良記一哥粥品 (Closed)

二月下旬．晴要為新書找資料，有好些食肆及食物也要重新影過。記起這裡的白粥，來一碗。這裡的粥夠熱，稀杰適中，有米香，不靠其他材料幫忙，原汁原味。也要了蝦米腸一碟，腸粉不夠滑，較膩口，不過即拉夠熱，沒有失敗的道理了。再去第二間再吃。

呢間食店白天是買粥品, 本人未有試過, 夜晚會做兩圍私房菜, 當然要預頂, 一上到去熟食層2樓時, 經過好多間唔同炒餸食市, 見到d 人食梗d 嘢都好好味, 走咗一個圈先至見到我地今晚先至找到我地要去既食店, 今晚只有我地一圍!!胡椒豬什湯 ~ 用新鮮豬什煲, 胡椒味好重, 最重要係無味精, 幾好味!鹵水乳鴨 ~ 鹵水味不夠, 乳鴨就好嫩!!蒸醃仔蟹油面底 ~ 醃仔蟹周邊放咗d 豬肉碎一齊蒸, 好似豬肉餅蒸蟹咁, 底下仲有油面! 蒸魽魚 ~ 魽魚係淡水魚, 魚就滑但無魚味!蒸釀茄子 ~ 茄子釀咗豬肉碎, 炸咗再放粉絲係面再蒸, 好油!!炸釀魷魚桶 ~ 魷魚桶入面釀咗無味既白飯冬菇再炸, 一d都唔好食!! 芥蘭炒牛肩肉 ~ 老闆話呢d牛肩我地買唔到, 買到都好貴, 一上枱買相好得, 點知牛肩淨係食到soda 粉味, 一d牛味都無, 最終淨咗大半碟, 因唔好意思只好打包再掉, 實在不能食!! 酒煮花甲 ~ 呢個無難度, 只要花甲新鮮, 煮得唔過火, 人人都可以煮得好味!!上湯娃娃菜 ~ 一個字.."油"...今次來呢度食都係友人食過話得, 點知係唔得唔好味唔會再去, 咁既食物質素點可以做私

光顧了不下10次，為何老遠也從港島飽去為了一口粥，當然有其吸引的原因！招呼不錯，老細一哥是老實人，因看其定价便知了！閒話不說，老實講這裏所有粥品及炒麵腸粉亦只是配角，最吸引我的是其主角~海鮮粥，首先粥底夠綿，再加上海鮮鮮味，簡直無懈可擊！至於食法就豐儉由人，較經濟是叫他提供的海鮮粥，選擇有有蟹、角螺、花甲和蝦，每款只需30大元加一大湯碗粥，絕對超值美味！假若想豐富一點，就可先到樓下海鮮檔選購自己喜歡的海鮮再給其加工，絕對又是另一種享受！本人就通常會選擇後者，當然全因"為食"之故！本人曾為了分別海鮮粥和其它粥品的分別，因而特地叫了一碗其它粥品再加海鮮粥，結果...ha ah..以后也不會再做這種蠢事了...最後一點不明白為何隔鄰那檔麵檔那麼多人，曾有一次好奇叫了一碗試吃.....對不起！沒下次了！

我同細佬係良記既 fans, 一個月都有一次食良記既, 不過今次好似有小小欠準.....個粥都 ok, 不過 d 豬潤就好老....以前食果d係 arm arm 好咖, 唔知點解呢???希望下次去食番個水準啦!! 其他都無咩等別 (因為唔係我食, 所以唔知)

於東記吃麵，於是就於隔離良記要了一杯凍奶茶。一飲，茶味勁濃，雖然走了甜，但加了奶飲後一口漿住，咁覺不是甚好。價錢10蚊，很化算，阿姐服務亦不錯！

星期五下午膳時間去到, 慕名叫了魚腩粥及蝦米腸, 兩個字 “失望”。第一, 魚腩粥只有一塊魚腩, 其餘兩塊只是普通魚肉位, 真係當我傻, 魚腩骨是較粗, 普通魚肉位則較幼, 呢碗粥最多只可叫魚肉粥, 不能叫魚腩粥。第二, 蝦米腸放在眼前, 好似一碟垃圾, 亂七八糟, 又大條又細條, 又鬆又散, 又厚又薄, 全部係頭頭尾尾, 好彩, 入口還可以, 但賣相一定不合格, 絕對無 “Jjcaptain”映張相咁靚。第三, 餐牌上寫明$19一碗魚腩粥, 埋單時收$20, 問收錢的女士, 佢話加左價未改餐牌, 咁都得? 我可唔可以話知道$20唔食, 因為我只得$19。第四, 間粥店跟本唔多客, 我在1:30pm到, 2:15pm走, 都係只得我一台, 反而其他茶餐廳及麵檔更旺場。第五, 周圍環境, 唔洗多講啦, 心照啦!

