老長沙湘菜館 (Closed)

我哋今次揀咗「老長沙」呢間餐廳，無論係裝潢定係菜式質素都好滿意。餐廳嘅裝潢典雅舒適，環境清潔光猛，設計充滿傳統中國風味，枱椅簡潔大方，配上白色枱布同中式圖案嘅椅背，營造出舒適又高雅嘅用餐氣氛。餐廳內部好寬敞，天花板上有現代化嘅吊燈同冷氣設備。牆上掛咗啲藝術作品同埋店家攞過嘅獎狀，增添咗啲文化氣息。整體嚟講，餐廳既傳統又唔失現代感，非常適合家庭聚餐或者朋友聚會。餐廳嘅菜單封面係紅色皮質嘅，印咗「老長沙」同「傳統長沙湘菜」嘅字樣。呢個設計簡潔大方，帶住濃厚嘅中國風情，令我哋對呢度嘅菜品充滿期待。我哋點咗幾道菜，每一道都好滿意。炒辣子雞既份量好大，雞肉外脆內嫩，香辣味道平衡得宜，辣味唔會掩蓋咗新鮮雞肉嘅味道，每一啖都食到雞肉嘅鮮美同香辣嘅融合。呢道菜嘅辣椒同花椒用量啱啱好，既提味又唔會太刺激。梅菜扣肉係老長沙嘅招牌菜，扣肉肥而唔膩，入口即化。梅菜同汁嘅鹹度適中，帶住甘香味，非常下飯。每一啖飯配埋一片扣肉同梅菜，令人忍唔住多食幾啖。扣肉嘅製作非常講究，肥瘦相間，肉質細膩軟嫩，梅菜嘅鹹香味啱啱好中和咗扣肉嘅油膩感。酸辣土豆絲酸酸辣辣，非常刺激味蕾。土豆絲切得均勻細緻，口感爽脆。呢道菜不僅開胃，仲

呢度嘅湘菜真係好正宗！佢哋嘅菜色豐富多樣，味道有唔同辣度可以揀，食唔到辣都可以揀唔辣或bb辣吊下味，非常香口。今次又係二人探險小隊試下新菜式，以前好少食湘菜架，今次係灣仔藍屋行完，見到對面上樓有老長沙，咁就入去試試啦！大盤有機花菜bb辣：係一道必試嘅招牌菜。呢道菜以新鮮有機花菜為主，配合辣椒炒煮而成。花菜爽脆多汁，辣椒帶點麻辣風味，非常開胃。呢道菜嘅辣度適中，唔會太辣，啱晒辣食愛好者同埋唔太受辣嘅人。另外，乾鍋雞bb辣同乾鍋魚雜bb辣都係湘菜嘅招牌菜式。乾鍋雞以嫩滑嘅雞肉為主，配合辣椒、蒜頭同其他香料炒煮而成。雞肉鮮嫩多汁，辣味香辣而不失鮮美。而乾鍋魚雜則以新鮮嘅魚雜為主，經過炒煮後，魚雜口感十足，唔會過軟或過硬，味道鮮美，辣味夠香辣，令人回味無窮。食湘菜真係要點埋白飯，搭配其他菜式同汁一同享用。食到咁上下，叫左可樂一齊嘆。總括而言，呢度嘅湘菜以其辣辣口味同豐富嘅菜色為主。加上環境幽靜寬敞，可以約埋三五知己黎慢慢坐住食！

琴日我去咗灣仔一間好地道嘅長沙菜館，平時都食唔少中菜，但長沙菜就第一次食，好多菜式都非常特別又美味，好想推介俾大家。首先，第一道菜就係毛氏紅燒肉，係呢度嘅招牌菜，下面層肉鮮嫩多汁，吸收晒醬汁嘅精華，上面層厚厚嘅肥膏入口即化，而且滋味濃郁！🍖農家一碗香就好似辣椒炒肉的升級版，無論係口感上還是做法以及營養上都升級左，主要是由辣椒、肉、雞蛋這3樣食材炒制而成的一道菜，口感豐富，把肥肉和瘦肉分開煮，先放肥肉煸油，令到吃起來不會太油膩。🙈蛋黃茄子係一道特別嘅菜式，做法與一般的很不同，蛋黃係灑滿係上面，茄子並不是炸，口感軟綿嫩滑，蛋黃醬帶嚐濃郁，兩者結合得天衣無縫！🍆紅糖糍粑外皮香脆，入面煙靭，加埋香甜嘅紅糖，入口甜而不膩！🍡

