英記粥粉麵

Open Now

Now Closed

凌晨兩點喺外賣平台搵到呢間餐廳叫宵夜，哎咗乾炒牛河、楊州炒飯同埋皮蛋瘦肉粥，價錢正常唔算貴，但都唔係價廉物美嗰一隻。.整體食物質素一般，乾炒牛河同楊州炒飯明明有加咗十幾蚊加底，但唔知加咗啲乜嘢，個份量同普通茶餐廳飯盒一樣份量，可能佢原來個份量好少啦，加咗先係人哋嘅正常份量。.乾炒牛河：係好食嘅，牛河都有口感，醬汁都唔錯，但佢有一浸唔知係有少少窿定係炭嘅味道，嗰陣味有少少似喺出面燒完嘢食，返到屋企啲頭髮同衫嘅味道，又或者呢啲係鑊氣嘅味道？雖然我未試過喺啲好有鑊氣嘅菜式入面嘗試過呢種味道。.楊州炒飯：飯粒炒得夠鬆散，係粒粒分明嘅，吵得幾好，餸菜有細蝦仁、叉燒、蛋同埋蔥粒，呢一盒炒飯係我成世女食過最少餸菜嘅炒飯，至少有95%都係飯，連蛋都特別少過人，你話少蝦仁叉燒呢啲貴嘢，我當然明白，但你至少都俾多啲蛋同埋蔥粒吖，同埋佢超級超級淡味，食到懷疑人生，係今晚最差嘅餸.皮蛋瘦肉粥：粥夠滑，料都多，同埋我鍾意佢啲皮蛋夠大舊，啱晒我呢啲皮蛋控，但呢碗粥好鹹。.整體黎講，佢有啲餸菜好鹹，有啲又冇味，整體來講非常一般，其實今日都係叫啲平價嘅飽肚嘢求其食，但佢嘅質素令我唔夠膽試佢其他貴啲嘅餸囉，如果搵唔到食

以後都唔會再幫襯，員工會係店入面食煙，服務態度又差，野食一般，又貴過出面，環境又細。問佢有冇xx炒麵，一句答埋黎，自己睇(^_^)v 唔休做或唔想做就唔好開啦，態度超差，

星期日放假，晚餐家人想食得清淡啲，所以揾咗英記粥粉麵，過往粥粉麵通常幫襯其他的店舖，今次係第一次幫襯。- 家人叫咗田雞粥，肉質新鮮，味道亦OK- 我叫咗豉油皇炒麵，香口及份量都OK, 而且唔會太油膩- 蝦醬腐乳炒通菜，略嫌煮得過咗- 炸兩及滑牛肉腸都算唔錯，尤其係牛肉腸，幾有咬感整體食物的質素OK，不過性價比就一般。

收工約朋友食飯試下水邊圍呢間英記今次叫既野食唔多 因為我地都係3個人只係叫左乳鴿 暏暏豬肝煲椒鹽九肚魚皮蛋瘦肉粥同埋一兩支啤酒埋單:500左右味道唔及大排檔 價錢亦都貴過大排檔所以覺得唔太抵食 所以試左呢次之後都冇再去幫襯了我諗因為味道同價錢不太合符同埋都比較細碟 如果有其他選擇 應該都唔會揀呢間服務態度麻麻 所以都不太推薦總括而言:唔抵食 味道一般優點:開得比較夜 如果唔介意比貴D食宵夜可以諗諗既

疫情底下，外賣已經係主流既避免用餐感染既方法！但呢間英記，本人食過佢一次，味道唔係話好好，但又唔係差，勝在款式多多，價錢合理！但本人食過一次之後，從來未成功食過第二次！每次用外賣app叫外賣，一係就訂單被取消，一係就明明顯示今日6點開，到6點去訂就突然又變左聽日先開！分別試過5-6次都係咁…咁我心諗唔通係冇開門？咁試吓打電話去睇下有冇開，有開就直接落去佢地鋪頭叫外賣啦，點知打去問，佢話：「我哋好忙呀，冇時間接你單呀！」然後cut線！哇！呢個態度呢….仲衰過90年代既大排檔！！而且佢開6pm，外賣app我6:30pm落單既（當然佢又係取消左我啦），電話我6:45打既！距離佢開鋪一個鐘都唔夠！既然咁忙，咁點解你要開外賣app部機？！既然忙到咁無時間，不如你索性只限堂食不設外賣啦！你join咩外賣台啫！！join左又唔接單！！又取消單！！浪費消費者時間！！網紅名店都冇你咁離譜！簡直不知所謂！🤬🤬

