臻味冰室豬扒酸辣米線

Open Now

Now Closed

作為米線迷既我 無時無刻都想食米線前幾日接男朋友收工 問佢有咩好推介既米線佢就推介左我黎食啦😋🔆秘製豬扒酸辣米線 $38第一次黎唔知食咩餸好於是就揀左佢個招牌秘製豬扒！的確佢半煎炸得好香好好食個味道又唔會太咸至於米線 佢呢到既味主要係靠面頭既酸菜然而佢呢到既酸菜都係好好食！係特別醃製的！食落唔會過分咸 仲會帶少少辣添見其他人食都會叫佢多酸菜 就知酸菜係靈魂🥰配埋米線真係幾好食！👍🏻 好啱我口味！下次去開觀塘一定會再幫襯！味道: 4/5賣相: 3.5/5

👍🏻秘製豬扒酸辣米線 $38豬扒鬆軟香口，醃得好入味😋份量仲好多，有四舊大大舊👍🏻湯底有大量既自製酸辣菜🤪味道酸辣帶麻，好正米線爽彈，唔會過淋唯一美中不足係湯底油左小小🥺味道：9/10性價比：9/10-📍臻味豬扒酸辣米線觀塘敬業街55號皇庭廣場地下3號鋪

相信觀塘友對依間臻味豬扒米線不會陌生，因為佢已經系觀塘開左3️⃣間分店啦，平時都係打電話落order，每次去拎外賣時都見到店內好多堂食，亦有唔少人落單同等拎外賣，依間米線舖吸引到咁多人幫襯，一定有佢既過人之處既👍🏻！🍜 手撕雞拼韮菜餃酸辣米線 （價錢： $40，外賣加$1）評分： 4/5依間米線舖最出名既係豬扒，醃得好香、好惹味，而今次小編就試左手撕雞🐔同韮菜餃，雖然係雙拼，但份量好多，唔會好似其他舖頭咁俾少D每樣餸既數量。 啖啖肉既手撕雞每舊都好大舊，肉質可以接受，韮菜餃🥟都有4、5隻，而且好香既韮菜味，鍾意食韮菜餃既朋友仔記得試下啦！另外，米線配料好多，有超酸既酸菜，脆卜卜既花生🥜、芫茜等，米線既辣度可以自由選擇，小編揀既係小辣，已經夠麻酸辣啦，講起都流曬口水🤤！—————————————————————————🐷 整體食物： 4/5🐷 環境：-🐷 可達度： 3.8/5

第一次去食， 食物質素可以的， 但服務就完全差極。 餐廳無提供餐紙巾， 只有售賣嘅紙巾 (好多餐廳都有同樣情況). 但發現櫃台上有一卷廁紙想用時，員工惡言回答" 呢啲係我哋自己錢買！！！ 唔用得" 到收銀找錢時，銀台員工都重複呢一點， 最後唔知有心定無意地找錢找到好散。 總括食完感覺不太好， 不會再幫襯。

平時好少出觀塘 今日難得去就search下觀塘美食揾到臻味得觀塘有既米線冰室 本身中意食酸辣野米線鋪黎講 入去地方尚算好座叫個韭菜酸辣米線加杯凍奶茶先40蚊奶茶大大杯 好飲米線一黎到 嘩 咁大碗滿曬上面有成6隻大大隻皮係雲吞皮，韭菜入味米線好滑 酸辣配菜係酸菜同麻辣加香口花生中意食辣既我食得過癮咁既價錢有份量得黎質素又好絕無欺場 會為佐佢再去觀塘下次想食豬扒同酸辣撈米線見人食得好開心暫時覺得碗米線係無可挑剔

