肥仔雲南小鍋米線

Open Now

Now Closed

聽聞得寶大廈有間由荃灣開到來九龍灣的米線, 基於荃灣是米線大本營, 即刻來試試。到達時已經差不多2點半, 門口竟還有三幾個人在排隊等候, 平時飯市時段更有長龍, 入座後發現原來店裡位置很少且窄。腩肉炸醬小鍋米線, 腩肉和炸醬都帶點微辣, 在店員的介紹下選了清湯底已足夠重口味, 湯底偏甜, 米線爽口, 腩肉精瘦, 好味。雞肉小鍋米線, 選的原味清湯底, 但可能雞肉本身沒調味, 整體感覺偏酸, 而且湯底越吃越酸。蒜泥白肉, 蒜泥不夠泥, 說是粗點的蒜蓉還差不多, 白肉比較肥, 又不夠薄切, 入口有點油膩感。旁邊還有一點甜辣醬, 個人不敢嘗試混搭, 友人鼓起勇氣試了也說感覺奇怪。總體來說, 在不用排太長隊的情況下可以嘗試。

肥仔米線由佢係荃灣時我就幫襯過，個時做兼職時必叫的午餐，佢既湯底唔會好油，啲餸又好食，點知後來佢執左，一直都好想食，係九龍灣做左野差唔多十年了，一直無間似樣既雲南米線，點知肥仔米線居然開左黎九龍灣！！我即介紹同事一齊去食！今日同同事Lunch去左九龍灣呢間肥仔米線食午餐，我叫左個三餸酸辣米線，雞奕尖、腩肉、豬大腸微辣！再配支豆漿解下辣！水準同以前一樣！米線的質感岩岩好，又唔會太冧、又唔會太硬！雞尖同腸大腸都好入味！腩肉又啖啖肉！我每次都會飲埋個湯，簡直一星期可以食幾次都得！

平時經過一定多人排到爆，今日放假3:00左右落嚟睇吓好唔好彩唔使排隊😌黎到得一個姐姐排隊咋！lucky! 等咗5分鐘左右就入咗去叫咗個小辣，酸辣米線，配菜加豬軟骨同木耳。豬軟骨條骨煮到冧晒，不過啲肉就排咗咗少少。木耳就正常啦😂最緊要係酸辣湯底真係幾好味，配菜有芽菜酸菜肉碎，份量都幾多。我自己鍾意食酸辣米線，主要就係食配菜🤣食到一條都唔剩呀！另外梗係跟杯凍檸茶少甜啦，大佬好辣㗎嘛都幾開心，喺搵到間九龍區有好食嘅酸辣米線！得閒又過嚟再食下先🥰🥰🥰

七點15左右去到門口排隊前面大概要等四五張枱，但就足足等到8:10先入到去，12分坐底，認得我前面嘅一對情侶仲坐咗喺度張枱係冇嘢食㗎，所以我就留意吓佢哋嘅出餐時間..20分鐘內淨係出左兩碗堂食，就係出比我前面入黎果檯.. 8點33分終於等到個小食，而我碗米線..等到8:43佢先出現🥲其餘時間全部都係整外賣，大佬啊真係好離譜囉🥲真係講真有幾好食都好都寧願叫外賣啦😇叫咗個豬肚木耳酸辣米線 湯底偏甜，叫咗小辣💪木耳絲同豬肚都好好食，但就真係重口味咗少少食完碗米線之後會覺得有啲頸渴.炸雲吞好出色啊非常香脆✨唯一美中不足就係真係好油成隻碟都係油😂

個位置都真係幾格攝，而且因為舖細，由排隊都到有得食都要等一個鐘🥴不過真係值得等！除左價錢平，原本有一個餸（就算再加都係幾蚊），個味道真係一d都唔失望！嗌左一碗麻辣小辣，餸係韮菜餃同腩肉；另一碗就清湯蟹柳豬皮。麻辣小辣都真係唔惹小，唔食得辣真係會挺唔順，不過都係香既🤤韮菜餃就自家制，個函好好味！腩肉食完就知點解舖頭大推，煮過入面而且香口小辣🤤清湯都估唔到夠香，唔係淨水，而且豬皮都夠爽！！唯一可惜就真係比較窄，坐得有dd迫

