聖德肋撒醫院餐廳

Open Now

Now Closed

是次被逼嚟醫院做小手術，要住一日院，唔係美食推薦😌我淨係夜晚同朝早點咗餐：✨煮稀嘅白粥論白粥，我係好鍾意稀嘅質地，唔追求質地綿密。所以都有remark要求煮稀佢～其實冇咩特別嘅，佢又唔會好水，煮熟再焗一焗嘅粥 面頭有微微凝固，幾好嘅質地。✨熱阿華田幾濃喎呢個😳😳🤔佢加嘅華田粉唔會好少，聞落已經覺得好香，仲有好有奶香！冇特別有咩好好嘅餐飲體驗😂我又唔鍾意喺醫院對住啲護士啊各樣啊😓😌逗留多一秒都覺得難受🏥

入院檢查，最關心當然係膳食。選了薑米欖菜肉碎炒飯+煎蛋，例湯。例湯正常醫院味道，較淡，此水準$30算貴了。反而炒飯味道不錯，送來時還暖暖的，材料也足，煎蛋(+10)較老。

留醫食牛扒！今晚叫咗一份安格斯牛扒餐套餐，有一份牛扒、餐湯、一個橙！一打開份牛扒餐，好有驚喜🤩因為塊牛扒好大塊！好似我嘅手掌咁大，但都算薄！切開牛扒發覺煎到七成熟，無血水，啱啱好！唔靭，好食，個汁雖然唔係好黑椒，但調得啱啱好,唔鹹！最有驚喜係個餐包餐包竟然係提子包，好食，唔硬！薯菜同牛扒分開放，唔會將啲牛扒汁撈埋一齊，薯菜裏面仲有半個煎過嘅蕃茄伴薯蓉，不錯！仲有個橙當甜品！今日個餐湯係蘑菇忌廉湯或田園菜湯，我最後揀咗個蘑菇忌廉湯，但可惜個湯唔夠濃，淡左啲，令個餐扣咗少少分！其實$198食到咁大塊牛扒都唔錯！住院變得好開心😃

突發性入院檢查，去咗呢間法國醫院！肚餓食吓嘢，一打開嗰電腦餐牌發覺好有茶餐廳feel！我好想食蕃茄牛肉飯，叫咗個番茄牛肉飯加碗老火例湯！一嚟到飲一啖例湯發個過嚟湯真係好好飲，應該無加味精！試埋個番茄牛肉飯，發覺個汁好甜，我其實想食酸野！但可惜個汁太甜！我仲加咗杯熱檸樂但係我發覺佢唔夠熱！以一間私家醫院嚟講，真係覺得好抵食！早餐我食埋佢嘅鹹蛋瘦肉粥，佢啲粥好棉，同埋好足料好有家庭感覺!之後再加多一個奶醬多士，嗰件奶醬多啲醬汁搽得好均勻！

人的身體是很軟弱，說倒下就倒下，響起了警號後便到聖德肋撒醫院徹底檢查一下。今次檢查完畢，一切正常，當然要食返餐好！醫院病房有點餐服務，今次點咗薑米欖菜肉鬆炒飯同凍咖啡。乖乖留在病房等食。薑米欖菜肉鬆炒飯($53)份量啱啱好，薑粒小辣而入口無渣，又能驅風祛寒，欖菜不太鹹，飯炒得夠乾身，飯粒彈 牙有嚼口，碎豬肉煎過後甘 香撲鼻。若然再加隻雞蛋更能提升飯香！凍咖啡($18)口感不俗而奶味濃郁，甜度適中，同茶記不相伯仲。

做一段日子身體有少少不適，需要入住法國醫院作檢查，雖然我沒有住過太多醫院的經驗，但不知為何每次入醫院我也對醫院內餐廳有一點期望。醫院訂單全部經床上的電腦落單，可以選擇送貨時間，而且可以作出特別的要求。其實入得醫院，都不會對餐廳內的食物有太大期望，只要不太差就可以，其中一餐我叫了洋蔥豬扒飯，出來的效果我想像有少少不同，其實只係將一個炸過的豬扒放上飯面，然後再加一些橙色嘅醬汁，和一些未煮過的洋蔥，整體來看，沒有太大問題，但食落嘅話，只可以當作飽肚的食物，如果廚師很花多一點心機，用個豬扒同個醬汁煮一煮就會好啲。