相信觀塘之友對呢間酸辣米線🍜一啲都唔會陌生，事實上開業至今，每天人流不斷，午巿時段真係迫到爆滿，可以的話下午二時🕑先幫襯會比較鬆動，叫飲品🥤仲可以半價𠻹！而家已經開到有三間店舖，不過都係位於觀塘區，所以要試的話都只能去觀塘😏———————————————————————————🍽招牌秘製🐽豬扒麻辣米線🍜 $38💬其實真係有好多選擇，餸料可以雙拼或加餸都得，不過次次都係揀返招版豬扒，一碗有4大件超夠份量，就係好香口、好夠味又鬆軟，仲有花生🥜、芫萎🌿、酸菜☘️、生菜🥬，配麻辣🌶/酸辣🌶，同樣好食🤤

唔離開呢頭真係唔知原來呢度有間咁好味嘅酸辣豬扒米線～價錢優惠唔再講食物質素都非常之好我次次黎親一定會帶佢哋嘅招牌酸辣豬扒米線另外食過韭菜都非常之好味題外話記得拎埋紙巾先好黎食因為有機會一路食一路流鼻水！

今日終於試到臻味既豬扒酸辣米線！湯底係酸辣得黎有麻辣味既！好味！👍🏻湯底亦都好足料！豬扒都有好多塊！入味之餘，肉質好鬆嫩，一d都唔會起渣！米線都幾彈牙！不錯！

今日收工朋友去食米線，由於朋友係米線愛好者，所以喺附近搵一間比較有名嘅。咁一直都好想試吓呢間米線，尤其佢有三間分店感覺有質量嘅保證。去到餐廳格局也不錯，有唔少卡位，環境尚算乾淨。點餐冇幾耐下，5分鐘左右就有嘢食，可能撞正係6:00啱啱收工嘅時間，餐廳入面客人唔係好多。點餐時候冇留意嘢飲係跟餐先平，我同朋友淨叫米線加餸就冇呢個優惠咁一杯嘢飲差不多要$12凍飲再加一蚊，下次會睇清楚先點餐。食落其實係一碗麻辣米線，麻佔九成，食唔出酸嘅味道。咁我係一個酸辣嘅愛好者就對麻辣就不太好，食到利都痺埋，所以如果唔係食得太辣嘅朋友就要再考慮一下。餸方面。豬扒分量有三塊幾多，而且味道不錯。咁我朋友食清湯，佢嗌了雲吞同蘿蔔都好入味。

住係觀塘區既朋友都一定聽過呢間「臻味冰室豬扒酸辣米線」雖然佢有三間分店係觀塘區，但因為地點唔就腳，所以都無食過放工唔知食咩好，就醒起呢間餐廳，約埋同事一齊去試試佢呢間分店係皇庭廣場，即係The Wave個條街一直行到最篤就係啦餐廳空間話大唔大，話細又唔細有梳化位亦都有方櫈同圓櫈座位今晚唔算多客，如果多客既時候應該都坐得幾逼我就叫左豬扒牛展酸辣米線但酸辣另上 (都係因為知佢酸辣可以另上所以先黎試)仲另外叫左炸魚肉雲吞Share碗米線份量都唔少，米線唔會煮得太淋或太硬，啱啱好另外上既酸辣望落好似唔係好勁咁，不過我個人唔食得太辣，都係逐少加落去試下佢既酸同辣比例剛好，唔會太酸同太辣，仲有麻既感覺，幾唔錯豬扒有兩件，都係得兩舊好細既骨，啖啖肉肉質幾淋，唔會太難咬，醃味唔錯，唔怪得豬扒係招牌貨啦牛展有大約四至五片，都幾厚身，淋得黎又帶爽，無選擇錯炸魚肉雲吞一碟有好似8粒定10粒，唔記得左~正當我地討論緊無醬點既時候，侍應就拎左兜茄汁過黎個人黎講覺得甜醬或者甜酸醬會夾好多既...茄汁真係有點兒怪，不過叫做有好過無囉...雲吞皮炸得勁脆，配茄汁都還可以既入面既魚肉餡料都算彈牙同新鮮，用黎做炸雲吞都幾

