紫陽麻辣廚房

Open Now

Now Closed

味道非常好，因住九龍城成日食泰菜都悶，終於有另一個選擇。晚市比較多人食小龍蝦。我午市同晚市都有試過真的不錯。午餐非常抵食$68酸菜魚都好多魚，味道都幾正宗。無加一！ 一定會再去。

經朋友介紹來到這間餐廳就餐，果然沒讓我失望，口味正宗，份量足夠，一個酸菜魚足夠二人吃飽啦，香脆可口的辣子雞更是下酒的不二選擇，環境也很舒適，仲有午餐的小份水煮魚，送飲料及米飯一份，下次來試試

自從搬入九龍城之後，發現區內其實除了泰國菜之外，還有很多不同類型的餐廳，所以以九龍城為主題，介紹不同類型的的食肆。今次又是介紹九龍城的麻辣食肆－紫陽麻辣廚房水煮生魚半條$178，水煮的材料10分豐富，除了辣椒、花椒還有其他四川用的調味料，做法正宗。廚師的刀法很細緻，生魚片除了切得很薄之外，還很大片又鮮嫩，而且沒有一點細骨，令人放心享用。萵筍臘肉$108，臘肉採取了四川兩個不同的地方，有些臘肉的脂肪比較甘香，另一些就偏瘦而且煙熏味香濃，萵筍吸收了臘肉的香氣，味道更加鮮甜。冰粉$42，本來平平凡凡的冰粉，加上了山楂碎和杞子碎，味道層次更加豐富。酸梅湯$10鹹柑桔$15

九龍城又唔一定要食泰國菜嘅，今次食呢間川菜就非常唔錯喇事源昨日跟同事搵泰國菜食嘅時間，就見到呢一間新開張嘅紫陽麻辣廚房，不過因為預先諗住食泰國菜，所以就無去試到。咁今日又有朋友相約飯局，咁就決定再度重遊九龍城，而今日嘅主角就呢間川菜鋪頭，結果食完出黎都非常滿意 望見餐牌都見到好多款式，有辣有唔辣，任君選擇，而且部份菜式仲有份量選擇，人少少可以叫份細，試多幾款菜式，價錢都相當平民，豪食都唔會肉赤▪️酸菜魚酸菜魚係我必點嘅菜式之一，酸酸辣辣味道開胃，魚片嫩滑入口軟化，呢樣野鋪頭完全做到到，湯入面仲有海帶、魔芋、寬粉等等配料，從店員口中得知其中魔芋同寬粉都係自家制作，而且湯料份量多又唔油膩，誠意推介▪️奇味雞煲（不辣）川菜成日都俾人辣嘅感覺，令到好多人對川菜卻步，而呢款雞煲就適合鐘意濃味又唔食得辣嘅朋友喇。雞件醃得相當入味，配料同雞件炒到乾身上煲，上枱仲熱辣辣，而且雞肉都嫩口，夠哂惹味送飯一流▪️大盤花菜炒菜方面同樣都有水準，有椰菜花、唐芹、青椒等等制作而成，味道同樣惹味醒胃，而且蔬菜用料都算唔錯，加上烹調時間啱啱好，的確唔錯

萵筍炒臘肉($108)香港好少機會食到咁正宗川菜，之前去西藏食過一次萵荀炒臘肉就念念不忘，終於係香港食到🥰偷望到廚房見到廚師炒菜好大火，就知好夠獲氣🤤臘肉係類似煙肉咁，加埋辣椒、葱同花椒炒，萵筍真係好惹味😍水煮桂花魚(半條$248/全條$408)有生魚同桂花魚，我地叫左桂花魚因為魚片會比較滑嫩。叫左小辣，有少少麻，食落唔會辣住個胃，配菜有芽菜、海帶，寬粉，唔錯唔錯！廚師係四川人，所以味道都好正宗。餐牌好多主打菜，仲有酸菜魚、青椒魚同烤魚...選擇困難既我只係揀左餐牌第一道菜🤣下次會再黎試試其他菜🥲新店3月開張，平日晚市都差唔多全場坐滿。雖然餐廳有得用QR code自助落單，但係店員都好nice好好服務😙

九龍城❣️川菜九龍城泰國菜就多喇，川菜竟然都比我地搵到😌本人鍾情食辣野，就試一試佢📍水煮桂花魚好香既花椒味，第一啖試左個湯底，唔會太油👍🏻桂花魚片好滑，魚片既骨處理得非常好！芽菜、海帶、寛粉夾埋個水煮湯底都好出色🤤📍萵筍炒臘肉好少地方會有臘肉食，再加上炒埋萵筍，好有鑊氣！臘肉既濃味加落萵筍到炒埋，好惹味👍🏻建議唔食得辣既朋友仔叫小辣，一試川菜既特色！下次要試下佢個烤魚先，見隔離枱叫左好吸引😍同埋....餐廳做埋自助落單，果然係跟得上潮流阿！好食指數：8.5/10紫陽麻辣廚房九龍城南角道41號地舖——————#九龍城搵食 #川菜 #水煮魚 #辣

