至尊燒 (Closed)

肚肚地餓，行經煙廠街，聞到有燒野食嘅香味，就的起心肝入去間「至尊燒」試下。入到去，連冷氣都無開，得把風扇，真係仲熱過出邊。不過既然餓餓地，由佢拉，叫野食。點左個$42蚊嘅燒羊「扒」，係「扒」，點知到頭來係得塊薄過iphone嘅羊架仔。叫左個司華力腸加蕃薯，點知得半條腸同得半個網球咁大嘅蕃薯

食完滷水，浮浮下，經過咗商場入面嘅豆花妹，諗咗陣又繼續一路咁行，眼利嘅靚女C見到對街有串燒，鍾意香口嘢嘅我哋就入咗去喇。要咗牛舌、台灣腸、羊肉(C)、雞全翼(我)一齊分享。牛舌一串三件，兩串情況一樣：頭尾兩嚿都好軟腍，中間嗰嚿就有啲韌，懷疑係位置問題。台灣腸有啲蜜味鹹香咁。雞全翼食落冇過乾，但可以燒多一陣燶皮啲。有啲鹹而且孜然粉可以香啲，但整體幾好，下次可試其他嘢。

小編在深宵時突然想吃點宵夜，基於不太肚餓，便打算吃點小食，於是小編便走到旺角覓食。深夜的旺角依然熱鬧，亦有好多白天見不到的食肆，實在令人胃口大開。 小編走到一條滿是燒烤食店的街道，便被那香噴噴的味道吸引住，我選了一間人多，規模亦比較大的燒烤店坐了下來，店內只售燒烤及飲料，有各式各樣的肉類，菇類，海鮮類咁，小編叫了燒海蝦，豬仔脾，冬菇，牛肉粒等。大約5分鍾，東西已陸續送到眼前，特別的是店員以一個大木盤裝著串燒，令食客吃起來更方便。 事不宜遲，我先吃了一口冬菇，飽滿的冬菇烤完後味道非常香，令人吃完還想吃，然後我試了一隻大海蝦，海蝦肉很多，我把殼拿走後整條吃，感覺非常滿足又充滿香噴噴的燒烤味，然後是豬仔脾，這使我有點失望，因為烤太熟的緣故，肉質變老，很難入口，所以還是建議各位吃客3思而後行了。

上次同朋友仔食完飯行經附近搵糖水食，點知俾呢間野陣陣香味吸引到:love 串燒味)不過因為食左飯就食唔落，同朋友夾定下次要試呢間!!終於夾到時間啦，因為上次經過係夜晚12點幾左右，所以我地一行3人今次黎食宵夜 我地早小小夜晚11:00就到左，禁岩未有客人，所以門口無個陣香味...入左店入面，鋪唔大，枱同櫈一字排開，自己搵位坐一坐低第一時間當然係睇下有咩好食啦，叫幾串串燒叫師傅燒住先...牛柳粒燒得熟左小小，有啲靭娃娃菜我朋友覺得有啲味，不過我覺得ok，燒完仲有水份，唔會好乾 串燒必叫燒茄子 ，師傅會將燒好嘅茄子剪一件件方便我地食，燒子唔會乾，熱辣辣好好食，不過可以再加多啲蒜蓉燒就 ($34) 串燒丸如果唔係太鐘意食可以唔叫，因為唔太抵食，一粒丸切開一半(啫係一串得2粒丸)要$11@1 台灣腸好食，甜甜地金菇燒得唔會乾晒($22@1串)，紫薯餅外皮好脆($20@1)店入面會貼左不得帶飲品內進，罐裝汽水$8@1，樽裝野飲$12@1，如果食串燒想飲酒都有，佢會有日本清酒佢仲會有啲炒飯，本身都想叫個試下，好似好抵食禁...不過叫左好多串燒食飽左下次再試