幾日無食熱野。好想食返啲熱野。叫左碗鯇魚片牛肉粥 $31落單後大概半個鐘送到。終於有熱騰騰嘅野食。正！Size唔大。但算足料。鯇魚片都幾多。牛肉都有兩三片。唔知係咪個粥底本身都有味。所以就咁食啲粥都好夠味！

入咗嚟幾日，開始有啲擔心，估唔到今日醫生畀我食番嘢， 一切由最簡單嘅粥開始。叫咗一碗生滾牛肉粥，size唔算大碗， 不過勝在夠足料。 完全冇諗過醫院出品，都有咁好嘅質素， 如果我喺政府醫院， 應該冇咁好嘢食， 牛肉最得人鍾意係用鮮牛，牛味十足完全，唔鞋口。 價錢方面，完全合理同大眾化，估唔到私家醫院咁嘅收費，但係canteen就咁有良心。 雖然點都唔望下次再入嚟， 但係個canteen都真係幾抵食， 完全超出咗我嘅想像， 係時候諗下今晚食咩。

朋友要留院做手術，所以隔天便去醫院探望他，順便一起吃個午餐。餐牌大多也是茶餐廳的價錢，但套餐卻岀奇地貴，我們也想試試西式套餐。餐包正常什菜湯不過不失，和茶餐廳的差不多。我叫了香煎挪威三文魚。三文魚很大條厚肉，還煎得十分香脆。連伴碟的薯蓉也很香滑，應該混了牛油。薯蓉有一些粒粒的薯仔在內，口感更一流。朋友要了洋葱豬扒，雖然我沒有試，但豬扒份量超大。還有啫哩作甜品！但 $148 真的很貴，這個價錢見以到外面的餐廳吃了。

住院都仲要係咁食既我，今次整親入院，醫生話唔駛戒口！好野！入院後我每日都叫個燉湯，平時係屋企湯水少，入到黎潤下先！牛扒餐！都唔錯既！之後我真係想講下呢個滑蛋蝦仁炒河！我平時都幾鍾意滑蛋蝦仁，所以諗都冇諗就叫咗佢，係我等緊佢黎既時候好多人話：「伏味濃！」到最後碟野黎咗！我決定要幫佢平反！其實真係唔差！同菜遠炒河分別不大！唔好諗到佢一pat野咁！賣相都真係唔差㗎！另外我住院期間晏晝一定會叫佢個個多榖吞拿魚三文治！好好食㗎！配個鮮榨橙汁一流！想食甜品可以食個桂圓雪耳紅棗糖水，潤一潤！瘦肉粥係我每日既早餐，都整得幾好。

是日入院做個腸鏡檢查，入院前已知呢間私家醫院收費都幾(合理)，但冇法，健康是財富，冇健康點出去搵食！雖然我呢曰冇福享受呢度美食，但我八卦下呢度餐廳提供咩美食嚟引人犯罪！其實因為呢度地點問題，所以大部分(客戶)都一定要幫襯呢間餐廳，因為附近想搵間M記都難！先講呢間餐廳價錢，問我就一定唔覺得貴，甚至比起中環茶餐廳還合理！起初以為打邊爐會喺師奶劇先會發生，雖然呢度又唔會去到誇張到呢個起步，但亦有提供到例如angus 牛扒，挪威三文魚等等，而且有咩中同西set 比你揀，可謂照顧周到！我就除左面包同粥食過之外，冇食到其他，但聽到其他客戶order ，亦唔會走樣得去邊，味道亦可以，冇其他負評！在香港，大腸癌死亡數字有上升趨勢，亦在癌症死亡率更名列前予，而政府大力推動多菜少肉，均衡飲食，是必須的！而其他如膽固醇高，糖尿病，中風，亦都可以從日常飲食習慣去預防或減輕病發，希望多多關注自己健康，關注下自己飲食習慣！始終都係一句，冇左條命，冇左健康，仲點去食好西，點去活在當下！