第一次幫襯肥仔雲南小鍋米線，因為見到新開，門口有好多人企哂係度等外賣，所以吸引左我去試食🤩晚市時間，餐廳坐滿人，由於店舖面積較細，所以座位都比較少，堂食會覺得有d逼，坐得唔係太舒服🙈1️⃣ 🍜涼拌撈米線 ($34）👍🏻味道評分: 6.5/10🍜涼拌撈米線，第一次食唔敢叫太辣，所以叫左小辣🌶試下先，辣度唔會太辣，無譚仔既小辣咁辣，撈麵配料有炸醬，酸菜，花生🥜，另外可以任選一款$6餸，我簡左蟹柳，味道同平時喺超市買到既差唔多。份量比想像中大碗，味道都唔差，但食多幾啖後開始覺得味道太濃，少許偏油，好快就食到好飽了🤰🏻2️⃣ 🦑炸魷魚鬚 ($35)👍🏻味道評分: 6.5/10🦑炸魷魚鬚配上泰式辣醬，味道配合剛剛好，食落有咬感，唔會好似外面平價餐廳有膠質感，有返煎炸香口既味道。

Sorry，真係好難食。叫多酸bb辣，結果米線係甜既，無酸無辣，落醋都掩唔住甜味。米線份量夠飽，但酸菜同肉都唔多，叫左一餸芝士腸，可能我大鄉里出城⋯應該要叫多幾個餸，芝士腸得三條覺得好不足，但明明老x娘同譚仔我都係叫一餸，都未試過覺得咁空虛，而且未食完開始口渴。今排見咁多人讚所以好大期望😓，希望佢地只係今次失手⋯

再次光顧肥仔，7點打電話去落單，要等20~30分鐘，真係好多單呀，最後等左20分鐘有得拎，今次食雞絲麻辣米線小辣，雞絲好多呀，食到尾都仲有，另一碗係腩肉酸辣紅薯粉，紅薯粉份量不及米線多，不過唔洗加錢又Q彈，冇投訴啦~上次叫小辣唔夠辣，今次中辣可能加左腩肉，即刻辣左好多呀，腩肉唔肥又夠味，不過碗紅薯粉個面好多油，要自己飛走啲油，唔係就太多油呀今次一樣要求走餐具，不過依然係有比餐具，睇返張單都冇打出黎，可能咁原因冇走到，希望下次真係會走啦，環保少少呀

返返下工我打左電話去外賣自取，店員好有禮貌叫左個腩肉酸辣米線，好多米線酸辣湯偏甜，我叫左小辣，覺得同譚仔三小辣差唔多之前試過叫微辣，覺得冇辣味，而腩肉冇肥膏，有啲難咬但入味九龍灣嘅食客不妨可以考慮下依間米線

我叫左酸辣米線，米線係偏幼身，湯底算濃，但唔夠酸同太甜😐，入面既肉碎比較鞋同無乜味。朋友叫左麻辣比較香，但佢話食到後期都覺得甜。豬大腸：味道正常，但全部口感都好韌😰雞翼尖：不過不失豬軟骨：好冧，但都係太甜另外叫左支豆漿竟然係鴻福堂，飲落似豆奶多過豆漿😅總結：整體黎講算好食，但湯底實在太甜唔岩口味，食完有少少口渴，所以唔會有下次。都係因為有人話好食過老x娘先突登走黎試，點知...😅期待差太遠🙂

肥仔原來是荃灣搬去九龍灣，一真都想試，但堂食不論閒日、假人都實在太多人，剛好有同事幫忙買外賣，兩位男仕共買八碗，前面張單都十幾碗，真驚人，由於湯跟米缐是無分開，有幾會早造的會比較淋咗D，如果可以分湯或堂食必定更佳。我選擇咗清湯底，黑木耳，螺旋草，羅白米缐，哈哈！很素食呀！配有少量牙菜，酸菜，清湯夠味，好飲，原來有墨魚咀，在同事果蜿取咗試，好爽，下次要試，羅白夠甜，非常入味，螺旋草非常健康，較少米缐店有造，正！下次再返九龍灣，會試番茄湯底，希望可以堂食啦！