太酸米線，湯底本身太酸，炸餃子需然分量多有7隻，但品質麻麻，成碗米線浪費哂，而且牛展太硬！唔夠林身好似食擦子膠咁硬，需要改進，整體太失望。希望可以改善下。環境不錯，檸檬茶太濃有少少苦

好耐無出觀塘，今晚經過敬業街，發現新開小店，招牌豬扒酸辣米線好吸引，一於入去食個晚餐。新開較少人，但8點左右就開始滿哂人，環境乾淨又夠闊落，小店的服務就是親切友好，店入仲有電視睇。我點左個雙拼米線，仲有飲品，好味又夠哂飽肚。餐廳主打酸辣米線，仲有麻辣或上湯選擇，另外也有泡飯同水晶粉，餸菜有成20多款，真係樣樣都想食，所以都有個雜錦小窩米線，滿足貪食既食客，小食都有10幾款。餐具就在枱的櫃內，整齊乾淨又方便。秘製豬扒 拼 鮮製韮菜餃 酸辣米線 $44 (雙拼)超豐富好吸引，豬扒大到有半個碗咁大，好似手掌咁大，仲切成2塊方便進食，餃子有4粒。秘製豬扒好嫩腍，醃得十分入味，肉質鬆化又易咬，有少少酥香，浸入湯汁，吸到酸辣味，同樣惹味。韮菜餃子，餡料唔算好多，但就好香韮菜味，菜肉比例剛好，餃皮好爽滑，都吸到湯味。米線好滑溜，煮得岩岩好，口感微彈又吸湯味，配菜有蔥、香芹、芫茜、花生、酸菜……所以食落好爽好香，特別係酸菜，唔過咸，酸味剛好帶甜，好好味。個湯揀左小辣，微微刺激好開胃，仲有點點麻辣。咸檸檬七喜 $16，食完辣野飲啖咸檸七，真係冰涼爽快，七喜甜味中和咸檸檬的酸咸，消膩又清清味蕾，又可以食

路過見個牌好吸引，咪試下囉，叫個豬扒米線，㸃知俾咗個麻辣豬扒米線，唔緊要，我都可以，㸃知咸到好似九製陳皮咁，㸃食！同亞姐講，佢幫我換湯，都頂唔順，問佢攞杯凍水頂下，都食唔落！最後頂唔順，食半碗算，走時俾錢後向老闆投訴，佢都好有禮貌話會查下。

餐廳：臻味冰室豬扒酸辣米線 (觀塘)地址：觀塘敬業街55號皇庭廣場地下3號舖今晚去左觀塘工業區果邊拍野，拍野前緊係去食返個晚飯先啦😎，去左近住觀塘海濱嘅皇庭廣場地下搵左間冰室食米線🍜，畢竟拍野前唔可以食太飽🎬，如果唔係就會有大肚腩同有胃氣😂出鏡就唔太好喇，雖然我本身都有個肚腩仔haha冰室嘅鎮店之寶就係佢地嘅豬扒酸辣米線，除此之外仲有廿幾三十款餸菜比你選擇🤤，亦有泡飯同麻酸辣撈，夠哂多款式我就叫左個雜錦小窩酸辣米線，麻辣湯底可按自己喜好揀唔同程度嘅辣🌶️，非常惹味鮮香😍，呢個小窩米線$45，有多款餸菜，岩哂咩都想試嘅你，包括豬扒(好大塊又好入味)、肥牛、鴨胸、韭菜餸🥟、司華力腸、鮑片等，夠哂豐富吸引今餐真係平靚正，仲包埋熱飲，下次黎開呢頭可以再幫襯

這間剛裝修完一星期的酸辣米缐店，果然光亮了許多，我們這些舊食客當然要來光顧唄！招牌豬扒酸辣米缐的豬扒炸得很入味，再上酸菜和花生超好吃。第一次叫鮮菇酸辣米缐，菇吸收了酸辣湯的味道，更入味更好食，有驚喜👍🏻，直得一讚的