美味餃子店

Open Now

Now Closed

食過好多次😂每次水準都一樣！雖然餡料選擇好少，得三款，仲要白菜基本上六點後去到都賣曬😂韭菜：韭菜又香又爽口！原本唔鍾意食韭菜嘅我次次黎都嗌韭菜😂椰菜雲耳：爽口，食到菜味肉味，但應該啲菜肉新鮮所以冇乜調味，如果唔加菜脯覺得太淡味白菜：好香白菜味，黎十次應該有兩次會食到😂湯底：勁鍾意飲！好鮮甜又帶點胡椒味😋❤️飲完唔口渴👍🏻菜脯：自家製👍🏻有豆豉、辣椒好香，用油炒過唔會好似出面嗰啲咁乾憎憎，同餃子一齊食好夾！呢間啲餃子帶點煙靭，厚薄適中，唔似得外面好多一係太厚一係太薄好易穿，呢間食過十次以上每次都完整冇穿👍🏻餡料新鮮，所以冇乜調味，點菜脯就啱啱好😋鍾意湯餃多過煎，湯餃食到餃子皮嘅煙韌，煎餃反而冇乜特別同有啲油膩

成日食粉麵飯食得多 都想試下其他野西餐又貴 今次食返d平民少少既食物兩拼水餃10隻 $53 雲耳椰菜肉餃 雲耳切絲 一條條咁 有咬口 爽爽地 椰菜又係偏有咬口既菜 成隻餃就好夾 白菜餃 偏軟 食到佢既肉汁既白菜味 唔好睇少呢10隻水餃 食完都好飽

星期六傍晚嚟食都有人排隊，不過等2分鐘都已經可以入去。點左煎木耳椰菜餃子及韭菜餃子雙拼，53蚊。 睇到員工喺到包餃子，好有家庭感覺。上碟果時好熱嘅亦都好脆，不過可能才菜比較多嘅關係餃子好快就變淋，餡料味道正常，每隻餃子都好大隻。個人偏好韭菜。有個菜甫可以自己加，辣辣地幾開胃。佢湯底喺粉葛生魚湯，下次再嚟會試湯九餃，應該好食啲。

在旺角區返工，唔想成日食茶餐廳，湯餃岩哂。呢間餃子店出名用野葛菜煲生魚豬骨湯做湯底，餃子大大粒足料，飲埋啖湯真係無得輸。價錢方面合理，雖然唔算好平，但係以質量取勝。店內座位就比較少，如果繁忙時間黎，預左要排下隊，但都值得嘅。 鍾意食辣嘅朋友，店內仲有辣菜莆（都好辣）免費提供，本人就不太食得辣。 店內仲有Open rice 外賣自取服務，岩哂繁忙唔想等位嘅朋友買走食一大碗10隻餃子，飲埋碗湯，飽哂。我今次就點左雲耳椰菜肉餃拼白菜餃 一共53$蚊平民優質餃子店 值得推介

又到放假出去搵嘢食嘅日子，呢日嚟到太子搵到呢間專食餃子🥟嘅「專門店」星期六嘅下午都有唔少人等位，不過好快就可以入座。餃子選擇方面基本上分湯餃類同煎餃類，另外比較特別就係有車仔麵選擇，真係一次過可以滿足晒3個願望！首選當然煎餃啦，有3款唔同口味，但煎餃必然係揀韭菜餃，無得輸！▶️煎韭菜餃 (10隻) - 每隻都大大隻，差不多1隻等如人哋2隻，而且皮薄餡料亦好豐富，必試之選！▶️湯餃就試咗白菜肉餃 (另加了米線底) - 亦都大大隻，但比較起上嚟，韭菜會比白菜肉香。湯底清淡得嚟有味，店員聲稱佢哋嘅湯底係無味精嘅生魚豬骨湯底，是真是假？反正我信了，哈！▶️車仔麵 - 餸料就一般有嘅大路選擇，我哋亦點咗大路嘅豬皮魚蛋試試，豬皮正常，但魚蛋就爭少少，無人哋街邊檔口嘅咁好食，而湯底亦欠缺了腩汁，如果加了色會更似一碗車仔麵，總結就係可以唔使試，直接食餃子就好！▶️辣菜脯 - 隨意添食，加落湯餃會更惹味，但其實都幾辣，自問食得辣嘅都辣到出晒汗@@總結：食物質素好好，「美味餃子店」又真係講得無錯，店內格局尚算整潔，但唔好期望會坐得好舒服，至於價錢方面貴定平就見仁見智，我自己就覺得無食過嘅不妨一試！