🏚灣仔石水渠街69-71號年威閣2樓🗓2024年4月8號黃昏👫pm6:30🕢晚餐今日 Honey 陪媽媽去複診，在灣仔睇完醫生，順便食埋晚飯先返屋企。沿住皇后大道東行到灣仔街市，見到對面石水渠街藍色文物屋，🛖🏘再對面二樓有個大招牌，寫住老長沙湘菜館，咁就腳就試下先。於是兩個人就摸上去，要喺樓下按鐘先開門，搭電梯上到二樓， 就見到老長沙湘菜館，餐廳不算大，只有7-8張檯，🪑有大有細，我們就坐在四人枱，旁邊有大大的窗戶， 晚上天氣涼爽 ，🪟開左窗有陣陣涼風都幾舒服。店員熱情招待送上餐牌茶水 🫖。 湖南菜當然是吃辣椒的🌶🌶，我們不能吃太辣，所以選了毛氏紅燒肉，農家窩窩頭，蒜蓉油墨菜，海帶排骨湯，這些都是家常小菜，並叮囑店員要小辣。🎖🎖毛氏紅燒肉😋😋非常出色的製作，紅燒肉帶皮，肥瘦相間，燜得肥肉軟糯，瘦肉香嫩，油亮褐紅色，加上青紅辣辣🌶🫑，香芹，味鮮香而不鹹不膩，真正做到色香味俱全。🚀🚀特色菜農家窩窩頭配香梅菜一個驚喜掉下巴的特色菜，8個香噴噴的啡色窩窩頭，中間一碗用辣辣炒香的梅乾菜，巧妙的吃法：把梅乾菜放在窩窩頭凹陷位置一起吃，窩窩頭的麥香和梅乾菜的鹹辣香味揉合，吃出農家原始風味，哪味道真是

之前有朋友帶我哋去食湘菜，不知不覺就愛上咗啦！因為自己本身都非常鍾意食辣！今日經朋友介紹嚟呢間湘菜館試吓！價廉物美！味道超正宗！份量仲好多添！服務態度又好好！🌶️🌶️老長沙湘菜館🌶️🌶️梅菜扣肉扣肉滑溜醇香！肥而不膩！份量超多！😋😋⋯⋯梅菜吸收晒扣肉嘅精華，超美味！梅菜非常爽口鹹鹹甜甜😋⋯⋯乾鍋雞店員非常友善，問我哋鍾唔鍾意食辣！所以幫我哋加咗辣超美味！乾鍋雞肉質幼嫩！味道非常香濃！由熱鍋奉上！可以保持溫度越食越好味！醬汁非常香濃！洋蔥🧅蒜頭🧄吸收晒雞味的精華超好味！農家窩窩頭窩窩頭以五穀雜糧造成！有八件！口感鬆軟！中間有一個窩窩可以方便夾啲梅菜嚟食！梅菜炒得非常惹味！長沙炒米粉簡簡單單嘅炒米粉廚師用辣椒炒！就變成一份好美味嘅米粉！

近年除咗川菜大受歡迎外，湘菜亦都越嚟越普及，今日一於黎個湘菜初體驗。但由於我同朋友都唔算食得太辣，所以揀嘅菜都係以小辣為主。擂辣椒茄子皮蛋($78) 呢個造型好特別，原個搗臼上菜，佢將茄子同皮蛋，加入辣椒同蒜蓉，擂到好碎好碎，令辣椒蒜蓉同皮蛋嘅味道非常能夠滲入茄子當中，好入味，用嚟送飯一流。酸辣魚皮（$68）魚皮爽彈，份量亦都算多，味道酸酸辣辣，酸味辣味好濃，非常開胃，魚皮每塊細細塊，食完無負擔，係道稱職嘅開胃小菜。俶鹽雞軟骨（$138） 呢個好驚喜地好好食，係今餐嘅VIP，份量好多，雞軟骨數量好多，辣椒數量亦都好多，但唔好俾佢嘅辣椒嚇，因為食落並唔辣，椒鹽雞軟骨炸得非常非常酥脆，係會食到索索聲嗰種，就係平時喺大排檔食好有鑊氣嗰種椒鹽鮮魷嘅外皮，真係炸得好好食。乾鍋雞（$198）乾鍋雞麻鮮辣香味俱全，雞肉頗滑，雞味幾鮮，加上芝麻令整個乾鍋更提味。初初食唔算太辣，但隨着不停沸騰，啲辣汁滲入雞肉，就越食越辣。椰子水（$18/1）

