肥佬生煎肉餅專門店

Open Now

Now Closed

收工去咗天水圍新北江商場 ＜肥佬生煎肉餅專門店＞。食咗30號5＜ 辣馬拉吊片生煎肉餅＞$58+$7凍奶茶。15分钟左右有得食， 熱辣辣香煎香口， 帶點小辣肉味濃再加上吊片肉餅餸飯👍👍👍 真正做到 😊好味鮮味美味。款式数十款😊

突然間好想食生煎肉餅 就捉咗男朋友去新北江😆餐廳鋪位唔係好大 得十零個位全部肉餅都即叫即煎 保證新鮮而且透明度高 👀可以見到佢真係生煎🥓蓮藕煙肉煎肉餅飯好香🤤🤤啖啖肉+爽口蓮藕比例 調味都岩岩好🧀芝士拉絲菠菜煎肉餅飯真係可以拉到絲😍😍菠菜係 睇得到 食得出👍🏻男朋友加左隻煎蛋 將啲蛋黃汁 撈勻個飯😈😈真係好易唔小心食多左🍗鹽酥雞球即叫即炸 差啲辣親個口🫢檯面已經有豉油 可以自己控制份量辣妹再問老闆娘 拎左兜辣椒油🌶️簡簡單單一餐飯 但係好滿足😌

買左2次外賣自取，知道店舖好生意，所以都提早落單。每次去到都仲係要等，見等左超過40分鐘都上前問問，先至發現原來漏左單次次等完一輪，唔問都唔知原來漏單希望可以正視下

夜晚6點50分左右叫外賣，就2個肉餅飯寫住25-40分鐘後送到最後等左1個幾鐘都仲未整好，預計送餐時間就睇住佢係咁加送餐員都到左20幾分鐘嗰2個飯都仲未肯整完，最後成件事係等左差唔多2個鐘先送到過黎🤦🏻‍♀️ 餓到胃都痛味道係唔錯 塊肉餅都好大塊 量都好多嘅但係建議真係堂食算如果叫外賣真係唔知佢有冇整緊你嗰碗同埋吹唔到單 係屋企唔知情況咁等睇住個送餐時間係咁加長真係等到好炆..我覺得如果太多單唔夠人真係請多個人黎幫手咁樣要人等咁耐真係好over...

新北江商場其實好多嘢食但係食嚟食去都係嗰幾樣呢間肉餅好似係新開嘅以前都唔會行入去 都係啲街坊介紹所以就去試吓因為有啲喉嚨痛所以就揀個普普通通嘅肉餅揀咗煙肉蓮藕肉餅喺屋企叫老闆話大概要等18分鐘落到去攞熱辣辣的^_^其實都有少少油份量相當之多一個女仔嘅話未必食得晒成盒飯盒肉餅入邊嘅餡料唔係太多$50嚟講算係咁啦我完全冇落豉油都覺得味道啱啱好佢個肉餅唔會煎到乾晒有肉汁鎖住喺入邊下邊放咗個生菜可以吸油如果再多少少配料就完美喇

小妺星期四夜晚9點去食都坐滿曬人🥺 重有幾個騎手喺出邊等緊！就知呢間嘢唔會差🫣📋小妺就叫咗一個 ［咸香黃金餅飯］+［肉燥］💁🏻‍♀️其實佢咸香黃金餅飯即係鹹蛋肉餅飯，但佢唔係成個鹹蛋放入去。係整碎個鹹蛋黃再撈埋落個肉餅度 再一齊去煎 所以每一啖都有鹹蛋黃個香味🤤 好出色！對於一個好鍾意食鹹蛋黃同肉餅嘅人來講真係冇得輸！😍🍳肉汁鮮嫩 唔會話煎到個肉好柴！ 而佢個肉燥就不過不失 普普通通 (如果你冇加肉燥，佢就會比豉油你自己調味。加左肉燥去佢就唔會特別再俾豉油）💘 鍾意食肉餅嘅人真係可以去試吓⚠️另外佢係即叫即整 所以可能要等耐少少🤵🏻‍♀️個姨姨服務態度好好 我同我fd講有少少熱 佢聽到即刻安排咗比個比較涼嘅位我哋坐💰 咸香黃金餅飯+肉燥+凍檸茶 合共64元 人均消費大約$55 埋單可以現金付款或八達通❗️台式肉燥、煎蛋加6元 台灣腸加7元

肥佬生煎肉餅專門店✨呢間位於天水圍新北江既隱蔽小店真係好值得支持✨你諗到既款式佢都有٩(˃̶͈̀௰˂̶͈́)و 有成四十二款煎肉餅 暫時係我最鐘意食既肉餅～🤎口水雞粒煎肉餅飯 ($55)係選擇困難之下揀咗呢款 覺得好特別創新😋肉餅煎得好香 鋪上滿滿既花生🥜粒(≧∇≦)絕對唔係薄薄一片！食落足料ʕ •ᴥ•ʔ食到雞粒之餘 仲食到青花椒粒 令口感昇華🌶帶有微微既麻辣香🌶真係送飯一流呀😋🤤不過白飯就偏硬下次應該會試大啡菇芝士煎肉餅飯😛感覺吾錯ʕ •ᴥ•ʔ 為大家附上令我選擇困難既𝐌𝐄𝐍𝐔(圖4) 睇完話我知你對邊款有興趣😋😋😋✨✨✨

