Video
Telephone
84932858
Payment Methods
Above information is for reference only. Please check details with the restaurant.
入夜凍凍地 食碗超級暖胃羊肉湯飯！個湯底好清甜 蘿蔔同菜都非常入味👍🏻比起出面既重味到極既羊腩煲哩個黎得清甜又冇味精 （飲哂成碗湯之後 一定唔需要係咁飲水先👍🏻）完全係用羊骨淆嘅羊肉湯非常欣賞咁岩𠮩𠹌老闆仲要即場表演宰割新鮮羊😂原來仲有優惠餐推出左 下次又試下先
continue reading
因為要接小朋友補習，住喺荃灣西站附近本身比較少嚟海濱花園。竟然俾我發現到一間超好食嘅隱世小店。(家庭式經營) 佢嘅炒飯同埋酸菜魚米線真係好好食因為咁啱補習社老闆老師介紹，俾我發現到呢間餐廳。原來呢間餐廳老闆女女都係喺阿仔同一間補習社。價錢喺海濱嚟講其實唔算平60幾蚊一個炒飯。但睇得出每個炒飯都係用足料。珍珠米同埋好多餸，阿仔而家成日話要買外賣返屋企俾佢食。支持良心小店同埋真係荃灣最好食嘅炒飯，店舖比較細，所以建議大家買外賣。
continue reading
成班波友為睇奧運決賽搵咗間屋睇奧運。之前叫過𠮩嚨既外賣都幾好味又抵食。今次叫了8人到薈大漠豚肉炒飯1盤煙鴨胸炒麵1盤重慶蒜香烤魚1條(大)麻和青花椒炒雞1隻鮮魚湯海鮮鍋(貴妃蚌，扇貝，大蝦)炒土豆絲糍粑小店經營得老闆(主廚)及老闆娘， 座位不多所以大多數街坊都會叫外賣。大漠豚肉炒飯炒得出色 飯粒分明 好香既香料配上豚肉粒。煙鴨胸炒麵，之前試過藤辣湯手工麵已愛上佢地既麵，少少似意粉既感覺，今次唔係湯變咗炒 原來都好好味 依兜係第二快被清空重慶蒜香烤魚 超水準 無論個醬汁，菜底，烤魚烤得好香唔老 肉質juicy又滑 菜底有窩荀，蓮藕，椰菜花，薯仔索晒啲烤魚汁真係好鬼正麻香青花雞，我好鍾意食辣，依個啱晒我，超多蒜粒，青辣椒，薑絲炒青花椒，炒出青花椒既味，雞肉索晒青花辣既麻味，吞尖上的麻香海鮮鍋，老闆好好，個海鮮鍋用鮮魚及魷魚仔肴湯，湯底鮮甜，啲蝦都大隻爽口，貴妃蚌彈牙，扇貝就正常冇咩特別，湯底有娃娃菜及粉絲perfect 炒土豆絲係最快清空，大家都讚好味糍粑煙韌口感很好，但少啲甜會更好。特別謝謝老闆娘分兩次送貨上門 辛苦了。小店辛苦經營，味道好 價錢平CP值絕對高
continue reading
原來屋企樓下開左間家庭小店呢邊平台唔係成日行所以唔係太留意到磁磚上寫滿左餐廳既食物優惠套餐65蚊食到既蒸海鮮飯,有蟶子、扇貝還有魚柳配上蒜蓉粉絲非常鮮甜好味麻醬雞絲冷麵。甘熱天氣最岩食日式咖哩雞飯超好食很用心做既良心小店。要支持住呀❤️
continue reading
【荃灣區】【𠮩𠹌膳堂】大家如果細心啲，都應該會知道我呢排其實係唔喺香港嘅。不過我依然會 keep 住出 post 嘅，我驚我啲讀者每日睇唔到我寫嘢會唔慣呀。然而今日有啲事要返一返嚟香港幾個鐘，經過海濱花園嗰陣有啲餓，就去食啲嘢先。睇我一段時間嘅朋友可能都知我已經食過一輪呢度啲餐廳，啲選擇已經進一步壓縮咗。然而，當我喺平台蹓躂嘅時候，就見到呢間幾新淨，連餐廳名都仲係冚住嘅小店。我呢啲崇尚「人有多大膽，地有多大產」嘅人，點都迎戰。入到去淨係見到「𠮩𠹌早餐」嘅 menu，就叫咗 $45 嘅「大阪燒配太陽蛋」嚟食，都幾得意，我都未試過咁配，味道都唔錯，打爛埋隻蛋由得啲蛋汁流入去都爽。加 $3 飲「凍檸茶走甜」，都係幾清新、幾用心嘅出品嚟喎。咁樣又點質得飽我，叫埋 $48 嘅「黑松露帕馬火腿芝士三文治」，有黑松露味有芝士拉絲有 parma ham 嘅飛碟，幾正喎。聽隔離枱話唔錯所以跟餐飲「熱咖啡」，冇乜感覺，偏細杯。夾埋嘅埋單價係 $96，其實又幾抵食。。。（地址：荃灣海濱花園海濤閣平台 B109 號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am荃灣區 #荃灣 #荃灣西 #𠮩𠹌膳堂 #海濱花園 #𠮩𠹌早餐 #大阪燒配太陽蛋 #凍檸茶走甜 #黑松露帕馬火腿芝士三文治 #熱咖啡 #1am1170 #1ambackup
continue reading