臻味豬扒酸辣米線

Open Now

Now Closed

lunch time 經過附近就過黎食個米線🙋🏻‍♀️平時食飯時間都例牌要排隊，可能真係幾抵食同有返咁上下水準嘅😎個人覺得舊店好食過新店，所以我次次都去呢間🤗叫左韮菜餃子上海麵,蕃茄湯要加$3 ($33)有六隻餃子咁多，碗麵仲要唔細😱😱😱真係好平！好多蕃茄，好足料👍🏻👍🏻其實我覺得酸辣湯好食d👀另一碗係牛輾雜菌蕃茄湯米線($40) 都真係好唔錯，牛輾夠淋又多雜菌🤤但係米線就略嫌淋左少少，不過都可接受🤭

都叫係觀塘，但係隔咗一條大馬路，同APM嘅人山人海對比呢面就相對靜好多啦。位於斜路上嘅臻味，主打豬扒米缐，$36 大大碗，抵食的。今日唔想啖啖肉，望下個餐牌，研究下有乜其他選擇。見到有泡飯喎！三十零蚊，試吓囉！鮑魚肉碎泡飯$39，個名十分吸引，仲要貴過蠔仔、豬膶同牛肉。莫非堅係有鮑魚？之後就發現，係自己諗多咗啫⋯⋯咪又係急凍素鮑片 ！ 味道好清淡，欣賞佢落咗好多芫荽蔥同埋芹菜絲，令到個湯底好香。但亦唔欣賞佢個泡飯底，一舊舊的飯都冇整碎過，好 hea 。實在太淡了，所以叫咗個麻辣雞腎$26 平衡吓。辣味主要來自麻辣油，所以面層基本無乜味，底層便好香了，唔太辣，啱啱好。叫左兩種食物共 $65，相比豬扒米缐$36 便貴很多了，下次都係食返豬扒平靚正算了。

這一天下午又有充足的時間去下午茶周圍搵見到這裡推門直入內裡人氣就無乜但的檯凳是密密麻麻的！一家普通的麵店，不需要有什麼吸引的裝潢看了幾看餐牌，此名掛名的是豬扒米線餐牌有紅薯粉同米線兩個選擇，亦有酸辣同麻辣兩個選擇所以選了其掛名的豬扒酸辣米線這碗米線豬扒就是以厚切的煎豬扒！放入又酸又辣的湯內酸是利用了大量的鹹酸菜放湯而成辣就是用了適量的辣椒粉粒而成也能夠清晰的食到豬扒的肉香味米線又不是太腍，感覺幾好。埋沒在街角的小店，其實是有水準的

呢間平平無奇的米線店舖，原來身邊好多朋友都會特登坐車過來食，試過一次之後，真的不錯，所以一直支持！豬扒是必食首選！外賣的人比堂食的人多，所以不用擔心無位！👍🏻配料有酸菜，芫茜，炸花生，口質很好，加上湯底，脆脆微酸，一流👍🏻豬扒好入味，煎炸過，鬆鬆軟軟的😋😋😋超好味！一定要試！

觀塘很多都是西餐的餐廳，而且越來越貴，偶然會過來這邊吃碗平價米線，中午時分一定擠滿上班族及學生，若然晚一點點來，已經要排隊等候，所以要來就要趁早點。韭菜餃酸辣米線：最喜歡這個米線，價錢平民，份量夠多，韭菜餃也有6隻。之前人較少的時候，見到店員自家包餃，皮薄餡料豐富，毫不吝嗇，韭菜味道係惹味，配料有很多芹菜、花生、芫茜、蔥花及酸菜，湯底夠酸且麻辣，吃到一半，嘴唇都變得麻痺，不能吃太辣的客人記得跟店員說小辣啊~

平時同同事都係食外賣或者出去食，但日日出去食實在太貴了！所以都要搵幾日食啲平平地又好食既野...臻味豬扒米線就係我地其中一個選擇之一！一來價錢便宜，二來係觀塘附近有得送去公司，三來味道都算唔錯，今日我因爲腸胃有少少唔舒服，所以就叫咗個清少少既手撕雞米線。臻味好既係會將麵同湯分隔送嚟，就唔驚啲麵浸淋，而佢手撕雞其實無咩味但勝在撈埋啲麵麵幾好食，再加埋啲酸菜花生都幾好食，所以呢間野食極唔厭，每星期都會食返一兩次先正

琴日去左十年都唔去一次既牛頭角做野⋯食到家姐推介既米線🍜點完豬扒酸辣米線（$36）就聽到尖叫聲🤯聽d食客講話鋪頭有老鼠🐁 估唔到我相當淡定 可能我見唔到😂其實好多餐廳都有老鼠 只係你見唔見到咁解🤷🏻‍♀️所以唔係我附近行過都無咩所謂講番個米線 我轉左上海麵🍜但酸辣竟然幾麻辣下😂頭幾啖好好食 中間開始好麻 唔太鍾意😂但除左花生同肥膏 其他都食哂😏

豬排與湯頭非常融合，酸酸辣辣的口感讓人想到就口水直流。真希望能在台灣開一家，不然解饞都只能跑香港一趟。吃過乾的和湯的豬排米線，兩種方式的烹調都很好食。豬排炸的真是不錯。

