花川湘薈 (Closed)

我同幾位舊同事一向有每月一聚之約，今次就黎其中一個舊同事住既地方附近搵食。見到Megabox呢間花川湘薈門面咁有氣派又古雅， 就即刻揀左呢間開餐啦! 雖然呢間餐廳開左無幾耐，暫時未算好多客，但係服務態度令人驚艷。坐低左無耐，侍應已經好熱心咁介紹食物，又幫手斟茶，值得一提既係茶壺底部配有小蠟燭，咁就唔怕茶之後會凍，呢個咁貼心的舉動，令我地係未食野之前已經對呢間餐廳好加分! 朋友無蒜不歡，一黎就欽點左呢碟蒜泥白肉($98)，我地唯有照落單啦。本身都無咩期待，但係上菜個陣除左見到每片白肉都鋪滿曬蒜香四溢的蒜泥之外，每塊白肉更夾住一塊青瓜，食起上黎油而不膩，既有蒜泥同白肉的味蕾衝擊，但又不乏青瓜帶來的滿口清香，絕對值得一試。 張飛牛肉($128)呢個名咁霸氣，無理由唔叫黎試試佢，一開始見到個賣相，感覺牛肉好似好乾咁，但係試落去原來另有乾坤。咬落去質感爽口，將牛肉裏面既肉汁同味道完全釋放出黎，再加埋鋪係上面既麻辣香料，同埋其他配菜，例如青瓜、蒜片等，口感豐富飽滿，真係同呢碟菜既名一樣咁霸氣! 跟住呢碟乾鍋BB八爪魚($158)裏面既八爪魚份量都唔少，完全唔hea，火候十足，口感鮮嫩爽口，再加埋其

九龍灣mega box 13樓有好幾間酒樓 見到今日想介紹嘅餐廳係食四川菜🌶 又口痕 想食吓辣野過下癮🫢 打開menu 分類清晰 每樣都想叫啲嚟試吓無骨口水雞呢碟雞 肉質比較瘦 見到雞皮下層脂肪都好薄身 而且呢碟係冷盤 冰涼嘅雞皮更加有口感 好爽口🐥 底層仲有啲拍青瓜伴碟 怕辣嘅朋友可以食返件解辣檸檬泡椒鳳爪呢碟並唔係普通嘅白雲鳳爪 佢仲有骨喺入面 味道酸酸辣辣 幾開胃😗老壇酸菜桂花魚呢個真係十分推介 首先好大盤酸菜魚 入面有原條桂花魚 萵筍 粉絲 酸菜係入面 每塊魚肉都好嫩滑🥰 仲有我鍾意嘅魚鰭部分 近骨嘅肉比較有油香 食落口真係每一啖都係滿足重慶麻辣烤鴨半隻擺盤都特別嘅 有蠟燭喺底 令烤鴨嘅肉保持微暖 主要辣味都係嚟自鴨皮😮 但可能係因為我地嗌咗小辣 所以都唔係話太辣食唔到嘅 鴨肉結實 鴨皮鬆化🦆汗蒸回鍋肉呢碟望落好辣 但食落口唔會太辣🫢 回鍋肉係預先醃製過 就咁食都會有鹹香 個人幾鍾意呢啲因為都幾多蔬菜喺入面 又有豆乾 感覺更加健康平衡😝担担麵、麻辣小麵麵質好食 有少少似上海麵 但係比較有咬口嘅🍜 麻辣小麵嘅調味就有少少似只係加咗麻辣味嘅辣椒油 相對之下 我就覺得担担麵比較出色

