老上海餛飩舖

Open Now

Now Closed

見有兩檯客就入咗黎，店舖比較細，只有4張檯。叫咗個全家福20粒，一邊食一邊數，最後發現少兩粒，唔知店家有心定無意，大家食都要小心d。講返味道，味道一般，食到後面有d鹹，唔會再幫襯。

呢間小店嘅雲吞我會評分非常之高，因為皮薄餡靚同埋雲吞嘅size真係小雲吞，我最鍾意。不過……..由於我就在禧利街上班，每次外賣我都會先打電話，同老闆講要乜嘢，然後問佢10分鐘後到可唔可以？佢話可以。但係，我夠膽講10次外賣，10次我都係去到佢哋先至幫我做單，我已經唔係lunch Time時間去店舖，所以係冇人。我之前嗰一兩次都係咁嘅情況，所以我之後都必須會再同佢講我唔想等，所以你嘅外賣要已經預備好我會過嚟攞。佢話冇問題。但好可惜每一次去到，佢哋先至如夢初醒，然後馬上響廚房幫我做單。我今日又發生同樣情況，我落完單之後10分鐘後再打電話問佢哋我嘅外賣係咪已經搞好了？係我先至落樓，老闆回答「你過嚟啦」落到舖頭入去廚房，個老闆娘話你係咪頭先落單嗰個啊？哦我而家整啦。其實我真係唔想鬧老人家，我明白佢哋兩個老人家經營舖頭都一定好辛苦，呢一點我明白的。但係點解佢好似聽唔明我講，我要去到馬上攞走，因為我就係唔想企響嗰度等5分鐘至10分鐘。每一次我都會好嬲，我嬲係因為佢確認我個外賣已經預備好了，但係10次去10次都係未開始整我嘅外賣，其實係咪真係咁難呢？

外表不太顯眼的小店，見到menu 有比較少見的「薺菜」雲吞，就入去試一試。店鋪好似只得兩公婆，所以午餐時段樓面顧不上來。踏進鋪頭，冇人招呼的？ Anyway, 最後店主都從廚房走出來，感受到佢都好忙。蔥油拌麵：攪拌麵條，有香香的蔥油味。Nice smell！麵條調味剛剛好，唔會太鹹唔會太甜，味道剛剛好。係喜歡蔥油麵嘅朋友，應該會滿意嘅味道。薺菜小雲吞：第一次食薺菜小雲吞，貪新鮮試一試可以。但係個人感覺薺菜個味道唔算太濃郁。如果唔鐘意好大浸菜味嘅朋友，可以一試。但係我本人就鍾意多啲味嗰種，即係韭菜、芹菜嗰啲比較係我鍾意嘅味道。湯底就一般味精湯底，冇乜特別。總結：埋單冇加一，先50幾蚊一個lunch，仲可以想點。係想平平哋食住家味道，一個可以一試嘅選擇。

係中環番工已經食到冇野好食，係時候去開發上環既小店，Lunch time門口都幾多人排隊，又走去試下先😍由於係小店既關係都須要搭枱同埋都係快d食完快d比個位出面既朋友🤣價格同份量都好合理，女士絕對夠飽👍🏻連埋2個同事分別叫左3款餛飩試下，鮮肉.芹菜鮮肉同埋香菇鮮肉，我地叫既套餐都係跟一碗麵蔥油拌麵好出色‼️味道岩岩好，仲好香。湯底好清甜，冬天飲就岩曬🫶🏻食呢d餛飩必須來一杯豆漿，PERFECT餛飩仲可以買生既自己番屋企煮，夠曬方便~

一間專賣餛飩的簡單小舖頭，由兩位大哥大姐打點，菜式簡單，賣鮮肉/薺菜/芹菜/香菇/玉米小餛飩、蒸餃子、蔥油拌麵、炸醬麵、花生醬拌麵，幾款小涼菜和燙青菜。舖頭座位不多， 只有十來個，但地方乾淨企理。牆上有兩幅掛畫介紹餛飩的典故和薺菜的營養，一邊等食物上桌，一邊可以學到嘢，有意思。叫了薺菜小餛飩和蒸餃子套餐， 有十三個小餛飩和六個小蒸餃，小雲吞皮薄而且滑，一個一口剛剛好，食物上枱熱熱騰騰，吃完心和肚在寒冬都暖笠笠。

呢個餛飩係我係香港食過最正宗既上海餛飩皮薄 肉餡 清湯食落好正宗 唔洗返大陸都食到餛飩餛飩係大陸通常作為早餐同小食 係老少皆宜佢哋既餛飩味道勾起左我既回憶 希望可以繼續保持水準

