肥仔海南雞專門店 (順豐大廈)

Open Now

Now Closed

.入到黎元朗呢個咁大咁多野美食既地方😋緊係好好咁搵返間好野食下啦適逢初三 好多良心小店都休息💥但竟然搵到間冇咁多人排又特別既良心美食💛.🥢 海南雞飯 $35係完全冇加雞既情況下都已經有成5舊雞🐓舊舊都去曬骨 勁嫩勁滑完全唔會太淋或太硬👍🏻配埋個薑溶或酸辣汁就好惹味🌶個油飯亦超出色 有啲蒜茸味加埋豉油每一啖入口都好多味係個口入面加埋個雞湯好正🐔完全唔係味精味 有真雞味個湯飲落唔係好油真係一流🍵.🥢馬拉肉骨茶配白飯 $52係市面食到既肉骨茶愈黎愈少⬇️而呢間用呢個價錢食到好味肉骨茶更少肉骨茶好濃藥材味一碗大大碗仲要超多料🥣飲曬成湯係超滿足😻.

今日去咗元朗，因為好趕時間所以係最近距離搵咗間餐廳食「快餐lunch」，所以藉此試咗呢間「肥仔海南雞專門店（元朗）」。由於已經4點鐘，店內只有店員。入店前指定動作-測溫，因太陽曬住測溫機，要等調整下，稍等後先成功度體溫。堅持讓客人度體溫後正常溫度才能入座呢點做得唔錯。我哋兩人要15分鐘內食完走人，所以同樣叫做海南雞飯，另外加一支蝶豆花薏米水。如預期，飯好快出現，仲有一杯冬瓜雞湯。望落雞幾靚，份唔算多，食落發現雞肉嫰滑程度真係算唔錯。最估唔到嘅係個飯調味好好食，。平時係外食飯見有海南雞飯嘅我都會試，但係多數都係一般般，不過不失，唔會再食下次，而呢間我就覺得好味，會再次光顧。跟住蝶豆花薏米水出現，第一次飲，微微甜，無特別味，有薏米咪，好健康！店舖簡約設計，店員服務態度都幾好。

體育館對面間海南雞飯男仕可能唔夠食女仕我諗ok了碗咖哩汁老闊送我的因為我想試下佢地的娘惹咖哩呢碗先係我嘅$32另加$15雞即刻感覺好豐富你可以只加雞翼$6加飯唔記得幾錢了整整齊齊嫩滑雞肉配油飯個咖哩汁都好正稀稀地唔係埋生粉水的大路貨好香咖哩味微辣最驚人係碗湯又香又濃濃雞味唔係味精雞粉水我覺得滿意的一餐唔會起骨起到隻雞爛哂睇到都覺得開心

覓食元朗一直都唔知道元朗有呢一間賣海南雞飯嘅舖頭。由於我阿媽非常之鍾意食海南雞飯，所以我就外賣晚餐我同佢一人一盒海南雞飯。鋪面唔係好大，尚算整齊，嗰陣5點幾，除咗我之外仲有兩個人嗌外賣。雞係完全去骨，而且好軟滑，唔會太淋或者韌！油飯仲淋上甜豉油，又有蒜香味，令到味道更加豐富。雞隔離仲有啲薑蓉，另外附送咗一細樽酸辣汁，全部野加埋晒一齊食非常之惹味！外賣仲每人送一杯雞湯，味道濃郁，入面有一舊仔冬瓜，幾好飲！薏米水就OK啦，清甜。薏米大概佔一支飲品嘅四分一左右，幾足料。分量來講，我覺得充足食完都幾飽，我阿媽就比較大食，佢就覺得要加飯。

鋪面雖然平平無奇，但估唔到個海南雞飯咁有驚喜。通常出面食嘅海南雞飯，個飯底一係好油一係好濕一係冇乜味，但係呢個飯底勁香，又唔會好油，又唔會濕到一patpat。呢一年都食過好多次，都keep到水準。個雞就幾滑，冇骨，皮唔算好厚好油我通常叫海南雞飯加雞，唔加的話應該得一半，有啲唔夠喉，加完都係$47，絕對抵食。另外送個冬瓜湯，飲落唔似有味精，唔錯店員態度都非常好，好有禮貌。每次叫外賣唔洗5分鐘就拎得，好快。店家都支持環保，見有人自攜外賣盒黎裝飯都冇詐型