☕ 食物：👍🏻👍🏻👍🏻👍🏻 /5 💰CP值：👍🏻👍🏻👍🏻👍🏻 /5 🤵🏻 服務：👍🏻👍🏻👍🏻/5 🛋 環境： 👍🏻👍🏻👍🏻 /5係太子呢邊上堂，同學特別帶我黎呢間鋪頭食，午膳時間都有等一等先入到去食～雲耳椰菜肉餃及韭菜餃(湯餃子類）個湯底係野葛菜生魚豬骨去煲，因為湯底無加味精，成件事好居家又好清甜，真係可以成碗清哂 ！另外，餃子做到皮薄餡靚，好 大 粒又足料，粒粒都脹卜卜，枱上有既菜脯又為成件事加左好多分，比客人自己加，當然大家要自律啦，辣辣地既菜脯加埋落湯底再一齊食又係另一個境界 ！

食餃子最常覺得不滿嘅地方，唔係細隻無饀，就係皮厚或者煎完都係皮淋。相信太子嘅美味餃子，鍾意食餃嘅人一定識，所以可以直入正題。環境☑️☑️唔好諗住好坐又有view，呢度唔單止唔好坐，仲要得塊板仔同枱分隔搭枱客，不時有啲咳到癲嘅阿伯搭枱，呢個係我覺得唯一扣分嘅地方。味道☑️☑️☑️☑️☑️基本上次次都係「10隻煎韮菜，10隻湯白菜」。煎得脆口，加上韮菜香，強力推介！（注意：我好少寫強力推介呢隻字，因為覺得好廣告）；至於湯白菜，最正係湯底好Q好味，加埋枱上嗰個辣菜脯，好Q夾！性價比☑️☑️☑️☑️雖然差不多$50一碟or一碗，係貴！但餃子好味又大隻，相比出面$30幾一碟得6隻，呢度交足貨啦，想點呀！

平日晚上六點左右，黎到太子搵野食，天氣轉涼好想食啲熱辣辣既野食。位於大南街美味餃子店嚟遠見到 已經有唔少人買外賣，店內亦都已經座滿人，見到咁多人幫襯即管試吓啲餃子有幾美味先😌原本想叫雲耳椰菜肉餃拼白菜餃，點知白菜餃已經賣晒了🙈雲耳椰菜肉餃 大碗 （10隻）$51湯係用左野葛菜生魚豬骨去熬成，好清甜，無味精，可以成碗飲晒！餃子 超 大 粒！！！每粒都包到脹卜卜，皮厚薄適中，餡多，另外枱上有菜脯可以自己加，辣辣地既菜脯加埋餃子一齊食真係perfect！！煎韮菜餃肉餃 大碟 （10隻 ）$50好鐘意佢哋既煎餃！！！煎到兩邊金黃色，咬落入面好juicy,再加埋菜脯一齊食，味道好夾，建議兩個人食可以叫一湯餃一煎餃share食。若果一個人食煎餃感覺會好濟🙈因為每粒都好大粒！一定會再返嚟食，係目前食過數一數二既餃子呀🥟🤤🤤

*美味餃子店*太子呢間人龍🥟店相信無人不曉😍🥟有兩款：分別係湯餃同煎餃😛。🥟有三個味道雲耳椰菜肉餃、韭菜肉餃、白菜肉餃餃子皮薄餡靚，白菜鮮甜肉汁滿滿。配野葛菜煲生魚豬骨湯。飲完唔會口渴❤️足料！溫馨提示❤️餃子🥟分7隻同10隻，價錢只差$5，食得晒先好嗌。

今日帶左隻貓貓去睇醫生，要放佢低佢地喺診所兩個鐘～所以就喺附近搵吓有咩好食🙈🙈行吓行吓見到呢間餃子店門口好多人排隊，竟然咁偏僻嘅地方都咁多人，於是就上網搵吓，原來係一間好出名嘅餃子店👍-我叫咗湯白菜餃，湯頭係野葛菜魚湯，好鮮甜，飲得出冇味精，10隻餃子全部都大大隻，一個人食真係會有少少飽🤣🤣入面嘅餡超級多，而且好好食😋佢哋舖頭仲有菜鋪都好出名，辣辣地，用嚟點煎餃就最好食啦❤️❤️❤️❤️

