花園金閣 (Closed)

尋日..我地一行6個人想去打邊勞..於是去左這間打邊勞..一去到就即刻有位..唔駛等位..但由於我地有bb車關係..於是提出要搵個多d位同安全d既位..佢地亦都好樂意協助我地,,,我地由7點幾食到12點幾...d野食既份量少左少少..但都黎齊哂..亦都送左帶子同海鮮..是任食任飲架...

尋日..約左朋友們去打邊勞..就去左花園金閣打邊勞..去到就即刻有位啦..唔駛等..由於我地有6個人..亦都有bb車..所以向佢地提出左要個闊d既位同安全d既位..佢地即刻幫我地轉位..態度好好...我地亦由7點幾打到12點幾..d野食只是少左少少..不過都有帶子個d海鮮送..而且每次d野食都會黎齊..都算唔錯..

之前冇訂位，要十一個位去到唔洗等，上到去環境一般，唔算多油煙但比較迫。有位朋友晏啲到...坐低之後即寫紙order，仲寫埋枱號同人數，呀姐佢收到張紙之後仲問我地"係十一個人呀"，答左呀姐佢"係呀，有一個朋友未到"，呀姐問完就行開左。食物黎到後發覺份量少之外，order左既都黎唔齊，味道係可接受，只係唔係好新鮮。之後有2位朋友要走先，但遲黎既朋友就接住到。當我地食到接近飽既時候，有個身形細粒既呀叔走埋黎，問我地'幾多個人?'，咪話佢知:'十一個人'。'但係佢地係計左十二個人'呀叔講完之後走開左。轉頭呀叔又走埋黎，大大聲話"哩次算數"我地好憤氣!而家係我地錯咩?!呀叔話樓下報俾佢十二個人，仲話碗碟都放低左十二套。我地一直以黎都係同佢地講十一個，放低幾多套碗碟就係計幾多人哩個道理好難理解囉，根本問題係佢地到。個待應點都唔肯認錯，同我地爭吵不休，最後佢都唔覺得自己說話係有問題。用'惡劣'黎形容哩位呀叔服務態度應該冇錯!

尋日同咗七位朋友去呢度打邊爐我地由八點十五分拎飛等位,等到九點二十分至有位咁我地都無所謂啦,因為佢真係人多呀嘛!不過負責寫飛個位呀姐啲態度就真係極之差囉第一次,我啲朋友問佢"唔該,想問吓幾時到我地呀?"佢就即刻諗都唔洗諗就答"就有架啦,人地埋緊單架啦!"咁我地就信佢繼續等啦.....等咗四個字左右我地又問佢"唔好意思,啱啱你唔係話人地張檯埋緊單啦咩?"佢跟住又話"係呀,埋緊啦而家! 等吓啦! "我地都嚇咗一跳!有無攪錯? 之前又話埋緊單執緊野而家又係話埋緊單? 態度己經唔係好,唔通等咗咁耐問一句都唔得? 我地一行七人個個都無食飯其實我地唔係介意要等咁耐,只不過聽到呢度既食評又唔錯,先至嚟呢度試吓.....入到去,我地係咁畫紙點野食啦,寫十樣野食,只有五六樣上檯,無一次係黎齊,第一次係咁,第二次都係咁....去到第八次!我地忍唔住就同咗個部長講"呀姐呀?我地都唔想浪費你啲紙架,麻煩你跟足啲餸上檯呀"佢即刻好大聲咁回應話"呀哥仔,呢啲係廚房執架,關我咩事呀?"我地聽到真係幾嬲,邊有啲部長咁回應客人架?叫佢跟足啲啫,就即刻黑口黑面.....仲有,呢間啲侍應同埋部長睇同你舉手遞單佢好多時都當睇

1月8號(星期二)夜晚9點半同男朋友去食，因為要等卡位，所以等左20分鐘先入座。食物種類都算多丫，不過美中不足係無墨魚滑ｄ肥牛都幾好食，薄薄地一塊，岩晒我哩個箍牙妹XD 另外d雞肉都幾好味。我地叫得太多丸，食唔晒，好浪費添...其實我之前去過哩度一次，覺得今次好食過上次，各樣食物都幾好幾新鮮。唯一係個jar蔗水甜左d...我諗都加左唔少糖水落去~~d亞姐都識自動自覺幫我地加水。環境係麻麻，周圍好似唔太乾淨咁...好怕有種好油同好笠的感覺...不過又唔係話太差，都可以接受。各樣都平均，都值一個笑面的！

好耐之前來過呢間, 都叫ok, 因為無咁迫之餘, 亦都幾好服務....無來一排..今次來返...真係完全唔掂.....星期五個日同一班朋友book左8點打邊爐, 上到去已經人山人海..入去張檯都難!!係迫到咁, 之後我地叫左個沙爹同清湯,個沙爹成面都係油..好驚, 都唔知係咩來, 我地落單, 佢就不停漏單..我諗叫10樣, 有4樣到啦...我地追單就完全無人理, d waiter話得啦來緊架喇, 我地同個經理講仲好笑, 個經理既態度係望一望, 之後點一點頭就行左去, 我同d朋友都食到好嬲....d食物水準超低, 好似食垃圾咁...又無冷氣, 好焗好熱, 好似叫人快D走咁, 我地食左一個鐘頭到, 坐都唔坐, 就埋單閃人, 埋單仲每人百三蚊~呢間野, BLACK LIST得!!!!!

