙，「素悅軒」賣的是素食車仔麵，心裡在想素食車仔麵要付出幾多的努力方能奪取味蕾的芳心、顧客的愛戴？畢竟車仔麵在香港已有幾十年歷史！三餸湯麵 HK$45，三餸撈麵 HK$55，還附送足料美味的素湯，當天的蓮藕湯清甜可口，二話不說便把它掃清！跟餐熱飲加 HK$8，凍飲加 HK$10，如果可以，我想換成素湯，嘻嘻！我的蠔油冬菇 ＋蘿蔔 ＋炸薯片小麻辣米粉！另上的炸薯片無疑是焦點所在！剛炸起的薯片，淺黃、脹卜卜、沾上調味粉，小心燙啊！一咬，外脆內軟， 新鮮薯仔粉軟的口感和即時撲出的薯香，令愛薯的我倆雀躍起來，味粉帶有柔和的香氣和小鹹，跟炸薯片來得恰度好處，十分好吃，令人相當回味的炸薯片，跟新鮮的炸蕃薯有著異曲同工的美

由於大前日(13-11-2020 Thur)多肉少菜,所以前(13-11-2020 Fri)日繼續放假嘅晏晝,同老公食素lunch,上圓玄學院?但突然記得呢間黃店未懲罰,於是走嚟.我哋未到peak hour嚟,所以重有室內座位,坐低後,老闆放低兩碗菜乾湯,我哋揀完車仔麵後就飲.味道好清甜,菜乾幾靚.之後我哋嘅車仔麵到嚟,老公嗰碗係米粉,要清湯,鹵水大腸,雲耳,牛蒡扒同芥末丸.我嗰碗係米線,要牛腩汁,素鴨,炸薯片,時菜同午餐肉;炸薯片另上.分好啲餸就開動,午餐肉味道好似豬肉午餐肉,但唔鹹,健康好多;素鴨仍脆;牛蒡扒好味;炸薯片因為係即叫即炸,所以好熱,外脆內軟,好味.而其他嘢都正正常常冇問題.o衣o家睇返,原來佢哋漏俾鹵水大腸,但嗰碗均真地收$45.00.其他:呢喥有素盤菜訂,睇嚟過年時可以喺喥訂返個.而佢哋有個捐款箱,讓食客捐款資助派飯.

食素後頗難響街上搵到素湯麵，終於試到呢間，叫咗熱賣嘅叻沙湯底配河粉，餸叫咗豆卜、蘿蔔、魚蛋同炸薯片。由於第一次嚟小試「中辣」，湯底確有叻沙味好特別，豆卜索咗湯底，正😋！魚蛋嘅質地唔係超彈型，我非常鐘意！蘿蔔亦煮得入味冇渣且甜，入貨嘅好叻叻！個炸薯片果然聞名不如一食，即叫即炸，好脆脆，亦好大塊，我個friend 話咁大可以叫做薯餅喎🤪。辣椒油亦係車仔麵嘅重要拍檔，呢間店選用嘅辣椒油又香又辣，好完美～

朋友最近要茹素三天，而我也靜靜地盡量吃素。知道這裡車仔麵多選擇，也濃味，齋口不齋心的我也來有下。其實對面男孩的炸薯片很吸引。。。我見多人點的。不過我已有喇沙湯底，避免再油膩。。。這裡有純素，也有奶蛋素選擇。扒，感覺比平常素扒，少了豆味，像真高一點。牛肉，沙嗲惹味，很好吃。湯底有奶香，不俗。下次要試多（食送）飯

素車仔麵是我食過最好食的車仔麵，喇沙湯底好好味！炸薯片是其中一份餸，有三塊，好抵，蘿蔔大大件又甜，叉燒也好入味，例湯好清甜，可任飲！下次要試三餸飯套餐，有薑飯選擇。不論是否食素，來到這裡也會很滿意！

啱啱睇完中醫，醫師叫要食清淡啲😬 好啦，食素啦😂之前係個食素嘅朋友帶過我黎食，覺得唔錯，但太少蒲荃灣，終於又可以返黎試啦😀不過要食清啲連食開嘅喇沙車仔麵都放棄左😢個湯好好味嫁，薯片都好正😫為左聽醫師話，食三餸飯啦😢碗湯好清甜，冇肉嘅好優點出曬黎🤤 蘿蔔蜜棗嗰類嘅湯揀左要薑飯🤤 好似話胃寒，食多啲薑飯有益☺️媽咪間中都有炒薑飯我食，但哩度真係食到薑味😜好煩咁要食素，但又唔想係咁食一條條嘅菜😂 好滿意揀左係菇扮肉嘅餸🍄 左上好似係牛蒡餅，彈牙😁 右上炒XO醬，爽口😁 整體味道適中，唔會太咸或者淡，都唔會同一樣味。滿意☺️今次黎見佢窗度貼左啲善長捐錢派飯積德嘅紅紙，可能唔係信佛教，印象中冇見過哩類型嘢，幾特別。不過無論有咩信仰，有善心點都係好事😊

最近多左好多人黎素悅軒食野，除左因為好食之外，當然係因為佢黃到金既身份啦！素悅軒開左好多年，係香港唯一既素食車仔麵店。除左車仔麵，佢地仲有三餸飯，另外亦有唔同size既盆菜，大時大節同家人朋友相聚都可以黎訂返個。同一般既車仔麵一樣，可以揀麵底、配料同埋湯底。張揀餸紙寫明邊啲係純素，邊啲係蛋奶素，一目了然。揀好想食乜就先送上一碗湯，唔夠喉仲可以添飲。今次既係西洋菜湯，夠哂甜，同阿媽煲果啲有得揮。飲完湯個麵就餸到。炸薯片因為係新鮮炸，所以通常都會遲少少分開上。沙嗲湯底夠惹味，啲叉燒都 好入味。兩碗都叫左沙嗲湯底，如果喇沙都係純素就好喇。不過依家我都好滿意，試過肉骨茶藥材味比較濃，下次會想試牛腩汁。寶物沉歸底，食左一半終於等到炸薯片登場！新鮮炸起既薯片脆卜卜，面頭灑少少鹽就已經好正。薯片超大塊，每人三塊真係大滿足。大家要繼續支持黃色經濟圈，等黃店發光發亮，照亮全香港！