芝味屋 (Moved) New Location

無意中第一次食，覺得黑松露長通粉好好味，係幾日後肚餓諗起想食返個種，係香港食過唔少cafe，好少有呢種感覺，大部分都hea。第二次，真係食返長通粉，個汁好好味今次星期日加長假期，唔想出去迫，又嚟咗屯門食，又係好好味，下午茶好抵，睇OpenRice 佢咁少食評忍唔住打返篇，第一間令我無端端花時間嘅打食評嘅鋪頭，但我唔記得影餐牌😵唔貴，Tea大約3-50蚊，平常午餐size,包熱飲唔知係咪我一路食一路樣樣都好滿意，係咁同frd邊食邊好味好味，好飲好飲，好清靜，哼晒歌心情大好，收錢個陣個老闆定店員比邊張20蚊現金卷可以下次用，唔知係咪feel到我好鍾意間嘢，同埋想講我未比已經諗過要寫食評讚一讚間嘢，幾有誠意影晒相，見字速速去食，唔該

係屯門市中心周圍其實仲有好多小店 今次就去左係兆麟嘅芝味屋 外表似普通茶餐廳咁 菜式都係類似嘅港式日餐 不過驚喜嘅係好似佢個名咁有專門芝士系列！咁就係必試菜品啦🍝招牌芝士雞扒焗長通粉💰56睇面頭淨係可以見到焗到焦黃嘅芝士 但係掀開就見到下面全部都係芝士醬汁！每一條長通粉都可以裹到芝士 而芝士好似被咁kum住D雞扒同長通粉🤣一開始空口食芝士真係好正 最鍾意係焗到一塊塊嘅芝士😻雞扒幾香口 唔太油膩 長通粉撈勻之後會開始覺得漏 食到最後似忌廉汁長通粉咁 所以冇食晒🍛黑椒汁雞扒焗飯💰56黑椒汁其實同芝士一樣都焗得好焦香 係茶記嘅偏鹹口感 而飯粒會好幼長 冇乜飯香味 如果用煮淋D嘅珍珠米應該會好好食😹整體來講呢到其實偏港式茶餐廳混合日式咁 賣點芝士都唔錯嘅 不過食耐會覺得漏啦 frd之間互相share都可以食多幾種都唔錯！新派茶記都可以選擇呢個～📌 芝味屋 (屯門)屯門豐安街2號翠寧花園地下19號舖

以芝士為主打既輕食餐廳 焗飯 小食都係勁好食勁出色 因為佢每款都係落單即煮即焗即炸,講究新鮮,食物一定好食菜式 焗肉醬意粉 焗炸雞芝士通粉 芝士醬炸薯條 芝士雞翼彈牙既意粉上面放滿肉醬芝士汁再爐烘焗 芝士半溶肉醬熱辣辣 襯熱拌勻意粉一齊食味道香濃肉醬微辣開胃每條麵上都掛到芝士醬汁非常滋味炸好既雞翼上都淋芝士醬,鐘意芝士既朋友呢度真係每款菜式都係芝士味濃!炸粗薯超大碟,最後仲淋埋芝士汁 第3道菜式都係充滿芝士味道!夠濃又惹味!又脆口!最後一款係無骨炸雞三色芝士焗通粉 通粉上放了幾件炸雞再加3種芝士焗熱先上碟食到咸香又拉絲既芝士質感 雞肉咬開好有肉汁仲超級香脆 長通粉掛滿3色芝士好味道!平均消費$250評分8/10芝味屋

之前食過一次覺得麻麻地，今次再試覺得幾唔錯🤪😋 芝士豬扒飯 $54呢個係佢哋嘅招牌焗飯，一打開就見到好多芝士，用都刀塊雞扒嘅時候都feel到塊扒煎得幾好，一定唔韌身先。成盒飯得芝士、雞扒同埋飯，多少少配料無咁單調會更好😗 雞扒煎得好香，少少彈牙唔嚡口，皮仲有少少燶～ 芝士有啲似芝士奶蓋嗰啲😹 再濃啲會更好！