今次推介既係長期都排長龍既美味餃子店﹗相信都有唔少人試過佢既餃子係幾足料同大隻架啦❣️❣️.除此之外，店內仲採用左無味精既野葛菜生魚豬骨湯底，真係好有家既味道架﹗重味係食完唔會瘋狂飲水嘛～🤫.性價比極高簡直就係平民美食啦～叫十隻既話連男仔食完都叫飽呀，而女仔就建議叫七隻啦韮菜煎餃即叫即整架，所以煎餃等待時間相對會再耐D。上菜真係會熱到辣口架，所以第一啖千祈唔好大大啖咬落去呀﹗🥴都係個句啦～煎餃要叫韮菜先夾架~再配上秘制辣菜脯真係會令人食上癮架﹗最重要係店內餃子都係多菜少肉嘛，食完都無咁大罪惡感啦～🤣-#白菜肉餃當然啦~要食得健康既一定要叫湯餃，食完再飲埋碗湯唔好浪費﹗白菜肉餃係大熱黎架，夜左去食試過幾次話賣晒呀如果唔中意韮菜既你不防試試白菜餃呀～🍀

近期愛上食餃子，太子特別多餃子店，今次試這間餃子🥟店，餃子款式唔多，主打雲耳椰菜肉餃、韭菜餃及白菜餃，分七隻同十隻，湯餃同煎餃，今次試多人推介的雲耳椰菜肉湯餃，可能比較多人，製作也需時，大約十至十五分鐘，食物上枱了，湯底係招牌野葛菜煲生魚豬骨湯，清清地不是濃湯來，飲得出野葛菜味，熱辣辣，幾好味，餃子脹卜卜，皮薄透出餡料，餡料足，椰菜雲耳爽口，大大隻，七隻一般女士當下午茶剛剛好，整體而言不錯，服務又幾好，會再幫襯.

之前出IG story詢問大家有邊間餃子店係值得推介，好多人都話太子呢間「美味餃子店」去得過。我有位朋友係餃子控(可能佢快要離港去第二個地方生活，所以成日去食餃子🥟)，約埋佢一齊去食就啱晒。朋友話要避開繁忙時間，星期6下午四點去唔見人龍，不過店內都已經坐滿8成人。食物選擇有湯餃子、煎餃子及粉麵類。餃子款色只有三款，有湯及煎嘅製法。兩個人叫咗雙拼湯餃(雲耳椰菜拼白菜)同埋煎韭菜肉餃，一次過食晒湯、煎餃子。▫️ 雲耳椰菜拼白菜餃子 (HKD50) - 雙拼湯餃子$50 有10隻。人手包製嘅餃子大大隻，真係大過喺其他餃子店食嘅好多。湯底望落去有點混濁，其實係野葛菜煲生魚豬骨湯。▫️ 煎韭菜肉餃 (HKD42) - 餃子煎到金黃色，外皮好香脆，賣相係俾湯餃吸引啲嘅。煎餃子咬落口唔覺有油膩嘅感覺，反而覺得韭菜肉餡多菜汁，味道足。辣菜脯係一樣不能錯過嘅配菜，用來同餃子一齊食真係好好味。

我喜歡食餃子，因為keep fit來講餃子都一個好選擇😆😆😋所以去咗一間🤎香港特色小店🤎太子美味餃子店🤎試吓佢啲餃子，見到啲姨姨即場包餃子👍🏻👍🏻👍🏻都冇停過手😆😆😆我叫咗鴛鴦餃，椰菜豬肉餃加白菜豬肉餃，湯底係野葛菜生魚豬骨湯底，湯底整體都可以，餃子好大粒，重點佢有個辣嘅醬一粒粒類似冬菜咁好好味😋這個價錢來講都係物超所值，間唔中經開食下都係一個好好嘅選擇👍🏻👍🏻👍🏻😋😋😋

細細既舖頭 入面既坐位唔多 舖頭唔算新又唔算舊 但總係好多人排隊 一開始都唔明但原因就係 真係好好食!!!!!!😍我已經唔止一次回頭食😳🤣去相!!!湯餃子 雲耳椰菜肉餃 併 韭菜肉餃 （10隻）$50餃子超級大隻!!! 入面既餡超多😍😍皮厚度適中 完全唔厚 又唔會過薄10隻對女仔既份量已經多左😳但實在太好食 所以停唔到口❗️值得一提既係 佢個辣菜脯超級好食配埋個水餃!!係一流😍佢個湯係生魚豬骨湯底 食完餃子之後 我仲會飲埋個湯 實在太好食🤣🤣煎韭菜肉餃（10隻）$47係我食過最好食既煎餃top 3因為好多人叫 我估都算係即叫即煎🤣上菜果時煎餃仲好熱 外面煎得好脆 同香入面食落😍😍d肉同汁流出黎咁一個字 正!!性價比絕對超高😍唯一有改善係 餐牌種類少🤣黎黎去去都係食果幾款