又受到疫情關係夜晚無得堂食，收工買外賣返屋企食都盡量幫襯d小店，盡量支持下啦，今之上網搵到呢間主打肉餅既小店，肉餅種類都好多款，各有特色，成日行新北江既我都唔知有1間咁既小店，要特登搵先知。第1次黎到，佢格黎個鋪位應該係做堂食既，但夜晚無得堂食所以關左，大約擺到4-5張枱，細細間，位置係個巷仔度，都幾熱下，堂食唔好預坐得舒服，睇左一陣餐牌好多野想試，今次就試下孜然羊肉肉餅飯啦，即叫即做，收銀阿姐落單都講話要得約18分鐘，睇到個老闆不停手地煎緊肉餅都見到應該幾好生意，行左個圈返去拎，20分鐘左右拎到了，時間都預得幾準。返到屋企打開個飯，肉餅煎得好香口，肉質都好厚實，飯既軟硬度適中，睇得出用心製作，值得繼續支持。

係天水圍想食煎肉餅飯，可能一諗係屏山既老地方，其實鼎鼎大名嘅新北江商場都有間好好食既肉餅飯位於商場一樓巷仔入面每次去親，店員姨姨都好親切 會主動提供紙巾同清水有大約50款唔同種類既肉餅簡，唔想煎既簡蒸肉餅又得👍🏻今次簡左辣蝦碎蝦粒煎肉餅飯要幾辣可以同店員講，即叫即煎 所要都要等大約10分鐘到。慢工出細貨，要食好野係要比d時間🤣 肉餅煎得好香脆蝦比想像中大粒，又辣得好過穩👍🏻疫情下飲食業打激真係好大，所以有時間都要幫襯多D小店 唔好比美食遺失

朋友話食開一間肉餅好正，今日放假大埔揸車入天水圍八下，買咗三個味外賣返屋企！一個孜然牛肉煎得好香孜然好出🤨一個芝士豬肉餅🤩好濃嘅芝士好爆汁🤗最好一個係我煎鹹魚肉餅，我以為係最普通嘅選擇！但係最快食晒係佢，咸魚真係冇偷工減料！咸香咸香😚三個肉餅肉質都有汁有彈，下次一定要現場食好更正，不過地點真係要搵搵！

呢間肉餅飯係我食過最好食嘅肉餅飯🤤而且選擇都有好多，有傳統肉餅亦有創新肉餅🤣足足有幾十款之多！我同男朋友就分別嗌左個辣蕃茄芝士煎肉餅飯，而男朋友就嗌左個鰻魚海苔煎肉餅飯，2個都各有特色🤩辣蕃茄芝士煎肉餅飯🍅：蕃茄嘅酸甜配上微微嘅辣，再加上可以拉絲嘅芝士😆一口食埋好滿足鰻魚海苔煎肉餅飯：呢個就係完全嘅日式風味，鰻魚上撒上木魚絲同海苔，再加上一塊大塊鰻魚放係煎肉餅上，視覺同味覺都有雙重享受～不過唔好嘅嘢就係去個日好多人排隊，我哋等咗1個鐘先食到😂

再次食依間煎羊肉餅，keep得到水準，但雞扒冇咁好食啦，上次食佢都好多肉汁，今次食又薄咗，又乾咗，下次要試試佢地嘅口水雞肉餅，到最後佢份量都大嘅，價錢可以接受！

地址有d難搵，係新北崗商場中間扶手電梯直上然後穿過小巷就會見到，係原宿地帶D12舖。有42款煎肉餅飯，10款蒸肉餅飯，另外又有肉燥飯同小食。佢地d煎肉餅飯都係即叫即做，仲可以見到佢嘅製作過程。肉餅非常夠味唔會好粉，份量十足。

這舖頭在新北江1樓，一條巷仔入邊，真係唔係一般人知道的，找到這條巷，一定係天水圍街坊，識途老馬才會知道。這舖頭有蒸肉餅飯，咖哩飯和煎肉餅飯。今日食芝士菠菜煎肉餅飯。因為肉餅係生煎，為了不用等太耐，先打電話落單，外賣自取，去到就有，不用等。這巷仔好細，無咩位比人企\等的。芝士菠菜煎肉餅飯，今日係外賣，食時已經唔熱。但，這個芝士還會拉絲，好香。這肉餅是有啲厚身，不會是一塊薄肉干，好食，這肉餅很啱我的口味。

呢間可能系全港最好食嘅肉餅😍😍。因為呢，呢間除咗平時我地熟悉嘅蒸肉餅之外，仲有煎肉餅，非常香口，非常特別😍😍。試咗2次，第一次系大啡菇煎肉餅🍄🍄。上面有少少芝士🧀🧀，大啡菇好入味，淋得嚟又唔霉。菇下面系煎肉餅，都好有份量，脆脆地有肉嘅油脂香，又有調味，好香呀。第二次系食芝士煎肉餅🧀🧀。真系好香口。肉質同調味同上一次個大啡落下面個煎肉餅一樣，但入面有蔥同芝士流心😉😉仲有少少嘅拉絲添😍😍。無諗過肉餅呢樣野可以咁高質同咁新穎，唔止系男人的浪漫嘅菜式😋😋。值得表揚嘅系啲菜。我做好心理準備，配菜啲菜心系白烚。點知食落口，發現佢系有調味有炒過，好有誠意😋😋。