茶軒 (菲林明道)

Open Now

Now Closed

唔係同事同我講都唔知原來好耐以前已經有茶軒既存在，味道都幾正宗，只不過之前已經汁哂。見到而家係灣仔又開番就同同事去食lunch啦~睇下係咪真係咁高質。呢到既lunch set以便當形式供應，我地兩個分別叫左超營養雞扒滷肉飯($78)同綜合滷味拼盤珍珠飯($88)。便當非常豐富，除左主食之外，仲有前菜、貢丸湯同甜點。所有野食味道都幾唔錯，而家份量非常慷慨，尤其係個雞排滷肉飯，雞排多到食唔哂d。超營養雞扒滷肉飯原來一d都唔營養，超營養雞扒其實係台灣炸雞扒滷肉飯，雞扒外皮炸至金黃色，食落唔會油淋淋，不過始終都係炸物，食完都係好有罪惡感。另外個綜合滷味拼盤set入邊有雞翼、豬大腸同牛腱，整體黎講d滷味幾入味。另外個set仲包左杯野飲，我地揀左茉香珍珠奶茶同洛神花茶。兩款飲品茶味都非常濃郁，如果個珍珠煮得再淋d就更好啦~

近著灣仔站新開一間台灣餐廳，店內裝修以簡約的木材為主，環境寬敞且樓底高，吸引了附近的上班一族，午市有數款精選飯和麵，配是日台灣小吃、是日甜品和台灣冷泡茶系列，晚市則會有一人火鍋提供。 原湯牛肉麵 - $78 清燉的牛肉原湯濃醇且無浮油，散發濃濃的牛肉芬芳，一片片厚切牛肉略帶粉嫩，肉質偏瘦但軟腍，牛肉味頗濃郁，煙韌的寬條麵好有彈性，掛滿湯汁，還有數塊紅蘿蔔，以及薑、蔥、蒜和紅辣椒等香料。 台瘋椒麻雞飯配餐湯 - $78 份量頗多的嫩滑雞腿肉，去骨啖啖肉，炸得金黃酥香不油膩，雪白的雞肉軟嫩多汁，有著鹹香酸甜的醬汁，配肥瘦兼備的滷肉飯。 黑糖珍珠奶茶 +$8 香滑的台式奶茶充滿濃厚的奶香，煙韌彈牙的珍珠吸飽香甜的黑糖，還有少少幼滑的奶泡。 茉香珍珠奶茶 +$8 這款則帶有淡淡的茉莉花香，口感較清新清爽。

灣仔要搵間好食嘅台灣嘢都唔多，呢間真係好唔錯。入邊應該裝修左冇耐，好新，好光猛，坐得好舒服。最平$68一個午餐，加$8仲有杯珍珠奶茶🧋，真係好抵食。我叫咗一個超營養雞排 配滷肉飯，嚟到先知原來係一個set仲有啲小食。有黑木耳、兩粒湯圓仲有個湯同埋貢丸。首先講個滷肉飯，非常正宗台灣口味，肥肉唔算多，滷肉汁亦非常好味。之後試吓塊雞扒，炸到脆卜卜，個皮好似食薯片咁脆，雞肉仲有少少肉汁。但最有驚喜，係嗰兩粒湯圓，有花生餡，煙煙韌韌。午餐呢個價錢仲有咁多小食，真係好抵食！跟住講下個胚芽珍珠奶茶，珍珠Standard大細，杯面加咗好多肧芽，飲落唔太甜啱啱好，仲要大大杯最後都飲唔晒！其實街舖應該租唔平，呢個價錢有呢個質素真係物超所值，而家買杯珍珠奶茶都40幾蚊，加少少錢仲有成set午餐，去邊度搵呀！

上星期在社交平台，看到名為“茶軒回歸灣仔”的視頻，剛好到灣仔開會，特別提早出門，先到茶軒吃早餐。我已養成１個習慣，未去過的餐廳，會先看 Open Rice備課，今次也不例外，但計劃趕不上變化，所有港式早餐全部下架(店員說上個月已經沒有了)，現在只供應台式早餐。就試試台式早餐：#招牌烤吐司：炸豬扒、煎蛋、芝士、厚多士的組合，最喜歡雙層芝士，可以拉絲；豬扒外脆内嫩；煎蛋無功無過；厚多士軟綿綿，好吃！#即磨咖啡：夠濃，喜歡！招牌烤吐司早餐定價38元，只比意樂餐蛋治早餐貴５元，但味道好好多！p.s. 機器故障，目前只收現金，記得帶錢。