好多人都識元朗水門雞飯，雖然今次都係雞飯，亦係元朗區，但就係第間雞飯🐔 我真係行經就入咗去，事前冇聽過，好彩冇伏啫😝😝⠀🐔 至尊無骨海南雞飯 $32份量正常唔特別大，但價錢只係$32所以幾抵食😝 每碗飯大約有5-6件雞，雞肉切得比較幼而且平均，肉質都ok，唔嚡的😗 另外跟餐有碗冬瓜湯、薑蓉同泰式酸辣汁，送飯一流～🐔 加腎 $7雞腎偏淋，唔似我哋平時食開爽口嘅口感唔同～ 呢個一般😗除咗嘢食佢仲有自製嘅健康飲品薏米水，都可以⼀試😌

不嬲都幾鍾意食雞飯，香港有好多間海南雞飯專門店元朗呢間好似唔算好出名，但出品OK，價錢好平人均32蚊一碗雞飯，仲送例湯，似足套餐堂食本身少位，所以叫外賣餐牌基本上只有四個選擇至尊無骨海南雞飯、馬拉肉骨茶配白飯、娘惹咖啡館牛根腩飯、秘製鹵水豬手飯至尊無骨海南雞飯 $32 送冬瓜湯外賣份量唔算多，但呢個價錢好合理速度都算快，外賣唔使15mins就上手例湯係冬瓜湯，最適合而家天氣炎熱時解暑用即使過咗1hr都仲係暖有雞味，唔算油膩，有幾分鮮甜味冬瓜湯內有煲得熟透嘅冬瓜粒，好消暑海南雞飯嘅飯同雞比例大概係四比一至五比一胃口大少少應該要加15蚊叫多份雞油飯唔算油膩，粒粒分明，撈埋豉油一流甜豉油唔會太甜，味道剛剛好表面有幾片青瓜，入口爽脆，幾fresh而雞肉亦夠嫩滑，唔會好油膩，亦唔會乾到柴皮雞肉部位有雞髀，亦有雞胸，都係啖啖肉，無碎骨跌落啲油飯之內雞肉蘸醬食較好，不過外賣得一款醬汁無薑蓉，只有酸甜辣醬醬汁酸甜味較輕，辣味較重，但雞肉味較淡，建議蘸醬食

至尊無骨海南雞飯 $32 加雞 $15✨雞味好鮮✨性價比極高唔加雞都係$32✨每人包一杯雞湯清清地好香✨油飯唔太油✨青瓜新鮮☁️即棄餐具✨疫情下要用 partition隔離枱走左員工都細心放過啲幫我地攞多啲位✨店內氣氛歡愉坐得舒服.娘惹咖喱牛筋腩飯 $52✨小辣我都食到🙋🏻‍♀️✨筋有咬口冇燘到林過毛巾✨飯撈汁勁正咁大碗飯都食得晒.斑蘭薏米水 $15✨清甜✨大枝野✨大熱天時真心解渴 .下次多人可以試吓四人用嘅肉骨茶

今晚專登入元朗拎D野俾個朋友順便一齊食個飯，我地揀左呢間海南雞一試大約夜晚７點去到，由於店舖座位較少但人流走得快，我地等左幾分鐘就有位～我叫左個海南雞飯加雞腎，朋友叫左個肉骨茶少飯，大家share左碟菜跟海南雞飯既湯都幾清甜好飲👍我既海南雞舊舊都滑，雞皮唔會話好肥，Ｄ飯有雞油香，整得唔錯👏🏻但雞腎偏鹹同埋偏淋，同平時食開好爽既口感唔一樣，個人覺得一般般～朋友話佢既肉骨茶比之前食過既偏苦少少，材料種類亦都唔多，大概係得豬肉，冬菇，好多豆卜同少量藥材（當歸／黨參？），好似連杞子都無粒🤔豬肉唔算＂鞋＂，但冬菇偏細粒兼唔太香冬菇味油菜只得一款就係我麻麻地既唐生菜，個汁辣辣地，味道正常但煮得略嫌淋左Ｄ始終都係海南雞飯最出色！

