肥仔海南雞專門店 (順豐大廈)

Open Now

Now Closed

☹️第一次寫劣評就俾咗呢一間餐廳。❌平日光顧，見唔滿座就入去。坐低叫女侍應落單，叫咗兩次都冇反應，之後佢極冇禮貌回應話等等啦，但女侍應當時並不是在忙碌中的。叫左個B餐，見餐牌有寫可以加飯，問可不可以加錢要加飯，女侍應黑唒面咁望向廚房的男同事，無比反應，最後上菜時極大力將碗飯掉在枱上😣見其他客人叫海南雞飯都有一杯細湯和醬汁跟，我就問女侍應，佢同廚房入面嘅同事打眼色，到最後都冇比到杯細湯和醬汁😖唔明白點解要咁樣對客人？是因為覺得客人光顧的金額不夠高嗎？😤

每次係元朗諗唔到食咩就會食呢間元朗飯堂🙈🙈🙈🙈海南雞飯加雞 $38（+$15）D雞超級嫰滑又有雞味🐥🐥🐥🐥海南雞醬酸辣岩岩好加埋黑醬油同薑蓉撈飯好正😚😚😚😚正正子😎😎😎😎娘惹咖喱牛根腩飯 $55🍛🍛🍛🍛咖哩唔會好辣，適合唔食得辣既我牛腩同牛筋都好入味好淋筋又唔會淋到溶晒咁，岩岩好👍👍👍👍筋腩比例5050仲送冬瓜湯😋 有好多冬瓜粒另外肉骨茶都好好味可惜當日賣晒🫠🫠🫠🫠

海南雞半隻（無骨） 價錢還好 但味道同加埋點醬都係一般般正常野 冇咩特別 唔會覺得特別好好食馬拉肉骨茶 價錢係平 平民價 相對上 的確係對番價錢 唔太重香料味有味但唔香濃可以講試咗一次就算除非想食平平地 諗唔到食咩 先揀黎再食餐可以講只食一次就算

30幾蚊有個海南雞飯幾抵食整體色澤好好 啲雞夠滑 但略嫌有少少少 如果多啲雞會比較好飯份量正常 食完夠飽店員服務態度個人覺得唔錯 因為我外賣 店員都有同我講兩句 會想再食的店

事緣平均兩日幫襯佢一次，講吾上熟客，但至少係經常幫襯。今日照常入去買海南雞飯食，我話海南雞飯加雞，女店員聽左海南雞飯加雞翼問我係咪，我知佢聽錯但覺得無咩所謂就問佢係咪有雞翼，問左兩次佢吾答我頌問我係咪要兩份雞飯，我戴住耳機聽吾清楚話再問係咪有雞翼可以加，有的話我加。佢聽左兩份雞飯加雞翼又問我係咪，我戴住耳機聽得吾係好清楚以為佢講一份雞飯加一份雞翼，到收錢時佢話＄88先知大家應該溝通出咗問題。溝通吾清楚我覺得大家也有責任，但女店員態度惡劣直指話係我講錯兩份，我由頭到尾都無講過兩份依個字，其次，男店員更衝出尼話我講要兩份，頌怪責我令佢倒左兩碗湯，我無出聲等佢找完錢出去等外賣。到有得拎既時候，女店員吾攞出尼直接呼喝海南雞飯加雞翼就擺左係入面張枱走左去態度極差！我幫襯吾係貼錢買難受！我重視嘅吾係問題，而係店員（應該係老闆本人）對侍客人態度極差！一份飯可能吾係d咩錢，但我吾會俾錢受氣！以後絕對吾會再幫襯！我好少，應該話係第一次打文差評！一個字！差！無下次！

