肥平平滷鵝小館

Open Now

Now Closed

元朗平民滷味~每到深夜總是餓 🤣 我差唔多每兩個星期就會去肥平平買滷味配啤酒做宵夜！佢既滷味好入味，我自己覺得係元朗區數一數二！🌟 $32+$38/隻 滷水特大鵝掌翼 | 好爽好入味，掌翼位可以慢慢損～🌟 $148/斤 滷水鵝腎 | 其實買$60 已經有好多件，鵝腎又係好爽，每次必買🌟 $148/斤 滷水鵝肝 | $60大概有5~6件鵝肝，已經可以食到膽固醇超標🤣 淋淋地好入味亦都無怪味！必試！🌟 $20/盒 潮州鹹酸菜 | 呢個估唔到咁好食，好開胃！$20已經有一大盒，可以解下食肉既油膩～ 基本每次買都係以上組合，佢D鵝都滷得好入味，有時都會食；地方唔係好大，裝修就係簡簡單單咁專門做外賣既，店員都幾有禮貌，總括黎講食滷味一定係諗起佢，佢真係好食過其他長龍店，我就會係咁幫襯❣🏠店名：肥平平滷鵝小館 🚘地址：元朗青山公路 - 元朗段22-26號金源大廈地下4號舖

之前一直好好食，唔知幾時換左個女師傅，如果見到，建議直接慳番啲錢。求求其其！唔知想點！未試過啲鵝腸食唔哂，之前一直有去肥，就算無，都無咁誇，切又唔切，要自己返黎剪！如果第一次食係咁，真係請都無下次

肥平平係元朗都開左段時間，主要做外賣斬料，好多時收工時間更見到排隊買滷味既人龍，今日放假出開元朗買野，就買返份滷水鵝加餸。門口已經睇到掛晒係度既滷水鵝，仲有好多滷水食物如鵝腸鵝肝鵝腎，不過屋企人少少食唔多先叫個滷水鵝上莊試試。滷水鵝上莊個人比較喜歡食上莊，主要原因係上莊鵝胸師父會幫你起片，鵝片就係咁黎，師父刀功好好每一塊都片得好薄，起到好多塊出黎，肉質爽彈唔韌，翼位部份都斬得好細膩，每一件都斬得開唔會癡埋，肥膏位都幫你去埋唔會見到1patpat野，滷水汁另上，唔會好咸，我略慊少左d，突顯到鵝香味，配埋酸醋食更加一絕，建議買返去再加熱少少先食會更香。

今天入元朗打算買鹵水食物，本想到附近一間鹵水店購買，但由於太多人排隊。可能是中秋節關係，5:00去到時已經只得返幾款食品,當我買了一些後,便再到肥平平幫襯。我終於買到了滷水鵝肝，豆腐和豬大腸。他的鹵水汁有一點點麻香味，鹵水味不太濃 ，是可以的。環境:對著大馬路 ,門口有大廚窗,可以看到有什麼食物。服務:有個女服務員會為客人落單，但今天可能是中秋節，有太多人排隊，她未能好好安排秩序，有人打尖，似乎不太有經驗。

好q難食 不知所謂 豆腐都可以整得咁難食 好似像筋 跟本食唔到 掉了 牛展硬過石頭 墨魚都差差差 一定唔會再幫襯 簡直找老襯 浪費金錢 鹵水都可以整得咁差 還可以開店 自己整都好食過佢 晚餐比佢搞到冇啖好食

小編唔係第一次食滷水！亦都幫襯過唔少滷水店，雖然今次係由小編既屋企人買返嚟！首先你已經比漏野，人哋叫咗你比，又話俾咗，喺張紙度！喺張紙度就等於放咗落去，你係咪低能㗎！跟住就收咗人哋咁多錢！服務態度係差到飛起，再好食啲都冇用啦！更何況味道又差到不得了！係喊到飛起，又冇滷水味好似啲豉油加鹽咁。啲豬大腸又洗得唔乾淨，真係不知所謂！仲衰過食那渣車仔麵啲大腸！人哋都乾淨過你！叫咗個鴨嘴，直頭有啲「梅」。總括而言係垃圾中嘅垃圾！服務態度係超級惡劣，執咗都係抵死

因為要帶小朋友去元朗睇醫生，落車見到呢間滷水店，離遠已經聞到滷水香味，好吸引。睇完醫生，見到條龍唔算好長，就排吓隊買啦。晚上既餸已經預備咗，所以冇買滷水鵝，就買d小食試吓。有鵝肝、墨魚、鵝腸、鴨舌、豆腐、鹹酸菜，每樣要少少，總共買咗$150，整咗一盒滷水拼盤😋全部都好新鮮！仲跟咗三盒醬料你點。本來冇諗住寫食評所以冇影相，但鵝腸、鴨舌、鹹酸菜真係超班的好食，好有驚喜，所以要係度推介下！下次要再試埋滷水鵝先

今日一早又出元朗買餸，買完餸突然想食鹵水鵝，就去肥平平啦。今日買咗鹵水鵝嘅上庒和墨魚，因為未有鹵水豆腐所以冇得食😅返到屋企打開，嘩，切得好靚😋鹵水鵝肉嫩滑，唔會死咸，鵝皮有鹵水嘅八角桂皮味，沾少少醋丶辣椒油一齊食，好好味。墨魚彈牙，沾醋和鹵水汁同食，好好味😋兩款餸都係好適合下飯👍🏻店面和放食物嘅櫃見到係好乾淨，冇玻璃油笠笠👍🏻外賣的包裝都好乾淨，因為收銀同處理食物嘅人係分開2個人做。

係元朗新開滷水店。食物吾太濃味。食到鵝鮮味。比較特別滷水店。食物勁新鮮。有飯盒價錢又吾會。我買左下肶都係$170。仲有二隻雞蛋同豬耳。可惜我去到鵝翼同腎賣晒。下次再去試正先