屯門都有出名嘅芝士麵！有日放工特登去食，位於屋苑入面。對於唔識路嘅人都有小小難搵！出名食芝士麵所以點咗個雞排芝士麵！好快就上餐。見到咁多芝士都嚇一跳。雞排都大塊！不過塊雞排無切但又唔比刀人，依點有啲唔夠貼心。芝士好香濃，撈無味嘅公仔麵真係絕配。$44就唔包嘢飲，只有一大碟麵～真係可以一試！只係地方有啲唔就腳～

同老公結婚一周年～.呢一日無高級紅酒無浪漫氣氛，亦無送花～本身工作太忙都拖到無打算慶祝，但老公臨收工時問我不如陣間出街食，雖然食嘅都係平民老百姓嘅嘢，但我竟然好開心😃.💛煎挪威鮮三文魚柳配新薯三文魚份量唔算大，對於男仔嚟講可能唔太夠，大概一個手掌多啲～煎得唔會過熟或太嚡，淋喺上面嘅燒汁甜甜地幾夾；旁邊嘅新薯細細隻，薯仔味重，幾清新～中和返汁嘅甜膩～💛紐西蘭牛肉眼塊🥩我話要5成但熟左啲但未至於好似𡁻香口膠咁，中間筋位有少少🤏🏻難咬，都煎得幾香，帶點微微嘅黑椒味；普通薯條🍟比較幼身，味道正常，而且都有啲脆口嘅～.整體嚟講，以呢個平民價錢都食到高汁質素嘅味道～而且留意到小店不時都會轉新menu，食物款式都有新意～.更多不專業但真實分享嘅食評，可以留意或follow IG🐷char.lei.w～

💛黃店 Hello 大家好🙆🏻‍♀️今次要介紹嘅食物就係位於屯門！📜”芝味屋 (屯門)📌地址:屯門豐安街2號翠寧花園地下19號舖1️⃣ 野菌煙肉卡邦尼意粉🍝 $39 包飲品2️⃣ 招牌芝士薯條🍟 $30 包飲品我哋去食下午茶☕️入去坐左成三個半鐘🤣同朋友一齊傾偈😋環境靜靜嘅冇人阻住我哋傾偈😏仲可以坐咁耐又咁平價錢抵到爛😍😍個薯條真係好大份我哋兩個人share都食唔晒即叫即炸所以等都等咗半個鐘👀味道真係好出色 唔會慳芝士🤤🤤個意粉又大大份😬😬飲品都好大杯㗎！仲唔大大力去幫襯👍🏻👍🏻KS評分 (5個最高)環境:⭐️⭐️⭐️⭐️⭐️味道:👅👅👅👅👅抵食指數：💰💰💰💰💰#kskfoodie #美食推介 #屯門區 #屯門美食 #屯門美食推介 #黃色經濟圈 #新界美食 #hkfoodie #美食分享 #hkfood #美食 #吃貨 #hkfoodig #hkfoodlover #食評 #foodiehk #foodieksk屯門 #hkig #尋找美食 #香港美食 #屯門黃店 #美食好推介 #foodpics #852food #iamfoodie #foodiesofinstagram #相機食先 #food

熔岩芝士安格斯牛肉煙肉漢堡包🍔配薯條🍟 $72因為係外賣 拎到返屋企啲芝士可能會稠咗小編就輕輕叮返溶佢 發現真係好多好多好多芝士！😍咁邪惡得唔得嫁🤤淋完芝士之後 小編一度呆咗 望住佢唔知點入手好👀((其實都係得切嚟食會最穩陣漢堡夾住好厚嘅牛 芝士 仲有煙肉🥓蕃茄🍅生菜🥬同生洋蔥🧅 成個漢堡包好高安格斯牛肉扒唔算juicy 但都唔差 牛味頗足整體嚟講 除咗多芝士極邪惡 就冇咩特別喇但係芝士控真係要嚟試試佢啦🤘🏻至於薯條就唔理堂食定外賣 每次食都係熱辣辣 夠曬脆 份量仲好多🔥食完成個餐 唔捧住個肚我話你叻啊👍🏻🤣

