臻味豬扒酸辣米線

Open Now

Now Closed

環境:以lunch黎講 有好多人排隊 唔算太位 有啲迫食物: 最推介佢既番咖湯底，好濃好足料，個日叫左個番咖牛肉泡飯，牛肉大大件，好健康既感覺。 另外，可以試下佢個雜錦米線。好足料，同樣都係45蚊。 佢最出名應該係佢既酸辣米線。中意食米線既朋友，應該會幾中意呢間鋪頭.價錢: 埋單都係45蚊，如果有埋野食更好。其他野食價位大約係40-60蚊到，好抵食.PS: 如果想避開人潮，十二點三前去會有位Conclusion: Lunch 既抵食之選

以前讀書時候同埋返第一份工既時候會過黎食晏 味道依舊 係價錢加左 但係合理既一入門口就聞到果陣酸味 好香！見到大部分食客都係食豬扒豬扒米線 主角 大大碗 豬扒煎得好食 大大啖肉汁 個湯底真係會飲上隱 。 酸得黎 好開胃！。 佢隻辣係食食下先黎料 麻到個嘴 無晒知覺 但係過隱！ 飲飲下 飲晒碗湯手絲雞 依舊 出色 花生 酸菜 蔥， 送飯/麵一流 食到停唔到凍檸菜 夠凍 夠檸以前成日食炸雲吞 但今日無食 因為食唔晒了呢度除左有好食既味道 仲有回憶既味道 同埋冬天食會更加舒服

晚餐點了招牌豬扒酸辣米湯、麻香海蜇雞絲。份量要用大件夾抵食形容，一碗米線足足有3塊豬扒，配菜有花生、芫茜、蔥，啱晒食肉獸！不過如過唔想太多肉可以考慮下叫雙併。我平日唔食得太辣，小小地點左小辣，味道剛剛好，唔會辣到流晒口水鼻涕米線口感爽爽地，很特別！小食方面今日點左海蜇雞絲，食食下佢個麻味會愈來愈強，包圍成個嘴唇，麻味好突出，海蜇好爽口，不錯不錯。店內除症米線仲有水晶粉同薯粉，另外仲有泡飯食，都有幾多選擇，重點係價格好相宜，真心抵食

八粒韭菜自家製豬肉餃$30媽媽味道的韭菜豬肉餃配上湯，價格相宜，同食開嘅米線店舖，冇乜太大分別，不過餃子材料足，一碗都係三十蚊，有八隻大大粒餃子，無米線，淨係得餃子，有送生菜，分量適中，湯入面仲有蘿蔔、花生、 蔥、西芹，食完之後，唔使面底都夠飽肚。湯底食落似係豬骨湯嘅味道。

因為近排食左好多好貴的野，所以今日要食得平D，朋友話e間OK有個餐$36連野飲，好鬼抵，但因為全部都係內臟，所以我就冇叫最後叫左豬排米線，諗住鋪頭叫臻味豬扒酸辣米線 ，豬排應該會唔錯，$30幾都幾抵，不過就冇野飲湯底的酸辣唔錯，辣度好好，，係有少少麻辣果種辣，但唔算太辣，食晒成碗都OK，我唔食得辣都接受到豬排夠味，唔韌，雖然睇落好似煎左好耐，煎到焦左，但食落都唔會好熱氣，只係少少油，不過煎野係咁，最鍾意佢有花生!!!!

叫左韭菜餃酸辣米線and秘製豬扒米線，韭菜餃好好味😋😋😋，每粒大大粒，重要有成6粒咁多，招牌菜-豬扒保持水準😋😋😋,米線分量好多，食完飽到一個點。杯凍檸茶就傳統茶記爆檸👍👍👍

次次都係點豬扒酸辣米線😂的確係好惹味～因為自己唔係太食得辣，所以會要小辣，不過次次都會辣到狂飲野🤣🤣題外話，另外如果係食米線真係要小心，唔好彈到件衫..唔知點解我同朋友食呢間都容易彈到件衫哈哈哈～可能係我地問題

有時起觀塘剪完頭髮都會去下附近食埋野先返屋企。起聯安街馬路斜路邊就有間成日都幫襯既酸辣米線！佢有散叫又有餐叫，餐就平D，30幾蚊連飲品！但我通常都散叫唔到，因為我至少要雙併先夠食，佢一雙併就唔得以餐叫！唔緊要，我最欣賞佢既首先係韮菜餃，好大隻同埋塊餃皮好滑！粒粒都脹卜卜！另外我會雙併肥牛，肥牛味道就見人見智，一般般啦，但我都成日點，純粹個人情意結！而佢間店最出名係豬扒酸辣麵，佢塊豬扒就的確非常大塊，絕對低食既！肉質好淋，但我個人認為另上會好些，因為唔太鐘意食濕豬扒！當然味道都係正正常常，可以的！佢個麵係要講一講，米線滑嘟嘟，湯底酸辣適中，外賣佢會湯粉分開，做到基本細心位！酸辣程度你可以睇個人口味改，淨酸又得，淨辣又得，得左！想食既晚上去好D, 無咁多人，夏天又可以去多D,因為佢地冷氣夠哂凍！