之前喺機緣巧合嘅情況底下 第一次食酸菜魚呢款菜式 令我一試難忘☺️ 於是又心思思約埋朋友一齊食酸菜魚 嚟咗位於MegaBox 13樓嘅呢間精品川滬菜館食晚飯🥣我哋叫咗兩款冷盤類 三款主菜 兩款主食 四杯飲品 同一份甜品 真係好豐富嘅一餐啊😊檸檬泡椒鳳爪呢碟鳳爪份量唔多 但係夠晒精緻 第一啖食落口先係比較酸 然後開始有啲辣 鳳爪好入味 加上要吮骨 所以成個口都係酸辣嘅感覺😚無骨口水雞有好多花生碎喺口水雞面🥜 食落口嘅味道係比較麻辣 雞絲都仲幾有口感 老壇酸菜桂花魚呢個酸菜魚一上檯嘅時候真係嘩咗一聲呀🐟 呢條魚都幾大條 除咗有嫩滑嘅魚片部分之外 仲有魚骨腩 魚頭 魚尾 好豐盛㗎🥰 酸菜魚嘅底都有粉絲同萵荀 連埋湯食都唔會辣 幾有鮮味重慶麻辣烤鴨半隻店員特別提醒我地呢個烤鴨唔係片皮鴨嘅形式 而係半隻鴨斬件上😮 有埋鴨肉嘅 辣辣地嘅烤鴨真係好少食 鴨皮都有少少鴨油鴨香🦆汗蒸回鍋肉呢個係渝風篇入面其中一個餸 伴隨住肉片有椰菜 豆乾 如果有白飯 一定好快清晒😎坦坦麵 麻辣小麵坦坦麵會多少少肉碎 辣味就比較偏向豆瓣醬嘅味道😉 麻辣小麵就真係比較麻 自己鍾意坦坦麵多啲大荔枝番石榴估唔到呢個飲品係沙冰 入

MegaBox有唔同店舖，仲有戲院同溜冰場，以食店亦不少，分佈於商場不同樓層，今晚和朋友去13樓的「花川湘薈」食四川嘢，一諗起當地嘅麻辣食物已經舌頭分泌口水，急不及待。因為朋友呢區返工所以午餐有去呢間飯店食飯，感覺唔錯所以約我今晚嚟呢度晚膳。飯店裝修幾骨子，紅卻不落俗套，還有裝修很別緻。最深印像是一入門口位置有個冷風櫃，將啲鴨同腩肉風乾，侍應見我望住個櫃，就同我介紹而家風乾方式較衛生方便，呢啲肉類主要係為明日開市準備嘅。《卜卜脆五花腩肉》既然侍應講到腩肉風乾咁特別，就叫了這道菜，果然如其名，皮脆咬落卜卜聲，肉帶咸香，還配備特製醬料，點一些食落微辣帶沙爹口感，不錯。《老壇酸菜桂花魚(原條)》侍應捧來一個大圓碟，即時將檯面嘅面積佔了很大空間。見到湯上滿滿的魚肉、鹹菜、萵筍、粉絲，還有桂花魚頭，確實很大陣仗，材料是充足有餘，味道亦很惹味，尤其是桂花魚原條切片，每一嚿魚肉也很嫩滑，而且也很入味，這道菜足可四人食用，送幾碗白飯也不過份。《大茘枝番石榴沙冰》雖然我食中菜很少叫凍飲品，不過食川菜嘅時候叫一杯凍飲傍身以避免食到鼻涕口水流得尷尬樣子，這般沙冰幾好味，兩種水果味道撈埋幾夾，沙冰嘅好處就係一