秋風起又係打邊爐嘅時候💨 收工經過灣仔見到好多人係呢間新開台式餐廳一人一鍋 我哋都入咗去烚吓烚吓🍲一人火鍋有四款湯底選擇 包括原味牛肉湯 沙茶湯 鮮雞湯 麻辣湯 配一款主食 (麵/飯/冬粉) 送台灣冷泡茶系列 或者可以加錢轉台式特飲🧋唔同湯底有各自嘅主打食材 我哋叫咗原味牛肉湯鮮甜有牛腩🐮 沙茶湯香濃惹味 有豬肉片做主打🐷 其他standard 配料好豐富 有齊豬血糕 貢丸 鮮蝦 豆腐 金針菇 蟹棒 肉片 豆皮 粟米 菜 包你一定飽🤣 特別推介冬粉 吸滿湯底精華🥢黑糖珍珠鮮奶好細心咁另上黑糖漿 可以自行調節甜度🖤 茉香珍珠奶茶奶泡都打得好厚 珍珠彈牙⚫️除咗火鍋 餐廳都有提供其他台式飯麵 樓底高光猛企理 侍應仲好有禮貌添👏🏻

午餐.主食有包埋冷泡茶 可以加錢轉珍珠奶茶食物都幾大份 平均每人唔洗$100 價錢可接受.1) 好吃雞肉滷肉飯雞係凍食嘅 好似海南雞咗少骨多肉 肉質都幾滑 而且份量夠多滷肉飯味道不過不失另外仲配啲小食 仲有貢丸湯個蕃薯球唔錯 甜甜地.2) 原湯牛肉麵牛肉比較似牛𦟌 唔多肥膏我鍾意麵條嘅煙韌度.3) 胚芽珍珠奶茶4) 芋香珍珠奶唔記得問可唔可以少甜 兩杯有珍珠嘅飲品都比較甜胚芽珍珠奶茶好味 如果多啲胚芽會更開心芋香珍珠奶係無茶嘅 有香濃嘅芋香.餐廳裝修都幾靚 有落地玻璃 所以好光猛 又有空間感 唔會令人感覺好焗促

約咗舊同事食lunch，熟路嘅佢帶我嚟咗茶軒食，近馬路嘅地鋪有勁大嘅落地玻璃，入面係水泥牆同有啲植物裝飾，係我鍾意嘅無印風😍😍😍12點3左右去到仲有好多位，可以坐近玻璃窗隔離嘅梳化位，兩個人坐好舒適，光線充足，望真啲樓底好高，格局好大都好多位，水泥牆有啲英文字句，好文青風，不過之後都陸續有人嚟，所以都係早少少嚟好啲叫咗一人一個set lunch, 我就要牛肉麵，朋友就要椒麻雞扒飯，店舖經理推介我地飲冷泡茶，咁我地就一於試下冷泡茶用樽裝，上面印有特別字句🤣麥香烏龍飲落都真係都好濃茶味，感覺清新，雖然底部好多茶葉，但佢貼心咁將個樽口淨個茶隔，唔怕飲到茶葉，細微之處好窩心台式牛肉麵，仲有前菜同酸菜，牛肉食落好淋，一啲都唔韌，有好新鮮嘅牛味，唔係得個死咸味，湯底夠味但唔過咸，成碗麵食昺都唔會有食咗好多味精嘅口渴感朋友個椒麻雞好大份，仲要配滷肉飯好吸引，聽佢講個雞好滑，想再重啲椒麻味就點多啲汁，咁個辣味再出啲，滷肉飯亦好油香好正套餐配埋前菜同甜品，想特別推介個甜品，係糯米糍，外皮係黑糖味，入面係芝麻饀，甜甜地好香好好味，少少地兩粒做甜品，食完會想再食，如果佢加入main menu我諗我都會特別叫

之前黎過幾次貪佢地方新又舒服今日黎佢轉左新餐牌，真係食到一肚火新餐牌得4個選擇，其他就係一人火鍋試個一人火鍋，沙茶豬肉火鍋（$98）點知食食下發現無大豆片同雞蛋一問之下，個侍應回覆話：今日無大豆片下！無咩材料點解唔一早講！？咁點解我仲要俾一樣價錢？$98？仲要個火鍋本身已經唔多野，得幾片豬肉，2粒丸，2條蟹（仲要係最平果隻），一舊粟米，2舊豆腐，一隻蝦，冬粉，其他全部係菜，真係完全不能接受真係好嬲