又再到大埔街市覓食。每次嚟到，總要一連食幾檔先至盡興...呢間曾經得前輩江獻珠女士大讚嘅粥舖，賣點係可以自攜海鮮嚟炮製自己心水嘅粥。不過今日得一個人，唔方便攪咁多嘢，於是只叫個魚片艇仔，再加碟蝦米腸...腸粉先來。望見D蝦米大大粒已增加食慾，一食下蝦米確實鮮甜，可恨腸粉本身不太滑，否則絕對係一碟出色之作...粥滿滿一大碗，米粒份量相當地多，且粒粒開晒花，喜歡食杰粥底的如小弟就一定啱晒；魚片新鮮，入口夠甜；成碗粥塞滿咗炸魚片條，平時艇仔粥常見嘅牛肉碎、豬皮條及魷魚鬚反而不多，似乎配料份量係有D失衡嘞...不過總括來講，依然食得過...

去到見到生滚粥可以Crossover 心中興奮因為地方叫親都set 好曬好似唔多願改咁今次雞粥Crossover 艇仔粥走埋魚旦D 雞我食到有酒味好香粥底又唔稀仲幾多雞件1碗已經4 , 5 舊真係非常好=] Bonus係個waitress 服務唔錯可能平日卦不過真係幾好下次想叫蟹粥試

假日的東記幫襯人流非常多，若普通等位可能要站上數分鐘才能稍有一張半張檯椅，特別方法就是過來東記隔離的良哥，跟他要上一兩杯冷飲，就可進佔一張檯之餘更可向東記直接落單，一家平宜兩家著。這裡超級大杯裝檸檬茶當然是必然選，大半個檸檬的份量加上香濃的茶味，相當得妥，而十三元一杯的認真超值，其他茶記，凍飲普通裝都已經是這個價錢呢！

多次到大埔舊墟街市熟食想幫襯這裡出名的鯇魚腩粥，不如為什麼總是關門，幾次都是望門輕嘆，今次本亦打定輸數，但可皇天不負有心人。鯇魚腩粥多蔥及蝦米腸；鯇魚腩粥份量很足，裡面真的有不小鯇魚腩，件件足料，而鯇魚夠大，魚味很鮮，加上不小青蔥，這碗鯇魚腩粥果然不俗；另外蝦米腸是鮮拉的，雖然蝦米不是大粒的那種，但蝦米味濃，配上滿是米香味的腸粉，知道為什麼這裡總是人客不絕。阿姐們客客氣氣，招呼不錯；而這魚腩粥不需懷疑，其他的就不知；價錢經濟抵食，果然是這層樓的名粥店。

再次到大埔，當然推介這裡的粥給朋友試試，我們買了一碗魚腩粥外賣。魚腩粥- 粥底好綿，帶有濃郁的魚香味，實在不可多得；魚腩今次煮得熟了一點，但魚肉新鮮，感覺都唔會太差。朋友也說很好味，只可惜朋友怕魚骨，只試了少許便沒有再試了。

早前假日入了大埔一行，食完平記便行過來這裡食粥。我們叫了秘製鯇魚腩粥、炸兩和凍檸賓。秘製鯇魚腩粥- 很有魚味的粥底，不像其它食店用白粥做底，感覺上更加好食，粥底煲得很綿，鯇魚腩很新鮮又嫩滑，實在是不可多得的一碗粥。炸兩- 油炸鬼相信已炸起很久，完全腍了，腸粉皮太厚，如果係新鮮炸起，可能會好一點。凍檸賓- 解喝清甜，又唔會太甜，消暑良品。

與平日不同, 早上是先在家附近吃早點後才上班, 吃的是最簡單的白粥腸粉, 白粥煮得好綿, 但絕不是稀稀的粥水, 內裡煲得開花的米粒不少, 腸粉外觀很有光面感, 口感很煙韌, 雖然食品簡單, 但也不見得胡混過關。