話說兩週前有個星期四，我和家人大約近 2pm還未食晏 ，就到附近閒逛覓食，看到這間「老上海」。我算是半個「上海仔」，小時候經常吃婆婆和媽媽煮的上海家常菜，今天正好兩個人來吃這頓 late lunch。小店格局，店舖只有十個位不到，若果旺場的話，睇環境擺設應該都會坐得幾逼夾，勝在清潔企理，價錢蠻大眾化。2pm 開始的選擇通通 $28，九款選擇，全部送豆漿一杯。不錯，已少甜，該是現成貨，冰凍解渴就好：「上海小雲吞」HK$28薺菜與豬肉雙併，形狀似廣東式的散尾金魚蝦雲呑迷你版，皮薄餡鮮：它並非坊間般用大白菜或西洋菜做餡，上海薺菜與肉的比例約 7:3， 菜帶有獨特草青味：湯底是簡單用麻油、鹽、糖、生抽、蔥和滾水而成的家常湯：它也聰明在只配簡單湯底，有一些紫菜炸蔥粒，以少許香氣去襯托出食材味道的層次感。喜歡的話，也可以買生的淨雲吞回家煮，也是 $28 呢：「老上海牛腩飯」$28的的骰骰，似紅燒的做法，肉質十分腍：調味及滷製火候不錯，用來撈飯，汁料剛剛好，若果可以轉做菜飯就更開心：食完埋單，不用加一。能平吃煮出好的上海菜確是難得，薺菜雲吞我甚是喜歡，出外食也總比自己買上海薺菜在家包雲吞省時省力吧

係上環呢度有間咁既小店，唔洗60蚊可以食到飽到碌地，真係好難⋯呢度係一個餐，B3 蔥油撈面，加唔知幾多隻雲吞，唔係講笑，呢個餐我分左兩日食⋯晚餐食完個蔥油撈麵都食唔落啲雲吞，擺雪櫃留到第2日先加返熱做午餐LOL 味道正正常常，唔驚艷，但呢個價位真係好抵！

雖然小餛飩個size真係比較細，但皮薄，d肉真係好鮮甜，33蚊15隻黎黎，上環地區真係無得點挑剔，個人覺得係有驚喜，好食嘅平價之選。環境就正正路路都企理，無咩問題

寒流來襲，天氣降溫，走在街上手腳冰冷。想喝一碗熱熱的餛飩來驅寒，便來到這家經過了幾次的小店。店面不大，只有三四張小圓台。看招牌上的食物名稱是讓人放心的，鮮肉小餛飩，薺菜餛飩，多麼‘上海’的名字，出品應該也差不到哪裡。誰知道，天真了。下單幾分鐘熱騰騰的餛飩端上來，聞湯沒有任何鮮味，只有味精沖水的味道。盛起一顆小餛飩，尺寸不算，皮算滑且薄。一口咬下去，？？？什麼東西！吃不出肉味，反而像是在吃廉價澱粉香腸的感覺。也許是我的味覺被凍壞了，再試一顆，⋯ 一樣吃不出來任何肉的鮮味。一句話，不要再來了。

錕飩有花香，味道可以，湯低一般，醋有水平。炸醬麵麵質口感都唔錯，但有略為太油及太咸。份量夠，吃得飽，性價比是可以的。平日一點來不用排長龍，店面清潔，位有啲擠。以快食以言是一個選擇。

鮮肉小餛飩15個33元，20個40元。點了一份20個的，盛惠40元。端上桌一看明顯沒有20個的分量，遂一邊吃一邊數，最後一共16個。因為剛剛打完疫苗很疲倦不想據理力爭，加上邊吃遍數，沒有實際證據。就埋單40走人。講明20個，實際16個，認真有d過分！此等黑🖤心店鋪，不會再幫襯。食客叫餛飩的話，一定要數清楚數量，避免被呃

上環蘇杭街一帶美食店林立，之前從這家上海餛飩店門前經過無數次，感覺只有餛飩和拌面 選擇相對單一就沒有進去，這次在朋友的推薦下抱著嘗新的心態試一試。店裏只有四張小圓桌 環境整潔，點了薺菜鮮肉餛飩和雜醬麵，湯頭淡淡沒什麼特別，單餛飩皮薄餡多 味道鮮美，能吃得出沒下太多調味料，有別於香港本地的港式雲吞，尤其是餛飩皮，薄而剔透。拌面味道不能說突出，鹹鹹香香 跟餛飩搭配剛剛好。 這種味道 想起幾年前去上海 在路邊小店吃的那種感覺，值得推薦 一句話：菜品單一而不簡單。

小錕飩湯底清，錕飩皮薄又順滑，餡料不雇太肥膩，好像以前在上海吃早餐吃到的感覺，而且更加好味。豆漿好喝有豆味不太甜。花生醬拌麵，用傳統上海麵，醬汁濃香又黏口。原來香港有幾間分店，我卻一直沒發現，不知每間店水準是否平均。好吃，價錢合理，員工有禮貌有效率，地方可以，會再幫襯

中午越黎越唔中意食粉麵果類主食，今日特登試下公司附近呢間餛飩鋪。叫左個招牌餛飩，價錢唔算貴，可揀12或20隻，粒粒晶型剔透。略嫌d皮薄到爛晒，肉有d太粉太散，個湯都唔算太夠味。