至尊燒 (Closed)

食完滷水，浮浮下，經過咗商場入面嘅豆花妹，諗咗陣又繼續一路咁行，眼利嘅靚女C見到對街有串燒，鍾意香口嘢嘅我哋就入咗去喇。要咗牛舌、台灣腸、羊肉(C)、雞全翼(我)一齊分享。牛舌一串三件，兩串情況一樣：頭尾兩嚿都好軟腍，中間嗰嚿就有啲韌，懷疑係位置問題。台灣腸有啲蜜味鹹香咁。雞全翼食落冇過乾，但可以燒多一陣燶皮啲。有啲鹹而且孜然粉可以香啲，但整體幾好，下次可試其他嘢。