爸爸住院檢查身體，呢排天氣太熱唔想行去九龍城，就叫醫院飯堂！一等45min,真係未肚餓前要叫定！咖哩牛肉飯~比起大x樂更好味，咖哩好香，辣度適中，牛肉薯仔蘿蔔又夠淋蔬菜紅湯~材料豐富，內裡有螺絲粉洋蔥蘿蔔番茄,全部都已經煲到淋，入晒味！仲有呢到食野同出面價錢差不多！

親人入院，正常黎講係唔會係醫院食飯嘅，因為一來貴，二來通常感覺上都唔多好食。但係今次黎到 “法國”，除左 9樓呢間canteen 同地下間星巴你之外，方圓幾公里都冇食店，所以為左方便，就去左 canteen 買嘢食。午餐唔使食咁多，所以都只係買左份三文治。原本仲想食朋友超推介嘅 blueberry cheese cake， 不過呢個係一個傳說，永遠都唔見有得賣! 朋友話一定要先一日 order 左先有得食，但係我就係唔信邪唔落 order，最終親人出院都未見到佢嘅真身，冇緣一試。講番份三文治，其實又真係好普通嘅一份三文治，雖然係冇味精，啲餡料係好新鮮，啲生菜係好脆，片蕃茄係新鮮多汁又甜，雞肉其實又有啲 “鞋”，但係用四草嘢去食一份相對少餡嘅麥包三文治... ... 係咪見證左醫院啲嘢食一啲都唔抵食呢？

家人入院做身體檢查，行得走等，一行三人到醫院餐廳吃午飯。點了公司三文治（+$5轉麥包，略貴）、欖菜肉碎炒飯、兩餸飯（叉燒炒蛋+蒸排骨）奉行醫院餐廳一貫定律，炒飯及兩餸飯皆為少油少鹽之選。我本身口味接受清淡，覺得有家𥚃做飯的味道，吃到食材本身的味道。欖菜肉碎炒飯，即叫即炒，欖菜本身味帶咸香，配白飯炒香，飯粒炒得頗乾身，肉碎選用瘦肉，屬健康之選，味道賣相皆不俗。兩餸飯的餸每天限供應兩款，是日提供的皆合口味。叉燒炒蛋略嫌太乾身，不多夠滑，但沒法子，餸是事先弄好再夾到碟中，不可太強求。蒸排骨，是正常的豉味，瘦排骨，可幸是蒸得夠滑。公司三文治是即做的，四十多元，麥包加五元，略貴，幸好材料豐富，有燒牛肉、火腿、蕃茄、芝士、青瓜、火雞片。味道很好，是日亮點！

身體出現少毛病，經醫生評估後需要入院作全面檢查，過去已經在呢間醫院接受過數次檢查，亦對此餐廳的食物有種熟悉的感覺。檢查後最後的一天想吃點豐富的早餐再出院面對每日的挑戰，所以預早在前一天的晚上，跟醫院方面訂了餐，在早晨的一天起來便可享用，結果院方方面非常早的7時便把我叫醒了定期檢查血壓，同時在台面上亦發現了早餐原來已經送到~此奄列在外表上看來是很可口的，但當切開後發現‥‥醫院的食物果然非常健康，裡面充滿了雜豆，而我卻十分‥不喜歡雜豆的，因此在吃的過程中用了很長時間‥說回炒蛋方面，是炒得頗為滑的炸薯餅方面‥確實炸的食物是不應該在醫院點菜更不應外面，結果是，非常淋身不好吃，而薯仔亦是用上凍肉店的貨色所以在醫院方面，建議還是點上一些蒸的菜色，較為健康，亦為在醫院吃回應吃的食物。