這間店營業不久，但每次經過都看到人龍，店舖不大，出餐有點慢，可是每位客人都會乖乖地等待，中午時段外賣單更是一個接一個，這就是小店的特色。😀由於很想吃酸酸辣辣的湯麵，我選了酸辣粉配辣腩肉（bb 辣），父親給我少許豬耳。 湯底很適合我這種想吃辣又不能辣的麻煩客人🤣，腩肉入味而爽口，味道比「藍」記還出色呢！紅薯粉一般米線店鋪需要額外加錢，但這間不用，麵既份量還要很多，每吃一口彈牙的粗麵條配甜酸菜和炸醬湯底都會很滿足。😌

又係返夜唔知食乜好，就行咗過黎買外賣我唔食得辣所以點咗個酸辣紅薯粉（bb 辣）幾乎冇咩辣味但食得出酸辣味道，好岩我😂本事好食得辣既同事叫咗個小辣反而又話幾辣😂😂 我鐘意佢個酸辣味唔係出邊嗰啲咁濃，係有質地既湯味，黎緊都會繼續食佢

味道是記憶是回味，自肥仔荃灣店舖被業主加租被迫結業後，很久沒有嚐到它那獨特的湯底、餸菜、及米線了。每逢路經荃灣舊址那條食街，心裡總是惦記，頓時口水唾液在嘴內吞了一口。新店額外加上肥仔寶號及人頭商標，創造品牌效應。在臉書知道肥仔重開，但擇址九龍灣，馬上第二天午間前往尋味。車泊於彩盈邨對出的德寶大斜路，然後入商場搜索，找遍了地下一樓也不見芳影。正當要找保安問路之際，見到一眾饗客如我般尋尋覓覓，原來就在商場往地鐵站主路出口的一條小巷之內。尚在試業階段，落單及上菜頗為混亂，但侍者甚有禮貌，客人也體諒。老闆肥仔在廚房內努力，不斷有供貨商及親朋戚友前來道賀恭喜。新店面積比舊店小了一半，廚房更見狹窄，應要花點時間適應。餐牌是熟悉的棗紅色，仍是舊店設計，但感覺價錢略有提高了。以往前往肥仔基本也不用看餐牌，例牌選擇，再加一款小菜。【腩肉豬大腸小辣紅薯粉】先喝進一口久違的湯底，湯色加了辣椒，而變成淺啡淺橙色，但味道底蘊仍是那種清澈帶有豬骨清甜的味道。這是肥仔的其中一個獨特焦點，湯底會較其他米線店舖清徹好喝，帶有開胃微酸及醒胃微辣。再吃我的例牌餸菜選擇：腩肉及豬大腸，依然十分出眾。腩肉原塊薄切，甚考刀功，以

原本喺荃灣屹立多年既米線鋪早前就執咗，再選址喺九龍灣德寶正門側邊既小巷開鋪。中意食米線既小編又點會錯過！————————————————————————#小鍋米線 🍜💰47 今次試咗腩肉同墨魚頭，啲腩肉個樣都幾唔錯，醃得幾入味，每塊都大大塊，同幾厚下。墨魚頭幾爽口，兩款都係值得一試既餸😂米線方面就係爽口彈牙啲，韌啲，如果佢軟身啲就更好！辣度係中辣，湯底好濃，非常夠味！加配凍飲只需另外再俾多$7！比起譚仔既$9真係更勝一籌😂差$2都差好遠hehe#蒜泥白肉 💰33食落唔會好辣，仲帶有少許甜味。腩肉唔會痴埋曬一齊，係大片到好似啲肥牛咁既size😂比起平時食譚仔/三哥個啲細塊就有啲唔同。平日既12:00已經大排長龍，建議lunch去食真係要再早少少，因為座位比較少，同埋太多長期fans幫襯🤣！會再去幫襯！下次希望啲米線會淋身少少🤏🥰🥰🥰米線皇后會好滿意！Ig : noodles_queen_food