第一次喺度買過蠔仔粥覺得好好食好香 好食到我連續再食多幾日，但其中一日唔知啲蠔仔係咪ᴏᴠᴇʀ ᴄᴏᴏᴋ咗好細 縮晒水咁 成碗粥都麻麻食咗兩啖就冇再食，個餐感覺好差但係冇食一排，又有啲掛住決定再俾多次機會好開心今次係好食嘅相信上次只係一個小失誤有啲碎肉 有啲蠔仔有種說不出的香味腸粉係好食嘅但係點解盒豉油要放喺啲腸粉上面感覺有少少唔衛生不過算啦～再叫多盒星洲炒米好快比屋企人食晒話太好味😂我最後食返兩啖嗯，真係好好味雖然佢睇落好似好淺色咁但其實又好夠味呢間餐廳好多選擇佢優點係開得好夜可以當宵夜食但缺點都係開得好晏有時晏晝想食但未開😂😂

上次食過一次，見味道唔可以都大碗，用app外賣自取有8折，今日想食粥咪再叫，今次寫左走蔥，行到去見到女士係到玩緊個膠袋，應該係污糟左，見佢申手入膠紙係咁抹，我心唸唔係我呀，到見到粥出來，女士即開蓋整走蔥，再裝返頭先個膠袋，見到我之後話好串咁話“要咩呀，講啦”。。。我指住碗粥，佢話你嫁，我點頭，其實可能只係一碗粥，但態度唔使咁既，28蚊一碗粥唔係話好貴，但都唔算好平，平時開6點，可能太子女，串到咁，唔休做我呢啲細生意呢

對於一個星期六仲要返工嘅打工仔來講今日先至係happy Saturday 因為收七點😝😝朋友即興約我嚟呢一間新開嘅試吓 呢間新店主要係做粥、腸粉同埋即炒小菜～一見到餐牌裏面嘅小炒已經係我鍾意食嘅嘢隨即點左個馳名紅燒BB鴿（$48）👍🏼👍🏼👍🏼👍🏼平時都唔係好鍾意食乳鴿嘅我都覺得呢個好幾好食！裏面肉唔乾、夠味～外面好脆朋友好鍾意食 所以俾佢食多幾舊～所以鍾意食嘅朋友 一個人KO一隻絕對冇難度🙈椒鹽鮮魷（$78）👍🏼👍🏼👍🏼外脆內軟～😝而且好夠味 再配埋「鬼佬涼茶」味道啱啱好！但朋友本身係鍾意清淡口味就覺得少少鹹 所以如果輕口味嘅朋友問吓老闆可唔可以落少啲味粉😉膏蟹粉絲煲（時價）通常食呢啲 粉絲係重點！ 成煲野都好香 好食嘅！不過如果好想食多膏嘅朋友 就要睇時令叫同埋第一次見啲蟹仲多個粉絲嘅👏🏼😆秘製醬汁台灣魷魚大王（期間限定）嘩嘩嘩 呢個真係不得了 好岩我口味！好熟悉嘅味道 但係講唔出係啲咩🙊好好食問老闆娘又唔肯講 不停話係秘製🤪魷魚原來飛咗水之後會出水 所以本身本身醬汁唔係好多 但係之後就越多水 長知識了～炸大腸（$78）雖然都有啲飽但係朋友好想食 就叫埋佢不過炸大腸點個秘製汁係好食啲

今日黎左英記粥粉麵，店舖好乾淨，一入去坐位唔多，主力係外賣，所有食物都係即叫即做，BB鴿熱辣辣皮脆肉嫩，牛肉粥粥底好綿，啫啫田雞煲香噴噴，秘製魷魚一食落口係甜，然後就慢慢辣嘅感覺好特別，所以我覺得係外賣首選