今日小編收工之後去咗元朗交收，見已經開始餓餓地就用App搵嘢食📱。而位置YOHO商場附近都有好多大大小小嘅餐廳😯，而小編今日去嘅呢間就主打海南雞飯🍗，價錢亦都好優惠，只不過係32蚊，相當平民。而且仲有薏米水🥤，又健康又好飲，好值得為大家推介✨，餐廳個名係叫做「肥仔海南雞飯」🖼️。✦✦✦✦✦✦✦✦✦✦✦✦✦✦🎈A.至尊無骨海南雞飯（加雞） $32（15）點解我要加雞，就係因為小編大食嘛，哈哈🤭。本來海南雞飯就有4件去骨海南雞👀，加多15蚊就有多倍分量🤩，小編覺得值錢相當合理。隨餐仲有一碗冬瓜湯同泰式酸辣汁🧐。雞肉切得細件同平均，方便夾起🥢，食得又唔哩啡。而且雞嘅肉質嫩滑🤤，加埋醬汁就更有風味。✦✦✦✦✦✦✦✦✦✦✦✦✦✦🎈班蘭薏米水 $15呢一樽薏米水係小編飲過之中最濃最入味嘅🥰，大家嚟到餐廳除咗嗌嘢食之外，記得要嗌樽意米水嚟飲👍，只不過都係15蚊，又大支，CP值高，營養價值都一樣咁高💕。✦✦✦✦✦✦✦✦✦✦✦✦✦✦因為小編係叫外賣🥡，所以對於餐廳用嘅外賣盒有少少意見👀。小編打開圓形飯盒但被裝滿滿嘅雞頂住啲飯，食起上嚟有啲唔方便🤨，如果轉返用長方形飯盒除左外觀上靚啲之外，食客外賣都食得方便

那晚去到8點，店主話咖喱牛根腩飯已經賣晒，咁我哋就點了2樣嘢share一齊食。原本想叫埋野飲，但因為特飲是日也賣晒，店主話我哋可以飲自帶飲品喎，真好人😄至尊無骨海南雞飯 (HK$32)雞肉幾嫩滑，有雞味道，油飯淋上秘製醬油，唔會太油，味道很好，配埋薑蓉好正。因為2人食，加雞都只係+HK$15咋！馬拉肉骨茶配白飯 (HK$52)湯味鮮甜有藥材香料味，排骨煮到好軟腍，好容易拆啲肉出嚟食，仲有2粒脹卜卜豆腐卜。這一餐，$100有找嘅二人食，滿足晒朋友的食飯要求：抵食、多飯足料、好味。

🐤元朗又一抵食暨黃店之選！海南雞飯有埋湯都只係$32，相入面嘅份量係加咗雞，都只係加$15😗啲雞都夠滑，呢個價錢絕對抵食！👍🏼佢嘅咖喱飯都好香，牛腩亦夠腍，不過我會比較推薦海南雞飯！另外，我都加咗支蝶豆花薏米水，但味道就比較淡！仲有：佢間店不斷播住90後必定會識嘅歌，令人有滿滿嘅回憶呀！😍

今日同男朋友黎左肥仔海南雞專門店食海南雞飯，味道不錯，雞好滑👍🏻仲有冬瓜湯送😋今日咁熱，解暑一流👍🏻落左單無耐就黎，好快手👍🏻服務態度好好，仲比左張枱我地放頭盔👍🏻

#中意嘅請分享請點讚🍻----------💛#黃店----------🐣至尊無骨海南雞飯 $32雞肉夠嫩滑，唔會有碎骨，油飯岩岩好唔會太油/太乾身，配薑蓉同辣椒醬，如果加雞都係$15，大碗又抵食，除左雞飯仲會送一碗冬瓜湯。不過除左海南雞飯就唔多其他選擇。----------🔎肥仔海南雞專門店🚩元朗鳳攸北街5號順豐大廈地下31號舖

又去左元朗搵食懲罰黃店💪🏻間舖個位都幾隱世附近都係車房不過最終順利到達😋—————————————————舖仔細細好彩去到唔洗等位食到中途就開始多人餐牌只係得4款你揀分別係海南雞 豬手 牛筋腩 肉骨茶既然海南雞咁出名梗係要試啦分別叫左多飯同多雞圖一 二就睇得出多飯、多雞嘅分別🤣雞肉嫩滑啖啖肉 油飯好啱我口味最中意就係呢隻油飯🤤黑醬油唔似坊間啲舖頭咁甜撈飯同雞都恰到好處CP值超高👍🏻——————————————————☺︎ 無骨海南雞飯 $32