🔅肥仔海南雞專門店🔅元朗🔅星馬菜🔅新年流流，繼續周圍搵食，開門黃店唔多，但今次俾我哋搵到一間又抵食，又高質嘅連鎖黃店，想讚讚！🐣 至尊無骨海南雞飯$38超抵食！斬件雞塊超嫩口，加上濃厚嘅雞豉油已經拌喺雞同飯之中，仲有兩塊爽口青瓜加上口感～另外可以點薑蓉、同埋酸辣醬，我都覺得幾夾都有點晒～呢個size完全係下午茶之選！$38仲可以加雞加飯加腎咁樣搭上去，佢仲會送多碗冬瓜湯，有冬瓜粒，好清甜！我另外再加多杯凍豆漿，好好飲 💛新年都係加多$5/6，大家發財 no problem～ 辛苦晒！肥仔海南雞專門店 (順豐大廈) 網址: https://s.openrice.com/QrbS03by400~uZ5MGAA地址: 元朗鳳攸北街5號順豐大廈地下31號舖電話: 68806622=====================#元朗黃店 #元朗美食 #元朗黃色經濟圈 #海南雞飯 #海南 #冬瓜湯 #豆漿 #新年營業 #新年快樂 #hkfood #hkfoodie #hkgirl #hkfoodblog

好難食！叫左快l外賣app外賣一個海南雞，一個豬手飯啲飯全部都係凍 打去分店，堅持話啲飯熱辣辣無可能凍，但外賣15分鐘內就送到，同埋啲肉大家睇下就知道咩事，好聲好氣打去叫個間門市同佢地講。哇啲啊姐惡到瀨屎，真係第一次遇到啲質素咁差既人，不停講無可能飯凍，跟住我話你地肉問題，佢話豬手不嬲都係黑既 我唔明妳講咩 後尾cut左線，佢話你點知係唔係呢間叫㗎 你睇清楚咁多間分店。我已經話係apps睇到你地地址 最後講埋單number對左地址都話無可能，你咪投訴咯 未見過咁差既意見舖咁差食物 打去同你你地講，希望你地處理，但唔處理不單止仲咁差態度

難得千里迢迢入元朗整啲嘢，順便就去試吓哩間多人推薦嘅海南雞，試過之後發覺其實都係平平無奇，上菜係幾快，唔知點解冬瓜湯要用紙杯裝😂🔎至尊無骨海南雞飯💰35原先想加雞腎，但無貨，所以正係食海南雞飯，轉雞油飯要加$5，想食肉嘅人就要加雞了，佢得5舊好薄嘅雞，冇人哋講好抵食大大碗嘅感覺😂 🔎娘惹咖哩牛根腩飯 💰52哩個我反而覺得值得一試，牛腩燜得夠淋，入味，唔會辣到食得好辛苦，汁撈飯都唔錯，但牛筋嘅份量唔算多，哩個價錢性價比唔算高🔎斑蘭薏米水 💰15原本想飲枝薏米水解渴去濕，但覺得有啲過甜，反而更加想飲水😶

我不嬲都好鍾意食海南雞飯，元朗亦都有唔少，今日經過呢間見佢平平地（$35+$1外賣盒）就決定試吓，買咗三個至尊去骨海南雞飯外賣。佢跟一杯湯，同一個酸辣醬，個酸辣醬睇嚟係自製嘅。我湊住兩個小朋友，佢好好，送咗兩包檸檬茶俾我哋！即叫即切，等咗幾分鐘就可以攞得！返到屋企個餐仲係暖！👍🏻賣相好好，每一份都有有幾片青瓜，五六件雞，如果係食肉獸就未必夠，但係我就啱啱好！味道非常好，肉質好鮮嫩，油飯有甜豉油又有姜，味道平衡得好好！

直接改做 "肥仔雪味雞" 應該啱d一間專賣海南雞飯既，雞只有雪味，飯冇雞油班蘭香佢想用黑醬油蓋過就算，可惜完全冇幫助。肉骨茶夠熱，但同雞一樣充滿雪味黎呢頭食雞，真係好懷念以前既爽爽望住呢間雪味，寧願以後冇雞食，都唔想再食呢間嘢。咁就浪費咗一個食雞既Quota🤦🏻‍♀️一個食lunch 既Quota好心唔識煮雞，就唔好專賣海南雞！浪費咗d 雞，對唔住d 雞㗎希望早日讓番間舖俾識做雞既店家🙏🏼祝附近居民早日有間可以食雞的好餐廳