今日中午時分同朋友去間剛新開業嘅台灣店舖食下台灣菜！裝修✌️✌️✌️✌️✌️ 以白色及木色為主，樓底超高，好有文青風格，閒時仲見到很多年青人打下卡，飲杯嘢，嘆一個下午~十分寫意！📖📘📗📕📔🎧🗞餐牌 以環保意識用水筆寫在膠片上，落錯order可即場抹改， 超級方便！價錢合理！特色台灣飲料跟餐都只係加$3抵呀👏🏼👏🏽👏🏾我們order了兩個set lunch包括三個台式小食及餐湯🤗🤗🤗🤗1️⃣ 好吃雞肉滷肉飯配青檸柚子茶💰$78＋$3🐔🍚 台式滷肉飯好好味！不咸也不淡配白飯一流，雞肉新鮮嫩滑，加埋其他配菜例如：地瓜球、肉干及醬料等・・・仲有一碗彈牙肉丸湯~好飲好夠味！2️⃣ 台鐵排骨鹵肉飯配水蜜桃紅茶💰$78＋$3🥩🍚 新鮮炸出來的排骨，外皮脆內肉軟，不會炸得太乾！味道剛剛好，飲埋杯冰凍水蜜桃紅茶大滿足呀！總結：這間新台式店鋪~無論環境、食物及舒適度都好滿意！特別係周圍環境，會令你心情放鬆不少！ 有機會再去試一試

呢間開左到依家應該食過十次以上，有人要OT嘅時候，好經常會食。份量幾好，唔太肚餓想食少少野嗰陣好鍾意去呢間次次都會叫佢嘅花雕雞麵，花雕味幾香濃麵很煙韌，樣似刀削麵口感鹽酥雞扒麵，雞扒很惹味，唔會炸得over，很好仲會點滷肉飯，雖然睇落好肥，但入口即溶，完全唔油膩台灣腸烤得啱啱好，甜甜地送飯一流👍🏻黑糖珍珠奶茶🧋黑糖好香，茶味夠，珍珠又好好咬。可惜唔係每款飯麵都可以配餐，珍珠奶茶係計原價，感覺貴左好多不過其實淨係睇飯同麵其實價錢ok環境幾靚坐得好舒服，啲枱又唔會好逼

無意之間經過一間好靚既鋪頭， 應該新開冇幾耐，入面好舒適，d 位勁舒適，好似cafe咁既裝修，老闆好有良心，因為d 位勁 闊落，唔會迫到手都打唔開，食左兩個晚餐， 一個雞扒飯 一個鹵水麵， 兩杯嘢飲 加埋160蚊， 雞扒飯餐，個餐好大份， 雞扒好脆，我一個人食唔晒，成個set 都好靚，個滷肉淡左少少，不過都好味！台灣鹵水米粉，湯夠味，同台灣米粉好夾，唯獨係羅白唔夠淋！侍應好好 比5粒星 有禮貌動作快！冷氣夠，好乾淨會再幫襯！！！

Recently on my way home after work, I have noticed there is a new Taiwanese tea place with cool decor on Fleming Road. As you pass by, you will be attracted by the contemporary style of interior design with high ceiling It’s tea time so we decided to order their toast & tea set and a snack. Food and drinks were unexpectedly yummy and nicely presented The most impressive was the excellent customer service from this waitress called Moon. She is an iphone photography expert and so willingly to shar

今日我們叫左一個牛滷味烏龍麵，牛肉麵同2杯桂圓蜂蜜綠茶。一收到張單就見到杯綠茶要收$22，原來牛肉麵不是套餐，要係張餐牌上打星的先係套餐，套餐先會包飲品。想講你打左粒星落去，粒星又咁淺色，我以為係污糟左，你又唔寫粒星代表咩，我鬼知佢係代表套餐姐。貼在玻璃上向街的餐牌是完全沒有打星的！同個女侍應講，佢話無人投訴過呢樣野，佢地係寫好哂先過膠嫁。態度惡劣又推卸責任。好明顯張牌係過咗膠先後加上去，仲要甩哂色。之後再同女收銀講，她態度極之敷衍，淨係識得話得啦得啦知啦知啦，會同公司反映。個兩碗麵的顏色都很深色，以為會很入味，但完全無諗過係滷味，蘿白都係無味，得個湯有少少味，碗麵入面嘅西蘭花好硬。而杯綠茶就都幾甜下，但半粒桂圓都見唔到，仲要好細杯，$22杯真心唔抵。$75的麵好多都好食過佢完全係唔抵食！！態度惡劣，又難食，餐牌極為誤導！

今早去到灣仔,見到一間新開茶軒,入去試去早餐,冇咩特別,不過制到真係麻麻地,人手少,叫員工幫手寫單,去點應我,人手唔夠自已劃,呢間公司檢討下,今時今日人手唔夠,出一個自動手機落單就可以。我完全唔明可以話唔同客人寫單,跟住個服務員講我公司制度是這樣,跟住唔開心地幫我落單。另外我叫牛肉,落左五香肉丁,真係古去唔到。

呢間餐廳既裝修好特別 感覺好舒服 唔似係食台灣野既餐廳應該係用左上家啲裝飾 無特別再裝修過講下佢個炸雞扒湯麵先炸雞扒個皮半脆狀態 失左少少分 但雞扒好大塊個湯好特別 類似藥材湯咁既味 好濃 好好飲麵既軟硬度亦識中 但份量可以再多啲