今日接個朋友收工再諗住去APM行下街，佢係牛頭角放工，平時好少黎呢頭，諗住叫佢帶我食下啲好野，點知佢話呢間佢都未食過，但平時LUNCH見到都有人等位既米線。係膽戰心驚既情緒下就入左黎呢間米線鋪。地方唔算大，環境尚可，服務態度不錯。睇睇餐牌，冇理由唔試下佢用黎做鋪頭名既豬扒酸辣米線?!朋友就望左幾下OPENRICE，最後挑選左出名既鮮蠔仔酸辣米線。秘製豬扒酸辣米線 $36 (走青)好大碗呀，有3大舊豬扒，仲有我最中意既酸菜，好多花生，好多米線!!湯底不錯，但食到中段開始覺得好油，豬扒冧過龍，軟綿綿咁，可能落左好多唔知咩粉打鬆佢搞到佢咁冧，麻麻地，同埋有少少咸，重口味既人會中意。不過整體都OK GE。鮮蠔仔酸辣米線 $34至於好友呢個鮮蠔仔酸辣米線啲鮮蠔仔真係不得了，我試完一粒又一粒。XD蠔仔好新鮮，完全冇腥味，粒粒都脹卜卜咁，而且都好多粒，估唔到蠔仔都可以做米線入面啲餸，我都係第一次咁食!好味!!

呢間豬扒米線標榜麻辣，但我覺得佢個蕃茄湯底都好正，真材實料，超多蕃茄同薯仔，飲落蕃茄味好濃郁，配料我次次都揀魚肉，見佢係新鮮打，好彈牙，同埋依家無咩餐廳可以揀上海麵，呢度又整得好食另一必食推介就係麻辣蠔仔，不過佢啲蠔仔大唔大粒真係要撞下彩，上次試過勁奀，好彩今次遇到勁正嘅大粒蠔仔，粒粒都好似吹帳咗咁，好飽滿！仲有佢個辣係辣得好過癮，愈食愈想食，麻得嚟又可以食返酸菜平衡下個辣度，由於唔係太食得辣，最後都要嗌返杯凍柑桔解解辣

之前住觀塘既朋友推薦過呢間米線，一直都未有機會試，難得今日放假就約埋朋友黎試食。下午茶餐幾抵食，$36包飲品。如果散叫加飲品都可半價韭菜餃酸辣米線🍜（下午茶餐$36）有成6隻餃咁多，係鋪頭見住佢包，自家制皮薄多汁餡料多配埋酸辣湯底一齊食味道一流而且米線軟硬度適中。食到最後個咀有少少麻痹🤣🤣豬扒酸辣米線🍜有兩塊豬扒，煎得幾香而且唔會乾朋友叫左小辣，我自己就覺得淡左d麻辣無骨鳳爪（冷盤）無想像中辣，朋友唔太食得辣都食到。但大家一致讚好夠凍又爽口

10點幾喺附近做野同上堂，因為太趕時間都無食到晚餐，完哂全部野超級餓，想食點心但係已經close左，咁睇下條街有咩食啦，行到盡頭見到有間米線仲有人仲可以落單就入去坐低啦！心大心細唔知食乜，咁揀左個雜錦乜都有d唔駛煩。碗麵黎到好大好豐富,心諗咁夜仲食咁多好邪惡呀成個麵最好食係豬扒同埋個餃子，豬扒好入味又唔鞋拾拾，幾好味，仲唔會太咸，幾好幾好！食完成碗麵飽到上心口，下次如果黎可以試埋佢d小食，happy share

一到lunchtime, 呢間餐廳門口一定大排長龍，除左等位堂食之外，唔少都係附近番工落黎買個外賣番office食。（呢張相係有一日weekend OT完黎食下午茶嘅時候影的，平日肯定唔會咁空）附近求其搵間茶餐廳都要$40幾蚊，但係呢間米線鋪，都算係窮苦打工一族hea食嘅good choice。餐廳環境都唔錯，幾舒適，似新裝修。如果遲咗出office，落到去冇哂堂食位坐，外賣都唔錯，雖然外賣要額外$1蚊，但等5至10分鐘之內就ready，都算係快靚正。不過，要留意番間餐廳只收現金，唔收八達通信用卡魚肉雲吞酸辣米線 （$30）外賣會幫你分湯，湯底酸辣味剛剛好，米線份量好充足，女仔食應該會太飽tim

不合理的麻，香料下得太重，除了麻什麼味道都沒有了，酸辣米線，既不酸也不辣只有麻..麻和麻，食到滿頭大汗，試一次都嫌多，一碗也吃不下！其間也有客人投訴味道不對勁，可見不只有本人頂唔順，Dislike!

豬扒米線－想必令人聯想起位於筲箕灣東大街, 食客總是川流不息的「阿一」。但今時今日就只會想起「臻味」!「它們是姊妹店嗎?」食客們有著相同的疑問。「非也」, 原因是老闆郭先生曾經為「阿一」的主廚, 如今自立門戶, 建立「臻味豬扒酸辣米線」。這裡的招牌菜秘製豬扒, 肉質鮮嫩多汁卻不油膩、口感鬆軟、份量十足性價比高。個人推介撈水晶粉, 芫茜、蔥、酸菜等配料加上秘製醬汁, 味道香濃、相當惹味。菜式的味道、賣相和定價都比前人更為進取, 足見廚師對於食物別具匠心, 獨樹一幟。