荷蘭糖水 (Closed)

在堅尼地城沒有幾多間甜品糖水店，因為朋友想食熱的豆腐花，我們只好走了幾條街去到荷蘭街。看見荷蘭糖水有熱的豆腐花，我們便進去了。朋友要了熱的豆腐花加湯丸，而我自己要了芝麻糊加湯丸。芝麻糊也算是滑，湯丸都幾甜，湯丸皮都幾好咬口，幾in-un。覺得都幾大碗，食完都幾飽，不過覺得好滿足。下次仲要試下個芒果糯米磁！熱豆腐花　$10 加湯丸兩粒 $5芝麻糊加湯丸 $19

剛剛又到過荷蘭糖水.點了楊枝金露味道很不錯習慣了每日放功就去買糖水!以小型糖水店黎講算不錯.而且服務幾nice!睇過下面d食評話有蟲?但係我食左差不多一年都未試過個到都幾衛生有時可能係d煲料誤睇左係蟲!呢樣我試過之後問過老闆再睇清楚發現真係係煲料咋!我都以為係蟲但係個到個老闆好好人應該唔會甘!好忙個時態度都不錯阿!

倒數完畢走去食糖水,可可店太遠,附近最近就是荷蘭糖水, 我非熟客,只間中幫襯. 客很多, 伙記忙透, 太太點了紅豆湯圓, 我點姜汁元肉湯圓,小兒睡著沒有要, 先來紅豆湯圓, 嬸嬸掉了根頭髮, 即叫換, 再來我碗姜汁元肉湯圓,比牆上照片還美, 味道不錯, 再來一口, 見湯內有雜物, 細看,有條蟲,細細的,身體呈環狀.......那位老闆(男,黑黑瘦瘦,長有鬍子,長曲髮)強調係姜皮,我將該‘雜物’陶起話係蟲, 老闆發火, 向我喝罵, 伙記抓緊失控的老闆,似想打人,簡直痴線,唯恐傷及睡著的小兒,立即離開.

國慶日睇完煙花,10點想食糖水,因為附近無選擇,唯有揀呢間.......未入到去已經見到門口企左幾個人,入面堂食o既又坐滿,等左10mins先叫到外賣,入面有3個人,兩個負責整糖水,一個負責包裝,都唔知搞咩鬼,收$又要指定一個收,3個人唔可以調亂做野o既....堂食o既人係咁吹吹吹.....外賣o既又吹吹吹......有d直頭等到唔耐煩走埋,整糖水阿姐都唔知搞咩,拎起張單睇幾廿次都未整到一碗糖水出黎.......再講呢間糖水o既味道......唔可以話好味law,最近重加埋價tim,唔係無得選擇o既,都唔會幫襯重有一次食清心丸綠豆爽,真係唔知佢搞咩,綠豆沙+清心丸.....真係有病.....

楊枝金露非常不錯, 甜味適中d西米唔會好硬, 好有口感d芒果汁同芒果都好清甜~芒果布丁都不錯, 應該係吉士粉開的而不是布丁粉雞翼略鹹

同家人吃過午飯後，還未覺飽又想吃甜點，走到荷蘭街'荷蘭糖水'開咗門，入去叫咗碗桑寄生蓮子茶，；另外，我的家人叫咗碗合桃豆腐花及紫米湯丸，味道一般，勝在不太甜。

「秘製豆腐花」加喳喳$12: 豆腐花不算是超滑的那種，但都重豆味，唔錯。喳喳不太甜，除豆外還有紫米。