花園金閣 (Closed)

以為呢d任食既, 都好多人等位架喇, 而且仲要係星期六晚, 地點仲要起咁旺既旺角區, 去到9.45pm, 無人等位, 仲要即時有檯比到我地, 以為咁筍, 點知一試就知龍與鳳叫左個鴛鴦湯底....一d味都無....白恰, 係鹽都無, 可以講得係非常之健康, 後尾友人狂點南瓜, 冬菇, 黃牙白,粟米, 羅白, 冬瓜....自創一個湯底, 另叫伙記比d鹽我地, 終於有番d起色其他餸料都好一般, 不過見佢價錢咁平, 可話算係咁, 但千其唔好叫佢d芋絲, 完全無果種口感, 似米線扮芋絲, 免費飲品有酸梅湯, 可樂, 啤酒, 竹蔗茅根水呢度黎一次就夠, 雖然真係好抵, 埋單每人都係$95, 但佢地加湯, 只係加滾水, 所以搞到完全無味, 伙記又間唔中走黎sell下粽券,好hard sell...落左order有時會拎漏野黎

今晚同老公&友人一齊上去試一試,我地9:30後先上去,去到就有卡位坐添,叫左皮旦湯底之後即係點野食,因為實在太餓喇,望下張order紙都ok呀,算多野食喇,叫左:肥牛~ok噃真係,唔太肥唔太瘦手打三寶~墨魚丸,正!炸魚皮~林既羊肉~都唔錯魚雲~新鮮蝦~ok豬潤~有一兩件粉左d菜~都好綠呀其實整體都ok呀!最好就係可樂都係$3.8一罐咋,埋單每人都唔洗一百蚊,但係坐左3個鐘,仲有tv睇添,d阿姐既服務態度就好個別喇,有d都ok既!都會有下次既!!!

星期五晚7pm到達,連加一小費大約$117一位。食物種類多,10款食物最多只有1項沒來,而且上菜速度也算快不會等太耐,只是湯底比較淡,加水會變得越來越淡, 最平就是啤酒 $2.8一罐,豪飲也不肉痛。這個收費也算合理, 應該會再來幫襯。

雖然唔講得係好好食, 但咁既價錢又任食, 算係咁啦.今次一行三人食！果日係星期三, 9點左右入座. 其實8點半我已經上到去, 不過friend未到, 所以 "力" 定 "非" 等. 其實8.30 又好, 9點又好, 裡面都唔算多人. 唔同上一次星期五去, 約8.30上到去, 足足等左30 mins.話明任食, 梗係睇有咩野食. 都係一般火鍋野, 冇花支片, 珊瑚螃, 但有蝦. 肥牛, 乜丸物丸都有. 另外有竹庶茅根水任飲! 不過係水左小小, 似糖水多d.不過佢d飲野都唔貴, 嘉士伯2.8/罐另 1, 可樂 3.8/罐另加1, 都咪話唔抵!其實2次之中我地每次都坐超過2 1/2小時, 但都冇人趕走. (會唔會夜既關係就唔知)服務係一般, 你叫佢都會好快到/做野. 劃左既食物都好快到, (不超過5分鐘) 但係你要習慣佢會碟疊碟咁比你, 你見唔慣就真係唔好去喇. so far 我幾2次又冇人食到肚痛. touch wood其實呢個budget 有咁既service and 任食, 仲要響mk, 真係算係咁. 唔可以要求太多.

話說喺海天亞洲漁港http://www.openrice.com/restaurant/sr2.htm?shopid=11574有不快的經歷~我們好快就決定去創興看看那一間好啦~上左8樓花園金閣打邊爐埋單價117而且唔洗等位~立即入去了仲好好咁有海鮮拼盤送~坐下慢慢發現唔對路任飲的竹蔗水同埋酸梅湯味道係一樣的~飲緊糖水咁.........乜味都冇................送的海鮮拼盤....帶子同埋咩翡翠蛘都係好腥的而且d阿哥阿姐好似有十萬樣嘢要忙~我地坐收銀枱旁都得唔到較快的服務....打邊爐漏單經常發生嫁啦~佢地都係...不過連炸魚皮的係腥的....墨魚丸又係腥...蝦係蝦米咁細粒的~沙嗲湯同清湯都係冇乜味......咁平都唔洗等位~果然有佢的理由食到尾段...兩位較易肚瀉的友人~先後入洗手間良久........................最後佢地肚瀉收場~瀉到第二朝~一致認為~永不錄用~

尋晚同男友6點幾去到旺角即刻鎖定響創興打邊爐，由4樓去到7樓既火鍋都冇2人台，都預左因為好多都唔做2人生意最後去到8樓，門口兩個阿姐話一個鐘任飲任食，叫佢可唔可以俾耐少少時間都係唔得本身想走架喇但已經差唔多7點，費事再四圍搵，一個鐘都殺佢啦個阿姐都拿拿聲搞掂d野，任飲既係竹蔗茅根水（好似有酸梅湯揀）佢送個碟唔知咩黎，但男友話幾爽都ok，肥牛就最差，黐住晒個碟最鍾意既豬肉丸芝士腸都唔太好味，其他全部野都係不過不失服務態度中規中矩啦！落單都算快埋單$234，唔知會唔會有下次！（走個陣已經好多人等）

因為生日(星期四)想打邊爐....在旺角俾侍應sell中左一行6人就上左去9:00開始勁叫,食落又唔覺漏單又再一次食到差d食唔落!食物質素唔係差有d仲幾好,丸類、菜類都不錯!只係對肥牛有點不滿.....(事實上,我對肥牛的需求不大,所以都冇乜所謂!)而服務員都幾好人我地以為佢地好忙,一定唔記得我地想要d唔辣"是"油點知,佢又記得俾我地......而且佢地清碟、汽水罐都幾快....不錯、不錯....食得都幾開心!!