之前喺屯門返工，見屯門黃店地圖有間專食芝士嘅餐廳就用google map行過去原來距離屯門市中心都幾遠下，大約行左成20分鐘叫左個芝士焗豬扒公仔麵個外相都幾靚嘅但一食落口就發現芝士味相當清淡....唔夠鹹，芝士又無拉絲豬扒就幾好食嘅！唔韌 唔乾 肉裡仲有啲水分😛不過可能係我點嘅芝士豬排公仔麵唔係最好食嘅選擇因為環顧四周，無人點我食嗰個芝士豬排公仔麵😅佢哋食嘅芝士汁個色水都深黃過我😅😅我嗰碟嘅芝士汁好似比較pale讚一讚佢嘅內部裝修好靚：）

今次是第５次光顧，試過早餐、意粉、咖喱飯、烏冬。食物比一般茶餐廳精緻一點，尤其是意粉，近似西餐聽的賣相和味道，是安定友愛餐廳中最好的。咖喱是日式甜咖喱，甜，不油，似日本家庭菜，是我偏好的味道。但想食辣的話就要失望了，同區也有更好選擇。

今日買左份外賣午餐，打開真心要鬧爆佢個名叫翠玉瓜排骨飯打開份飯得兩舊排骨三舊細細翠玉瓜啲餸好似煲過湯既湯渣拎返出來煮比你食味道其差仲要47蚊🤬🤬做得咁無誠意就唔好做生意未試過見到份外賣咁嬲嬲

下午茶價錢☕️蜜糖芥末雞翼配薯條🍟 $28雞翼即時炸 所以等嘅時間有啲長佢個醬幾好味 同平時食嘅蜜糖芥末醬有啲啲唔同 佢甜少少 有啲啲似蛋黃醬🤣薯條幾乾身 唔會好油 而且仲係微脆同熱嘅加分👍🏻睇落唔算多 但其實幾飽肚利申 當日第一餐😬卡邦尼意粉🍝 $38意粉有啲細碟 不過以下午茶黎講嘅話 個份量就岩岩好意粉每條都沾到醬 好夠味😋而且個粉唔會太冧又唔會太硬 岩岩好啲料都幾多 啖啖都會食到😙有洋蔥 雜菌 火腿 煙肉碎有冧又有脆 口感好豐富

小店比較隱蔽喺翠寧花園入面地舖一打開個餐牌 嘩乜咁多選擇對於我呢啲選擇困難症病人好有挑戰性最後男朋友揀左芝士焗豬柳飯我就揀左餐牌入面推介嘅芝士焗雞扒長通粉另外我加左$15有好大碗蕃茄羅宋湯好足料 不過味道偏酸 冇辣味到主菜喇 首先係焗豬柳飯配熱華田芝士好夠 超鍾意食芝士嘅我好滿意但個飯唔係炒飯 有啲失色肉都好夠份量至於杯熱華田好夠味 好正跟住到雞扒長通粉首先都係芝士好足料但係個長通粉明顯烚得太耐 好淋身價錢唔太記得 大概$50-60 合理價錢至於味道有改善空間 會再幫襯

焗芝士雞扒配長通粉🧀 $46身為芝士控 當然要試試以芝士命名嘅芝味屋啦😆滿滿嘅CheddarCheese同Mozzarella Cheese兩種叠埋 蓋喺雞扒同長通粉上面邊邊亦有少許焗後嘅微焦賣相唔錯👏🏻雞扒冇乜特別 係有少少咸😖個人覺得成個長通粉嘅調味位都係靠芝士🧀除左芝士嘅咸香 個粉係冇其他味芝士夠多 拉絲效果超好🤩而且可以撈到條條長通粉有芝士但長通粉略乾 食落嫌有啲硬😕始終太多芝士 所以食到後面有啲膩🤣

和朋友 路過翠寧花園見到一間新開嘅餐廳 感覺環境不錯 舒適 我哋就行 入去 食個下午茶先 叫 咗 一個 芝士薯條、卡邦尼意粉 、芥末蜜糖雞翼、 芝士薯條有拉絲嘅感覺很不錯、卡邦尼意比 Pizza Hut 的意粉 好吃得多了、 芥末蜜糖雞翼 香脆可口甜甜的幾 特別、 餐廳裏竟然有歌聽、在屋邨餐廳算是不錯 的環境、 輕輕鬆鬆 聽下歌 食下嘢 咁就過了一個愉快嘅下午 價錢超平 一個 卡邦尼意粉 兩個小食兩個凍檸茶 每人平均都係50蚊 左右 真係抵食好過去大家樂 真係要畀個like佢