茶匠 清水一芳園 (Closed)

聽到太多朋友話呢一間由日本專渡過嚟香港嘅抹茶蛋糕專門店好食，收咗工之後就趕過去朗豪坊諗住買，好彩我朋友幫我趕過去，最後可以買到一個抹茶蛋糕卷返屋企食。首先睇吓賣相其實都幾吸引， 因為佢主打用五層唔同嘅材料去製成，所以先吸引我想去食，但係食落口我又唔覺得太特別，佢嘅面層係抹茶朱古力造成，第二層係抹茶海棉蛋糕，中間嗰層係抹茶忌廉mousse，再入面係抹茶班Cake，最入面係抹茶芝士，但係食落口冇乜鬆軟嘅感覺，好似咬緊好厚嘅蛋卷咁，冇我想像中咁好食喎。總括而言，我覺得普普通通，反而聖安娜同埋Lady M會好食過佢。