餐廳很悶也有點臭，氣溫很高都不開冷氣，更過分的是這家餐廳拒絕提供碗仔給客人用，沒有碗仔對我來講吃飯真的很不舒服，旁邊的桌子有很多空碗仔，再三要求下，客人也不多gei情況下，也拒絕提供給有需要的客人，很奇怪，從未遇到有餐廳不給碗仔給客人，不會再去揦。。味道從前還不錯但宜家不知是因為換了廚師的緣故，味道也不似從前，只能說是麻麻地。。失望。。徹底勸退碗仔黨。。。。。。。。。。。。。。。。。。。。。。。。。

邊個話香港夜晚好冷清？原來d 人黎晒灣仔既老長沙湘菜館～😆晚上八點，座無虛席😯呢邊一大檯講普通話，個邊一大檯講英文超熱鬧😛睇黎大家都係專登黎體驗湖南嘅美食世界 ❤️湖南菜以辣味為特色，所以我都叫咗佢哋嘅涼拌海帶絲海帶絲爽脆清涼，配上微辣嘅湖南調味料，好開胃😌蛋黃四季豆四季豆炒得剛剛好，保持咗豆嘅爽脆口感，而且每一條豆都包裹住咗濃郁嘅蛋黃醬，好邪惡～I like it! 🤤鄉里扣肉😋😋扣肉肉質鮮嫩多汁，梅菜同肉嘅結合更加增添咗一種鮮甜嘅滋味好肥美～非常欣賞😁椒鹽雞軟骨雞軟骨炸得好香脆，外脆內嫩，每一口都帶出椒鹽嘅香氣同味道😋🤤係一個絕佳嘅小食選擇，加埋啤酒冇得彈😋值得回頭嘅餐廳！❤️

明顯換咗廚師 味道一落千丈 食材唔新鮮 同店家講咗完全冇反應 一聲對唔住都冇 極度失望 唔會再幫襯 相當可惜 一間幾有質素嘅湖南菜館就咁樣被糟蹋咗 評價只限與灣仔餐館 其他地方冇試過 唔好評價

呢間湖南菜位於石水渠街街口的住宅二樓（藍色屋嘅斜對面）感覺有點似私房菜feel星期日既lunch hour餐廳多數做外賣而我就自己一個靜靜咁試吓呢個對我來講好新鮮嘅湖南菜天氣開始有啲乾同涼所以叫咗客熱湯飲海帶燉排骨湯$58味道清甜材料十足有好多海帶同排骨熱騰騰地送上枱另外再叫左碟楊州炒飯$108其實在餐廳坐低時已經聽到由廚房傳來的炒野聲，所以特別想叫炒野食🤗一見到碟楊州炒飯就知道鑊氣十足熱騰騰、有鑊氣、香噴噴細看之下廚師選用咗好多材料整呢個炒飯有冬菇、有新鮮蝦肉、有臘肉、有金華火煺所以好香香D炒飯又乾身得黎又有啲油份總之炒到剛剛好👍好耐冇食咁有鑊氣嘅炒飯😋呢個似乎係必點嘅菜式香港唔係太多地方有得食下次多啲人黎就試吓呢個魚皮仲有糯米蒸排骨都想試吓

環境4分：㩒鐘上樓幾過癮，樓上餐廳好開放，一D都唔逼，男人加油，女人幸福，開曬窗好通爽，依個溫度真係一流，可以畀四分。衛生4分：Ｄ枱面有枱布，衛生一樣畀四分。服務5分： 服務員爽手唔囉唆，效率高，態度好，好笑容，自動介紹食物同加茶，畀滿分。味道5分：1)    免費送嘅油炸花生米乾身脆口，送酒一流。所以叫咗啤酒送，真係識做生意。2)    涼拌海帶絲健康有益，切到一絲絲修長到可以當麵食。BB辣已經非常惹味，可以送白飯。3)    毛氏紅燒肉大大份非常抵食，個汁少少甜，非常惹味。4)    爆少腰花D豬腰切得夠薄身，口感脆脆地，食落辣辣地唔會押。5)    清炒窩筍絲切到幼幼的，依個夠清又脆，非常新鮮同清爽。抵食5分：平均每人三百幾蚊四個餸又有肉又有菜，仲飲埋啤酒，好飽肚，抵食絕對值五分。