今日經過元朗用餐，海南雞飯好似都幾大碗。但真系用餐時候發覺飯真系不夠柔軟，太硬了。最基本海南雞跟餐噶餐湯用一個紙杯裝住。無食慾呀見到都。肉骨茶肥肉油漬好明顯，不夠膽飲湯，飯一樣，過於硬。

睇到評語好多都話啲雞好滑，但今次去，水準同預期有啲出入。大約晚上6點去到，無乜人，揀好位坐低就睇食咩。店員好友善，整體感覺okay ，系食物水準較一般。隨飯送例湯，冬瓜湯，用紙杯裝住，方便飲用，亦有數粒冬瓜粒，不錯。油菜 : 生菜，正常，爽口。主角海南雞飯，油飯幾香，飯粒不太濕，剛剛好，唯雞肉稍嫌不夠滑，亦加左雞腎，口感及味道不錯。份量，價錢亦反應雞肉的數量不多，但飯既份量非常足夠，喜歡吃雞肉的話，可能要加多一份呢。

上次在元朗尋找美食的時候，無意中發現這間海南雞店，剛巧今天我們又來到元朗區，所以便決定來到這裡吃午餐了，它是我見過最便宜的堂食海南雞飯，只需 $35而已No.1【至尊無骨海南雞飯 (額外加腎)】$42由於海南雞大部份都是採用雞脾的部位，所以肉質非常柔軟嫩滑，鮮美多汁，小口品嚐的時候，淡淡的雞肉氣息迴旋在口中，芳香四溢，香飄十里，美味得讓人陶醉其中，吮指回味至於雞腎的質感則非常嫩滑可口，香甜美味，同時油飯亦顆粒飽滿，粒粒分明，即使滲透了雞油，但是質感卻依然一點也不油膩，口感豐富而飽滿，其味無窮，珍饈美味No.2【馬拉肉骨茶配白飯】$52這是一份馬來西亞的肉骨茶，由於肉骨茶加入了大量藥材，所以滿口都充斥著濃濃的藥膳味道，藥膳的餘韻更在口中久久不散，讓人唇齒留香，一試傾心！可惜的是，排骨可能熬燉了太長的時候，導致肉質相當粗糙，無論味道抑或口感都都好像「湯渣」一樣，個人覺得這碗肉骨茶的味道和人氣熱點「蘇媽」相比，仍然有一段距離No.3【蝶豆花薏米水】$15由於餐廳沒有水吧，所以只有罐裝汽水和兩款薏米水供應，分別是班蘭和蝶豆花，職員說兩款薏米水只有顏色上的分別，實際味道是沒有任何差別的，可惜這款

〰️至尊無骨海南雞飯🍚雞肉嫩滑，細心去哂骨頭方便入口唔使怕骨多過肉✌🏻醬汁有姜蓉同泰式醬～不過整體份量就唔算多雖然叫油飯但唔會太油🤗有啲似排骨🍚嘅味😬〰️秘製滷水豬手🍚豬手夠腍入哂味食落唔油膩🤗不過滷汁有啲偏甜🙁份量一樣唔多上餐之前會有雞湯🐔碗湯有冬瓜粒但就偏鹹🙁

本身想去爽爽麵店，去到未開門，就是但食海南雞飯。呢間專門食海南雞，$32 一碗，可以另加雞肉，加飯，加腎，加雞翼，要一次過叫，唔可以後加。無水吧，有叫汽水同自家製薏米水。另外就有牛腩飯，都有人叫外賣食。我個碗加左雞（$15）同腎（$7）,另外有杯冬瓜湯送，不過個日太熱，飲左兩淡。地方細，建議快快食完就人就岩。另外，個雞都真係唔錯皮爽肉滑，個腎就比較淋，反而我想食爽口少少既，個海南雞辣醬同埋薑蓉唔夠味，如果調好啲就好喇。個黑色醬就一早淋晒係碗飯上面，個人鍾意分開自己落好啲