與朋友相約聚舊，朋友知我心意鍾意吃辣特登約我此食店食川湘菜。入到食店感覺幾優雅，而且帶有中國特色的裝飾，滲透古典美。茶杯幾靚！餐單上有唔同風味選擇，有渝風篇、花湘篇、泡椒篇、乾鍋篇、水煮篇、酸菜篇等，似乎就算係「辣」都可以有唔同嘅烹調方法，確實很吸引。檸檬泡椒鳳爪~呢一個係小食類別，見到呢個菜名就估到辣辣地又帶點酸酸地。我都忍唔住用手攞嚟食，鳳爪肉實不稔，食下一隻、食下又一隻，滋味。橋邊陳麻婆豆腐~平時係其他餐館都有食麻婆豆腐，而呢碟麻婆豆腐喺辣還帶香同麻。豆腐幼滑，絕對係伴飯佳品。張飛牛肉何謂張飛牛肉？原來是其“表面墨黑內心紅亮”就似張飛，味道方面，食落有點似牛肉乾的韌度，而肉上面已有一些香料，食落帶少少咸香也有少少辣，適合用來佐酒。還有些紅蘿蔔絲、青瓜絲、芫茜、蒜頭，可以連牛肉一齊放入口，口感層次很豐富。担担麵~麵身幼細，面上鋪有肉碎同葱花，湯頭不算辣，唔想食飯可以食麵也不錯。桂花杞子冰粉~有趣的一道甜品，每粒冰粉都咁晶瑩通透，就好似水晶咁一閃一閃，口感似黑色嘅涼粉，加上一啲黑糖槳，好味喎。呢餐川湘風味唔錯，「辣」得有心思。

約左朋友去mega box玩 一行四人最後揀左呢間川菜🤪之前有一次食過午餐覺得酸菜魚唔錯😚😚餐廳環境好舒服 有啲中西合璧 有啲中式宮廷風 又配埋紅酒牆🤣🤣蒜泥白肉白肉肥瘦適中😝夾著薄薄的青瓜片 中和了肉的油膩 添了些清新！蒜蓉多啲就更正🤣不過就配有蒜片同黑蒜 比較少見🤣🤣 辣椒醬汁不算多 剛剛好夠點 個人鍾意重口味啲😆😆張飛牛肉睇個名好特別所以叫來試下 唸住應該好似牛展咁😏 點知佢係好似牛肉乾咁 應該有係滷過 但係又唔會好乾柴 好難咬😌 每塊牛肉都撒左啲辣椒子係面 可以配埋青瓜、紅蘿蔔、蒜片、芫荽一起食，都幾辣下🤣🤣不過咁樣配搭食又幾惹味乾鍋黃牛肉成個鍋顏色好繽紛 好多香料🙈但變相牛肉就會少左啲 不過份量都ok嘅😝仲有啲蓮藕食下😋不過呢個乾鍋唔似平時食開果種 偏濕 少少油🤏不過就變相啲牛肉好惹味🤪🤪重慶麻辣烤鴨見到有個post寫好硬🙈🙈初時都有擔心 但係又好想食烤鴨🥺所以照嗌左🤓 唔知係未廚師有睇到comment 呢道菜好好味🥰🥰 烤鴨皮烤得焦香 充滿鴨的油脂☺️☺️ 鴨肉好嫩😝😝 配埋個麻辣汁唔會太辣 👍🏻酸菜桂花魚份量好大 成盤上菜好架勢😏 仲保留魚頭 擺盤靚👍🏻 魚湯好濃郁 唔腥又唔

朋友屋企裝修緊，話去MegaBox 睇傢俬，我又跟埋去八卦吓，夜晚我哋就係MegaBox嘅花川湘薈食埋晚飯。呢間餐廳新開張冇幾耐，入面環境好靚好有氣派，仲有多間獨立房可以唱埋卡拉OK。朋友聽到蒜味嘅菜式就會心心眼，所以堅持叫蒜泥白肉，本來心裏面諗嚟到都叫蒜泥白肉有冇搞錯，原來賣相靚過米線店好多，每塊蒜泥白肉入面都會包住一片薄薄嘅青瓜，放入口更爽甜，口感好好，而且可以減去蒜泥白肉嘅油膩感，絕對值回票價。張飛牛肉係一道源自四川成都嘅菜式，牛肉呈啡紅色，有啲似牛肉乾嘅口感，軟硬適中，加入四川風味嘅香料再夾住青瓜絲、蘿蔔絲或芫荽等，作為佐酒小食都幾唔錯。麻辣來自四川、而烤鴨就以北京最著名，合埋嘅重慶麻辣烤鴨味道又出奇地夾，本身烤鴨皮薄肉嫩，唔會有太多嘅肥肉，沾上麻辣汁令烤鴨嘅味道更有層次，確係一流。食四川菜當然要叫酸菜魚，老壇酸菜桂花魚酸菜味道唔會過酸過鹹，下面仲有類似粉絲嘅麵條，微微帶酸嘅味道真係非常開胃。桂花魚肉質嫩滑，起片嘅桂花魚部份係啖啖肉，完全冇魚骨，我就最鍾意配埋炸黃豆一齊食。乾鍋BB八爪魚入面嘅八爪魚份量都唔少，而且隻隻爽口彈牙，入面仲有好多唔同嘅配菜，而我就最鍾意佢嘅蓮藕片，塊

