羅宋湯專門店 (Closed)

無論係個湯底定烏冬都好難食，食完之後嗰啲味精係個口到停半日。個撈麵就仲衰，鹹到食唔到，唔明點解可以整到咁難食😓 連個沙律都可以整得衰，都唔知可以講咩好… 仲要全部嘢食啲賣相同口感都相當差，雞扒乾到柴咁，又冇味，最後食咗一兩件就冇再食😓已經唔算平，啲職員仲要好冇禮貌，入得去一定受氣，絕對冇下次，blacklist!😡（其實呢間舖做咗好耐，以前食都好好，後尾先知道係自從轉咗手之後，啲嘢食同埋員工服務態度都極差！）

入到去嘅時候，佢哋嘅態度真係惡劣到爆炸！落咗單之後，我諗住追加啲嘢改返張套餐，但佢哋竟然話喺未出單嘅情況下更改都要取正價！咁樣係唔係搞錯咗？！仲有啊，佢哋嘅手打烏冬，我真係唔知點形容，垃圾一個字都唔夠形容佢嗰啲爛得出奇！羅宋湯都好似食糊仔咁乾晒，冇晒汁，真係一碗大大個失望！套餐裏面嘅雞扒，唔知點解咁重雪味，食落去就好似食石頭咁硬！而個店員仲好唔尊重客人，打乞嗤冇捂住鼻仲要對住我哋食客咁樣，真係嚇到我鬼都嚟！食咗咁多年，我從來冇試過咁差嘅體驗，真係令我震驚到無法置信！原來呢間食店轉咗手，而家完全變咗垃圾場，冇任何衛生概念！我堅決將呢間食店永久加入我嘅黑名單，絕對唔會再浪費時間同金錢喺嗰度！真係實在太可惡嘅一個地方！入到去態度惡劣，落咗單想追加改返張單套餐都話要收正價，嚟咗嘅手打烏冬又爛又似烏冬，羅宋湯又乾晒收晒汁好似食糊仔咁，套餐嘅雞扒好重雪味，店員打乞嗤冇揞口鼻仲要對住個食客，真係好差嘅體驗。食咗咁多年冇咁嘅樣，原來係轉咗手，以為永久blacklist依家垃圾唔理衛生嘅食店。

上星期經過打算試下，嗌咗三個餐，一個牛腩羅宋湯配豬仔包加沙拉，一個就係雞扒飯配牛腩羅宋湯，仲有一個牛腩羅宋湯嘅面。個豬仔包就普通茶餐廳質素，然後就到兩個羅宋湯嚟，本身見到出煙熱辣辣應該幾不錯，但係個色水就麻麻地，再搵隻匙羹撈吓見到牛腩得嗰兩三舊試埋之後更加無言😂😂 牛腩超級硬同韌，唔係好咬到，啲湯同個色一樣水汪汪，無咩味道... 都算啦，塊雞扒一嚟到，嚇親🤢😂... 乾到無得頂，食落好似柴咁... 最後食左一舊就冇郁過.... 真係無下次.....

係呢間餐廳食完晚餐，找數嘅時候出現咗以下嘅情景:我：正想用八達通俾錢職員正在同前一個顧客對話：八達通壞咗，你要俾現金或者Alipay前一個顧客：我唔夠現金我：咁你有冇PayMe？不如我比現金你，你PayMe返俾我————————————-到我：咁我用Alipay啦職員：用部機scan咗我Alipay嘅QR code我：Alipay透過手機確認已過數 職員：交易失敗喎，你俾現金啦我：但係電話訊息係成功交易咗個喎！職員：我依部機係冇就係過唔到㗎啦。嗱，我void多次俾你睇。我：冇辦法，信佢所以用現金找咗數———————————-我：出門口行咗幾步，再收到匯豐電郵通知成功轉賬。行返轉頭問返個職員。職員：我部機話冇就係冇㗎啦，而家咁夜(7:53pm)都幫你check唔到。如果你有問題你自己問返匯豐。我：見到佢部機對上幾個客全部都係收咗Alipay,再void單，有感覺被騙！有啲唔忿氣直接打去匯豐，開咗speaker問。匯豐同呢位職員講，已經成功過數，一般嚟講，係食店自己處理返。唔關個客事，資料顯示係已成功過數。職員：唔理匯豐點講，我哋公司係唔會咁做嘅，如果明早對數發現多咗先至會俾返個

一直都好中意食咧度嘅牛脷飯，可惜喺太古，對大西北嘅人嚟講真係太遠🥹 難得經過太古，幾大都要嚟食！佢主要以套餐形式咁叫套餐 ($88)包括1個湯+1份主食+1罐飲品鹽燒牛脷溏心蛋飯 (9/10)對於中意食牛脷同溏心蛋嘅我，係一次過滿足曬2個願望。你見到佢溏心蛋唔會過熟，牛脷分量亦都唔少。另外我覺得個飯最特別係有啲酸椰菜絲係上面，唔會因為牛脷偏多油脂而覺得油膩，配搭得好好紅菜頭豬髀肉湯 (6/10)可能飲慣老火湯，已經對紅菜頭湯有既定印象，所以覺得加西芹無咁好飲。勝在個湯夠甜，而且好多料，有2大塊豬髀肉，亦都有唔少紅菜頭同薯仔。如果中意食西芹嘅應該會覺得唔錯，但係比我我就一定推薦返佢哋個羅宋湯！料夠多，調味亦都適中，好好飲🤤＿＿＿＿＿＿＿＿＿＿＿＿＿＿＿＿＿＿＿＿＿＿＿＿餐廳：羅宋湯專門店地址：太古太古城道26號漢宮閣地下G409號舖整體評分：😍😍😍😍😍回頭率：🙆‍♀️🙆‍♀️🙆‍♀️🙆‍♀️🙆‍♀️