好耐無去呢度食火鍋，上星期六與女友出去旺角，於是上去幫襯。大約七點止到去，即刻有位，帶位阿姐講每位117元(埋單價價)，但祇限個半鐘任食！我問：乜唔係二個鐘咩？佢即時黑面講：依家改左二個人祇可食個半鐘！好！算數！一場來到，照食！快手快腳求其Order左個湯底，跟手拿起張單叫野食，食品種類好多，食物都OK新鮮，但上枱時間超耐，食物跟單又唔足，好多野都無黎到！點左二輪食品，至少有七八種都無黎，連最Cheap既粉絲、蟹柳、蘿白等都無黎到！另外原來點蒜蓉同椒絲每碟要收十蚊，任飲既竹蔗水祇係糖水而矣！老實講，等得佢D野黎、等D野熟、等佢加水，等等下都去晒D時間，個半鐘真係唔夠！因為一夠鐘，自然有人埋黎熄爐兼送上帳單，非常無引！反正旺角區好多選擇，所以不會再光顧了！

同一班同事去打邊爐之前都食過最令我記得ge係2.8一罐ge嘉士伯先講環境普通酒樓格局，不過幾迫下再講食物其實呢d任食火鍋你都唔會expect會有d咩特別好ge食物不過佢d單都算跟得幾足飲品當然係2.8一罐ge嘉士伯其實你入座都會俾竹蔗茅根水你，不過其實係糖水而已~.~

31/10/08 同朋友黎呢度打邊爐. 入坐時侍應話任食限時2小時, 我地都不以為意. 我地 7:15pm入坐, 食到9點仲落緊order, 個待應無提過我地就夠鐘, 照送嘢黎. 9:15pm....因為有朋友想食墨丸, 所以打算補多張order, 點知個待應同我地講話我地夠鐘, 唔可以再叫, 跟住另一個男待應走過黎, 二話不說就熄左我地個爐, 話出面有人等位要我地即閃, 態度十分惡劣.我地就咁比佢趕走, 出到門口, 還發現根本無人等位, 呢度的服務度態真係無人能及

九月十二日晚上七時十五分,上到去唔洗等位可以入座.要鴛鴦湯底(原來都可以選擇兩種湯底).叫了海底棷金荀及麻辣,湯底清咗D,麻辣一D都不麻及辣.不過酸梅湯及竹庶水任飲,好彩材料如肥牛、雞子等都幾新鮮!服務一般,有時都幾忙!要送機嘅手,先有日朝乎!所以不過不失!

一行四人去食！9點半後入座，講明 $88 (埋單價)竹庶茅根可以任飲！而一罐可口可樂都只是 $3.8！好抵！首先，想講竹庶茅根水到唔水！只是，有材料係裡面！陣味好似，水加糖水一樣！關於食物方面！我覺得墨魚丸、雲吞、炸魚皮、豬頸肉就唔錯！至於，魚皮餃、芝士腸、芋絲都是麻麻地！不過，e個價錢，點會食到好好美既野食！所以，係合理的！

13/7/2008 約7:20pm共8個女仔黎打邊爐 又冇book 不過一入去就有位講明任食同埋任飲酸梅湯及竹庶茅根水不限時間, 每位$112仲會送埋一碟珊瑚蚌加鮮魷加帶子俾我地Tick食送既料個人覺得比較普通 冇大驚喜係肥牛、各類魚片比較靚新鮮 駌鴦湯底食唔出大分別 配豉油既配料要另外加錢侍應服務幾好 我地又被安排坐正大電視前整體係ok既 只係自己今日冇乜心情打邊爐...我地食到10pm先走...

上星期同三位朋友去打邊爐, 入去之前問知客關於火鍋任食o既收費, 佢話每人埋單$112, 可以任食同埋任飲酸梅湯及竹庶茅根水, 我朋友問佢包唔包啤酒任飲, 佢話啤酒無任飲, 不過有特價.坐低後最快來問我地野就係beer promoter, 咁o岩我地都想飲d啤酒, 佢話半打生力做特價廿幾蚊, 都ok平啦, 所以就叫左半打.之後揀湯底, 我地揀左麻辣加清湯, 之後佢地送左一碟珊瑚蚌+ 鮮魷+ 帶子俾我地, o個陣真係幾開心, 因為珊瑚蚌係我的最愛, 通常任食o個d都唔會包, 以前我多數會另外俾錢叫一碟, 而家唔駛加錢就有, 仲要好新鮮下添!其他配料方面都好新鮮下, 種類唔算好多, 但應該有o既o野都有齊, 更加有少見o既鯇魚腩做配料. 唯一覺得無咁好食o既係肥牛, 感覺上無乜牛味同埋色澤唔好, 另外麻辣湯底求祈左少少, 唔夠正宗.環境同裝修都唔錯, 所以整體來講都ok o既, 俾個笑佢!

假日打邊爐, 明碳實價講到明實收幾錢, 幾好!野食種類比其他任點任食既酒樓多好多, 不過都有d野係冇得嗌有d失望! 不過起碼肥牛唔係全部都係肥膏!黎既係1小碟, 唔會驚食唔晒! 可以食多其他款tim!部長都幾好人!最抵既係嘉士佰$2.5一罐! 超值!