Video
8-min walk from Exit A, Whampoa MTR Station
continue reading
Telephone
27646608
27646228
Payment Methods
Other Info
Delivery
TV Broadcast
Above information is for reference only. Please check details with the restaurant.
返工放lunch 經過，見到四十幾蚊於是入去試下，當然呢個價錢都唔會預到好好食。但係食完之後，感覺就係食物差，態度差，紅磡食街有大把野食，你話要四十幾蚊落樓嘅都係大把其他選擇，呢間英發真係試一次都嫌多
continue reading
辣椒好吃😋 牛肉也不錯 👍是很偶然路過 看到有辣椒 感覺可以試下 套餐包正餐和飲料湯 味道不錯喔我全部吃光光明天再去但不知道明天掛八號嗎店鋪有沒開門呢還是會去試下畢竟不太遠辣椒入味 又不老牛肉也是 味道不錯豆豉恰到好處沒想到美味好吃而且我感覺便宜飯量合適 不多不多奶茶味道到位飲到最尾 感覺還是不錯 環境衛生 我看看 地面很乾淨 雖然外面毛毛雨 。上餐時間也可以 ，我去時候三點 每人一張台我覺得不錯 。大屏幕電視 夠看其他我沒要求了
continue reading
我只不過想飲杯凍齋啡走甜啫，水吧位哥仔唔洗小人老母架麻？大聲到出面都聽到。我只不過想食個炒飯底啫，老闆唔洗對住我黑口黑面架麻？我都明白午市炒緊檔，非常忙碌跑上跑落，服務態度都要留意一下架﹗花生小插曲，老闆娘接張單魚香茄子，老闆即時開火，您無腦架，點煮呀？蒸完又要炒，有排等﹗您無腦架，痴線架﹗您無腦架，您玩野呀﹗在場食家們繼續食花生。我要凍齋啡走甜，但比杯勁甜齋啡我 ﹗唯有無聲抗議，掉低唔飲。落單時見老闆娘目光呆滯、心不在弦，所以已經專登講多兩次要凍齋啡走甜，走甜走甜唔該，最後都係錯，激鬼死我﹗英發最好食係雞扒豬扒及通粉，即食麵煮到腍劈劈，茄汁咖哩汁黑椒汁都極咸。早餐等得極耐，經常漏單錯單 ﹗餐具檯面勁污糟，服務麻麻地，老闆多次跟廚房及水吧當眾嘈交。每到午市英發個地下都濕淋淋，污糟邋遢，真心唔多想幫襯。英發衛生方面必須好好改善，刀叉羹筷餐具永遠油淋淋，所以我每次都會浸水再用廁紙仔細抺乾淨，才可以安心進食。調味加鋪晒塵起晒漬，極度可怕。豬扒湯通粉，英發出品雞扒排第一而豬扒排第二，有骨豬扒肉甜味特濃，煎得焦香金黃，質地結實帶棉，肉汁滋潤著，趙得舒服不乾鞋，醃味得宜，回味無窮。雞扒湯通粉，穩陣快靚正好味 ﹗為左搣甩即食麵毒癮，由通粉開始。不用五分鐘火速送到，好快手喎﹗每項都十分滿意無投訴，只係雞扒少少啫，而且湯底再滾一點再濃一點就更開心啦。煎雞扒質素時好時壞，份量時大時細，依塊就細細件啊。雞扒熱辣辣，白肉幼嫩滑溜，充滿水份及肉汁。外皮黏脆金黃色，非常香口。醃味濃郁可口，不咸不濁，超水準香煎雞扒好好味呢﹗雞湯底暖暖的，味道清淡，配上厚身棉棉通粉也不錯。太陽蛋雞扒通粉，太陽蛋蛋白焦香微脆，蛋黃甘甜濃郁，黏黏混埋通通齊齊食，簡單好味。雞扒熱辣辣，不過鞋烚烚又硬掘掘，柴皮一樣淡茂茂。雞湯底暖暖的，湯都賣晒？只得少少湯汁，水汪汪淡如水一般。咖哩汁火腿雞扒飯炒底，咸死人港式咖哩汁，再加上咸死人半件炸雞扒，最後仲有半塊咸火腿，地獄來的重口味，咸加咸加咸，救命﹗濃味偏咸咖哩汁、乾硬雞扒、滑彈火腿、香口炒飯底，併湊出味道平平不討好，勝在大大碟份量多一定夠飽肚。