同一班朋友嚟到九龍灣MegaBox，又唔想食IKEA亦都唔想食連鎖店，於是嚟咗呢一間新開嘅川湘菜餐廳一入到間餐廳，唔小心「嘩」一聲，啲裝修好有感覺，好中國風，有流水聲😂👍🏻另外餐牌亦都有好多選擇：今次就同友人們叫左碟老壇酸菜魚（桂花魚）、重慶麻辣烤鴨同埋牛肉乾鍋首先，老壇酸菜魚：今次我哋就試一試桂花魚，魚質唔洗講，桂花魚必需係嫩滑加無骨，另外，個湯底係金湯黎，好濃+唔會死咸死酸，岩岩配合得好好，我叫左一碗飯真係唔夠😢😢另外，重慶麻辣烤鴨，原本以為會好辣（因為本人唔食得太辣嘅嘢），但係呢一個烤鴨冇想像中咁辣，但係又有重慶嗰種麻辣嘅味，啱晒我哋呢啲唔食得辣又好想食辣嘅人；而且鴨嘅肉質都非常亂畫，份量都十足；再者，牛肉乾鍋，牛肉份量都不少，而干鍋裏面亦都有好多配料，例如洋蔥、蓮藕、聰、芫荽等等，另外提一提，呢度嘅芫荽真係好多， 10分適合鍾意食芫荽嘅朋友仔，正呀～另外，必須必須必須必須要食，紅糖糍粑，唔係講笑，糍粑熱辣辣拎上嚟再配埋黃豆粉加紅糖口感，軟綿綿，又脆，痴線，又想食多次了～ 重點，唔貴😱小食：蒜泥白肉以及張飛牛肉，蒜泥白肉蒜味十足再配埋黑蒜，好有誠意；張飛牛肉，啱晒啲鍾意食勁辣嘅朋

見間野新開，環境幾靚就試下，點知難食過茶餐廳食材唔新鮮，味道極差，勸大家千祈唔好去中伏！！！首先叫左半隻麻辣烤鴨，嚇親燒味檔烤鴨加啲汁撈埋，仲要好硬，完全硬唔到叫佢退話唔得一定要叫過另一樣野食第二伏！烤魚，好咸好咸，條魚亦唔新鮮好奇怪地用南乳醬醃啲魚肉，搞到入面紅色，肉質梅啲肉紅色，臭臭地，好嘔心烤鴨太難食，轉左乾鍋大腸點知都係難食，同樣好咸好咸，唔係正宗乾鍋做法，只係似大牌檔小炒，材料亦唔新鮮環境係幾靚幾高級，但服務九流全部好似業餘阿姐，返part time，咩都唔知成餐飯兩個人食左近$900好貴，貼錢買難受

Megabox新店，原來想去飲茶個間鋪又因疫情關係暫時關門，就去左呢間新開四日嘅花川湘薈。店面裝修不錯，有好幾開獨立房，坐位寬敞舒適，可能剛開店，人流不多。點了五個菜，整體味道同擺盤都不錯。水煮牛嘅味調得很好(本人order嘅係小辣。。。)。不過上菜次序就有一點亂。冷盤反而是最後先上。有機會晚餐時間再試一下。