肥佬生煎肉餅專門店

Open Now

Now Closed

又受到疫情關係夜晚無得堂食，收工買外賣返屋企食都盡量幫襯d小店，盡量支持下啦，今之上網搵到呢間主打肉餅既小店，肉餅種類都好多款，各有特色，成日行新北江既我都唔知有1間咁既小店，要特登搵先知。第1次黎到，佢格黎個鋪位應該係做堂食既，但夜晚無得堂食所以關左，大約擺到4-5張枱，細細間，位置係個巷仔度，都幾熱下，堂食唔好預坐得舒服，睇左一陣餐牌好多野想試，今次就試下孜然羊肉肉餅飯啦，即叫即做，收銀阿姐落單都講話要得約18分鐘，睇到個老闆不停手地煎緊肉餅都見到應該幾好生意，行左個圈返去拎，20分鐘左右拎到了，時間都預得幾準。返到屋企打開個飯，肉餅煎得好香口，肉質都好厚實，飯既軟硬度適中，睇得出用心製作，值得繼續支持。