現時物價高漲，將貨就價都理所當然，無辦法啦。最滿意係個即煮炒飯底，足料有鑊氣，乾爽粒粒有蛋香，炒功有料到好好味。咖哩汁炸蟹拑雞扒飯炒底，變左腸仔雞扒，我的蟹拑呢？完全無人同我講發生什麼事，而且雞扒只得四份一塊，細到離譜。發覺附近間間茶餐廳咖哩出品味道都一模一樣喎，超搞笑。沒有炸透的硬實咸腸，走走油、油淋淋、立立令，撈汁送飯食舒服可口好多。咖哩汁火腿雞扒飯炒底，午市雞扒預先煎定，質素比早餐差好遠呢，幸好還算滿意 ﹗變左火腿雞扒，沒有加工、沒有煎過的室溫火腿，躺在炒飯上淋埋熱汁，保持咸香彈滑。白汁火腿雞扒飯炒底，我見到有洋蔥呀 ﹗想嚇死我咩，好采完全無洋蔥味啫。師傅內功深厚，炒力一流﹗煎雞扒味濃可口不過份，鮮嫩多汁，雞皮黏脆，雞肉白滑。一啖肉一啖飯撈埋濃味忌廉汁高級享受。黑椒汁炸帶子雞扒飯炒底，原來係勁假橙色炸帶子，好失望啊 ﹗薄薄細細粒的炸帶子，厚厚的麵包糠，微燶殼又刮口，包著白肉在內，充滿魚肉味道，不是真帶子啦。雖然黑椒汁味濃偏咸又不辣，搭上炒飯又剛剛好喎。茄汁腸仔沙丹豬扒飯炒底，何為沙丹豬扒啊？普通豬扒一塊，食完都係毫無頭緒。師傅炒飯失手喎，炒功插水﹗炒飯濕淋淋，味淡無蛋香。鮮茄腸仔雞扒飯炒底，炒底再由 $8 蚊加到 $10 蚊，我人工都無加得咁快、加得咁多呀﹗應該全條巷炒底最貴既茶記。那裡來的鮮茄？跟用開既茄汁差不多，味道似濃味咸咸洋蔥汁。紅腸豉油皇雞髀飯炒底，豉油雞髀咬啖先，十分失望 ﹗質地硬實乾爭爭無肉汁，白肉完全無味無醃過，外邊豉油皮還可以。紅腸甜美彈滑，咸香夾甜豉油開胃可口，仲好食過隻雞髀囉。咖哩汁火腿煎蛋漢堡扒意粉，我最怕漢堡扒會咸到死，果然中招 ﹗極咸凍凍漢堡扒，凍凍全熟煎蛋，凍凍火腿。熱燙燙意粉烹煮出色，全熟剛剛好，結實滑溜不過腍不粉口，比郵票餐廳更高質，值得一讚。叉住小塊火腿或漢堡扒，捲起意粉再掛上大量濃濃咖哩汁放到舌尖，齊齊翻騰嘴嚼，互補不足，味味蠻不錯。
continue reading
星期六下午二時半後一帶簡直系餓鬼地獄，八九成食店都休息。食開個幾間都收左。人丁單薄😩行去左去英發唸住求其食個餐頂下肚，入到去人氣頂盛😬😬，地方清潔乾爽餐牌夠曬選擇，大把卡位!入去見到個餐牌有一刻呆左⋯仲有21蚊茶餐，雞髀沙律都係＄25心大心細諗左一陣，叫左個午餐涼瓜牛肉飯，凍奶茶⋯⋯＄32加兩蚊凍飲。奶茶夠滑夠茶味原本諗住普通食個飯唔會相機食先，點知食食吓心諗咁嘅時勢都仲有咁合理價錢，決定讚揚下佢。所以張相嘅飯，已經食咗三份一味道不錯，涼瓜發苦，飯是原粒軟硬適中仲有飯味，質量水平以上。😩😩大佬啊＄32咋！比着好多其他餐廳早就用咗碎米一係太硬一係太濕嘅飯！之後聽到員工客人講餐牌上加1蚊，其實加多小小都好合理呀！我相信老闆嘅宗旨係為街坊服務所以真係值得表揚！面懵懵走去同老闆娘講左句多謝🙏
continue reading
自費午餐$26 雙拼麵餐 熱好立克炸菜肉絲 墨丸公仔麵1）世界級炸菜肉絲 夠膽俾肥豬肉人！！聞所未聞！！！全部都係肥豬肉超級過分！有無搞錯？點樣入口？又肥又油又咬唔開似餸尾2）超級小家！！！墨丸只得一粒！！！！而且成碗湯底略咸！收二十六蚊係紅磡區真的不用食佢，成碗野只得公仔麵正常，二十六蚊真係算好貴，一街都有更好選擇嚴重比下去，以後都不會再黎！茶記煮碗麵都煮到咁，好過份囉難怪日日都fax單張黎我公司！真係好難食同好煩！！！
continue reading