茶匠 清水一芳園 (Closed)

聽到太多朋友話呢一間由日本專渡過嚟香港嘅抹茶蛋糕專門店好食，收咗工之後就趕過去朗豪坊諗住買，好彩我朋友幫我趕過去，最後可以買到一個抹茶蛋糕卷返屋企食。首先睇吓賣相其實都幾吸引， 因為佢主打用五層唔同嘅材料去製成，所以先吸引我想去食，但係食落口我又唔覺得太特別，佢嘅面層係抹茶朱古力造成，第二層係抹茶海棉蛋糕，中間嗰層係抹茶忌廉mousse，再入面係抹茶班Cake，最入面係抹茶芝士，但係食落口冇乜鬆軟嘅感覺，好似咬緊好厚嘅蛋卷咁，冇我想像中咁好食喎。總括而言，我覺得普普通通，反而聖安娜同埋Lady M會好食過佢。

自從去過日本食當地嘅草莓大福之後，一直對佢念念不忘。今次行過朗豪芳，見佢呢間鋪頭標榜自己來自京都，既然佢寫到咁，無理由唔試吓嘅！我買咗一個草莓大福$30，size 唔係好大，同平時食開嘅港式糯米糍差不大多！包裝好精美，但奈何味道真係唔掂你用$30呢個價錢買一件大福，絕對係expect 佢入面有新鮮果肉，點知一咬落去，絕大部都係cream...而且期待嘅新鮮果肉變咗士多啤梨果醬...份量仲要超少，1/3都係果醬...感覺好搵笨....