近兩年廣華街一帶成為旺角食宵夜的首選，在眾多糖水舖中發現了一間串燒店，即管一試！小店的枱不多，一字排開，尚算舒適。店雖小，但選擇頗多，兩個人叫了近二十款串燒，仍未試晒。海鮮類的選擇不多，有蝦、芝士蠔、帶子、多春魚等，點選了帶子和多春魚。帶子是放到碟上然後直在擺在爐上烤，所以保持肉汁不會乾身；多春魚則一般般。肉類方面點了台灣一口腸、雞軟骨、牛舌、雞全翼、牛肉、煙肉蕃茄仔、牛筋丸、燒賣etc．．．．當中以台灣一口腸最有驚喜，外脆內軟，食落「卜」一聲。雞軟骨、牛吞等亦能保持「咬口」，不會乾或韌。煙肉蕃茄仔的外層煙肉，燒到煙肉邊邊的脂肪有少少脆但又不會硬，一啖咬落去立即「爆漿」，很爽，必食之選!蔬菜類首推茄子和蕃薯！一般串燒店都會切片燒，但此店全部原條開邊燒。茄子長如前臂，上枱前老闆將之切細方便進食，夠細心，配上微微燒焦蒜蓉夠香口；蕃薯開邊上枱，用叉挖來食，好有去BBQ的感覺。值得一提的是老闆好細心，每次只上６－８串，串燒不會擺至攤凍。有些等外賣的客人不停催促追單，老闆好有性格地保持燒烤速度。咁又係，唔通加大火燒快啲俾你咩，食嘢係要耐心等㗎。店內還有自製羅漢果茶，今次掛住飲汽水，下次試吓先。有

睇左咁耐 鐘意都要寫哩間食過幾次 都唔錯 但今次比佢個雞泡魚干激發左我上黎寫番篇野首先當然食左丸先啦講起丸 佢D丸比起出面唔會燒到干哂 個醫都幾好娃娃菜就一定要試下 其實燒菜無咩咁特別 只要用心就好味 因為老細會好細心張D醬汁搽滿哂係D菜度 唔似出面揚兩揚 一定浸落去喊得濟老細再黎個新產品 日式餃子 泡菜餃子 同小肉包老實講 燒餃子就真係無乜特別 但燒得幾香口但個小肉包就真係有特別 特別多汁.... 一咬就噴到成枱係 唔係誇張 所以大家小心!!中場就緊係黎肉類啦!!所有肉類一食就知係有掩過 唔會一陣雪味我本人鐘意既當然係牛柳啦 唔會只靠出面既味粉 係肉入面都有味道個雞軟骨都係 食落口除左爽脆 因為有少少膏 所以特別甘香之後黎個茄子今次唔知係唔係蒜多得濟 有少少"拿"口醬油就少左d 味道淡左少少但老闆好細心 會介到細細舊比我主角當然最後出場以為我每次都會叫既係燒魷魚因為佢既魷魚係比出面果d厚身燒完耐左都唔會干哂硬哂因為厚身 食落去會比較香魷魚味同淋d 唔似出面食"干屍"咁當我以為完既時候 老闆居然拿出一塊 雞泡魚干

上個星期行經旺角，見到開左間新串燒店喎，咪試下囉..入面舖仔細細，但可選擇嘅嘢食都唔少！娃娃菜好好味！燒茄子，原來係呢度嘅招牌菜，果然名不虛傳！燒丸不過不失啦，不過感覺唔會好味精！燒魷魚！正！唔會有陣so味，又唔會太乾又硬，我地臨走仲order多個上車食！最後，燒香蕉，我第一次，其實本身麻麻地食香蕉，但呢個燒香蕉燒到林林地，熱熱地，好好味！必試！！總結黎講我下次都會再幫襯，老闆都幾nice，會走埋黎問我地岩唔岩食，當然仲有進步嘅空間啦！同埋我中意呢度啲嘢食冇咩味精，食完都唔會口乾，同埋啲材料都算新鮮！另外友人大讚自家制羅漢果茶好足料，邊食燒烤又可冇咁熱氣，大家可以一試！