記得大約o係大半前食過已經唔係好得, 前日同d 同事聚一聚打下邊爐又幫多一次, 點知都係一樣冇變冇進步都係咁唔店, d o野又唔新鮮. 又冇o野揀, d o野飲又甜到爆, 都唔知用咩溝出o黎, 食來食去都係芝士腸, 每人百幾蚊食d 咁o既o野, 係lu, d 碟又dirty , 見到都唔開胃, 又迫到行都行唔到. 總之一句講晒, 唔得la!!

完全唔得呢間野.. 食物: d 野唔新鮮又冇味唔好食, 連普通既貢丸烏冬都唔得,冇味, 又冇咩特別選擇.. 飲品:唔得...d 庶汁酸梅湯又甜又冇味地方: 唔乾淨, d碟好dirty, 地方窄好迫, 行都行唔到,坐到係門口..價錢: 都要過百蚊位, 食埋d 普通不過既野..真唔抵!!~唔會再去....

之前同朋友去過呢度打邊爐。九點後$48。任飲任食。好似好吸引。一入到去。環境普通啦。食物方面。選擇都ok多。但原來任飲既係指佢既竹蔗水only。到食物黎啦。就算你嗌2碟佢都只會比一碟你囉。心諗咁你就唔好打個數量格仔啦。算啦。嗌肥牛果度唯有次次想食都比紙。講番食物質素啦。冇特別...唔會有野特別好食。因為都係果d野啦。個汁都係得豉油同小小辣椒。食d野真係冇味...如果只係為求有野填飽個肚既都ok既...埋單都每人一百。d野食仲衰過食大x樂一人一鍋。

星期日同朋友兩個肚餓夜晚12am 想話去食任食打邊爐其實之前都幫襯過幾次覺得間野ok , 創興花園金閣上去之前已經特登打電話去問佢幾點收工, 佢話收3 am , 1:45 last order 上到去12:30 am , 個阿姐話就收工, 叫我一次過叫晒, 叫多幾碟我地寫左5 碟肥牛結果所有野黎晒, 係肥牛冇黎(特別係另外比錢叫果d 最快到) 我立即問佢.. 轉頭佢拎一碟肥牛比我我同佢講.. 我寫左5 碟喎.. 轉頭佢拎多2 碟黎.. 我再同佢講, 我頭先總共寫左5 碟喎之後個阿姐竟然話"我覺得你地食唔晒囉" 之後我話"你又話就快收工, 叫我一次過寫晒, 你又覺得我食唔晒" 後來1:30 am 我已經食晒d 肥牛我再寫多張紙叫佢比多3 碟肥牛我個阿姐竟然同我講廚房收左工, cut 左單, 所以叫唔到野我問佢" 你又話1:45am last order ? 你地個廚房鎖左門呀!? " 佢竟然話" 唔好意思, 個廚房佬收左工走左, 所以鎖左門入唔到去" ======真係唔知咩服務態度..

前幾日, 有朋友生日話想打邊爐..聽朋友講, 話呢間好好食+好好味.. 所以上左去..我有4個人, 7點半上到去... 4個人或以上可以打2.5hrs任食任飲.. 都算多選擇~D野食好新鮮, 仲送左個珊瑚謗"..D服務生既態度都好好.. 上O野好快~結果TOTAL.. $448.. 係DINNER呢個時候, 每人比$112去打邊爐任飲任食算好正!!呢到係1個好選擇~!

任食打邊爐真係我至愛，所以十九區都試過好多間，講好食呢間一定無份，不過講就腳晌mk又唔算太爆太難搵位呢間就算係咁…我見呢到好多人彈呢到既食物同埋環境，其實我覺得以任食火鍋黎講都算合格了，而環境就真係太噪太迫…不過佢其實晌9樓都有少少檯，如果係2個人食好多時會上9樓食，真係靜好多，好似有個肥肥地既唔穿制服既哥仔晌上面，我估係老闆之一掛，所以晌9樓食真係連服務都好左好多。環境如果我晌8樓會比1分，如果上9樓以旺角區我會比4分, haha

星期日又同fd出旺角蒲頭~想打邊邊,諗左幾間,都唔知邊間好~之後就揀左呢間喇!!諗住會好好~點知唔係~好鬼逼,諗住係任飲,點知唔係~算我唔好彩無問清楚喇~d野食又唔多~唯一好既就係限時2個半鐘都俾我地坐左好耐囉~

我食果晚係星期六,到到都fully booking,打到去花園金閣仲留到枱所以一行四大一細八點半上到去食火鍋。未入去0向經已聽到勁嘈勁多人,行到入去真係五星級迫爆!!!跟本冇路行咁濟...人又多枱又多路又窄!!!非常危險!冇辦法下叫小朋友坐埋面但又撞後面枱,坐出面果兩個成日避人地D托盤、湯煲、菜....嘢食方面都算新鲜,點0左0既送好快就到,不過寫明五個人送到枱0既份量就唔足五人0羅話就話68蚊任飲任食,埋單價要成舊水,我地飲酸梅湯同甘庶水但甜到漏

五個人去打邊鑪，七點左右還是人山人海(台貼台)，我們坐在幾張枱的中間，幾經辛苦才可走過去。食到差不多大家開始傾計，由於張枱好大，個FRIEND坐左過黎，之後個WAITER以為我地多左人，問都唔問就寫單，我地要揾經理搞返！！好唔點！！