Video
Payment Methods
Other Info
Delivery
Above information is for reference only. Please check details with the restaurant.
呢間太安樓小店打正旗號賣腸粉，可惜佢嘅腸粉質素真係令人失望，我諗嚟得太安樓掃街嘅朋友，個胃嘅quota有限，唔好嘥位去食呢個腸粉，因為真係普通到冇朋友，唔係唔好味，不過唔值得，街邊求其一檔都可能個味道同佢差唔多。
continue reading
第一次係太安樓食宵夜，朋友帶我去食嘢，佢極度推介這一間。小店嘅選擇好多，有腸粉，有甜品，有滷水拼盤，更設有新品。最後我哋叫了以下食物1.滷水拼盤（雞翼，雞蛋，金錢肚，蘿蔔）滷水拼盤非常入味，有多款口味供選擇，最後我叫了雞翼，雞蛋，金錢肚和蘿蔔。每一款都滷得非常腍。2.腸粉+燒賣我最愛吃腸粉，當然要試試他們的腸粉。他們的腸粉好抵食，非常滑溜，配上他們的醬汁，好吃。推介。3.雙皮奶+養顏三寶桃膠、雪蓮子、雪燕非常養顏的三寶，配上滑捋捋，牛奶味濃的雙皮奶，飯後甜品一流。
continue reading
今日難得放假去太安樓掃街 見到有一間舖頭好多人排隊 見咁多人排隊就即管去試試啦太安樓呢到興掃街 所以呢間舖都係以外賣為主 但呢間舖都有擺到d枱比人容易d係到食 好貼心我地叫左幾樣野滷水拼盤有豬耳 雞腎 蘿蔔 金錢肚 滷水好入味 特別係蘿蔔索晒啲精華超級好食 仲係超級大 有兩片好厚我哋主食叫咗個腸粉 配魚蛋豬皮 粉果 牛肉球 呢個配搭非常新鮮 可以一次過食晒好多樣自己鍾意食嘅嘢好正啊 腸粉既份量好多 我地兩個人都食唔晒甜品我哋叫咗雙皮奶做甜品 超滿足
continue reading
原本想食ET鹽水雞，點知撞正落場，怱忙下响附近是但搵間買外賣。見呢間舖外表正常，隔離兩間主打炸嘢，就試呢間。叫咗腸粉+ 四餸(牛柏葉、雞腎、牛肚、粉果)太趕時間無影相，但可以想像吓：腸粉墊底，見到上面有甜醬辣醬，腎肚柏葉勁深鹵水色舖面仲有鹵水浸住一半，墊底呢堆嘢打成一片咁，兩個粉果砸住部份腸粉。先食腸粉，起角嘅，少少硬，蒸唔透咁嘅口感，但應該係微波爐叮嘅。中間嗰堆鹵嘢，正常發揮，唔突出亦唔難食。兩個粉果真係嚇親，睇落正正常常，一咬個頂，硬到𠼱唔切，擺明係叮出嚟，但原來連叮都唔識叮🙄。咁就用咗$41…我好肯定，去7仔/OK熟食檔買，甚至係叮叮點心嘅腸粉同粉果都好食過佢。
continue reading
五點幾收工，黃昏時間有D為食，我就去西灣河筲箕灣道太安樓地下，穿入太安樓，當然就是尋找食物，我在一家名叫「腸粉皇后」的店鋪享用小食，是太安樓的寶藏。聞到香味，我立即點了咖喱三寶，當中的魚蛋特別好吃，仿佛回到了兒時街頭的咖喱魚蛋，濃郁的咖喱醬與魚蛋的鮮味相得益彰，讓人一口接一口停不下來。正正正此外，我還點了一瓶自家製涼茶，味道濃香，清熱解暑，特別適合這個季節。喝上一口，頓時感覺神涼，趕走近日悶熱的香港。好享受今日。
continue reading