水煮牛肉：花椒味香濃，辣到適中。牛肉嘅份量都好多，幾個人食都夠食，性價比頗高。入面仲好多蔬菜，有萵筍、菇類、津白，同埋闊條薯粉。爆炒腰花：呢度菜平時好少地方有得食，將豬腰界花後，更加入味。入口爽脆，味道香濃。送啤酒嘅話更加係絕配。楊州炒飯：飯粒夠乾身及分明，用嚟送濃味及香口嘢一流。最後食埋甜品酒釀丸子：酒味香濃，丸子Q彈，配埋單花同糯米，好香甜美味。地方：坐喺窗邊嘅窗口位涼爽得來又可以望到灣仔街外嘅景色，都幾舒服下。

依家要同大家介紹一間好有特色嘅餐廳喇！佢位於斜路上少少商廈2樓，行過去都唔算難，環境好溫馨🧐🧐🧐🥩 小炒黃牛肉 🥩首先要介紹呢道好香嘅小炒黃牛肉！嗱，佢嘅黃牛肉鮮嫩多汁，食落好入味！配埋新鮮嘅蔬菜同香料，每一口都俾你食出最頂級嘅肉質味道！好適合配啤酒，好鍾意佢嘅小食文化，喺度完全感受到長沙嘅味道！🍻🍞 農家窩窩頭 🍞嚟緊我哋試下呢個農家窩窩頭啦！佢係用粟米粉做成嘅饅頭仔，中間已經預先淘空，方便你加入特色嘅肉碎。肉碎入面有紅蘿蔔、青豆角同埋切碎嘅臘味，再加埋香辣醬，真係一個好特別嘅主食！你可以自己掂湯匙加返啲嘅份量，嗱，香港少見嘅啲菜，真係值得一試⬆️⬆️⬆️！🍖 糯米蒸排骨 🍖最後，要同大家分享呢道糯米蒸排骨！咁啱嘅顏色，金黃金黃咁吸引！糯米同排骨好完美地結合埋一齊，食落滑嫩多汁，好豬肉香！每一口都能夠感受到糯米嘅香甜同埋排骨嘅鮮味，肉食愛好者一定會鍾意嘅選擇！一試就會讓你一試難忘！

由灣仔地鐵站行去，大概8-10分鐘，去到大門再轉lift上去，茶位每位$20，茶香飲落又舒服。打開菜單好多野都想食，前菜、主菜、糕點、甜品。香辣魚皮 $68作為前菜，好開胃!魚皮塊塊爽身而且彈牙，越咬越有口感，味道是有點辣，但辣得過癮，而且有大量莞茜，香脆又重口味，食極唔停。爆炒腰花 $138豬腰入味哂，好爽身!豬腰每件都𠝹哂花，一絲不苟，清洗也十分乾淨。蒜心亦都加分不少，新鮮爽脆，而且很掛汁。這個辣度十分適中，我們很喜歡。毛氏紅燒肉 $148炆得好林，豬皮像啫喱一般，輕輕用舌頭頂下就散了，正呀!!燒肉又林又入味，呀婆都食到!!再配埋西蘭花，解一解膩。清炒萵筍絲 $98好味，估唔到清炒都咁好食，萵筍應該很新鮮吧，而且顏色十分脆綠。吃幾啖辣的，又吃幾條萵筍真滋味。食食下都嗌左兩罐可樂，爽!!繼續食!

老長沙係一間以湖南菜為主嘅餐廳，香港黎講比起川菜上海菜比較冷門d，所以成日想去試下。門口出面貼著呢個字句好搞笑😂佢餐廳地方都好大，有私房菜feel，裝潢簡約但不失溫馨，而且非常乾淨。menu都好多選擇，搞到心大心細😂😂😂首先，香辣魚皮係老長沙湘菜館嘅招牌菜之一。魚皮鮮美豐腴，口感好好，辣味十足，入口係好爽，完全唔腥，d辣味好過癮。必食！窩窩頭亦係非常值得推介嘅一道菜。窩窩頭嘅包有d似饅頭，內裡鬆軟，中間空心搭配鹹香嘅炒梅菜粒同肉餡，一份有8個比我地2個人食曬😂😂😂😂網上search似乎跺椒魚頭係必點，果然好正。跺椒魚頭嘅辣味同魚頭嘅鮮美好好結合，入口之後仲有微微嘅麻辣感，好啱我呢d鍾意食辣嘢嘅人。佢超大份，性價比好高！糯米排骨飯好特別，係糯米飯裹住好大舊排骨，份量超多，唔油膩加好香😌😌😌😌。總括嚟講，老長沙湘菜館嘅湘菜好好食，價錢唔貴。環境舒適，非常啱同家人、朋友一齊享受湘菜。