話說2年前黎食過酸辣豬扒米線，念念不忘！今次諗住再食！點知已經唔係果回事叫左一碟酸辣豬扒米線，啲豬扒好咸雖然都鬆軟，但咸到已經唔想食另外就叫左碗蕃茄豬扒泡飯，豬扒一樣咁咸，泡飯仲有啲硬，無以前咁有心機lu...另外再叫多碗比小朋友食，雞絲清湯米線，啲雞絲鞋到...小朋友一邊食一邊lur唔會再黎食

又是晚上一支公開餐的孤單日子。在這情況底下都不用太講究要吃什麼，就決定去食碗既便利又快捷妥當的米線吧....吃米線的話，最穩陣的選擇一定是"譚仔"....其他的，必然就要冒點風險去嚐試....有不少街坊道這兒的米線水準挺好而且又抵食，我又來試一下先....店名開宗明義說自己是豬扒酸辣米線，點這一個自是必然的，不過一向不太亦不能食太酸太辣的東西，故此就只能點豬扒一味招牌，再來配份加上蘿蔔的清湯米線....先喝一口湯，一喝就知下了師傅，可以不用繼續試了；再吃蘿蔔，竟發現仍未煑淰的，有筋渣；米線的韌度一般，遠遠不及譚仔的；招牌豬扒的確一如大家所講醃得很濃很入味，不過有下鬆肉粉處理過的它卻未能獲取我的歡心....米線水平非常一般，此時開始有點後悔落單時加點了一份炸韭菜餃了....餃子的醮醬竟是茄汁這一點倒是令我有點費解的。一口咬下炸餃，竟發現是涼的，顯然是已被炸好後攤涼了一陣子了；餡倒是沒有大問題，韭菜與肉的份量皆多很讓人mouthful，不過涼的炸物入口當然少不免感到油膩。沒夠溫度的炸嘢，好吃極也有個譜....吃完後，小弟得出一個結論就是 ---- 米線還是回譚仔吃穩陣得多了....

#秘制豬扒酸辣米線 $36之前見到openrice有幾多好評所以就膽粗粗試下係咪真係咁正舖頭好細 但去到下午茶時間都幾多人今次試咗秘制豬扒酸辣米線見到好多人都係食依碗😏豬扒好似個碗咁大塊而且又夠腍 亦都醃得好入味😍最正嘅係酸辣竟然有麻辣 仲好麻添 唔食得辣嘅記得要叫店員幫你走麻 如果唔係可能會頂唔順😝米線煮得啱啱好 有彈性唔會煮到腍哂 同埋其實以依個價錢嚟講都算平如果到糧尾又喺附近返工嘅都可以試下呀😋評分：8/10

今日去左觀塘食一間出名食豬扒既米線🍜今次試左撈米線🍜，如果唔中意食米線仲有其他麵選擇。#秘製豬扒麻酸辣撈 💰40份量真係超級多😱🐖豬扒好大件，酸菜多到遮住曬啲豬扒😂仲有少量既花生🥜。啲米線太多辣油，好似油撈米線，而且食落太淡，🤢🤢🤢，豬扒醃得幾入味，好淋身，好味😋好味程度：😋😋😋（十分最高）呢間野既缺點係飲品價錢幾貴🤦🏻‍♀️，平時加$6左右，呢度要十幾蚊。得可樂係加幾蚊🙍🏻

下雨天都無阻我搵食嘅心情😝😝，經過觀塘試下呢間抵食嘅酸辣豬扒米線、大大粒脹卜卜嘅蠔仔肉碎湯飯同埋佢地嘅炸韭菜餃！大塊豬扒米線湯底偏酸唔好辣，可能小辣嘅關係，對於鍾意食辣嘅朋友黎講可以叫中辣大辣，至於蠔仔湯飯個湯好香芫茜味，蠔仔肉碎勁多勁足料，每啖都一定食到兩三隻蠔仔，配埋炸得鬆脆嘅小食炸韭菜餃一齊食就最正！👍🏻

A new delicious noodles place spotted after a Sunday yoga class in APM. It’s only less than 10 minutes walk from the shopping mall.For HKD$36, I was surprised that I could get this much pork chop and noodles! I love the sour and spicy soup base. Most of the times it’s only sour but not spicy for this kind of soup base, but this time I have a numbing spicy and sour one. Good job!The pork chop was amazing too! There were so many pieces of it! Love it! They are so tender, flavoured and meaty! Not b

之前觀塘返工久唔久都會食開呢間豬扒米線，今日難得重回舊地梗係要回味下啦～～～正如間鋪名一樣《臻味豬扒酸辣米線》，豬扒米線當然係重點推介！印象中麵（豬扒麵+雞翼麵）叫雙拼麵係冇咁抵嘅所以我就同朋友一人一碗單併再開心些牙，就變成一碗豬扒雞翼雙併麵🤣無食咁耐豬扒仍然無得輸，好惹味，煎得夠香又唔會太un，雞翼係美極味雞翼，唔會太乾爭爭，米線好咬口，花生蔥酸辣調味剛好，唯一美中不足係今次湯底偏油（應該因爲啲酸辣酸菜），令我有啲卻步😅整體黎講係價錢抵食又好味，如果可以改善下‘不’酸辣酸菜時唔好‘不’咁多油，隔一隔先上碗的話應該會好啲！順帶一提，呢度啲野比較味濃，食完個口易有味/衣物亦易有油煙味，如果食飯後有特別活動要去/見特別人的話要小心留意喔😏🙊🙊🙊