今晚同舅父去了九龍城食川菜，餐廳食物款式甚多，水煮魚、麻辣雞煲等多款地道川菜及小食，辣度可供選擇。我們先叫了個涼菜拍青瓜，青瓜爽脆，很香的蒜蓉及麻油香，要了小辣的關係，所以只帶輕微辣感，非常開胃。炒土豆絲雖然有很多辣椒，但完全唔辣，帶點蒜香，土豆絲爽脆。最後要了個酸菜生魚，生魚魚肉雪白，切成薄薄一片，略為走油，魚肉嫩滑少骨，下面用了酸菜、萵筍、薯粉及海帶等墊底，配料份量十足，湯底帶酸且微辣，味道鮮甜，送飯一流。

九龍城不嬲都有好多林林總總嘅美食店，今日嚟咗呢間川菜餐廳——紫陽麻辣廚房，見到啲川菜款式都好齊全，望落有幾吸引，所以就入咗去食lunch😍午市快餐——水煮魚 ($68)- 午市快餐真係超級抵食，好大兜嘅水煮魚、超級大桶嘅木桶飯，加埋一杯豆漿送，真係飽到捧住個肚仔走😍- 水煮魚不得不讚，味道非常正宗，呢種辣係好味嘅辣，越食越上癮；而且魚片雪白嫩滑，新鮮一啲腥味都冇，食到舔舔脷😋萵笋臘肉- 呢個四川臘肉超級好食，鹹香得嚟有咬口，配搭埋新鮮爽口嘅萵笋，清新好味😋而且唔係話好辣，啱晒一家大細食😙餐廳內部整體幾闊落，乾淨企理，食得非常舒服，非常推薦👍🏻

次次黎九龍城都食泰菜，今次終於試到其他菜式😍朋友住九龍城，介紹呢間位於九龍城既川菜，餐廳3月先開張，但已經晚晚排晒長龍🤭餐廳主打食川菜，廚師係四川人，所以味道都好正宗，重點係價錢好相宜。.▪️辣子雞 $138今日我地黎得晏，賣晒無骨既雞，店員問我地有骨既要唔要，我地都覺得ok就照食，原來全部係雞翼斬件再爆炒，所以主要係一條大骨，都食到既，味道方面麻辣味夠香濃，咸鮮醇香，略帶一點回甜。我地叫左小辣都好麻👍🏻真係好正宗風味。.▪️水煮桂花魚(半條) $248水煮魚有分生魚同桂花魚，識食當然要叫桂花啦，又滑身又少骨。一上碟，睇到鍋面係一片紅辣椒，魚片鮮嫩可口，輕輕咬一粒花椒，舌尖就感受到麻辣辣的快意。就算嘴上覺得辣，但喉嚨唔覺得辣，胃裡面又唔會唔舒服👍🏻.▪️大盤花菜 $88炒花椰菜，如果以為自己屋企都煮到就錯晒啦，因為呢碟餸個精華係要用油炸過(無聽錯 ，係炸)，要快炸再上碟加上青辣椒、蔥等惹味配料先可以做到爽口又淋身，好有四川風味👌🏻.3人晚餐平均$1xx/人頭，暫時未有酒牌，仲可以自己買酒入黎飲，加上味道正宗又唔貴，難怪剛開業就排晒長龍🤭最後仲送左冰粉俾我地食，甜甜地又夠冰，糖水黎講幾特別🥰

宜家餐廳位於九龍城，附近沒有鄰近的地鐵站，但卻有一個大型的巴士站和小巴站，可以前往，地理上還算方便快捷，這間餐廳是新開的，這天和同事一同前往光顧，我們光顧的當然正正就是午餐，味道方面也做得不錯，但我最欣賞的就是他們對原材料的執著。食物方面，我點的就是酸菜魚， 酸菜魚看起來十分簡單，沒什麼細節和執著，但內裏使用的花椒，八角和辣椒絕對是頂級，酸菜魚最擔心的就是酸味比辣味蓋過了，也擔心酸味更為出眾，但這間餐廳做到剛好的平衡，酸辣剛剛好，完美的比例，配搭餐廳的木桶飯，這樣更是一頓美味的午餐。

看到附近新开了家川菜馆就立刻来试了一下，结果连吃了两天哈哈哈！首先味道：真的非常正宗！是目前我在九龙城吃到最正宗的川菜了！还很贴心的有BB辣，而且劲辣也很够辣！我两次吃的都是午市套餐，水煮鱼和水煮肉片都是$68的价格，份量很足，他们家的米饭也很好吃，很实惠～下次再来试试麻辣香锅！看起来就很好吃！环境：地面和桌面都很干净整洁，而且桌子和桌子之间隔的很开，疫情之下很有安全感！服务态度：很亲切，服务态度真的挺好的！

今日去完九龍城按摩，然後諗住搵嘢食，點知見到呢間食酸菜魚，唔使成日食泰國菜都幾有新意❤️酸菜魚是四川人最鍾意食嘅菜式，酸菜魚片湯裡頭用上泡椒的，微微酸辣，重點係酸菜湯底用上自家製作嘅泡椒，原來係老闆親自有四川，魚骨配上酸菜煮出來的湯底，酸酸辣辣的，湯底好濃厚，加上口感爽甜的即劏生魚片，魚片滑溜及惹味，辣度好適合我，而且湯底配上寬粉、青筍片、海帶同埋粉絲等，寬粉滲入了酸辣和麻的味道🥰🥰份量都幾多，半條魚已經食到好飽了😃最後再嗌左一款小食，見到牆上大大隻寫住自家製麻辣豬手，梗係嗌番碟啦，原來老闆好細心將豬手切粒方便客人食，真係好抵讚，重點係調味相當出色，好有串燒嘅風味🤫